Protesta për Zvërnecin/ Protestuesit çajnë kordonin metalik, policia i sulmon me ujë. Tubimi shpërndahet në gjithë Tiranën
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
“Ka forca në Shqipëri dhe jashtë që janë kundër”/ Rama: Të rreshtohesh me PS, do të thot&eum...
"Shqipëria është e shqiptarëve"/ Qytetarët mbushin rrugët e Tiranës, kërkojnë anulimin e pr...
Shpresat po shuhen për një armëpushim mes Izraelit dhe Hamasit në Gazë, gjë që do të çonte në uljen e sulmeve të Hezbollahut dhe aleatëve të tjerë të Iranit.
LIBAN- Ndërmjetësuesit amerikanë, evropianë dhe arabë po ushtrojnë trysni për të mos lejuar që sulmet e përshkallëzuara ndërkufitare mes Izraelit dhe militantëve të Hezbollahut në Liban të kthehen në një luftë më të gjerë në Lindjen e Mesme, të cilës bota i druhet tashmë prej disa muajsh.
Shpresat po shuhen për një armëpushim mes Izraelit dhe Hamasit në Gazë, gjë që do të çonte në uljen e sulmeve të Hezbollahut dhe aleatëve të tjerë të Iranit. Duke patur parasysh një gjë të tillë, zyrtarë amerikanë dhe evropianë po i dërgojnë mesazhe paralajëmeruese Hezbollahut, që është më i fuqishëm se Hamasi, që të mos sulmojë ushtrinë e fuqishme izraelite, thonë diplomatë të ndryshëm.
Ata po paralajmërojnë se Hezbollahu duhet të marrë parasysh faktin se Shtetet e Bashkuara, ose ndonjë vend tjetër, nuk do të jenë në gjendje të frenojnë udhëheqësit izraelitë nëse vendosin të zbatojnë planet, tashmë të përgatitura, për një ofensivë në Liban. Po ashtu, Hezbollahu nuk duhet të mbështetet në aftësitë e luftëtarëve të tij për të përballuar gjithçka mund të pasojë.
Intensiteti i sulmeve mes Izraelit dhe Hezbollahut u duk se ra javën e kaluar. Por një ish-diplomat amerikan në Lindjen e Mesme thotë se izraelitët duket se ende po përgatiten në rast “se konflikti mund të marrë përmasa të tjera”.
“Duket që izraelitët po përgatiten mbi mundësitë se mund të ketë një lloj konfliki, një konflikt me përmasa krejtësisht të ndryshme”, tha Gerald Feierstein, ish diplomat i lartë mamerikan në Lindjen e Mesme.
Mesazhi që po i përcillet Hezbillahut është se: “nuk keni aq aftësi sa mendoni”, tha ai.
Pas 7 tetorit, kur sulmi i Hamasit ndaj Izraelit shkaktoi luftën në Gazë, Hezbollahu ka lëshuar raketa në veri të Izraelit dhe është zotuar të vazhdojë derisa të arrihet një armëpushim. Izraeli është kundërpërgjigjur duke detyruar dhjetëra mijëra civilë të largohen nga kufiri në të dy vendet. Sulmet u intensifikuan këtë muaj pasi Izraeli vrau një komandant të lartë të Hezbollahut, ndërsa militantët u përgjigjën duke lëshuar breshëri raketash.
Zyrtari kryesor i OKB-së për ndihma humanitare, Martin Griffiths tha se pasojat e një lufte të mundshme mes Izraelit dhe Hebzollahut do të ishin “apokaliptike”.
Si Izraeli ashtu edhe Hezbollahu, kanë fuqi të shkaktojnë numër të lartë viktimash.
“Një luftë e tillë do të ishte katastrofë për Libanin", tha Sekretari amerikan Mbrojtjes Lloyd Austin teksa u takua së fundmi me ministrin izraelit të Mbrojtjes Yoav Gallant në Pentagon. "Një luftë tjetër mes Izraelit dhe Hezbollahut mund të shndërrohet lehtësisht në një luftë rajonale, me pasoja të tmerrshme për Lindja e Mesme", shtoi ai.
Zoti Gallant duke reaguar tha se: “po punojmë së bashku nga afër për të arritur një marrëveshje, por duhet të diskutojmë edhe gatishmërinë për çdo skenar të mundshëm”.
Analistët besojnë se grupet e armatosura në rajon, aleate të Iranit, do të kishin një reagim më të fortë nga sa kanë patur për Hamasin dhe disa ekspertë paralajmërojnë se militantë të motivuar ideologjikisht mund të shkonin në rajon për të luftuar. Evropianët druhen nga një fluks destabilizues refugjatësh në rast të zgjerimit të konfliktit.
Zyrtarët e Shtëpisë së Bardhë kanë fajësuar Hezbollahun për përshkallëzimin e tensioneve dhe janë shprehur se mbështesin të drejtën e Izraelit për t’u vetëmbrojtur. Administrata e Presidenti Biden gjithashtu u ka thënë izraelitëve se hapja e një fronti të dytë nuk është në interesin e tyre.
Megjithatë, zyrtarët e Shtëpisë së Bardhë nuk po e mohojnë mundësinë reale se mund të hapet një front i dytë konflikti në Lindjen e Mesme.
Një zyrtar i lartë i administratës së Presidentit Biden, i cili nuk pranoi të identifikohej, tha se në bisedat me zyrtarët izraelitë dhe libanezë dhe aktorë të tjerë rajonalë, ekziston një dakordësi se "një rritje e përshkallëzimit nuk është në interesin e askujt".
Presidenti Biden i bëri publike planet për një marrëveshje armëpushimi në Gazë me tre faza. Por negociatat midis Izraelit dhe Hamasit duket se kanë ngecur. Një zyrtar i lartë i amerikan tha të shtunën se Uashingtoni ka ofruar një mundësi të re tek palët ndërmjetësuesese që synojnë të rinisin negociatat. Zyrtari foli në kushte anonimiteti mbi këtë përpjekje për të cilën Shtëpia e Bardhë nuk ka njoftuar ende zyrtarisht./VOA
foto ilustruese SRI LANKA- Katër peshkatarë nga Sri Lanka kanë vdekur dhe dy të tjerë janë të sëmurë rënd...
foto ilustruese MALAJZI- Misteri i fluturimit MH370 të Malaysia Airlines mund të zgjidhet pasi hetuesit zbuluan elementët kryesorë t&eu...
vendngjarja SERBI- Një person është arrestuar në Beograd nën dyshimet se ka ofruar “mbështetje logjistike” pë...
miroslav lajcak KOSOVË- I dërguari special i BE-së për dialogun Kosovë-Serbi, Miroslav Lajçak, ka marrë pjesë n&e...
balona BRITANI- Një grup eksploruesish që shpresojnë të jenë të parët që do të fluturojnë përtej Atl...
foto ilustruese SHBA- Shtetet e Bashkuara dhe 28 vende të tjera partnere filluan këtë javë stërvitjen më të madhe luftar...
foto ilustruese SHBA- Shtetet e Bashkuara të Amerikës kanë propozuar një gjuhë të re për të kapërcyer boshll&e...
foto ilustruese EKUADOR- Një armë, tip pistoletë 9 milimetra, ndezi një konflikt të dhunshëm në një prej lagje...
foto nga martesat MEKSIKË- Mbi njëqind çifte të të njëjtit seks u martuan një ditë më parë n&...
joe biden SHBA- Presidenti Joe Biden foli të premten lidhur me shqetësimet e demokratëve për atë që u konsiderua si një ...
