Protesta për Zvërnecin/ Protestuesit çajnë kordonin metalik, policia i sulmon me ujë. Tubimi shpërndahet në gjithë Tiranën
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
“Ka forca në Shqipëri dhe jashtë që janë kundër”/ Rama: Të rreshtohesh me PS, do të thot&eum...
"Shqipëria është e shqiptarëve"/ Qytetarët mbushin rrugët e Tiranës, kërkojnë anulimin e pr...
Raportin më të lartë të kredive me probleme edhe për vitin 2023 e kishte Banka e Bashkuar e Shqipërisë (UBA), në nivelin 11.4%. megjithatë, ky tregues është përmirësuar ndjeshëm nga niveli prej 17.6% i vitit 2022. Vitin e kaluar, UBA ka nisur zbatimin e një plani të ri biznesi, pas marrjes së kontrollit nga kompania e sigurimeve Eurosig. Plani synon zgjerimin e rrjetit të degëve, të shërbimeve të ofruara dhe rritjen e aktiveve të bankës.
TIRANË- Shumica e bankave tregtare arritën të përmirësonin cilësinë e portofolit të tyre të kredisë vitin e kaluar. Të dhënat e raportit vjetor të mbikëqyrjes të Bankës së Shqipërisë, të përpunuara nga “Monitor”, tregojnë se shtatë prej bankave tregtare arritën të ulnin raportin e kredive me probleme gjatë vitit 2023, ndërsa ky raport u rrit vetëm për katër prej tyre.
Raportin më të lartë të kredive me probleme edhe për vitin 2023 e kishte Banka e Bashkuar e Shqipërisë (UBA), në nivelin 11.4%. megjithatë, ky tregues është përmirësuar ndjeshëm nga niveli prej 17.6% i vitit 2022. Vitin e kaluar, UBA ka nisur zbatimin e një plani të ri biznesi, pas marrjes së kontrollit nga kompania e sigurimeve Eurosig. Plani synon zgjerimin e rrjetit të degëve, të shërbimeve të ofruara dhe rritjen e aktiveve të bankës.
Me diferencë të ndjeshme, banka më raportin e dytë më të lartë të kredive me probleme është Credins Bank. Megjithatë, edhe Credins e ka përmirësuar këtë tregues në 6%, nga 6.8% që kishte qenë një vit më parë. Credins është banka më e madhe kredituese e ekonomisë shqiptare dhe sipas Bankës së Shqipërisë zotëronte 20% të portofolit aktiv të kredisë për ekonominë në fund të 2023.
Ndjek me një diferencë të vogël Raiffeisen Bank, që në fund të vitit 2023 kishte një raport të kredive me probleme në nivelin 5.9%. Megjithatë, në rastin e Raiffeisen raporti i kredive me probleme ka shënuar rritje nga niveli prej 5.3% i një viti më parë. Raiffeisen është banka e dytë më e madhe kredituese e ekonomisë, me 16.8% të totalit.
Union Bank në fund të vitit 2023 kishte një raport të kredive me probleme në nivelin 5.8%, në rënie të ndjeshme nga niveli prej 6.3% që raportohej në fund të vitit 2022.
Banka e fundit që ka një raport të kredive me probleme më të lartë se niveli mesatar i sektorit është Banka OTP Albania. Njëkohësisht, OTP është edhe banka që raportoi rritjen më të lartë të këtij treguesi në 2023, duke arritur në 5.5%, nga 3.6% që ishte në fund të vitit 2022. Kjo rritje vjen pas një cikli disavjeçar rritjeje të shpejtë të portofolit të kredisë, por edhe në vijim të bashkimit me Alpha Bank Albania. OTP Albania është banka e tretë më e madhe kredituese e ekonomisë shqiptare, me 13.8% të portofolit total në fund të 2023.
Një tjetër bankë që ka ndjekur një strategji të rritjes së shpejtë të rritjes së kreditimit pas ndryshimit të pronësisë është Tirana Bank. Kjo rritje e shpejtë duket se ka sjellë efektet e para në drejtim të rënies së cilësisë së portofolit të huasë. Raporti i kredive me probleme në fund të 2023 u rrit në 4.6%, nga 4.2% që kishte qenë një vit më parë.
Ndërkohë, një tjetër bankë me rritje të shpejtë në vitet e fundit, Fibank, ka raportuar përkundrazi ulje të ndjeshme të raportit të kredive me probleme. Ky raport zbriti në 4.4% në fund të 2023, nga 6.3% që kishte qenë një vit më parë.
Banka më e madhe në vend, Banka Kombëtare Tregtare, në fund të vitit të kaluar raportoi një ulje të mëtejshme të raportit të kredive me probleme në 3.3%, nga 4% që kishte qenë një vit më parë. Megjithëse zotëron pothuajse një të katërtën e aktiveve të sektorit bankar, pjesa e BKT në portofolin total të kredisë është shumë më e ulët, me 13.2%, duke u renditur si banka e katërt kredituese ekonomisë.
Vijon Banka Intesa Sanpaolo Shqipëri, me një raport të kredive me probleme në nivelin 2.8%, në rritje nga niveli prej 2.2% i një viti më parë.
ProCredit Bank Shqipëri në fund të 2023 raportonte një nivel të kredive me probleme prej 2.3%, në rënie nga raporti prej 3.1% i një viti më parë.
Për të dytin vit radhazi, banka me nivelin më të ulët të kredive me probleme është Banka Amerikane e Investimeve (ABI Bank), në nivelin 1.2% në fund të vitit të kaluar. Edhe ABI Bank e ka ulur raportin e kredive me probleme nga niveli prej 2.1% i një viti më parë.
Sipas shifrave zyrtare të Bankës së Shqipërisë, raporti i kredive me probleme vitin e kaluar zbriti në 4.74%, në rënie me 0.26 pikë përqindje krahasuar me një vit më parë. Në vlerë absolute, kredia me probleme zbriti në nivelin 35 miliardë lekë, me një rënie prej afërsisht 2% krahasuar me një vit më parë./ Monitor
Foto ilustruese TIRANA- Fitimi i tregut të sigurimeve vazhdoi rritjen me ritme të larta edhe në tremujorin e parë të këtij vi...
Foto ilustruese TIRANË- Qeveria synon të hartojë një vlerësim risku për sektorët më të rrezikuar për t&rs...
Foto ilustruese TIRANA- Kredia e dhënë nga institucionet financiare jobanka vijoi rritjen edhe në tremujorin e parë të këtij ...
Foto ilustruese TIRANË- Mbulimi i kredisë bankare me kolateral pësoi rënie vitin e kaluar. Të dhënat e Bankës së Sh...
Foto ilustruese TIRANË- Tregu i kredisë në segmentin retail (me pakicë) vitin e kaluar arriti vlerën e 265 miliardë lekë...
Foto ilustruese TIRANË- Rritja e kreditimit dhe ndërhyrjet e Bankës së Shqipërisë për të frenuar forcimin e monedh&...
Foto ilustruese SARANDA- Thuajse dy javë më parë ishte e vështirë të siguroje për fundin e korrikut apo për gushtin...
Foto ilustruese KORÇA- Të nxitur nga rritja e kërkesës në tregun e brendshëm, për shkak edhe të fluksit të l...
ministria e financave TIRANË- Që prej vitit 2012, qeveria ka integruar në buxhet financimin e politikave për barazinë gjinore. Min...
foto ilustruese TIRANË- Rënia e qëndrueshme e Euros në këmbim me Lekun vitet e fundit ka rritur konfliktin në tregje si asnj&...
