Dita e 24-të e protestës/ Qytetarët vijojnë rezistencën në shesh: Kryeministri të dorëhiqet
“Vij enkas nga Amerika!”/ Protestuesi: Duhen përzënë pushtetarët e 35 vitetve te shkuara që kanë ...
“Vij enkas nga Amerika!”/ Protestuesi: Duhen përzënë pushtetarët e 35 vitetve te shkuara që kanë ...
Dokumenti hedh poshtë deklaratat e Ramës/ Ja vërtetimi i lëshuar nga Qeveria e Kosovës që vërteton Dritan Gox...
"Sillet si padrino i Shqipërisë"/ Berisha komenton deklaratat e Ramës për protestuesit: Sharja e tij shokuese, urrejtje pa k...
"Si thoshin derrat e knaqun migjenianë...nuk ka lidhje Irani ë?/ Reagon Rama pas publikimi të pesë kërkesave: Kur prote...
Punonjësit lëvizin vrullshëm me biçikletat shumëngjyrëshe të kompanisë teknologjike. Kudo ka stenda dhe shfaqje anësore.
Kompleksi i amfiteatrit ku Google organizon konferencën e saj vjetore për zhvilluesit e software të ngjan më shumë me një panair sesa me një event teknologjik elegant. Në zonë janë parkuar automjete kampingu. Punonjësit lëvizin vrullshëm me biçikletat shumëngjyrëshe të kompanisë teknologjike. Kudo ka stenda dhe shfaqje anësore.
Në skenë, Sundar Pichai, drejtuesi i kompanisë, bën një shaka të lehtë për çipat e mbingarkuar të Google, të njohur si TPU, duke thënë se po “bien për të fjetur nga teraflops-at” (shakaja lidhet me faktin që çipat e Google po punojnë aq shumë sa “bien në shtrat” të lodhur nga llogaritjet).
Kur bëhet fjalë për Inteligjencën Artificiale, Google e ka lënë prej kohësh në hije krijuesin e iPhone, modelet e saj do të fuqizojnë shumë prej funksioneve të ardhshme të IA-së së Apple. Dhe tani duket se mund t’i rrëmbejë edhe OpenAI, krijueses së ChatGPT, fronin e IA-së për konsumatorët.
Më 19 maj, Google prezantoi një linjë të re agjentësh të IA-së, të fuqizuar nga modeli i saj më i fundit Gemini 3.5 Flash. Kjo përfshinte mjete për programim që rivalizojnë ato të OpenAI dhe Anthropic, por edhe agjentë të projektuar për të kryer detyra të ndryshme për përdoruesit e zakonshëm në jetën e përditshme.
Disa prej tyre do të shfaqen në aplikacionin Gemini, që përdoret nga 900 milionë njerëz çdo muaj. Të tjerë do të integrohen drejtpërdrejt në Google Search, që përdoret nga më shumë se 3 miliardë persona. Me pak fjalë, kompania po sjell agjentët e IA-së drejt masave.
Siç ndodh shpesh në Silicon Valley, shembujt që drejtuesit përdorën në skenë ngritën jo pak pikëpyetje. Sa shpesh do t’i duhej dikujt një agjent IA-je për të krijuar një prezantim për një festë fëmijësh me kështjella me ajër? Megjithatë, mjetet e prezantuara tregojnë potencial.
Një agjent i quajtur Gemini Spark do të mund të kontrollojë email-et ose të organizojë udhëtime në grup edhe pasi përdoruesi të ketë mbyllur laptopin apo të ketë lënë telefonin. Ndërkohë, “agjentët e informacionit” në Google Search do të jenë në gjendje të ndjekin turne sportive, ulje çmimesh në dyqane apo lëvizjet e bursës.
E gjithë kjo duket veçanërisht shqetësuese për OpenAI, që deri tani ka qenë lider në IA-në për konsumatorët. Pak pasi Google prezantoi familjen Gemini 3 të modeleve në nëntor, Sam Altman, drejtuesi i OpenAI, shpalli një “Code Red” për të nxitur punonjësit të përshpejtonin përmirësimet e ChatGPT.
Që atëherë, fokusi i laboratorit është zhvendosur drejt agjentit të tij për programim.
Por publikimi i Gemini 3.5 Flash, që Google thotë se është katër herë më i shpejtë se modelet e tjera më të avancuara, si dhe paketa e re e agjentëve, ka të ngjarë të ngrejë pyetje të reja mbi drejtimin që po merr chatbot-i kryesor i OpenAI.
