6 interperlanca në Kuvend/ Seanca plenare nis me një minutë heshtje për vrasjen e efektivit në Korçë
Resorti në Zvërnec, Zhupa: S’ka turizëm të qëndrueshëm me beton të qëndrueshëm 4 Qershor, 1...
Resorti në Zvërnec, Zhupa: S’ka turizëm të qëndrueshëm me beton të qëndrueshëm 4 Qershor, 1...
Ngjarja në Maliq/ Zbardhen edhe identitetet e efektivëve 4 Qershor, 08:49 E rëndë në Maliq/ Vritet p...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
Ministri i Brendshëm, Sandër Lleshaj me anë të një deklarate për shtyp ka reaguar lidhur me dënimin me 25 vite burg ndaj Dritan Dajtit.
Ministri e ka cilësuar vendimin e gjyqtarëve si kriminal dhe u shpreh se ndaj tyre ka nisur punën me operacionin“Forca e ligjit” ndaj asaj që Lleshaj e cilësoi si atentat ndaj drejtësisë së Shqipërisë.
“48 orët e fundit kanë qenë orë të përjetimeve të rënda për familjarët e oficerëve të rënë në krye të detyrës si pasojë e një vendimi kriminal të disa gjyqtarëve që meritojnë plotësisht t’u bashkohen prapa hekurave klientëve të tyre. Edhe pse nuk mund të jap detaje, deklaroj se Operacioni “Forca e Ligjit” është vënë në veprim të plotë për të adresuar me të gjithë forcën e së drejtës atentatin e qartë, brutal dhe skandaloz që i është bërë drejtësisë në vendin tonë, sakrificave të panumërta dhe gjakut të derdhur nga qindra punonjës të Policisë së Shtetit shqiptar përgjatë tri dekadave të fundit,”– tha Lleshaj.
Fjala e plotë:
48 orët e fundit kanë qenë orë të përjetimeve të rënda për familjarët e oficerëve të rënë në krye të detyrës më 7 gusht të vitit 2009, për Policinë e Shtetit dhe për gjithë qytetarët shqiptarë, si pasojë e një vendimi kriminal të disa gjyqtarëve që meritojnë plotësisht t’u bashkohen prapa hekurave klientëve të tyre.
Kam pritur këto 48 orë sa të sigurohesha që ky krim i njerëzve me imunitet ligjor dhe kushtetues të mos kishte si përgjigje vetëm një deklaratë publike, por edhe një reagim të fortë e të vendosur si dhe një proces të qartë ligjor.
Edhe pse nuk mund të jap detaje, deklaroj se Operacioni “Forca e Ligjit” është vënë në veprim të plotë për të adresuar me të gjithë forcën e së drejtës atentatin e qartë, brutal dhe skandaloz që i është bërë drejtësisë në vendin tonë, sakrificave të panumërta dhe gjakut të derdhur nga qindra punonjës të Policisë së Shtetit shqiptar përgjatë tri dekadave të fundit.
Nuk mund dhe nuk do të ketë paqe në shpirtin e Policisë së Shtetit, por as edhe tek unë si Ministër i Brendshëm, derisa ky vendim, jo vetëm të zhbëhet nga Gjykata e Lartë, por edhe derisa autorët e këtij akti të pashembullt dhe fyes për gjakun e gjithë dëshmorëve të PSH të përballen me ligjin dhe drejtësinë e vërtetë.
Personat me profil të lartë kriminal, në shumicën e tyre, janë sot prapa hekurave, si rezultat i vullnetit të kësaj shumice qeverisëse për të luftuar pa kompromis krimin e organizuar dhe i një policie të reformuar dhe të motivuar për të imponuar fuqinë e ligjit në bashkëpunim me agjencitë e tjera ligj zbatuese.
Ata që krijuan kushte dhe lejuan rritjen kriminelëve me profil të rrezikshëm, dhe që jo rrallë u bënë njësh me ta, sot lajnë duart, madje përpiqen të krijojnë dhe kapital politik.
Por qytetarët shqiptarë i njohin mirë, si arkitektët e djeshëm të një sistemi pa drejtësi, ashtu dhe perspektivën e pashmangshme të një reforme historike në drejtësi, e cila po thellohet falë vullnetit tonë të palëkundur, por që nuk mund të quhet e kryer, përderisa raste si ky i fundit, na dëshmojnë se ende njerëz të çartur, pa fe e atdhe, të veshur me petkun e së drejtës çmenden përpara parave të krimit.
