Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Në prag të një vizite dyditore në Gjermani dhe Francë, zoti Starmer tha se dëshiron që Britania t’i tejkalojë marrëdhëniet jo të mira të qeverisë së mëparshme konservatore me aleatët evropianë. Ai tha se kërkon që në qendër të përpjekjeve të tij për të nxitur rritjen ekonomike të Britanisë të vendosë lidhje më të mira me bllokun.
ANGLI- Kryeministri britanik, Keir Starmer, do të diskutojë me udhëheqësit gjermanë një marrëveshje historike për ekonominë dhe mbrojtjen, duke u përpjekur që ta shfrytëzojë vizitën të mërkurën si një mundësi për të përmirësuar marrëdhëniet e vendit të tij me pjesën tjetër të Evropës.
Në prag të një vizite dyditore në Gjermani dhe Francë, zoti Starmer tha se dëshiron që Britania t’i tejkalojë marrëdhëniet jo të mira të qeverisë së mëparshme konservatore me aleatët evropianë. Ai tha se kërkon që në qendër të përpjekjeve të tij për të nxitur rritjen ekonomike të Britanisë të vendosë lidhje më të mira me bllokun.
Në ndalesën e parë në Berlin, Kryeministri Starmer do të zhvillojë bisedime me Kancelarin Olaf Scholz lidhur me një pakt të ri për të cilin besojë se do sjellë një shkallë të re bashkëpunimi në fusha të tilla si tregtia dhe energjia.
“Ne duhet ta lëmë pas Brexit-in dhe të rregullojmë marrëdhëniet e prishura të trashëguara nga qeveria e mëparshme”, tha zoti Starmer në një deklaratë. “Kemi një mundësi një herë në një brez për të rindërtuar lidhjet tona me Evropën”.
Britania dhe Gjermania, vende anëtare të NATO-s dhe shpenzuesit më të mëdhenj në fushën e mbrojtjes në Evropën Perëndimore, po kërkojnë mënyra për të rritur bashkëpunimin në fushën e mbrojtjes përpara mundësisë që Shtetet e Bashkuara të pakësojnë mbështetjen ushtarake për Ukrainën nëse republikani Donald Trump kthehet në Shtëpinë e Bardhë në fillim të vitit të ardhshëm.
Ish Presidenti Trump ka paralajmëruar se nëse i fiton zgjedhjet ai do të shqyrtojë rrënjësisht “qëllimin dhe misionin e NATO-s”.
Ai gjithashtu nuk është zotuar për vazhdimin dërgimit të ndihmave për Ukrainën dhe ka thënë se nuk do t’i mbronte aleatët që nuk i plotësojnë kuotat e buxhetit për mbrojtjen. Republikani Trump po përballet në një garë të ngushtë me Nënpresidenten Kamala Harris në zgjedhjet e 5 nëntorit për Shtëpinë e Bardhë.
Shqetësimet se SHBA mund të pakësojë mbështetjen për Ukrainën janë rritur që kur zoti Trump zgjodhi JD Vance si kandidat për postin e nënpresidentit. Zoti Vance ka theksuar kundërshtimin e tij që Shtetet e Bashkuara t’i ofrojnë Ukrainës, siç është shprehur ai, “para pafund” në luftën kundër agresionit rus.
Një partneritet mbrojtje mes Anglisë dhe Gjermanisë mund të ngjajë me paktin “Lancaster House” midis Britanisë dhe Francës në vitin 2010, sipas zyrtarëve. Marrëveshja me Gjermaninë synon krijimin e një force të përbashkët si dhe hulumtime të përbashkëta në qendrat kërkimore për raketat bërthamore.
Negociatat mes palëve do të vazhdojnë gjatë muajve në vazhdim me synimin për arritjen e marrëveshjes në fillim të vitit të ardhshëm, sipas zyrës së Kryeministrit Starmer, dhe nënshkrimin e deklaratës së përbashkët të mbrojtjes në muajin korrik.
Kryeministri Starmer do të zhvillojë gjithashtu bisedime me udhëheqës të fushës së biznesit, përfshirë Armin Papperger, shefin ekzekutiv të firmës gjermane të armëve “Rheinmetall”, i cili sipas njoftimeve të shtypit muajin e kaluar ishte objektiv i një komploti rus për ta vrarë. Kremlini ka thënë se njoftimet ishin të rreme dhe nuk mund të merreshin seriozisht.
Zoti Starmer do të takohet gjithashtu me shefin e kompanisë “Siemens Energy” Christian Bruch, e cila ka rreth 6,000 punonjës në Britani. Ata do të bisedojnë për shtimin e investimeve dhe krijimin e vendeve të punës me kualifikim të lartë.
Gjatë ndalesës në Paris, zoti Starmer do të zhvillojë bisedime me udhëheqës të biznesit francez si dhe do të pritet nga Presidenti Emmanuel Macron në Pallatin Elysee./VOA
Kaja Kallas BRUKSEL- Vjeshta në Bruksel zakonisht nis furishëm në mes të shtatorit, kur presidentja e Komisionit Evropian mban fjalimin...
TIRANË- Treguesit e riskut të borxhit të publik këtë vit paraqiten në rënie. Sipas informacionit të publikuar nga Mini...
Foto ilustruese SHBA- Zyra për të Drejtat e Njeriut e Kombeve të Bashkuara (OHCHR) tha se politikat “problematike” të Kin&e...
Foto ilustruese KOSOVA- Menaxhmenti i ndërmarrjes publike, Trepça, ka shpallur gjendje të jashtëzakonshme dhe ka vendosur që t&e...
Foto ilustruese SHBA- Një gjykatës federal në Teksas pezulloi të hënën përkohësisht zbatimin e një politike t&...
Pavel Durov FRANCA- Pavel Durov, drejtuesi i aplikacionit për shpërndarjen e mesazheve Telegram, mund të mbahet në paraburgim deri...
Presidentja e Gjeogjisë, Salome Zurabishvili. GJEORGJIA- Presidentja e Gjeorgjisë, Salome Zurabishvili, tha se zgjedhjet e reja parlamentare q&eu...
Afrim Gashi. MAQEDONIA E VERIUT- Interpelanca ndaj kryetarit të Kuvendit të Maqedonisë së Veriut, Afrim Gashi, do të jetë pik...
Foto ilustruese SHBA- Platforma e mediave sociale X ka bërë një ndryshim në programin e saj të Inteligjencës Artificiale...
Udhëheqësi suprem i Iranit IRANI- Udhëheqësi suprem i Iranit la të hapur të martën mundësinë e negociatave t&...
