Berisha: I bëj thirrje Prokurorit Publike të BE, por edhe Interpolit dhe Eurojust që të nisin hetimet për Ramën q&...
Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
Dosja e Erion Veliajt/ Avokati Ndreca nuk u paraqit, gjobitet me 50 mijë lekë! Shtyhet seanca 21 Korrik, 10:54 Dosja...
“Nuk shiten malet, është mundësi për pronarët dhe emigrantët” Rama: Paketa e Maleve, nuk anulohet 21 ...
. Ish-kryeministri Benjamin Netanyahu, tani udhëheqës i opozitës, shpreson të kthehet në pushtet dhe të zëvendësojë rivalin e tij kryesor, kryeministrin e përkohshëm Yair Lapid. Zgjedhjet shihen sërish si një referendum mbi aftësinë e zotit Netanyahu për të qenë në pushtet ndërkohë që ai përballet me akuza për korrupsion. Në këto zgjedhje po kandidon një figurë e re në skenën politike të Izraelit.
IZRAEL- Në zgjedhjet e së martës në Izrael, të pestat që nga viti 2019, kandidojnë në një garë të ngushtë kryesisht figura të njohura të politikës. Ish-kryeministri Benjamin Netanyahu, tani udhëheqës i opozitës, shpreson të kthehet në pushtet dhe të zëvendësojë rivalin e tij kryesor, kryeministrin e përkohshëm Yair Lapid. Zgjedhjet shihen sërish si një referendum mbi aftësinë e zotit Netanyahu për të qenë në pushtet ndërkohë që ai përballet me akuza për korrupsion. Në këto zgjedhje po kandidon një figurë e re në skenën politike të Izraelit. Popullariteti i politikanit të ekstremit të djathtë Itamar Ben-Gvir, është rritur në sondazhet e fundit dhe ai mund të luajë një rol kyç në përpjekjet e zotit Netanyahut për të fituar zgjedhjet.
Kandidatët kryesorë në zgjedhjet parlamentare në Izrael janë:
Pas më shumë se një viti në opozitë, kryeministri më jetëgjatë i Izraelit kërkon kthimin në pushtet ndërsa është në gjyq nën akuzat për korrupsion. Partia e tij Likud pritet të mbetet më e madhja në parlamentin izraelit me 120 deputetë dhe ai synon të marrë shumicën me ndihmën e aleatëve ultra-ortodoksë dhe ultra-nacionalistë.
Fushata e zotit Netanyahu është përqendruar në kritikat ndaj mangësive të perceptuara të qeverisë që e rrëzoi atë vitin e kaluar, dhe përfshirjes në koalicion nga ana e saj të një partie arabe. Sondazhet tregojnë se partia e tij Likud dhe aleatët e saj janë afër fitimit të shumicës parlamentare prej 61 vendesh, të nevojshme për formimin e një koalicioni qeverisës.
Kryeministri i përkohshëm i Izraelit mori detyrën në qershor pasi koalicioni qeverisës që ai krijoi u shpërbë. Ai ka bërë fushatë duke theksuar arritjet e qeverisë së tij në kohën e saj të kufizuar në detyrë, përfshirë marrëveshjen e fundit me Libanin mbi kufirin detar. Sondazhet parashikojnë se partia Yesh Atid e zotit Lapid do të jetë partia e dytë më e madhe në parlamentin izraelit, pas partisë Likud. Mbetet e paqartë nëse ai do të jetë sërish në gjendje të bashkojë partitë e ndryshme dhe të formojë një koalicion qeverisës.
