"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
Anëtarë të koalicionit të tij kërkojnë që Berlini t’i bashkohet një deklarate të dhjetëra vendeve perëndimore, që dënojnë “vrasjet çnjerëzore” të palestinezëve.
GJERMANIA- Kancelari gjerman, Friedrich Merz, është nën presion për të ashpërsuar qëndrimin ndaj Izraelit. Anëtarë të koalicionit të tij kërkojnë që Berlini t’i bashkohet një deklarate të dhjetëra vendeve perëndimore, që dënojnë “vrasjet çnjerëzore” të palestinezëve. Merz, i cili kryeson CDU-në e qendrës së djathtë të Gjermanisë, është gjithnjë e më kritik ndaj Izraelit.
Megjithatë, vendi i tij nuk u përfshi në deklaratën e përbashkët - të lëshuar të hënën nga komisionari i Menaxhimit të Krizave i BE-së dhe 28 vende perëndimore, përfshirë Britaninë dhe Francën - që i kërkon Izraelit ta ndalojë menjëherë luftën. Vendet kritikuan ndarjen shumë të ngadaltë të ndihmave për palestinezët në Gazë dhe theksuan se është “tmerruese” që mbi 800 civilë kanë vdekur duke pritur për ndihmë.
Reem Alabali Radovan, ministre për Zhvillim Ndërkombëtar në Qeverinë e Merzit dhe anëtare e partisë SPD, e cila është partnere më e vogël në koalicionin qeverisës, tha se nuk është e kënaqur me vendimin e Gjermanisë për të mos nënshkruar deklaratën.
“Kërkesat në letrën e 29 partnerëve drejtuar Qeverisë izraelite janë të kuptueshme për mua. Do të kisha dashur që Gjermania t’i bashkohej sinjalit të dërguar nga 29 partnerët”, tha ajo.
Merz tha se Këshilli Evropian ka nxjerrë tashmë një deklaratë të përbashkët, që është “praktikisht e njëjtë në përmbajtje me atë që shprehet në letër”.
“Unë isha ndër të parët që e thashë qartë - edhe në Gjermani - se situata atje nuk është më e pranueshme”, tha Merz, duke mohuar ndonjë përçarje brenda koalicionit të tij për këtë çështje.
Në fillim të kësaj jave, ai tha se ka biseduar me kryeministrin izraelit, Benjamin Netanyahu, të cilit i ka thënë se Gjermania “nuk mbështet politikën e Qeverisë izraelite për Gazën”.
Zyrtarët gjermanë thonë se kanë një përgjegjësi të veçantë ndaj Izraelit, për shkak të historisë së Holokaustit nazist. Për këtë arsye, ata besojnë se mund të arrijnë më shumë përmes kanaleve të fshehta diplomatike sesa me deklarata publike. Merz është një nga pak udhëheqësit evropianë që ka thënë publikisht se do të mirëpresë Netanyahun, pa e arrestuar, edhe pse ndaj tij ka një urdhër arrestimi nga Gjykata Ndërkombëtare Penale për krime të dyshuara lufte.
Izraeli i hedh poshtë akuzat kundër Netanyahut dhe thotë se ato janë të motivuara politikisht. Gjykata Ndërkombëtare Penale thotë se të gjithë nënshkruesit e statutit themelues të gjykatës, që përfshijnë të 27 anëtarët e BE-së, janë të detyruar ta arrestojnë Netanyahun nëse ai hyn në territorin e tyre. Kritikët e qasjes së Merzit, përfshirë edhe partnerët e koalicionit, thonë se trashëgimia e Holokaustit nuk mund të përdoret si justifikim për të injoruar krimet izraelite, por, përkundrazi, motoja pas Holokaustit “kurrë më” duhet të zbatohet tani për Gazën.
“Situata në Gazë është katastrofale dhe paraqet një humnerë humanitare”, thuhet në një deklaratë të përbashkët të dy deputetëve të SPD-së - zëdhënësit për politikë të jashtme, Adis Ahmetoviç, dhe raportuesit për Lindjen e Mesme, Rolf Mutzenich./ REL
Foto ilustruese GJERMANIA- Ministri i Brendshëm i Gjermanisë, Alexander Dobrindt dëshiron të lejojë që qendrat e d&...
Foto ilustruese UKRAINA- Presidenti i Ukrainës, Volodymyr Zelensky, nënshkroi një ligj që kufizon pavarësinë e dy agjencive k...
Foto ilustruese LINDJE E MESME- Në mes të përleshjeve vdekjeprurëse midis luftëtarëve druzë dhe milicive beduine në...
Foto POLONI- Polonia po përgatit një manual se si duhet të reagojnë qytetarët në rast lufte ose fatkeqësie natyrore. Sip...
presidenti trump dhe presidenti i filipineve SHBA- Departamenti i Drejtësisë në SHBA, tha të martën se është në kon...
Foto SHBA- Një zëdhënës i ish-presidentit Barack Obama ka reaguar duke hedhur poshtë akuzën e Donald Trump duke e cil&eu...
foto ilustruese ITALI- Që nga e premtja e kaluar deri më sot, gjashtë persona kanë humbur jetën në Italinë Jugore, p&eum...
Foto SERBI- Stërvitja e parë ushtarake mes ushtrisë serbe dhe asaj kineze shënon një hap të ri në forcimin e bashkë...
Foto SHBA- Presidenti amerikan, Donald Trump tha të martën se ai dhe homologu i tij i filipinez Ferdinand Marcos Jr., kanë arritur një ...
pamje nga incidenti SHBA- Një tjetër incident dhune policore ndaj një burri me ngjyrë ka shkaktuar trazira dhe zemë...
