Dita e 50-të e revoltës qytetetare/ Shqiptarët vijojnë qëndresën në shesh: Rama në burg, Berisha në burg
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Përveç dy deputetëve nga Maqedonia e Veriut, raportohet se porosi të njëjta nga diplomatë kinezë u janë dërguar edhe gjashtë deputetëve tjerë nga Bosnja dhe Hercegovina, Sllovakia, Bolivia, Kolumbia dhe vendeve tjera.
SHKUP- Dy deputetë të Parlamentit të Maqedonisë së Veriut kanë qenë cak i presionit të Republikës së Kinës për të bindur ata që të mos marrin pjesë në Samitin e Aleancës Ndërparlamentare për Kinën (IPAC), që pritet të mbahet në Taipej të Tajvanit. Bëhet fjalë për Antonio Milloshoskin e VMRO-DPMNE-së në pushtet dhe Fatmir Bytyqin nga LSDM-ja opozitare.
“Unë jam Wu, nga ambasada kineze. Dëgjuam se keni marrë ftesë nga IPAC, a do të merrni pjesë në konferencën që do të mbahet javën e ardhshme në Tajvan”, thuhet në mesazhin që ka marrë Milloshoski, të cilin e ka parë agjencia AssociatedPress.
Përveç dy deputetëve nga Maqedonia e Veriut, raportohet se porosi të njëjta nga diplomatë kinezë u janë dërguar edhe gjashtë deputetëve tjerë nga Bosnja dhe Hercegovina, Sllovakia, Bolivia, Kolumbia dhe vendeve tjera. Sipas tyre, në disa raste ka pasur pyetje të çuditshme për udhëtimet në Tajvan, dhe në raste të tjera toni i porosisë ka qenë më kërcënues.
Disa nga deputetët zbuluan se diplomatët kinezë kishin kontaktuar edhe kryesitë e partive së tyre, për t’u bërë kështu presion shtesë.
“Ata kontaktuan presidentin e partisë sime politike dhe i kërkuan që të më ndalonte të udhëtoja për në Tajvan”, zbuloi Sanela Klariç, një deputete e parlamentit në Bosnje dhe Hercegovinë.
Ky rast ia riktheu asaj kujtimet e kërcënimeve dhe frikësimeve me të cilat u përball gjatë luftës në BeH në vitet 1990. “Unë vërtet e urrej ndjenjën kur dikush të frikëson”, tha ajo. Ajo tregoi se presioni që e kishte kontaktuar ishte i pakëndshëm, por se ky kërcënim vetëm sa e ka rriturvendosmërinë e saj për të shkuar në Tajvan.
Një nga metodat që përdoren është edhe ftesa individuale për të vizituar Kinën për deputetët që kanë konfirmuar pjesëmarrjen në IPAC, vetëm për të shmangur udhëtimin në Tajvan. Këto ftesa u janë bërë sidomos deputetëve të vendeve anëtare të BE-së.
Drejtori i IPAC, Luke de Pulford, e quajti presionin kinez si “ndërhyrje brutale”. Në një deklaratë për AP ai tha se deputetët nga vendet më të vogla ishin në shënjestër.
“Ndoshta Pekini ndjeu se mund të kishte sukses te ata, por taktikat e presionit vetëm i bënë pjesëmarrësit më të vendosur për të marrë pjesë në Samit”, tha De Pulford.
IPAC ka qenë prej kohësh nën presionin e autoriteteve kineze. Disa anëtarë janë sanksionuar nga Pekini, kurse në vitin 2021 faqja e saj në internet ishte objektiv i sulmeve nga hakeratkinezë të mbështetur nga qeveria e Pekinit.
Pekini është i njohur për përpjekjet e tij për të frenuar politikanët që vizitojnë Tajvanin, të cilin Kina e pretendon si territorin e saj, kurse fakti se Samiti i IPAC për herë të parë mbahet në Tajvan ka mobilizuar edhe më shumë diplomacinë kineze.
Pa marrë parasysh presionet nga Kina, IPAC njoftoi se do të mbajë samitin e tij të katërt vjetor në Taipei më 30 dhe 31 korrik, me 48 ligjvënës nga 24 vende në pesë. Sipas IPAC, stabiliteti në pika strategjike globale do të jetë në krye të agjendës së samitit, ku do të marrin pjesë edhe zyrtarë të Tajvanit. “Do të jetë delegacioni më i madh parlamentar që do të vizitojë Tajvanin në një kapacitet institucional”, tha IPAC.
I formuar në vitin 2020, IPAC ka mbi 250 anëtarë nga 35 legjislatura dhe Parlamenti Evropian. Është një aleancë ndërkombëtare, ndërpartiake e parlamentarëve nga vendet demokratike, e fokusuar në marrëdhëniet me Republikën Popullore të Kinës. Qëllimi i tij është të krijojë një përgjigje të koordinuar ndaj Kinës për çështjet e tregtisë globale, sigurisë dhe të drejtave të njeriut. /The Geopost
Foto ilustruese TURQI- Ligjvënësit në Turqi kanë miratuar të martën një ligj të ri për largim të miliona ...
joe biden SHBA- Presidenti amerikan, Joe Biden, ka thënë se “ekstremizmi” në Gjykatën Supreme të Shteteve të Bash...
Ena e gjakut të printuara në 3D ANGLI- Shkencëtarët së fundmi janë shprehur se enët e gjakut të printuara 3D që...
foto ilustruese INDI- Të paktën 24 persona janë vrarë dhe dhjetëra dyshohet se janë bllokuar pasi shirat e dendur shkaktuan r...
Foto ilustruese LIBAN- Kryeministri izraelit, Benjamin Netanyahu, është zotuar të hënën për përgjigje “të ash...
Zjarri GJERMANI- Katërmbëdhjetë persona u plagosën lehtë në një zjarr që ra ditën e sotme pas një shp&eum...
Venezuelë VENEZUELË- Forcat e sigurisë në Venezuelë kanë përdorur gaz lotsjellës dhe plumba gome kundër protes...
MAQEDONI- Tridhjetë e gjashtë ditë nga krijimi zyrtar i koalicionit të ri qeverisës maqedonas dolën në sipërfaqe mosma...
Gary Conille HAITI- Kryeministri i përkohshëm i Haitit, Gary Conille, u desh të largohej me nxitim të hënën nga një lagj...
donald trump, kamala harris SHBA- Sapo zëvendëspresidentja Kamala Harris filloi fushatën elektorale javën e kaluar, ajo e bëri t&e...
