Protesta për Zvërnecin/ Protestuesit çajnë kordonin metalik, policia i sulmon me ujë. Tubimi shpërndahet në gjithë Tiranën
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
“Ka forca në Shqipëri dhe jashtë që janë kundër”/ Rama: Të rreshtohesh me PS, do të thot&eum...
"Shqipëria është e shqiptarëve"/ Qytetarët mbushin rrugët e Tiranës, kërkojnë anulimin e pr...
Komanda ushtarake lindore e Ukrainës tha se kishte urdhëruar tërheqjen nga qyteti me rëndësi strategjike për të shmangur rrethimin nga trupat ruse dhe për të “ruajtur personelin dhe pajisjet ushtarake”.
RUSI- Trupat ruse duket se kanë marrë nën kontroll qytetin lindor të Ukrainës, Vuhledar, i ndodhur në majë të një kodre me rëndësi taktike. Forcat ukrainase u kishin rezistuar sulmeve intensive në Vuhledar që kur Rusia nisi agresionin e saj në vitin 2022. Përparimi i forcave të Moskës, të cilat kontrollojnë rreth një të pestën e Ukrainës, ka nënvizuar epërsinë e madhe të Rusisë në njerëz dhe pajisje, ndërsa Ukraina kërkon më shumë armë nga aleatët perëndimorë. Analistët megjithatë thonë se humbja e një beteje nuk nënkupton që Ukraina nuk do të jetë në gjendje të fitojë luftën.
Komanda ushtarake lindore e Ukrainës tha se kishte urdhëruar tërheqjen nga qyteti me rëndësi strategjike për të shmangur rrethimin nga trupat ruse dhe për të “ruajtur personelin dhe pajisjet ushtarake”.
“Ne po bëjmë të gjitha përpjekjet për të siguruar tërheqjen taktike të këmbësorisë, por po përballemi me sulme të vazhdueshme. Situata është jashtëzakonisht e vështirë”, thotë Andriy Nazarenko Komandanti i Batalionit të Dronëve të Brigadës së 72-të Mekanike të ushtrisë ukrainase.
Ministria ruse e mbrojtjes nuk e përmendi Vuhledarin në raportin e saj të përditshëm të fushëbetejës. Kanalet ruse në aplikacionin Telegram publikuan video të trupave duke valëvitur flamurin rus mbi ndërtesat e shkatërruara.
Qyteti, i cili kishte një popullsi prej mbi 14,000 banorësh para luftës, me ndërtesa banimi të epokës sovjetike, është shkatërruar.
Asnjëra palë nuk konfirmon humbje dhe të dy shtetet zakonisht thonë se pala kundërshtare kishte paguar një çmim të lartë njerëzor në betejën për qytetin.
“Tërheqja nuk është çështje ditësh apo javësh, por çështje orësh. Tërheqja do të ndodhë së shpejti pasi ukrainasit nuk do të mund ta mbajnë Vuhledarin në këto rrethana”, tha Oleksander Kovalenko, analist ushtarak.
Gazeta ‘Moskovsky Komsomolets’ njoftoi më pas se forcat e fundit ukrainase e kishin braktisur qytetin të martën në mbrëmje.
Presidenti Vladimir Putin ka thënë se qëllimi kryesor taktik i Rusisë është të marrë nën kontroll të gjithë rajonin e Donbasit duke përfshirë provincat Donetsk dhe Luhansk në Ukrainën juglindore.
Rusia kontrollon rreth 80% të Donbasit.
Pavarësisht humbjes së Vuhledarit, zëvendësdrejtoresha e programit për Rusinë në organizatën britanike ‘Chatham House’, Orysia Lutsevich thotë se avancimi rus në fushëbetejë është shumë i ngadalshëm dhe se Ukrainasit gjithashtu kanë shënuar një sukses të madh kur morën nën kontroll mbi 1 mijë kilometra katror të territorit rus Kursk.
“Një betejë e humbur nuk do të thotë se lufta është e humbur/ Ukrainasit kanë marrë një pjesë të madhe të territorit rus nën kontroll. Është e vërtetë që kjo nuk ka ndikuar për ndryshimin e gjendjes në rajonin e Donbasit, por kjo mund të ketë ndaluar përparimin e trupave ruse në rajonin Sumy. Duhet ta shohim situatën në përgjithësi, jo vetëm nga këndvështrimi i një pjese të frontit”, thotë zonja Lutsevich.
