Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Shqipëria kërkon revolucion
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Rama nga Thethi: Paketa e Maleve nuk është për biznesmenë dhe as për oligarkët 21 Korrik, 16:20 ...
Berisha: I bëj thirrje Prokurorit Publike të BE, por edhe Interpolit dhe Eurojust që të nisin hetimet për Ramën q&...
Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
Thirrja e tij u bë para se aleatët e Perëndimit të mblidhen në bazën ushtarake amerikane Ramstein, në jug të Gjermanisë, për të diskutuar për fazat e ardhshme të ndihmës.
GJERMANI- Presidenti ukrainas, Volodymyr Zelensky, i ka bërë thirrje të hapur Berlinit që t'i dërgojë tanke Ukrainës. Thirrja e tij u bë para se aleatët e Perëndimit të mblidhen në bazën ushtarake amerikane Ramstein, në jug të Gjermanisë, për të diskutuar për fazat e ardhshme të ndihmës.
Shtetet e Bashkuara dhe kombet evropiane veçse janë zotuar se do t’i ndihmojnë Kievit me më shumë pajisje për të luftuar pushtimin rus.
Ndaj Berlinit sa shkon e rritet presioni për të dhënë leje që të transportohen në Ukrainë tanket e modelit Leopard.
“Nëse keni tanke Leopard, na i jepni neve”, ka thënë Zelensky për televizionin publik gjerman.
“Këta Leopard nuk do të shkojnë në Rusi. Ne jemi duke e mbrojtur veten”, ka thënë ai, si shenjë e kritikës ndaj qasjes hezituese të Qeverisë gjermane.
Zyrtarët e mbrojtjes nga më shumë se 50 shtete pritet të mblidhen në Ramstein, një ditë pasi Shtetet e Bashkuara dhe disa shtete evropiane janë zotuar për ofrim të më shumë pajisjeve për t’i ndihmuar Ukrainës që zmbrapsë ndonjë ofensive eventuale ruse.
Pas 11 muajve të nisjes së luftës së Rusisë në Ukrainë, zyrtarët ushtarakë të NATO-s besojnë se Moska është duke planifikuar ofensivë të re në pranverë.
Mbretëria e Bashkuar, po ashtu, ka ofruar dërgimin e 14 tankeve luftarake në Ukrainë, mirëpo Kievi dëshiron më shumë.
Si vend prodhues, Gjermania duhet të japë leje para se shtetet sikurse Polonia dhe Finlanda, t'i nisin tanket Leopard që i kanë në dispozicion.
Megjithatë, zëvendësministri i Jashtëm polak, Pawel Jablonski, ka paralajmëruar të premten se Varshava mund të marrë veprime jashtë standardit, nëse ekziston rezistencë e ashpër nga Berlini.
Një këshilltar i Ministrisë së Mbrojtjes në Kiev, ka thënë të premten se aleatët e Ukrainës përballen me “zgjidhje të thjeshtë”.
“Tanket për Ukrainën janë tanke për lirinë”, ka thënë Yuriy Sak për transmetuesin britanik, BBC.
Nëse nuk na dërgohen këto tanke, shtetet tjera një ditë “mund t’i përdorin vetë” kundër Moskës, ka paralajmëruar ai.
Berlini ka thënë këtë javë se vendimi për tanket Leopard është kushtëzuar me vendimin e Shteteve të Bashkuara për të dërguar tanket Abrams, diçka që Uashingtoni nuk planifikon ta bëjë.
Mirëpo, ministri i ri gjerman i Mbrojtjes, Boris Pistorius, ka thënë se nuk është në dijeni të kushteve të tilla.
Në mbrëmjen e së enjtes, Gjermania ka thënë se pozicioni i saj do të jetë më i qartë në orët e ardhshme, ka raportuar agjencia e lajmeve AFP.
Zelensky e ka kritikuar disa herë rezistencën e Berlinit për të dërguar tanke, ashtu sikurse sugjerimet se SHBA-ja dhe Gjermania planifikojnë të dërgojnë tanke vetëm nëse shtetet tjera veprojnë njëjtë.
“Nuk mendoj se kjo është strategjia e duhur”, ka thënë Zelensky, duke bërë thirrje për marrjen e vendimeve “të fuqishme” të premten.
Gjenerali i pensionuar i ushtrisë amerikane, David Petraeus, ka thënë se ekzistojnë dyshime të bazuara në Uashington sa i përket dërgimit të tankeve Abrams në Ukrainë, sepse ato vështirë mirëmbahen dhe kanë një turbinë reaktive.
Ai i ka thënë BBC-së se është e domosdoshme që secili donacion perëndimor të bëhet “mjaftueshëm herët, në mënyrë që ushtarët ukrainas të mund të trajnohen”.
Rusia, në anën tjetër, ka paralajmëruar shtetet e Perëndimit për dërgimin e tankeve në Ukrainë, duke thënë se diçka e tillë përbën përshkallëzim “jashtëzakonisht të rrezikshëm” të konfliktit.
Të enjten, Shtetet e Bashkuara kanë prezantuar ndihmën ushtarake në vlerë të 2.5 miliardë dollarëve.
Në total, Shtetet e Bashkuara kanë ndarë 27 miliardë dollarë si ndihmë për Ukrainën, prej kur Moska ka nisur luftën në shkurt të vitit të kaluar.
Tanket nuk janë pjesë e paketës së ndihmës, mirëpo Petangoni ka premtuar dërgimin e pajisjeve tjera si Bradley, Stryker, Avenger e tjera. Ky njoftim pasoi zotimin e nëntë kombeve evropiane se do të ofrojnë më shumë ndihmë për Kievin.
Marrë nga REL
Eva Kaili BRUKSEL- Eva Kaili, eurodeputetja greke në qendër të skandalit të korrupsionit që përfshiu Parlamentin Europian, &e...
Jacinda Ardern ZELANDA E RE- Jacinda Ardern ka thënë se “nuk pendohet” pse ka dhënë dorëheqje nga pozita e kryeministr...
Fumio Kishida JAPONI- Kryeministri japonez, Fumio Kishida, ka bërë të ditura planet për të ndryshuar statusin ligjor për COVI...
Andrew Tate RUMANI- Daria Gusa ishte 16 vjeç dhe ende në shkollë, kur thotë se mori një mesazh privat në Instagr...
Sherri mes vajzave SKOCI- Ky është momenti shqetësues kur një nxënëse skoceze goditet vazhdimisht me grushte dhe shkelma n&eu...
Foto Ilustruese UKRAINË- Tetë ushtarë rusë u larguan nga beteja e luftës në Ukrainë dhe morën një taksi pë...
Zyrtaret e huaj KOSOVË- Ka nisur takimi i kryeministrit Albin Kurti me pesë emisarët për dialogun Kosovë-Serbi. Në takim me K...
Hungari HUNGARI- Hungaria ka bllokuar rreth 500 milionë euro në mbështetje të armëve të BE-së për Ukrainën, si...
Tank UKRAINË- E konsideroj si përgjigje pozitive lidhur me çështjen nëse Ukraina do të marrë edhe tanke Leopard-2 t&eu...
Rishi Sunak ANGLI- Policia e Lancashire po "heton" Rishi Sunak pasi ai u filmua duke mos vendosur rripin e sigurimit ndërsa ishte pasagjer në nj&...
