Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
BSH sqaron se nuk mund të ndërhyhet në një treg të lirë financiar dhe jep dy skenaret negative me të cilat do të përballej Shqipëria.
Banka e Shqipërisë ka hedhur poshtë idenë e një kursi fiks këmbimi për monedhën euro, me qëllim minimizimin e efekteve negative, siç u propozua nga bizneset eksportuese. Në një komunikim zyrtar për Gazetasi.al, BSH sqaron se nuk mund të ndërhyhet në një treg të lirë financiar dhe jep dy skenaret negative me të cilat do të përballej Shqipëria.
“Në përgjithësi, zbatimi i një regjimi fiks të kursit të këmbimit do të kërkonte heqjen dorë nga objektivi i stabilitetit të çmimeve të Bankës së Shqipërisë, ose do të kërkonte aplikimin e normave tejet të larta të interesit për arritjen e tij. Kjo e fundit do të dëmtonte të gjitha bizneset dhe familjet kredimarrëse, duke i vënë ata në vështirësi financiare, duke rrezikuar rritjen e kredive me probleme dhe duke kërcënuar stabilitetin financiar të vendit.
Në veçanti, zbatimi i një regjimi fiks të kursit të këmbimit për kategori të caktuara biznesi do të kërkonte në ekzistencën në praktikë të dy kurseve paralele të këmbimit në ekonomi, diçka që është e pamundur të operohet në një sistem financiar të bazuar në parimet e tregut të lirë, pa shkaktuar deformime serioze të tij,”- sqaron më tej në përgjigje BSH.
Pak javë më parë, në një takim me bankat tregtare, Guvernatori i Bankës i kërkoi atyre të lehtësojnë kushtet e kredidhënies për bizneset eksportuese dhe të përdorin me to kontratat ‘forward’. Lidhur me këtë, në përgjigjen për Gazetasi.al, BSH thotë se instrumentat janë të limituara dhe se ‘përjashtimi’ për një grup krijon kosto në të gjithë ekonominë.
“Instrumentet e Bankës së Shqipërisë për të adresuar shqetësime të grupeve specifike të interesit janë të limituara. Instrumentet që ne disponojmë kanë një ndikim të përgjithshëm; ato prekin njëkohësisht të gjithë ekonominë dhe tregun financiar si dhe të gjitha segmentet e kategoritë e biznesit. Banka e Shqipërisë nuk disponon instrumente të cilat mund të lehtësojnë koston e një kategorie specifike biznesi pa e kaluar këtë kosto në pjesën tjetër të ekonomisë”, shjegohet nga BSH.
Autoriteti kryesor financiar në vend është i gatshëm për të vijuar komunikimin mbi grupet që dëmtohen nga zhvlerësimi i euros duke rikujtuar takimet e shkuara me eksportuesit.
“Banka e Shqipërisë mbetet e vëmendshme ndaj zhvillimeve të kursit, duke rifreskuar në vazhdimësi analizat e saj, dhe e gatshme të marrë gjithnjë vendimet më të mira për rritjen e mirëqenies së përgjithshme ekonomike dhe shoqërore. Po ashtu, ne mbetemi të hapur për dialog të mëtejshëm me të gjithë grupet e interesit të ndikuara nga ecuria e kursit. Nga ana tjetër, ne kemi orientuar bizneset eksportuese të prekura nga forcimi i kursit, të rritin përdorimin e instrumenteve financiare të cilat zbutin rrezikun e kursit të këmbimit si dhe kemi instruktuar bankat të kenë një përqasje pro-aktive drejt mbështetjes së bizneseve eksportuese të cilat janë në vështirësi financiare” thekson BSH.
BSH tregon se reagimi i saj ndaj luhatjeve të kursit është ai i ‘pezullimit’ të përkohshëm të normës së interesit, duke ndihmuar grupe të tjera.
“Në këtë kontekst, në përputhje me regjimin e lirë të kursit të këmbimit që aplikohet në Shqipëri dhe me objektivin tonë të stabilitetit të çmimeve, ne kemi reaguar ndaj këtij zhvillimi duke reduktuar shpejtësinë e normalizimit të qëndrimit të politikës sonë monetare. Me fjalë të tjera, ekonomia shqiptare ka përfituar një nivel më të ulët normash interesi dhe kostosh financimi, duke mbështetur zgjerimin e konsumit dhe të investimeve si dhe duke lehtësuar barrën financiare për kredimarrësit”, thuhet në përgjigjen e BSH-së për Gazeta Si./GazetaSi
Foto ilustruese SHBA- Kur boksierin Mike Tyson e pyetën përpara një ndeshjeje nëse ishte i shqetësuar për planin e një k...
Foto ilustruese AZI- Koncepti i “vlerave aziatike”, dikur i lavdëruar nga udhëheqësit në të gjithë rajonin, doli ...
Foto Ilustruese TIRANË- Vitet e fundit, nocioni i Inteligjencës Artificiale po bëhet kryefjala e zhvillimeve teknologjike, të cilat po ...
Foto Ilustruese TIRANË- Meri vendosi që së bashku me bashkëshortin dhe dy fëmijët e tyre të rezervonte pushimet e saj n&...
Forcimi i paprecedentë i Lekut në kursin e këmbimit me Euron këtë vit po e përball ndoshta, për herë të par...
Humbjet e bankave nga rreziqet operacionale u rritën vitin e kaluar. Mbështetur në të dhënat e Raportit Rrjetor të Mbikëqy...
Enio Jaço TIRANË- Kreu i Dhomës Amerikane të Tregtisë, Enio Jaço, ka reaguar në lidhje me raportin e DASH për S...
Banka Qendrore Europiane rriti të enjten normat e interesit për të pestën herë radhazi këtë vit. Norma instrumentit kryeso...
Të paktën 309 pasuri do të preken nga projekti i zhvendosjes së Portit të ri të Durrësit në Porto Romano. Agjencia Sh...
foto ilustruese Banka Qendrore Europiane ngriti normën e depozitave në një nivel historik dhe mbajti opsionet e hapura, nëse do të...
