Dita e 24-të e protestës/ Qytetarët vijojnë rezistencën në shesh: Kryeministri të dorëhiqet
Dita e 24 e protestës/ Nis organizimi në sheshin “Skënderbej”, kërkohet dorëheqja e kryeministrit Rama 23 ...
Dita e 24 e protestës/ Nis organizimi në sheshin “Skënderbej”, kërkohet dorëheqja e kryeministrit Rama 23 ...
Dokumenti hedh poshtë deklaratat e Ramës/ Ja vërtetimi i lëshuar nga Qeveria e Kosovës që vërteton Dritan Gox...
"Sillet si padrino i Shqipërisë"/ Berisha komenton deklaratat e Ramës për protestuesit: Sharja e tij shokuese, urrejtje pa k...
"Si thoshin derrat e knaqun migjenianë...nuk ka lidhje Irani ë?/ Reagon Rama pas publikimi të pesë kërkesave: Kur prote...
Nga kjo bisedë thonë burimet pranë prokurorisë së posaçme SPAK, kuptohet që fillimisht lekët e fituara nga trafiku i kokainës, u planifikuan të shkriheshin dhe ligjëroheshin pikërisht përmes tregtisë së marketeve.
Zbardhet detaje të reja nga dosja hetimore e prokurorisë së posaçme SPAK, ku emra të njohur të botës së krimit ndërkombëtar të trafikut të kokainës, si Eldi Dizdari alias Matoshi, Dritan Gjika, Shpëtim Aliu, Armando Pecani dhe të tjerë u shpallën në kërkim nga Policia e Shtetit.
Mes shumë bisedave të akumuluara përmes aplikacionit “Sky”, SPAK ka zbuluar se fillimisht vëllezërit Shpëtim alias Salvatore Aliu dhe Isa Aliu, u përqëndruan tek biznesi i supermarketeve “Road Hause” me qëllim pastrimin e parave të fituara nga trafiku i drogës.
Ata ngrenë një zinxhir marketesh por puna nuk ka ecur siç ishte parashikur, ndaj në një bisedë të zhvilluar në aplikacionin “Sky”, mësohet se Shpëtim Aliu bisedon me Isa Aliun, duke i thënë këtij të fundit se: “...me marketet më humbe 3 milion euro, futju ndërtimit...”.
Nga kjo bisedë thonë burimet pranë prokurorisë së posaçme SPAK, kuptohet që fillimisht lekët e fituara nga trafiku i kokainës, u planifikuan të shkriheshin dhe ligjëroheshin pikërisht përmes tregtisë së marketeve.
Por shumë shpejt vëllezërit, Aliu, kuptuan se kjo punë sillte humbje të mëdha që në përllogaritjet e tyre kishte shkuar në 3 milion euro.
Ndaj Shpëtim Aliu, sipas bisedave në “Sky” orienton vëllain e tij Isa Aliu, që ti futet ndërtimit pasi aty ka më shumë interes dhe fitime.
“...tani jemi në nivele të rënda...”-i shkruan Shpëtim Aliu, vëllait të tij, Isa Aliu. Ky i fundit mësohet se nuk përzihej fare me punët e trafikut të kokainës, por ishte personi “kyç” për pastrimin e parave në Shqipëri të fituara nga trafiku i drogës.
Sipas dosjes hetimore të SPAK, bashkëpunëtorë të Salvatore Aliut, i dorëzojnë vällait të tij, Isa Aliut para “cash” në Shqipëri, të cilat janë pagesa që duhet t' i bejnë Salvatores për kokainën e trafikuar.
Të dhënat e përftuara nga komunikimt telefonike, mësojnë se i hetuari Isa Aliu është personi i cili administron dhe pastron paratë e drogës për llogari të Salvatores.
I hetuari Isa Aliu, e njofton vëllaine tij, Salvatoren, për sasitë e parave të dorzuara nga persona të ndryshëm dhe mban të shënuara llogaritë e tyre.
Mësohet se vetëm për periudhën Gusht-Nëntor 2020, i hetuari Isa Aliu dokumentohet se ka marrë minimalisht në Shqipëri përafërsisht mbi 30 milion euro “cash”, para të fituara nga trafiku i kokainës i vllait të tij, të hetuarit Salvatore Aliu.
Në datën 30 Gusht 2020, Isa Aliu informon të hetuarin Salvatore se ka gjëndje 6 milion euro “cash”. Në datën 15 shtator 2020 e informon se ka 9 milion e 800 mijë eure.
