Vrasje në Vlorë/ 58-vjeçari qëllohet me tre plumba në shkallët e banesës teksa po kthehej nga puna, autorët ende të paidentifikuar
FOTO/ Roja i objektit në Vlorë u gjet i vrarë me armë zjarri, dalin pamje nga vendngjarja 27 Prill, 08:14 ...
FOTO/ Roja i objektit në Vlorë u gjet i vrarë me armë zjarri, dalin pamje nga vendngjarja 27 Prill, 08:14 ...
Lobimi i fondacionit Shqiptaro-Amerikan, PD: Kontributi financiar është marrë përsipër nga patriotët shqiptarë...
Berisha i drejtohet Ramës: 11 maji po vjen dhe do marrësh përgjigjen që meriton 26 Prill, 20:50 "Rama hyri...
Gratë në politikë/ Ministrja kroate në takimin e PD-së: Ne jemi parti të djathta, luftojmë për familjen,...
Rreth një muaj më parë me kërkesë të kryeministrit Mitsotakis, presidentja e vendit shpërndau parlamentin dhe caktoi mbajtjen e zgjedhjeve të parakohshme më 21 maj, vetëm disa muaj përpara përfundimit zyrtarisht të mandatit qeverisë, në muajin korrik.
GREQI- Këtë të dielë në Greqi mbahen zgjedhje të përgjithshme parlamentare. Rreth një muaj më parë me kërkesë të kryeministrit Mitsotakis, presidentja e vendit shpërndau parlamentin dhe caktoi mbajtjen e zgjedhjeve të parakohshme më 21 maj, vetëm disa muaj përpara përfundimit zyrtarisht të mandatit qeverisë, në muajin korrik. Sfidanti kryesor i zotit Mitsotakis është ish-Kryeministri Alexis Tsipras. Materiali në vazhdim i hedh një vështrim përpjekjeve të tij për ta sjellë sërish në pushtet, partinë e majtë Syriza.
Kreu i partisë së majtë greke Syriza dhe ish-Kryeministri Alexis Tsipras po kërkon të rimarrë pushtetin në zgjedhjet e përgjithshme që mbahen këtë të dielë më 21 maj.
Zoti Tsipras erdhi për herë të parë në pushtet në vitin 2015, kur ishte vetëm 40 vjeç, duke u bërë një nga kryeministrat më të rinj të Greqisë.
Tashmë ai po synon të rikthet sërish në pushtet, duke akuzuar rivalin e tij, zotin Mitsotakis si përgjegjës për shumë nga problemet me të cilat po përballet Greqia.
“Ai nuk arriti të përballonte krizën e lidhur me inflacionin, për të dytin vit me radhë çmimet në supermarkete janë të paarritshme, çmimet e ushqimeve janë rritur me 14%. Ai zgjeroi pabarazinë duke goditur klasën punëtore”.
I shkolluar për inxhinieri ndërtimi, ai u përfshi në politikën e majtë që kur ishte student. Në atë kohë ai ishte anëtar i rinisë komuniste. Zoti Tsipras u bë kryetar i Syrizës në vitin 2008 dhe një vit më vonë u zgjodh deputet i parlamentit grek.
Si kryeministër ai doli kundër masave shtrënguese dhe programit të ndihmës prej 240 miliardë eurosh, të ofruar nga Bashkimi Evropian dhe Fondi Monetar Ndërkombëtar, të cilat shkaktuan sipas tij, një krizë humanitare në Greqi.
Pas muajsh debatesh të forta me vendet e tjera të eurozonës, zoti Tsipras u detyrua t’i pranonte kufizimet që garantonin kontroll mbi kapitalin, e më pas organizoi një referendum lidhur me një paketën e shpëtimit financiar, duke u kërkuar grekëve ta refuzonin atë. Grekët e bënë një gjë të tillë, por më pas zoti Tsipras u detyrua të pranonte një tjetër ofertë, me kushte më të ashpra, për të mbajtur Greqinë në zonën e Euros.
Gjatë kohës që ai shërbente si kryeministër, në vitin 2018, Greqia i dha fund një mosmarrëveshjeje të vjetër me Maqedoninë e Veriut mbi çështjen e emrit të kësaj të fundit.
Zoti Tsipras ka kritikuar qeverinë e zotit Mitsotakis mbi mënyrën e trajtimit të inflacionit dhe ka deklaruar se partia e tij Syriza, do të rrisë pagat dhe pensionet, si dhe do të mbrojë punëtorët.
“Populli grek me votën e tij mund t'i japë fund këtij mandati katërvjeçar të mashtrimit, indiferencës, arrogancës që ka dëmtuar njerëzit e zakonshëm”.
Ai ka premtuar se nëse fiton zgjedhjet, në 50 ditët e para në pushtet do të rrisë pagën minimale mujore në 880 euro, duke filluar nga 1 korriku i vitit 2023, si dhe të rivendosë marrëveshjet kolektive te punës.
Po kështu partia e tij ka premtuar të ulë orët e punës në javë, nga 40 që pështë tani, në 35, si dhe të rrisë menjëherë pagat e sektorit publik me 10%.
Në janar të këtij viti zoti Tsipras paraqiti një mocion mosbesimi në parlament kundër qeverisë konservatore të kryeministrit Kyriakos Mitsotakis, lidhur me një skandal përgjimi.
"Për gjashtë muajt e fundit shoqëria greke ka jetuar në mes të një skandali të pashembullt”, tha zoti Tsipras, ndërsa paraqiste mocionin e mosbesimit, të cilit kryeministri Mitsotakis arriti t’i mbijetojë.
Marrë nga VOA
Joe Biden SHBA- Presidenti i SHBA-së Joe Biden telefonoi sot homologun e tij nga Papua Guinea e Re (PNG) James Marape në telefon pasi anuloi...
Henry Kissinger SHBA-Henry Alfred Kissinger është një diplomat amerikan, politikan dhe teorist politik i cili shërbeu si Sekretar Shtet...
Divani TURQI- Prej ditësh Ankaraja është goditur nga erërat e forta, në rrjetet sociale janë postuar video të ndrys...
Gabriel Escobar SHBA- Në Komitetin për Punë të Jashtme në Senatin Amerikan, po raportojnë të dy diplomatët e lart&e...
Gjyqi në Hagë HAGË- Sot po vazhdon në Hagë dëshminë dëshmitari i pestë në gjykimin ndaj ish-krer&eum...
Derek Chollet SHBA- Këshilltari i Lartë i Departamentit amerikan të Shtetit, Derek Chollet ka thënë se Biden e ka prioritet të...
Bob Menendez KOSOVË- Kreu i Komitetit për Punë të Jashtme, Bob Menendez, ka folur për situatën në Ballkan Perëndimo...
Kemal Kilicdaroglu TURQI- Kemal Kilicdaroglu po ngre tonin për çështjet e refugjatëve dhe terrorizmit&n...
Nikol Pashinyan AREMENI- Kryeministri armen, Nikol Pashinyan, tha të enjten se ai ka rënë dakord të marrë pjesë...
Fredi Beleri BERLIN- Qeveria gjermane ka reaguar lidhur me prangosjen e tashmë kryebashkiakut të sapozgjedhur të Himarës nga zgjedhjet ...
