Dita e 24-të e protestës/ Qytetarët vijojnë rezistencën në shesh: Kryeministri të dorëhiqet
Dita e 24 e protestës/ Nis organizimi në sheshin “Skënderbej”, kërkohet dorëheqja e kryeministrit Rama 23 ...
Dita e 24 e protestës/ Nis organizimi në sheshin “Skënderbej”, kërkohet dorëheqja e kryeministrit Rama 23 ...
Dokumenti hedh poshtë deklaratat e Ramës/ Ja vërtetimi i lëshuar nga Qeveria e Kosovës që vërteton Dritan Gox...
"Sillet si padrino i Shqipërisë"/ Berisha komenton deklaratat e Ramës për protestuesit: Sharja e tij shokuese, urrejtje pa k...
"Si thoshin derrat e knaqun migjenianë...nuk ka lidhje Irani ë?/ Reagon Rama pas publikimi të pesë kërkesave: Kur prote...
Në sheshin “Skënderbej”, ka nisur grumbullimi i tyre, ndërsa pritet që të marshojnë drejt Kryeministrisë ku dhe do të zhvillojnë fjalimet e tyre. Me pankarta në duar dhe flamuj kuqezi, ata kanë bërë thirrje për ndryshim. Përmes këtyre protestave, ata kanë kërkuar anulimin e projektit të Zvërnecit dhe dorëheqjen e kryeministrit Edi Rama.
11 artikuj për këtë temë.
TIRANË- Një minator i cili ka marrë pjesë në protestën e ditës së sotme ka deklaruar se puna e minatorit nuk vlerësohet nga qeveria. Gjatë fjalës së tij para Kryeministrisë ai tha se uhet të jepet llogari për vjedhjet e bëra nga pushtetarët.
Ai tha se minatorët përballen sot me pensione të ulëta dhe mungesë vlerësimi nga institucionet.
“Puna është e pavlerësuar. Zonja Balluku, ke vjedhur sa nuk ka më. Ku janë paratë e popullit? Jemi katër vëllezër, kemi 100 vite punë bashkë në nëntokë, sot nuk marrim bashkë as 1 mijë euro. Duhet të jepet llogari për vjedhjet e bëra. Sot përballen me pensione të ulëta dhe mungesë vlerësimi nga institucionet”, tha ai./Dosja.al
TIRANË- Një qytetar ka deklaruar se më 4 korrik e gjithë diaspora zbarkon në Tiranë, në mbështëtje të protestës. Qindra mijëra qytetarë ndodhen para Kryeministrisë, ku po zhvillojnë fjalimet e tyre.
“Kam një njoftim. Qëndrestarët dolën me disa pika. Kemi marrë shumë mesazhe nga diaspora dhe më datë 4 korrik e gjithë diaspora do të jetë këtu”, tha një nga folësit gjatë protestës./Dosja.al
TIRANË- I riu Erlis Sina, një prej pjesëmarrësve në tubim, nuk ka hezituar t’i kundërpërgjigjet kreut të qeverisë, duke theksuar se shqiptarët janë të bashkuar në qëllimin e tyre deri në largimin e tij nga pushteti.
Sipas Sinës, Kryeministri do të japë llogari për çdo qindarkë të vjedhur. Ai u shpreh se, Rama ka 24 ditë që mundohet të përçajë turmën duke i etiketuar sipas identiteteve të ndryshme.
“Nuk mund të jem mik i Ramës sepse ka tradhtuar Shqipërinë dhe shqiptarët. Edi Rama nuk jam si ti. 24 ditë je munduar të na përçash, je munduar të na etiketosh, si të çamëve, të grekëve apo të PD. Ne jemi të gjithë shqiptarë. Për ne Shqipëria është e para. Unë jam me këtë shesh të gjithë plotë. T’i je i vetëm. Dhe kështu i vetëm do largohesh nga ajo zyrë dhe do shkosh në burg…Bëhuni bashkë, lërini përkatësitë partiake, sot ka ardhur dita të largojmë Ramës.”, ai./Dosja.al
TIRANË- Aktivisti Edison Lika ka deklaruar ditën e sotme se kryeministri Rama është marrë personalisht me secilin prej protestuesve. Gjatë fjalës së tij para Kryeministrisë, Lika tha se dorëheqja e tij është pika e parë e kërkesave të tyre.