Në 13 shtator 2020, Salvatore Aliu, i konfirmon vëllait, Isait, se në vijim do të marrë edhe 20 milionë të tjera. Ndërkohë në datën 16 shtator 2020, Isa Aliu, i dërgon me foto të gjitha shënimet e tij për dorzimet e lekëve nga lidhjet e Salvatore Aliut.
Salvatore dhe Isa Aliu identifikohen të diskutojnë edhe për të lehtësuar disponimin e parave “cash”, ku ndër të tjera mendojnë të blejnë lingota ari, të cilave nuk u ikën vlera për një kohë të gjatë.
Në vijimësi, i hetuari Salvatore Aliu e orienton të hetuarin Isa Aliun për mënyra të ndryshme të fshehjes së parave, duke i groposur në fuçi 50 litrash, apo edhe duke blerë apartamente të posaçme, me qëllim për ti fshehur në brëndësi të ndarjeve të ambienteve që mund të bëhen nëpër apartamente.
Salvatore Aliu, është i shqetësuar për fshehjen e mirë të parave “cash”, duke i treguar të vëllait gë duhet të jenë të kujdesshëm, pasi mund t'u ndodhë ndonjë surprizë edhe nga autoritetet shtetërore.
Ndërkohë nga bisedat e zhvilluara më 7 qershor të vitit 2020 mes Salvatore Aliut dhe nipit të tij Oklid Aliu alias El Ouejdi, i njohur si "Kiçi i Elbasanit" dhe një personi të paidentifikuar, komentohet për kapjen e një ngarkese me kokainë të ndodhur më 6 qershor në Roterdam të Holandës.
Bashkëbiseduesit flasin me njëri-tjetrin duke bërë me dije se në operacion për goditjen e ngarkesave me kokainë ishte përfshirë dhe “DEA” Amerikane dhe se duhej të mos flisnin me askënd lidhur me këtë çështje.
“...E pe kët? Ok la mos fol me njeri për kët punë që jam kap se paska hy edhe “DEA”. Kam lidh të dyja punët, keq situata, Amerika, edhe këtu edhe atje. Mos fol me njerëz, duhet me e mohu, s’është e jona...”- ka shkruar Oklid El Ouejdi.
Ndërsa më pas komentohet edhe një tjetër ngarkesë e kapur në Holandë brenda të njëjtës ditë.
Nga konteksti i bisedës mësohet se i hetuari Salvatore Aliu, u kërkon disa personave, që nga konteksi rezulton të jenë pjesë e grupit kriminal që drejton Slavatore Aliu, një ndër të cilët nipi i tij, i hetuari Oklid ElQuejdi, të paguajnë dëmin financiar e shkaktuar nga kapja e lëndës narkotike.
“...lene mos e pyt, po tani çfarë me bë? Me vra veten. Dy pun me ik brenda ditës. Po ça ti bësh, kur s’do s’do. 5.2 duhet të japim”- thuhet mes të tjerash në bisedën e zhvilluar në aplikacionin “Sky”./SYRI.net
Foto ilustruse TIRANË- Veteranët e UÇK-së i kanë bërë thirrje protestuesve në Tiranë që të mo...
Viktima TIRANË- Trupi i gjetur disa ditë më parë në territorin e fshatit Cerrujë, lagjia Domush, i përket t&eu...
Foto ilustruese ELBASAN- Një ngjarje e rëndë është regjistruar në fshatin Karkavec, në Prrenjas ku një 69-vje&ccedi...
Ylli Zalla TIRANË- Policia ka dhënë detaje lidhur me operacion në fshatin Zallë, për kapjen e të shumëkërkuari...
Ylli Zalla TIRANË- Policia e Tiranës së bashku me forcat RENEA kanë zhvilluar një tjetër operacion në fshatin Zall&...
Pamje FIER- Banorët e lagjes Koçiaj në Varibop kanë ngritur zërin në formë proteste për pakënaqësit&eum...
Pamje KRUJË- Një operacion policor është zhvilluar në Krujë për parandalimin dhe goditjen e kultivimit të bim&...
Pamje FIER- Një aksident është regjistruar mesditën e sotme në autostradën Fier-Vlorë, shumë pranë fshatit Mif...
Foto ilustruese ELBASAN- Një ngjarje e rëndë ka troinditur ditën e sotme qytetin e Elbasanit ku një 69-vjeçar ka lyer me be...
Foto ilustruese DURRËS- Një 41-vjeçar ka rënë në prangat e policisë pasi është akuzuar për tentativ&eum...
