“Shumë socialistë më mbështesin, por do t’i mbaj anonim”/ Marjana Koçeku: Një sërë ngjarjesh më kanë bërë të mendoj se s’i përkas këtij grupi politik!
“Si deputete e pavarur po punoj për një platformë politike”/ Koçeku: Të dëgjohen kë...
“Si deputete e pavarur po punoj për një platformë politike”/ Koçeku: Të dëgjohen kë...
Berisha: I bëj thirrje Prokurorit Publike të BE, por edhe Interpolit dhe Eurojust që të nisin hetimet për Ramën q&...
Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
Dosja e Erion Veliajt/ Avokati Ndreca nuk u paraqit, gjobitet me 50 mijë lekë! Shtyhet seanca 21 Korrik, 10:54 Dosja...
Sipas zyrtarëve të angazhuar në procesin e bisedimeve ndërmjet Izraelit dhe Hamasit, një marrëveshje e propozuar është tashmë në tryezë dhe përfaqësuesit e dyja palëve ua kanë dërguar projekt-propozimin udhëheqësve të tyre për miratimin përfundimtar.
IZRAEL- Zyrtarët njoftuan sot se ndërmjetësit amerikanë dhe arabë kanë bërë përparim të dukshëm gjatë natës në ndërmjetësimin e një armëpushimi dhe lirimin e pengjeve që ende po mbahen në Rripin e Gazës, por marrëveshja ende nuk është arritur. Tre zyrtarë të afërt me procesin e bisedimeve thanë se është bërë përparim dhe se ditët në vijim do të jenë kritike për t’i dhënë fund luftës 15 mujore që ka destabilizuar Lindjen e Mesme.
Sipas zyrtarëve të angazhuar në procesin e bisedimeve ndërmjet Izraelit dhe Hamasit, një marrëveshje e propozuar është tashmë në tryezë dhe përfaqësuesit e dyja palëve ua kanë dërguar projekt-propozimin udhëheqësve të tyre për miratimin përfundimtar.
Një burim tha se 24 orët e ardhshme do të jenë të një rëndësie kritike, ndërsa zyrtarë të tjerë deklaruan se përkundër përparimit të shënuar gjatë natës, nevojiten edhe disa ditë të tjera për të arritur marrëveshjen.
Ministri i jashtëm i Izraelit, Gideon Saar konfirmoi se negociatat po shkonin në drejtimin e duhur.
“Është shënuar përparim; shohim më shumë përparim në negociata. Izraeli dëshiron një marrëveshje për lirimin e pengjeve dhe po punon me miqtë amerikanë për ta arritur ata. Së shpejti do ta kuptojmë nëse edhe pala tjetër e dëshiron një gjë të tillë”, deklaroi Ministri Saar.
Zyrtarët me të cilët ka biseduar agjencia Associated Press thanë se ndërmjetësuesit nga Katari po ushtrojnë trysni ndaj Hamasit për ta pranuar marrëveshjen, ndërkohë Steve Witkoff, i dërguari i Presidentit të zgjedhur Donald Trump, i cili së fundmi u është bashkangjitur negociatave dhe po qëndron në rajon ditëve të fundit, po bën trysni ndaj izraelitëve.
Ndërmjetësit, sipas burimeve të agjencisë, po synojnë arritjen e një marrëveshjeje para ceremonisë së inaugurimit të zotit Trump më 20 janar dhe një prej tyre u shpreh se beson që ky afat mund të arrihet.
Presidenti i tanishëm amerikan Joe Biden, i cili po ashtu shpreson se tek arritja e një marrëveshjeje para përfundimit të mandatit të tij, ka biseduar me Kryeministrin izraelit Benjamin Netanyahu për negociatat gjatë ditës së dielë.
Një zytar i Hamasit deklaroi se kanë mbetur edhe një numër çështjesh të diskutueshme për t’u zgjidhur, përfshirë përkushtimin e Izraelit për t’i dhënë fund luftës, detajet rreth tërheqjes së forcave izraelite dhe këmbimit të pengjeve me të burgosurit palestinezë.
Administrata e Presidentit Biden, krahas Egjiptit dhe Katarit, është angazhuar për më shumë se një vit për të ndërmjetësuar një marrëveshje që do t’i jepte fund luftës së përgjakshme në Gazë dhe që do të mundësonte lirimin e pengjeve të rrëmbyera nga Hamasi më 7 tetor të vitit 2023, gjatë sulmit të militantëve palestinezë ndaj vendbanimeve izraelite, që u bë shkas për fillimin e luftës.
Por palët mbesin të përçara rreth detajeve për këmbimin e planifikuar të pengjeve me të burgosurit palestinezë që mbahen nga Izraeli si dhe me vetë natyrën e armëpushimit. Hamasi thotë se nuk do t’i lirojë pengjet pa një përfundim të plotë të luftës, ndërsa Kryeministri Netanyahu është zotuar se do ta vazhdojë fushatën ushtarake, siç thotë ai, deri në “fitoren e plotë” ndaj Hamasit.
Për momentin, diskutimet janë përqendruar në një armëpushim të ndarë në faza. Zoti Netanyahu pajtohet me fazën e parë – një lirim të pjesshëm të pengjeve në këmbim për një armëpushim disa javor, me mundësinë që një armëpushim afatgjatë të negociohet gjatë kësaj periudhe. Hamasi këmbëngul në tërheqjen e plotë të Izraelit dhe përfundimin e luftës dhe shpreson që faza e parë do të çojë drejt këtij rezultati.
Në Tel Aviv, familjarët e 100 pengjeve sërish protestuan gjatë fundjavës për t’i bërë trysni udhëheqësve izraelitë të arrijnë një marrëveshje që do t’u mundësonte të dashurve të tyre të kthehen në shtëpi.
Në Gazë, ku fushata ushtarake izraelite ka shkaktuar vdekjen e 46,000 palestinezëve, shumica prej të cilëve gra dhe fëmijë, palestinezët shfaqin rezerva për mundësinë e një marrëveshjeje, pas disa përpjekjeve të dështuara këtë vit./VOA
Gordana Jankullovskan SHKUP- Gjykata Themelore e Shkupit vendosi më 13 janar që të lirojë nga akuzat Gordana Jankullovskan, për ra...
Putin RUSI- Rusia dhe Irani do të nënshkruajnë një "Marrëveshje Gjithëpërfshirëse të Partn...
Foto ilustruese JAPONI- Një tërmet me magnitudë 6.4 goditi afër bregut juglindor të ishullit japonez, Kyushu. Lëkundjet m&eum...
foto ilustruese BERLIN- Policia gjermane tha se ka nisur një hetim për rastet e dyshuara të spiunazhit rus, pasi disa dronë u vunë...
Foto ilustruese NORVEGJI- Norvegjia do të presë të mërkurën, 15 janar konferencën e tretë të një aleance ...
EKUADOR- Një tjetër politikan ka rënë pre e atentatit në Ekuador. Kryebashkiaku i Arenilla, Eber Ponce vdiq pasi u qëllua pes&eu...
Bullgari BULLGARI- Duket si një imazh i luftës: Një grua duke qarë, e përqafon djalin e saj me uniformë para nisjes së t...
Modeli i ri kompjuterik me gropat e shkëmbinjve (ngjyra blu) ZVICËR- Një model i detajuar i mantelit të poshtëm të Tokës...
Foto ilustruese BELGJIKË- Belgjika u përfshi nga një grevë kombëtare të hënën, pasi punonjësit e trafikut ajro...
qendra BRITANI- Dhoma e parë e konsumit më të sigurt të drogës në Mbretërinë e Bashkuar ka hapur dyert zyrtari...