Aktivisti lexoi edhe një herë kërkesat, të cilat përfshijnë krijimin e një qeverie teknike dhe ndryshimin e Kodit Zgjedhor.
Edison Lika: Meqë kjo deklaratë frikësoi kryeministrin, që u mor personalisht me secilin prej nesh Do e bëjmë të udhës ta lexojmë çdo ditë dhe t’ja bëjmë të ditur pse jemi për 24 ditësh në shesh. Kjo deklaratë sqaron gjithë bashkombasit tanë. Kjo protestë mbarëpopullore kërkon sa më poshtë:
Dorëheqjen e panegociueshme të kryeministrit dhe të qeverisë.
Krijimin e një qeverie teknike tranzitore, jopartiake dhe me mandat 12-mujor.
Ndryshime kushtetuese, ku të gjithë shtetasit shqiptarë të jenë të barabartë para ligjit, si dhe miratimin e tyre me referendum popullor, duke përfshirë ndër të tjera ndryshimin e Kodit Zgjedhor, ndryshimin e ligjit për financimin e partive politike dhe organizatave të ndryshme, kufizimin e ushtrimit të detyrës së kryeministrit në jo më shumë se dy mandate, të plota ose të pjesshme, gjatë gjithë jetës politike të një individi.
Paralelisht, ne nuk heqim dorë nga kërkesat fillestare: anulimin e ndryshimeve të bëra në ligjin për zonat e mbrojtura, anulimin e ndryshimeve të bëra në ligjin për trashëgiminë kulturore, shfuqizimin e Paketës së Maleve, si dhe shfuqizimin e statusit dhe të kuadrit ligjor për investimet strategjike.
Një kontratë të re sociale mes qytetarëve dhe shtetit, e cila do të përpilohet pas konsultimit me intelektualë, ekspertë teknikë dhe qytetarë apartiakë, të propozuar nga sheshi i protestës./Dosja.al
TIRANË – Pas reagimit të kryeministrit Edi Rama ndaj Dritan Goxhajt, figurës që artikuloi kërkesat e protestës së një dite më parë, qytetarët janë rikthyer sërish para Kryeministrisë.
Sot protestuesit kanë zgjedhur të rilexojnë publikisht platformën e tyre, duke nënvizuar se vëmendja e publikut duhet të mbetet te përmbajtja e kërkesave dhe jo te sulmet ndaj individëve.
Qytetarët ka rikonfirmuar pikat kryesore të axhendës, të cilat sipas tyre janë thelbësore për ndryshimin e kursit të vendit./Dosja.al
TIRANË- Qindra mijëra qytetarë janë mbledhur para Kryeministrisë dhe kanë nisur fjalimet e tyre. Me pankarta në duar dhe flamuj kuqezi ata kanë bërë thirrje për ndryshim. Edhe sot qytetarët kanë përsëritur kërkesat e protestës.
E para në listë është dorëheqja e kryeministrit Rama, ndërsa ndiqen nga kërkesa për krijimin e një qeverie teknike. Ata kërkojnë gjithashtu ndryshime kushtetuese dhe ligjore, që përfshijnë rregulla të reja për financimin e partive politike dhe kufizimin e mandatit të kryeministrit.
Kërkesat
Dorëheqjen e kryeministrit Edi Rama.
Krijimin e një qeverie teknike me mandat 12-mujor.
Ndryshime kushtetuese dhe ligjore, që përfshijnë:
Reformimin e Kodit Zgjedhor;
Rregulla të reja për financimin e partive politike;
Kufizimin e mandatit të kryeministrit në maksimum dy mandate.
Anulimin e politikave dhe ligjeve që, sipas protestuesve, dëmtojnë interesin publik, përfshirë:
Zonat e mbrojtura;
Trashëgiminë kulturore;
Paketën e Maleve;
Statusin e investitorëve strategjikë.
