Dosja e Erion Veliajt/ Avokati Ndreca nuk u paraqit, gjobitet me 50 mijë lekë! Shtyhet seanca 21 Korrik, 10:54 Dosja...
“Nuk shiten malet, është mundësi për pronarët dhe emigrantët” Rama: Paketa e Maleve, nuk anulohet 21 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
Hovenier tha se nëse të dy palët do të zbatonin plotësisht detyrimet përkatëse të Marrëveshjes së Berlinit dhe Aneksit të Ohrit, ngjarjet në veri të Kosovës nuk do të kishin ndodhur.
KOSOVË- Ambasadori amerikan në Prishtinë, Jeff Hovenier ka thënë se Kosova dhe Serbia duhet t’i kthehen dialogut të ndërmjetësuar nga BE për të mos rritur më tej tensionet pas sulmit të 24 shtatorit në Banjskë.
Në një intervistë për Bloomberg, Hovenier tha se nëse të dy palët do të zbatonin plotësisht detyrimet përkatëse të Marrëveshjes së Berlinit dhe Aneksit të Ohrit, ngjarjet në veri të Kosovës nuk do të kishin ndodhur.
“Sigurisht që ngjarjet e 24 shtatorit kanë krijuar më tej një mjedis që është më pak i favorshëm që dy liderë të ulen së bashku nën lehtësimin e BE-së dhe të arrijnë në një mirëkuptim të përbashkët. Por ngjarjet e 24 shtatorit nënvizojnë gjithashtu se sa urgjente është kjo. Më duhet të besoj se nëse të dyja palët do të zbatonin plotësisht detyrimet e tyre sipas Marrëveshjes Themelore dhe Aneksit Zbatues, rrethanat që pamë më 24 shtator nuk do të ndodhnin. Dhe kështu, nga këndvështrimi ynë, është jetike, është urgjente të kthehemi në një proces” ka thënë Hovenier.
“BE-ja po e lehtëson atë, siç duhet, sepse nxitja më e mirë për të dyja palët për të marrë vendime të vështira dhe për të bërë gjëra të vështira është perspektiva për t’u afruar me strukturat dhe institucionet evropiane. Qëllimi përfundimtar është anëtarësimi në BE për të dy vendet, dhe njohja reciproke mes të dy vendeve. Këto janë qëllimet përfundimtare dhe ne besojmë se kjo arrihet përmes këtij stimulimi të anëtarësimit në BE. Pra, është e drejtë që BE-ja të marrë drejtimin” ka shtuar tutje ambasadori.
Jeff Hovenier në intervistë ka folur edhe rreth propozimit të presidentes Vjosa Osmani e cila tha se Kosova duhet ta përgatis me SHBA-në draft-statutin e Asociacionit. Sipas ambasadorit nëse Kosova do e ndajë propozimin e saj me SHBA një gjë e tillë do të mirëpritej.
“Unë e shoh rolin e SHBA në këtë mënyrë siç e shoh rolin e SHBA në pjesën tjetër të dialogut. Pra, nëse qeveria e Kosovës dëshiron të parashtrojë idetë e saj se si të ecë më mirë përpara me një proces të besueshëm për themelimin e një Asociacioni duke përfshirë dhënien e ideve ose një draft aktual të një draft statuti, ne do ta mirëpresim këtë. Dhe nëse qeveria e Kosovës dëshiron ta ndajë këtë fillimisht me Shtetet e Bashkuara për reagimet tona, kjo është në rregull. Do ta mirëprisnim edhe atë” ka theksuar Hovenier.
Por, sipas diplomatit amerikan hapat e mëtejshëm do të bëhen në kuadër të dialogut të Brukselit.
“Në fund të ditës, megjithatë, ne do të duhet të punojmë me Bashkimin Evropian sepse kjo do të merret në kontekstin e dialogut të lehtësuar nga BE. Por çdo përpjekje që dëshiron të bëjë qeveria e Kosovës për të treguar se si do ta realizonte këtë vizion dhe do ta përmbushte këtë angazhim do të ishte një hap pozitiv dhe ne do ta mirëprisnim atë” ka thënë ai.
Hovenier ka thënë se çështja e Asociacionit është urgjente, por ka përmendur edhe kufizimet që duhet të ketë.
“Për Kosovën, kjo do të thotë se do të duhet të lëvizë më herët se sa disa do të donin në obligimin e saj në lidhje me Asociacionin e Komunave me shumicë serbe [ASM]. Komuniteti serb në Kosovë ka ende një numër shqetësimesh dhe ata e shohin ASM-në si një mënyrë për të ndihmuar në adresimin e këtyre shqetësimeve. Ne jemi dakord. Ne gjithashtu besojmë se ASM duhet të ketë kufizime, sepse ne besojmë se pa këto kufizime mund të bëhet diçka problematike ose burim jostabiliteti në vend të stabilitetit në rajon. Ne besojmë se duhet të jetë në përputhje me kushtetutën aktuale të Kosovës. Ne besojmë se duhet të jetë në përputhje me vendimin e Gjykatës Kushtetuese të vitit 2016. Ne besojmë se duhet të jetë në përputhje me letrën e Mogherinit që u dërgua. Asnjë autoritet ekzekutiv. Ne mendojmë se brenda këtyre kufizimeve ka hapësirë që qeveria e Kosovës të bëjë veprime që do t’i përgjigjen shqetësimeve legjitime të komunitetit etnik serb, dhe mendojmë se ky është një element i asaj që duhet të ndodhë urgjentisht” është shprehur Hovenier.
postimi SERBI- Serbët kanë nisur propagandën e solidarizimit me terroristët e Hamas me retorikën ultra anti-perëndimore ...
Oliver Varhelyi STRASBURG- Komisioneri Evropian për Fqinjësinë dhe Zgjerimin, Oliver Varhelyi, njoftoi rishikimin e plotë t&...
foto ilustruese GAZA-Ministri i Mbrojtjes i Izraelit, Yoav Gallant, tha ditën e sotme se ka urdhëruar “rrethimin e plotë” të...
foto ilustruese IZRAEL- Pas një sulmi tronditës duke përfshirë lëshimin e mijëra raketave dhe depërtimin në ju...
foto ilustruese KOSOVË-Tetë shtetas të Kosovës, që kanë kërkuar ndihmë në Ambasadën e Kosovës në...
foto ilustruese IRAZEL- Hamasi është në bisedime për lirimin e grave dhe fëmijëve izraelitë në këmbim t&e...
foto ilustruese IZRAEL- Forcat e Mbrojtjes të Izraelit (IDF) thonë se kanë kryer sulme ajrore kundër 130 objektivave të Hamasit n&...
Josep Borrell IZRAEL- Teksa konflikti Izrael-Palestinë vijon, Ministrat e Jashtëm të Bashkimit Evropian pritet të takohen të ...
foto ilustruese IZRAEL- Forcat e Mbrojtjes së Izraelit (IDF) thanë në një deklaratë të shkurtër se helikopterët e s...
DURRËS- Shumë nga turistët italianë që vizituan plazhet shqiptare për sezonin e verës kanë vendosur që mos të...