Bashkëdrejtuesi i partisë “Zionizmi Fetar”, Itamar Ben-Gvir ka një histori të gjatë të retorikës anti-arabe, duke përfshirë dënimet që ai ka marrë për nxitje dhe mbështetje të një grupi terrorist. Si avokat, ai kaloi pjesën më të madhe të karrierës së tij duke mbrojtur ekstremistët hebrenj në gjykatë. Partia e tij mbështet zgjerimin e vendbanimeve izraelite në Bregun Perëndimor, mban një qëndrim të ashpër ndaj palestinezëve që jetojnë atje dhe ka hedhur dyshime mbi besnikërinë e pakicës palestineze ndaj Izraelit. Shumë nga drejtuesit e saj kanë shprehur hapur pikëpamjet e tyre homofobike.
Zoti Ben-Gvir, trashëgimtari i partisë raciste të jashtëligjshme “Kach”, ka premtuar mbështetje për Netanyahun, dhe madje ka thënë se do të përpiqet të heqë akuzat për korrupsion ndaj ish-kryeministrit dhe dëshiron të vihet në krye të forcës policore të vendit.
“Zionizmi Fetar” pritet të bëhet partia e tretë më të madhe në parlamentin izraelit, duke kaluar dyfishin e mbështetjes që mori në zgjedhjet e fundit dhe mund t’i japë atij një zë të fuqishëm në një koalicion qeverisës të udhëhequr nga Benjamin Netanyahu. Pjesërisht ajo është rritur për shkak të mbështetjes nga votuesit e rinj ultra-ortodoksë.
Ministri izraelit i mbrojtjes, Benny Gantz bashkoi forcat me ish-aleatët e tjerë të zotit Netanyahu, përfshirë ministrin e drejtësisë Gideon Saar, pas shpërbërjes së qeverisë së fundit. Ai ka bërë fushatë për çështjet e sigurisë kombëtare dhe pengimin e kthimit të zotit Netanyahu në pushtet. Në një video fushate, të publikuar të dielën thuhet: “Duhet të ndalim turpin. Duhet të ndalim kërcënimin”, duke iu referuar mundësisë që Ben-Gvir të bëhej ministër i një qeverie izraelite. Partia e zotit Gantz, “Machane Mamlachti” pritet të fitojë rreth 10 vende në parlament, gjë që ka të ngjarë ta bëjë atë partinë e katërt më të madhe në parlamentin izraelit. Benny Gantz duket se pëlqehet nga një numër i madh i anëtarëve të bllokut anti-Netanyahu. Ai mund të bëhet një lojtar kyç në negociatat për formimin e një koalicioni paszgjedhor.
Marrë nga VOA
Foto ilustruese SHBA- Disa diktatorë po e mbivlerësojnë ndjeshëm rritjen ekonomike, sipas një studimi që bazohet tek ima...
ITALI- Qeveria e re italiane, me Giorgia Melonin në krye, ka thënë se do t’i bëjë të paligjshme festimet e mëdha, dis...
Lufta ne Ukraine UKRAINË- Një person u vra dhe dy u plagosën mbrëmë në Bakhmut, një qytet i rrethuar për vendndodhj...
Mevlut Cavusoglu TURQI- Ministri i Jashtëm turk Mevlut Cavusoglu është shprehur se presidenti turk Rexhep Tajip Erdogan do të bise...
Lufta ne Ukraine UKRAINË- Irani planifikon të dërgojë një grup prej më shumë se 200 dronësh luftarakë në ...
Joe Biden UASHINGTON – Presidenti i Shteteve të Bashkuara Joe Biden u bëri thirrje të hënën kompanive të karburantit dh...
Krissterson, Marin, Store FINLANDË- Kryeministrja e Finlandës, Sanna Marin, i kishte kërkuar Hungarisë dhe Turqisë q&eum...
Radojevic KOSOVË- Kryetari i Komunës së Mitrovicës Veriore, Milan Radojeviç, tha se nuk mund ta imagjinonte një situatë...
Lugina e Presheves SERBI- Procesi i regjistrimit të popullsisë në Serbi ka përfunduar dje. Këtij procesi iu kanë përgjig...
JAPONI- Tokio ka filluar të hapë një skemë të certifikatës së partneritetit për çiftet e të njëjtit s...
