Dita e 10 e protestës/ Sindikatat thirrje Macron: Hiq dorë nga reforma e pensioneve 28 Mars, 14:52 'Të gjith&e...
'Rrjedhin' emrat e Alibeajt, tërhiqet dhe kandidati për Bashkinë Korçë, 'merr me vete' dhe 40 këshilltarët ...
"Të thirret si dëshmitar"/ Gjykata e Elbasanit rrëzon poshtë kërkesën për Gazment Bardhin 28 Mars, 11:31 ...
Të tjera LISTA/ Kryetar komune, drejtor shkolle e biznesmenë, kë zgjodhën Berisha e Meta në bashkitë e tjera p&eum...
Dokumenti i Sekretariatit të Komunitetit të Energjisë vlerëson se një paketë e re është duke u përgatitur që synon të përputhet me Detyrimet e Direktivës duke futur një sistem që do të ishte më shumë në përputhje me modelin aktual të bazuar në industri.
TIRANË- Draftligji për krijimin e rezervës së naftës dhe menaxhimin e gjithçkaje nga një agjenci e dedikuar ndoshta nuk do të hyjë asnjëherë në fuqi. Pas rezistencës që u has lidhur me këtë draft projekti shtyhet prej vitesh dhe tashmë në tryezë është edhe opsioni që në fuqi të mbetet modeli aktual duke e plotësuar atë me dy rregullore të reja.
Dokumenti i Sekretariatit të Komunitetit të Energjisë vlerëson se një paketë e re është duke u përgatitur që synon të përputhet me Detyrimet e Direktivës duke futur një sistem që do të ishte më shumë në përputhje me modelin aktual të bazuar në industri.
“Ai përbëhet nga dy rregullore shtesë që përcaktojnë detyrimet e raportimit dhe mënyrën e llogaritjes së stoqeve minimale si dhe Plani Kombëtar i Reagimit. Shqipëria ende nuk ka vendosur nëse do ta miratojë projektligjin apo miratojnë dy rregulloret dhe kështu vazhdojnë me modelin ekzistues i lidhur me industrinë” thuhet në dokument.
Sekretariati sjell në vëmendje se dispozitat kryesore të Direktivës 98/70/KE u transpozuan në legjislacionin shqiptar nëpërmjet Vendimit të Qeverisë për Cilësinë e karburantit, benzinës dhe naftës. Legjislacioni për të siguruar që përmbajtja e squfurit në gazoilin për makineritë që nuk janë të rrugë të jetë më pak se 10 mg/kg nuk është miratuar ende. Ka një sistem për kontrollin e cilësisë së karburantit. Monitorimi i cilësisë së karburantit sigurohet nëpërmjet programeve vjetore të monitorimit.
Në fund Sekretariati ka rekomanduar që nëse Shqipëria për rezervën e naftës dëshiron të vazhdojë me të njëjtin model (industri lidhur), duhet të miratojë dy rregulloret e hartuara dhe të planin e ndërhyrjes. Rezerva e naftës për Shqipërinë duhet të jetë sa sasia e 90 ditëve importe neto ose 61 ditë konsum të brendshëm cilado nga këto nivele që është me e lartë.
Drafti për rezervat e sigurisë
Qeveria shqiptare në vitin 2019 hodhi për konsultim një projektligj që parashikonte pjesën e rezervave të sigurisë dhe ndryshimin e regjimit në raport me atë që aplikohet sot. Sipas shpjegimit të bërë në atë kohë në projektligj, këto rezerva janë sasitë e rezervave të naftës dhe nënprodukteve të saj të krijuara, për të siguruar një nivel të lartë të sigurisë së furnizimit të Republikës së Shqipërisë dhe për të përmbushur detyrimet e marrëveshjeve përkatëse ndërkombëtare. Ato mund të përdoren në kohë krizash prodhimi apo lufte.
I njëjti draft parashikonte se krijimi dhe mbajtja e rezervës së sigurisë do të ndahet mes industrisë dhe një enti publik. Ky i fundit do të ketë edhe shumicën e kësaj rezerve të paktën 60 ditë mesatare shitjeje, kurse kompanitë dhe rafineritë 30 ditë mesatare shitjeje.
Agjencia Shtetërore e Rezervave të Sigurisë të Naftës është institucioni i ri që do të krijohej në varësi të Ministrisë së Infrastrukturës dhe Energjisë. Kjo e fundit do të funksionojë me vetëfinancim përmes një tarife që do të mblidhet në çdo një litër karburant tek rafineritë dhe shoqëritë e shumicës.
Pikërisht tarifa për agjencinë dhe mënyra si ishte konceptuar mbajtja e rezervës u kundërshtuan fort në atë kohë nga industria pasi sipas tyre rriste kostot e për rrjedhojë kjo do të përçohej edhe tek çmimi final.
Marrë nga Monitor.al
Foto Ilustruese TIRANË- 56% e të anketuarve shqiptarë pohojnë se u është kërkuar një ryshfet dhe 47% pranojnë ...
Foto Ilustruese TIRANË- Bashkimi Europian akordoi në samitin e Tiranës të mbajtur pak ditë më parë një paketë ...
Foto ilustruese Qeveria ka rishikuar sërish buxhetin me akt normativ, duke rritur pritshmëritë për të ardhurat dhe zërin e sh...
Foto Ilustruese TIRANË- Ashtu siç u paralajmërua edhe nga Ministria e Financave qeveria ka ndryshuar buxhetin e vitit 2022. Akti normativ,...
Foto Ilustruese TIRANË- Emergjenca e furnizimit me energji në vend tkurri dukshëm investimet në sektorin e energjisë në dy vi...
Samiti TIRANË- 1 miliard euro është paketa mbështetëse për energjinë dhe infrastrukturën që Bashkimi Europian ...
Foto Ilustruese TIRANË- Yield-i mesatar i obligacioneve 2-vjeçare pësoi rënie në ankandin e së martës, duke dhën&...
Tiranë Parkimi është një mision i vështirë në Tiranë, por edhe kosto për të lënë makinën n...
Emigrantët TIRANË- 69% e të punësuarve në Shqipëri hasin vështirësi në plotësimin e nevojave mujore, nj&e...
TIRANË- Kredia për bizneset private këtë vit paraqitet në rritje të ndjeshme, pavarësisht një tendence ngadalësuese...
