Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
FOTO/ Protesta për Zvërnecin, babai i Martin Canit i bashkohet protestuesve në shesh 4 Qershor, 18:43 Mijë...
FOTO/ Protesta për Zvërnecin, babai i Martin Canit i bashkohet protestuesve në shesh 4 Qershor, 18:43 Mijë...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Diskutimet për heqjen e sanksioneve vijnë teksa Pekini po tenton të bëjë përparim në mes të një lufte tregtare me administratën e presidentit amerikan, Donald Trump.
PEKIN- Kina dhe Parlamenti Evropian (PE) janë në “fazën finale” të diskutimeve lidhur me largimin e sanksioneve ndaj ligjvënësve të tij, si pjesë e një lëvizjeje për t’i hapur derën përmirësimit të raporteve mes Pekinit dhe bllokut.
“Diskutimet me autoritetet kineze po vazhdojnë dhe janë në fazën finale”, tha për Radion Evropa e Lirë një zëdhënës i PE-së.
Presidentja e PE-së, Roberta Metsola “fillimisht do të informojë udhëheqësit e grupeve kur autoritetet kineze zyrtarisht do të konfirmojnë se sanksionet janë hequr”, shtoi zëdhënësi. “Gjithmonë ka qenë qëllimi i PE-së që sanksionet të hiqen dhe të rinisin raportet me Kinën”.
Diskutimet për heqjen e sanksioneve vijnë teksa Pekini po tenton të bëjë përparim në mes të një lufte tregtare me administratën e presidentit amerikan, Donald Trump.
Përballë një tarife prej 145 për qind të vendosur nga SHBA-ja, shtet që është tregu më i madh për eksportet e Kinës, Pekini tani po kërkon të përmirësojë raportet me Bashkimin Evropian pasi për vite të tëra kishte raporte të tensionuara me bllokun prej 27 shtetesh.
Pekini vendosi sanksionet në vitin 2021 kundër disa anëtarëve të Parlamentit Evropian, pasi Brukseli kishte përdorur masat e tij kundër zyrtarëve kinezë dhe entiteteve për shkak të shkeljeve të të drejtave të njeriut të ujgurëve dhe minoriteteve të tjera myslimane, sikurse kazakët etnikë dhe kirgizët, në provincën Shinxhang të Kinës.
Në përgjigje, PE-ja më pas ngriu ratifikimin e Marrëveshjes Gjithëpërfshirëse të Investimeve BE-Kinë, që synonte thellimin e raporteve tregtare mes dy tregjeve masive.
Një marrëveshje drejt heqjes së sanksioneve, që fillimisht u raportua nga e përditshmja gjermane Suddeutsche Zeitung, rriti spekulimet se Kina dhe BE-ja po lëvizin drejt normalizimit të raporteve, teksa të dyja palët po përballen me presion nga administrata Trump.
BE-ja dhe Kina po ashtu pritet të mbajnë një samit në Pekin në muajin korrik.
Një zyrtar i BE-së, që foli për Radion Evropa e Lirë në kushte anonimiteti, tha se “është e vërtetë që ne po punojnë në heqjen e sanksioneve”.
Megjithatë, zyrtari tha se kjo lëvizje “absolutisht nuk ka të bëjë me arritjen e ndonjë marrëveshjeje tregtare” dhe se marrëveshja paraprake tregtare me Pekinin është përballur me pengesa më 2021, para se Kina të sanksiononte eurodeputetët dhe “kjo është edhe më e vërtetë sot”.
Zyrtari i BE-së shtoi se bisedimet me Pekinin janë duke u zhvilluar që disa muaj dhe kanë nisur para tarifave të vendosura nga Trumpi, që përfshijnë edhe tarifa prej 20 për qind ndaj BE-së – edhe pse tarifat amerikane aktualisht janë të pezulluara për 90 ditë, në mënyrë që të mund të negociohen marrëveshje tregtare.
Noah Barkin, këshilltar i lartë në Grupin Rhodium, kompani këshilldhënëse, tha se Pekini po përpiqet që të përdorë heqjen e sanksioneve si një hap paraprak për forcimin e lidhjeve tregtare me Brukselin, pas disa vitesh tensione për shkak të mbështetjes së Kinës ndaj Rusisë në luftën kundër Ukrainës, si dhe për shkak të numrit rekord të hetimeve tregtare të nisura nga Komisioni Evropian ndaj kompanive kineze dhe politikave qeveritare tregtare.
Në një postim më 23 prill, Barkin shkroi se zyrtarët e BE-së i kanë thënë atij se “Kina shpreson që heqja e sanksioneve do të çojë në ringjalljen e Marrëveshjes BE-Kinë për Investime, duke dërguar një sinjal të fuqishëm për bashkëpunimin BE-Kinë në kohën kur Pekini dhe Brukseli janë nën një presion të madh nga lufta globale tregtare e nisur nga presidenti Donald Trump”.
Barkin shtoi se pavarësisht këtyre pritjeve nga Kina, ai mendon se “shanset për një riafrim të mirëfilltë mes BE-së dhe Kinës janë të vogla”.
Sanksionet e BE-së ndaj entiteteve kineze janë në fuqi dhe është e paqartë nëse Kina po planifikon t’i largojë nga lista e zezë të gjithë eurodeputetët dhe entitetet evropiane që shënjestroi më 2021, apo vetëm disa prej tyre.
Në listën e eurodeputetëve përfshihen Michael Gahler dhe Miriam Lexmann, ligjvënës nga Gjermania dhe Sllovakia, Raphael Glucksmann nga Franca, and Ilhan Kyuchyuk nga Bullgaria.
Reinhard Butikofer, ligjvënës gjerman dhe ish-udhëheqës i delegacionit për Kinën të PE-së, që atëherë është larguar nga Parlamenti Evropian.
Në listën e zezë kineze përfshihen edhe dy komitete të lidhura me BE-në, tre deputetë të parlamenteve kombëtare, Institutin Mercator për Studime mbi Kinën, Fondacionin e Aleancës për Demokracitë si dhe dy akademikë që bëjnë kërkime për Kinën dhe Shinxhangun./REL
foto ilustruese RUSI- Një oficer i lartë ushtarak i Rusisë është vrarë të premten derisa nga shpërthimi i një ...
Foto SERBI- Demonstruesit në Serbi po përpiqen për të tërhequr edhe vëmendjen ndërkombëtare. Pas grupit të &cc...
TURQI- Një tërmet me magnitudë 4.6 ballë të shkallës Rihter ka ndodhur në veriperëndim të Turqisë, sipas nj&...
KROACI- Një aksident i rëndë rrugor është regjistruar mëngjesin e sotëm në unazën e Zagrebit në Kroaci. M&eu...
foto nga mianmari MIANMAR- Autoritetet e Mianmarit kanë arrestuar një astrolog që shkaktoi panik duke parashikuar një tërmet t&eum...
Johnson ANGLI- Ish-kryeministri i Britanisë, Boris Johnson ka lëshuar kritika të ashpra ndaj propozimeve të paqes të Donald Trump ...
Von der Leyen RUSI- Komisioni Evropian pritet të paraqesë plane për eliminimin gradual të importeve të lëndëve djeg...
Roger Mahony VATIKAN- Prania e kardinalit Roger Mahony në grupin e personave që do të mbyllë arkivolin e Papa Fran&cced...
foto ilustruese KALIFORNI- Ekonomia e Kalifornisë ka kaluar atë të vendit të Japonisë, duke e bërë shtetin amerikan forc...
foto ilustruese UKRAINË- Të paktën tre njerëz, përfshirë një fëmijë, janë vrarë dhe ...