Hartimin e një kontrate të re sociale mes qeverisë dhe qytetarëve./Dosja.al
TIRANË- Protestuesit janë zhvendosur para Kryeministrisë, ndërsa gjatë marshimit të tyre kanë bërë thirrje për dorëheqjen e kryeministrit Edi Rama.
Ata kanë nisur fjalimet e tyre para godinës qeveritare, ndërsa qindra mijëra qytetarë kanë mbushur bulevardin. Me pankarta në duar dhe flamuj kuqezi ata kanë bërë thirrje për ndryshim./Dosja.al
TIRANË- Qytetarët kanë nisur marshimin para Kryeministrisë. Me pankarta në duar dhe flamuj kuqezi, ata kanë bërë thirrje për ndryshim. Pritet që ata të nisin fjalimet e tyre para godinës qeveritare.
TIRANË- Një qytetar i cili ka marrë pjesë në protestën e sotme ka deklaruar se duhet të shfuqizohet ligji për zonat e mbrojtura. Gjatë një prononcimi për mediat ai tha se duhet të këtë më shumë drejtësi në vend dhe të kërkohet shkarkimi i një ministri që akuzohet për korrupson.
“Të shfuqizohet ligji për zonat e mbrojtura. Të ketë më shumë drejtësi. Kur prokuroria kërkon shkarkimin e një ministri e një politikani, zyrtari shtetëror për korrupsion të shkarkohet dhe hetohet nga drejtësia…”, tha ai./Dosja.al
TIRANË- Një qytetar i cili ka marrë pjesë në protestën e sotme ka deklaruar se ka ardhur enkas nga Amerika, për t'ju bashkuar tubimit. Gjatë një prononcimi për mediat, ai tha se duhet të largohen pushtetarët e 35 vitetve te shkuara që kanë vjedhur këtë vend.
Qytetari tha se kryeministri Rama duhet të dorëhiqet dhe populli të ketë zgjedhje të lira. Në fund, ai tha se qeveria e tij dhe të Berishës, Metës, Veliaj kanë vërtetuar interesin e kujt kanë.
Protestuesi: Kam ardhur nga Peshkopia, Dibra, jetoj në SHBA përtej 18 vjetësh. Kam ardhur vetëm si qytetar. Për ti përzënë pushtetarët e 35 vitetve te shkuara që kanë vjedhur këtë vend. Sot në FT e ka sharë popullin dje Taulant Balla dhe kryeministri kanë thënë që kanë një problem me atë që lexoi deklaratën më të rëndësishëm të protestës. Me ato pika bie dakord gjithë populli. Do i realizojmë. Unë me miqtë e mi do vijmë me mijëra. Kam ardhur enkas për protestën. Po ti shkojmë prapa kryeministri do biem në rrjedhën e tij.
Ai duhet të shohë sa njerëz vijnë në shesh. Nuk merremi me deklaratat e kryeministrit. Kryeministri të dorëhiqet, qeveria të dorëhiqet të shkruhen rregullat e lojës dhe populli të ketë zgjedhje të lira. I them kryeministrit lexo deklaratën. Kjo është një mesazh për mediat që të vijnë në terren dhe të shohin kërkesat e vërteta të popullit shqiptar. Qeveria e tij dhe të Berishës, Metës, Veliaj kanë vërtetuar interesin e kujt kanë. Merremi vetëm me realizimin e kërkesave tona./Dosja.al
TIRANË- Qindra qytetarë janë mbledhur ditën e sotme në Tiranë, në ditën e 24 të revoltës së tyre. Përmes këtyre protestave, ata kanë kërkuar anulimin e projektit të Zvërnecit dhe dorëheqjen e kryeministrit Edi Rama.
Në sheshin “Skënderbej”, ka nisur grumbullimi i tyre, ndërsa pritet që të marshojnë drejt Kryeministrisë ku dhe do të zhvillojnë fjalimet e tyre. Me pankarta në duar dhe flamuj kuqezi, ata kanë bërë thirrje për ndryshim./Dosja.al
