Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
FOTO/ Protesta për Zvërnecin, babai i Martin Canit i bashkohet protestuesve në shesh 4 Qershor, 18:43 PAMJE ng...
FOTO/ Protesta për Zvërnecin, babai i Martin Canit i bashkohet protestuesve në shesh 4 Qershor, 18:43 PAMJE ng...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Në letrën dërguar Qeverisë serbe, që ky subjekt ndau me mediat, thuhet se populli serb po vuan nga terrori dhe represioni i regjimit antiserb të kryeministrit të Kosovës Albin Kurti prej pothuajse dy vitesh.
SERBI- Lista Serbe, partia kryesore e serbëve në Kosovë ka kërkuar nga Qeveria e Serbisë që të shpallë njësitë speciale të Policisë së Kosovës, strukturat e inteligjencës dhe të gjithë bashkëpunëtorët e këtyre strukturave si organizata terroriste sepse, sipas tij kërcënojnë paqen në këto hapësira, duke iu referuar veriut të Kosovës. Në letrën dërguar Qeverisë serbe, që ky subjekt ndau me mediat, thuhet se populli serb po vuan nga terrori dhe represioni i regjimit antiserb të kryeministrit të Kosovës Albin Kurti prej pothuajse dy vitesh.
“Ne thellësisht besojmë se ky vendim, në bashkëpunim me institucionet ndërkombëtare dhe partnerët perëndimorë, do të parandalonte aktivitetet e mëtejme të paligjshme të këtyre formacioneve dhe bashkëpunëtorëve të tyre për të kërcënuar paqen në këto zona. Po ashtu, ky vendim do të krijonte një bazë ligjore për veprimet e të gjitha autoriteteve shtetërore kundër këtyre organizatave që t’i sjellin ato para drejtësisë”, thuhet në letrën e Listës Serbe dërguar Qeverisë në Beograd.
Kjo kërkesë e Listës Serbe vjen disa ditë pasi Qeveria e Kosovës shpalli “Mbrojtjen Civile” dhe “Brigadën e Veriut” – dy organizata që besohet se veprojnë në veri të Kosovës – organizata terroriste.
Dy organizatat numërojnë qindra pjesëtarë nga radhët e komunitetit serb. Sipas kryeministrit të Kosovës, Albin Kurti, këto dy organizata kanë kryer veprime “me elemente terroriste”, si: sulme të armatosura ndaj pjesëtarëve të Policisë së Kosovës, pjesëtarëve të Misionit të Bashkimit Evropian për Sundim të Ligjit – EULEX dhe ushtarëve të misionit të NATO-s në Kosovë, KFOR.
Kurti ka thënë se këto dy formacione, po ashtu, kanë bërë thirrje për rezistencë e mosbindje, kanë detyruar qytetarët të marrin pjesë në protesta dhe barrikada dhe kanë “rekrutuar dhe trajnuar pjesëtarë për përdorimin e armëve dhe metodave luftarake në baza ushtarake në Serbi, me qëllim të kryerjes së sulmeve ndaj institucioneve vendore dhe misioneve ndërkombëtare në Kosovë”.
Policia e Kosovës ka rritur praninë në pjesën veriore – të banuar me shumicë serbe – teksa në këtë zonë janë rritur tensionet. Tensionet janë rritur që nga fundi i muajit maj, kur kryetarët e rinj shqiptarë të Zveçanit, Zubin Potokut dhe Leposaviçit, hynë në ndërtesat komunale, me asistimin e Policisë së Kosovës.
Që atëherë, serbët në këto komuna kanë protestuar, duke kërkuar tërheqjen e kryetarëve dhe njësive speciale policore.
Kryeministri Kurti ka thënë se prania policore në veri do të ulet, paralelisht me përfundimin e protestave dhe që personat përgjegjës për dhunën të përballen me drejtësinë. Në veri janë regjistruar disa incidente, përfshirë sulme ndaj pjesëtarëve të KFOR-it, EULEX-it dhe gazetarëve, por edhe sulme me shok-bomba dhe granata dore.
Kurti deklaroi më 3 korrik se autoritetet kanë identifikuar 45 persona, që sipas tij, kanë marrë pjesë në sulmet në veriun e Kosovës.
Deri më tani, Policia e Kosovës ka arrestuar disa persona për sulmet ndaj gazetarëve, por edhe për ngjarjet e dhunshme të 29 majit në Zveçan. Atë ditë, protestuesit serbë u përleshën me ushtarët e misionit të NATO-s në Kosovë, KFOR, duke lënë të lënduar dhjetëra persona nga të dyja palët.
Kurti tha se as “as çereku” i të dyshuarve për sulmet në veri nuk janë arrestuar, “prandaj e kemi këtë situatë”. Bashkësia ndërkombëtare po i kërkon Kosovës dhe Serbisë që menjëherë të ulin tensionet dhe në veri të mbahen zgjedhje të reja./REL
Emmanuel Macron FRANCË- Presidenti Emmanuel Macron do të takohet sot me krerët e të dy dhomave të parlamentit pasi ...
Lumir Abdixhiku KOSOVË- Kryetari i Lidhjes Demokratike të Kosovës, Lumir Abdixhiku ka thënë se ditën e m...
Albin Kurti KOSOVË- Kryeministri i Kosovës, Albin Kurti ka reaguar lidhur shpërthimin e sotëm në veri të Mitrovicës...
foto ilustruese FRANCË- Një zjarrfikës 24-vjeçar vdiq në përpjekje për të shuar zjarrin n&eu...
Papa Françesku ITALI- Papa Françesku ka reaguar së fundmi në lidhje me djegien e Kuranit në Suedi. Mediat e huaja raporto...
Vladimir Putin RUSI- Presidenti i Rusisë, Vladimir Putin pritet të martën të marrë pjesë në një samit vir...
Albin Kurti KOSOVË- Kryeministri Albin Kurti i ka quajtur sërish të padrejta masat e marra nga Bashkimi Evropian ndaj Kosovës. Kur...
Lista Serbe KOSOVË- Lista Serbe ka reaguar pas shpërthimit të ndodhur në orët e para të mëngjesit në Mitrovic&...
Victoria Amelina UKRAINË- Shkrimtarja e njohur ukrainase, Victoria Amelina ka ndërruar jetë si pasojë e sulmit me raketa rus...
Aleksandër Lukashenko dhe Vladimir Putin RUSI- Në Ditën e Pavarësisë së së Bjellorusisë, presidenti rus Vladim...