Ajo shton se Kremlini, i cili e ka injoruar inkursionin ukrainas brenda Rusisë, do ta shfrytëzojë kapjen e Vuhledarit për të rritur moralin brenda vendit si dhe për të shtuar dezinformimin.
“Ne padyshim do të shohim një rritje të dezinformimit rus drejt perëndimit. Ata do të thonë ‘shihni ndihma ushtarake perëndimore është e kotë pasi Rusia megjithatë po fiton’. Mendoj se vështirësia me të cilën përballet Ukraina është ndihma perëndimore që po vjen me vonesë siç e shohim edhe me kërkesën e ukrainasve për t’u lejuar të kryejnë sulme me armë me rreze të gjatë”, thotë analistja Orysia Lutsevich.
Kontrolli mbi Vuhledarin, i cili shtrihet në kryqëzimin e fushëbetejës lindore dhe jugore megjithatë është i rëndësishëm për faktin se gjendet pranë një linje hekurudhore që lidh Gadishullin e Krimesë tanimë të pushtuar me rajonin e Donbasit.
OPERACIONI I VRULLSHËM RUS QË MORI VUHLEDAR-IN
Që kur Rusia dërgoi ushtrinë e saj në Ukrainë në shkurt të vitit 2022, lufta kryesisht është bërë përmes goditjeve të artilerisë dhe dronëve përgjatë një fronti shumë të fortifikuar prej 1000 km.
Por në muajin gusht, fushëbeteja u bë shumë më dinamike: Ukraina shpërtheu kufirin rus në rajonin Kursk duke marrë nën kontroll një pjesë të territorit të Rusisë. Trupat ruse në anën tjetër filluan të përparojnë më shpejt se më parë në Ukrainën lindore.
Forcat ruse kanë përparuar drejt perëndimit në pika kyçe përgjatë rreth 150 kilometrave të frontit në rajonin e Donetsk-ut.
Rusia ka përdorur taktika për të kapur dhe më pas shtrënguar bastionet ukrainase. Pamjet nga zona treguan bombardime intensive të qytetit me artileri dhe bomba.
Kontrolli i Vuhledarit, i cili shtrihet në kryqëzimin e fushëbetejës lindore dhe jugore, është i rëndësishëm sepse do të lehtësojë përparimin e Rusisë ndërsa përpiqet të depërtojë më thellë pas linjave mbrojtëse të Ukrainës.
Blogerët rusë thanë se Rusia tani mund të përpiqet të përparojë drejt Velyka Novosilkas, mbi 30 km më në perëndim.
Forcat ruse aktualisht kontrollojnë 98.5% të rajonit të Luhanskut dhe 60% të rajonit të Donetskut./VOA
Foto ilustruese IRAN- Çmimet e naftës së papërpunuar u rritën pasi Irani lëshoi rreth 200 raketa balistike në Izrael...
pamje nga vendngjarja SHBA- Një ngjarje e rëndë ka ndodhur në SHBA, ku si pasojë ka humbur jetën një 7-vjeçare.&n...
GJERMANI- Gjermania thotë se vendimi i Izraelit për t’ia ndaluar hyrjen sekretarit të përgjithshëm të Kombeve të Bash...
Salome Zurabishvili GJEORGJI- Presidentja e Gjeorgjisë, Salome Zurabishvili, nuk ka pranuar ta nënshkruajë një projektligj të mira...
Foto ilustruese KOSOVË- Në kulmin e pandemisë COVID-19, në vitet 2020 dhe 2021, ilaçi Remdesivir vështirë mund të...
fotot ilustruese NIGERI- Të paktën 150 persona janë zhdukur pasi një anije me pasagjerë u përmbyt në rajonin Niger t&eum...
Presidenti i Gjermanisë, Frank-Walter Steinmeier, pret në takim presidenten e Kosovës, Vjosa Osmani, në Berlin, më 2 tetor 2024. G...
Giorgia Meloni ITALIA- Kryeministrja italiane Giorgia Meloni do të mbajë takim virtual me liderët e G7-s të mërkurë...
Antonio Guterres LINDJE E MESME- Sekretari i Përgjithshëm i Kombeve të Bashkuara, Antonio Guterres wshtw shpallur non grata nga Izraeli.&nbs...
Foto ilustruese LINDJE E MESME- Gjatë një sesioni të jashtëzakonshëm të Këshillit të Sigurimit tëOKB-s&eu...
