"Do t’i japim Selisë së Kryegjyshatës një status të ngjashëm me Vatikanin!" Ideja për krijimin e shteti...
EMRAT/ Vrasja e Lulzim Vishës, në banesë iu gjetën armë zjarri automatike me silenciator dhe gëzhoja, arrestohet 3...
Ndarja nga jeta e Kryepeshkopit Anastas Janullatos/ "Shkak funksionimi i pamjaftueshëm i shumë organeve", Kisha Ortodokse: I përj...
Sterilizmi dhe situata te Onkologjiku/ Berisha: Inceneratorët janë organizatë kriminale dhe koka e kësaj organizate ësh...
Ministri i Brendshëm i Malit të Zi, Filip Axhiçi shtoi se në krim morën pjesë së paku pesë persona të tjerë, të cilët ofruan ndihmë logjistike, apo mbështetje tjetër.
MALI I ZI- Tuneli nëntokësor rreth 30 metra i gjatë deri te depoja e Gjykatës së Lartë në Podgoricë është hapur kryesisht nga shtetas të Serbisë, të cilët janë identifikuar, tha ministri i Brendshëm i Malit të Zi, Filip Axhiç. Axhiç tha në një konferencën për shtyp më 22 shtator se në krim morën pjesë, Veljko Markoviç (32 vjç), Milan Markoviç (53 vjeç), Dejan Jovanoviç (30 vjeç) dhe Vladimir Eriç (32 vjeç), që të gjithë nga Serbia.
Ata ishin ndihmuar edhe prej njerëzve nga Mali i Zi, sipas tij. Ai madje i shfaqi edhe fotografitë e tyre për gazetarë gjatë konferencës. Tuneli nëntokësor, 30 metra i gjatë, nga bodrumi i një banesë në qendër të Podgoricës deri në depon e Gjykatës së Lartë, u zbulua më 11 shtator. Policia nuk ka gjetur askënd në banesën që ndodhet në rrugën “Njegosheva” në qendër të Podgoricës dhe siç është konstatuar, banesa u është dhënë me qira personave që kanë përdorur dokumente të falsifikuara.
Në depon e Gjykatës së Lartë, përveç dosjeve gjyqësore, mes së cilave ka prova për vepra të ndryshme penale, ka edhe rreth nëntë tonë e gjysmë lëndë narkotike të konfiskuara, nga të cilat rreth dy tonë janë kokainë dhe rreth shtatë tonë marihuanë.
Axhiç tha se është paraqitur padi edhe ndaj dy personave të paidentifikuar. Të gjithë ata, ikën nga Mali i Zi në grupe të vogla më 11 shtator pasi e kreu krimin, ditën kur u zbulua se depoja ishte plaçkitur, prandaj edhe nuk kanë mundur të arrestoheshin.
“Ka një lidhje mes kësaj organizate dhe një personi nga Gjykata e Lartë dhe me persona që aktualisht janë në Administratën për Ekzekutimin e Sanksioneve dhe që janë të lidhur me një nga organizatat kriminale në vend”, tha Axhiç.
Shumica e të identifikuarve kanë të kaluar kriminale dhe janë në regjistrat e krimeve të vendeve të tjera, tha Axhiç, duke shtuar se autoritetet e kanë një pistë tashmë e cila i çon ata te autorët. Duke qenë se ata nuk janë nga Mali i Zi, tha ai, është e rëndësishme që ata të arrestohen në bashkëpunim me shërbimet shtetërore nga rajoni.
Ai shtoi se në krim morën pjesë së paku pesë persona të tjerë, të cilët ofruan ndihmë logjistike, apo mbështetje tjetër. Axhiç e shfaqi edhe një fotografi të një gruaje e cila është e lidhur me atë rast, duke thënë se ajo është shtetase e Malit të Zi dhe se nuk dihet nëse ajo është larguar nga vendi. Ai tha se autoritetet kanë një pistë që i çon te autorët dhe se nga veprimet e mëtejshme duhet të përcaktohet nëse personi i Gjykatës së Lartë mori pjesë në një organizatë kriminale, apo nëse vetëm ka lidhje me të.
“Duke qenë se tashmë kemi një lidhje të caktuar mes personave të Gjykatës së Lartë, organizatës kriminale që ka gërmuar dhe atyre që qëndrojnë në UIKS, jemi një hap më afër zbulimit të motivit të vërtetë të gërmimit të tunelit dhe hyrjes në depo”, shtoi Axhiç.
Ai tha se nuk do t’i kërkojë kryetarit të Gjykatës së Lartë, Boris Saviq, të japë dorëheqje.
“Kam informacion se Saviqi ka përdorur çelësat e depos dhe se është dashur të njihet me të gjithë ata që kanë qëndruar në depo. Hetimi shtesë do të tregojë nëse ai ka ndonjë lidhje. Nuk kemi asnjë informacion se Saviqi është i lidhur me këto aktivitete kriminale”, theksoi ai.
Marrë nga REL
Peter Stano BRUKSEL- Pas ngjarjes së shpërthimit të granatës në veri të Kosovës në Lagjen e Boshnjakëve ka rea...
foto ilustruese RUSI- Selia e flotës ruse të Detit të Zi është goditur nga një sulm raketor ukrainas. Ministr...
Dmitry Peskov RUSI- Kremlini njoftoi se Rusia sheh rritje të tensionit midis Polonisë dhe Ukrainës në të ardhmen, pas një...
sergey lavrov RUSI- Ministri i Jashtëm i Rusisë, Sergei Lavrov ka reaguar pas replikave mes kryeministrit Edi Rama dhe përfaqësuesit t&...
foto ilustruese EUROPË- Sipas shifrave të Eurostat të publikuara sot rezultojnë më shumë se 83,000 kërkes...
Marine Le Pen FRANCË- Zyra e prokurorit të Parisit njofton se liderja e ekstremit të djathtë Marine Le Pen dhe 23 anëtarë...
Foto ilustruese BJELLORUSI- Stërvitja ushtarake, e cila filloi në Bjellorusi të premten, nuk përbën kërcënim pë...
Volodymyr Zelensky SHBA- Ukraina dhe Shtetet e Bashkuara janë pajtuar që të nisin prodhimin e përbashkët të armëve, nj&e...
foto ilustruese GREQI- Një armë e cila dyshohet se mund të jetë përdorur në ekzekutimin e gjashtë turqve para pak jav&eu...
Tërmet në Greqi GREQI- Brenda 12 orësh në Greqi janë regjistruar 14 tërmete. Sipas mediave greke, lëkundjet sizmike jan&...