Po aq të çmendura janë edhe reagimet e monstrave politike që përpiqen të keqpërdorin dhe të kthejnë në armë kundër qeverisë vendimet e disa gjyqtarëve, që ata vetë i kanë ushqyer gjatë viteve të qeverisjes së tyre në simbiozë me një sistem drejtësie të korruptuar dhe me rrjete e grupe kriminale që u rritën nën hijen e tyre.
Unë siguroj qytetarët shqiptarë dhe familjarët e dëshmorëve të Atdheut nga radhët e Policisë së Shtetit, se përgjigja e institucioneve do të jetë e fortë, ligjore, në përpjesëtim të drejtë dhe në respekt të plotë me thirrjen që buron nga amaneti i atyre burrave të Policisë së Shtetit shqiptar që dhanë jetën për një Shqipëri më të sigurt dhe më drejtë.
ritan Dajti është i dënuar për vrasjen e 4 policëve në plazhin Iliria në vitin 2009 në Durrës. Fatos Xhani, Altin Dizdari, Kastriot Freskaj dhe Sajmir Duçkollari u vranë më 7 gusht të vitit 2009, kur Forcat Operacionale shkuan të arrestonin Dritan Dajtin, i cili asokohe ishte shpallur në kërkim për vrasjen e biznesmenit Agim Beqo.
Dritan Dajti qëndron prej vitit 2009 në paraburgim, ndërkohë që gjykimi i tij është zvarritur për gati 10 vite. Vendimi i Apelit e lë Dritan Dajtin edhe 10 vite pas hekurave, pas konvertimit të dënimit nga paraburgimi, i cili llogaritet 10 vite i barabartë me 15 vite burg. Lidhur me rastin, ditën e sotme ka reaguar edhe kryeministri Edi Rama. (Lexo këtu. Lidhur mbi rastin ka reaguar edhe ministrja e Drejtësisë, Etilda Gjonaj. (Lexo këtu)
Tirana është boshatisur për ditët e pushimit. Cilën nga ritet e shenjta po ndiqni:
TIRANË- Ministrja e Drejtësisë, Etilda Gjonaj me anë të një deklarate për shtyp ka reaguar lidhur me vendimin e Gjykatës së Apelit për dënimin me 25 vite b...
Anëtarja e Partisë për Drejtësi, Integrim dhe Unitet, Mesila Doda ka përcjellë një mesazh prekës gjatë takimit me forumin e gruas.Duke iu drejtuar të bijës së p...
TIRANË- Lajmi që Dritan Dajti shpëton nga burgimi i përjetshëm bëri bujë në media dhe në opinionin publik. (Lexo këtu) Për autorin e masakrës së Durrësit, ...
VLORË- Kreu i PD-së, Lulzim Basha ka zhvilluar një takim me demokratët e Vlorës. Gjatë takimeve më qytetarët, Basha është shprehur se të gjithë duhet t’i b...
KORÇË- Kryeministri Edi Rama ka inspektuar punimet e rrugës hyrëse të qytetit të Maliqit.Gjatë inspektimeve, Rama ka ndarë më banorët edhe prapasken...
KORÇË- Kryeministri Edi Rama ka vizituar Bashkinë e qytetit të Korçës. Krahas promovimit të ndryshimeve të ndodhura në godinën e Bashkisë, Ra...
KORÇË- Kryeministri Edi Rama ka vizituar ditën e djeshme qytetin e Korçës. Gjatë vizitës, ai ka shkuar edhe në shtëpinë e Ëngjëllush Hys...
Në postimin e saj në twitter politikanja e njohur europiane Doris Pack ka kritikuar Ramën jo vetëm për fjalorin por dhe për postimet abuzive kundrejt femrave në...
Kreu i Partisë Demokratike, Lulzim Basha ishte sot në Vlorë ku zhvilloi një takim me student dhe pedagogë të Universitetit “Ismail Qemali”. Basha fajësoi qeveri...
Akademiku Artan Fuga ka publikuar një shkrim në rrjetet sociale ku ironizon fjalorin e përdorur në seancat e fundit në Kuvend. Në një status në profilin e tij z...