Investitorët janë qartazi optimistë për perspektivën e Google. Vlera në treg e Alphabet, kompania mëmë e saj, ndodhet tashmë shumë pranë 5 trilionë dollarëve, pasi kaloi 4 trilionë dollarë vetëm në janar (shih grafikun).
Megjithatë, suksesi i Google në IA po krijon edhe probleme. Sipas Pichai, numri i “tokens” (njësitë bazë që përdorin modelet e Inteligjencës Artificiale për të lexuar dhe prodhuar tekst), matësi i preferuar i Silicon Valley për përdorimin e IA-së, i konsumuar nga shërbimet e saj është rritur në 3.2 kuadrilionë në muaj, nga 480 trilionë një vit më parë.
Çdo “token” kërkon fuqi kompjuterike dhe për rrjedhojë para për t’u gjeneruar, ndaj shpenzimet kapitale të Google këtë vit do të arrijnë deri në 190 miliardë dollarë, gjashtë herë më shumë se katër vite më parë.
Për më tepër, këto para nuk vlejnë më sa dikur, sepse gjithçka, nga çipat tek energjia, është bërë më e shtrenjtë. Edhe për Google, ka kufij se sa mund të shpenzojë.
Ka disa zgjidhje të mundshme. Njëra është ulja e kostos për “token” duke e bërë teknologjinë më efikase, gjë që Google me siguri do ta bëjë. Një tjetër është vendosja e kufizimeve për përdorimin e IA-së.
Kufizime të tilla nuk u njoftuan gjatë eventit, por abonentët e Gemini u njoftuan më pas se ato do të zbatoheshin, megjithëse me kufij më të lartë se për përdoruesit joabonentë, sipas Richard Windsor nga Radio Free Mobile, një kompani kërkimore. Kufizimet e përdorimit mund të nxisin gjithashtu më shumë njerëz të paguajnë për abonim.
Një zgjidhje e tretë është mbështetja më e madhe te reklamat. Google beson se detajet më të shumta në pyetjet e IA-së do të jenë tërheqëse për reklamuesit.
Edhe pse kompania nuk ka integruar ende reklama në aplikacionin Gemini, ajo ka filluar t’i ndërthurë ato në përgjigjet me IA që jep shërbimi i kërkimit dhe së shpejti do të shtojë edhe shpjegime produktesh të gjeneruara nga IA pranë reklamave.
Pichai vuri në dukje gjatë konferencës se disa kompani “po konsumojnë tashmë të gjithë buxhetin vjetor të ‘tokens’ dhe jemi vetëm në maj”.
Konsumatorët nuk po e shtyjnë përdorimin në të njëjtën masë. Por sa më shumë të përdorin agjentët, aq më shumë kompanitë e IA-së do të duhet të gjejnë mënyra të reja për të fituar para prej tyre./ The Economist
Donald Trump SHBA- Presidenti i SHBA Donald Trump, ka lëshuar një paralajmërim të ri të ashpër ndaj Iranit, duke i k&eum...
Foto Ilustruese IZRAEL- Trupat izraelite që operojnë në jug të Libanit janë të lirë të ndërmarrin veprime p&eu...
RUSI- Katër persona janë vrarë dhe 28 janë plagosur nga sulmet ukrainase me dronë në Gadishullin e Krimesë që ko...
Keir Starmer BRITANI E MADHE- Kryeministri britanik Keir Starmer pritet të njoftojë të hënën se do të japë dor&e...
Donald Trump SHBA- Presidenti Donald Trump ka zbuluar një Air Force One të ri, një Boeing 747 të konvertuar që më par&eu...
J.D. Vance ZVICËR- Zëvendëspresidenti i SHBA-së, J.D. Vance, mbërriti sot në Zvicër, ku pritet t&eu...
Foto ilustruese KONGO- Numri i rasteve të konfirmuara në laborator të epidemisë së virusit Ebola në ...
RUSI- Në juglindje të Rusisë, biznesi i Daniilit për dhënien me qira të motobarkave ka hasur në telashe. Kufizimet në ...
ZVICËR- Delegacione nga SHBA-ja dhe Irani do të jenë në vendpushimin malor zviceran Bürgenstock. Zëvendëspresidenti i ...
foo ilustruese SHBA- Shtabi i Përbashkët i Forcave të Armatosura iraniane njoftuan ribllokimin e Ngushticës strategjike të Ho...
