"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
Yield-i mesatar i ponderuar i këtyre instrumenteve pësoi një rënie të fortë në 1.5%, nga 3.18% që kishte qenë në ankandin e fundit të suksesshëm të këtyre instrumenteve, që ishte zhvilluar në fund të muajit maj.
Ankandi i bonove të thesarit me maturim 6-mujor shënoi këtë javë një zhvillim të paprecedentë.
Yield-i mesatar i ponderuar i këtyre instrumenteve pësoi një rënie të fortë në 1.5%, nga 3.18% që kishte qenë në ankandin e fundit të suksesshëm të këtyre instrumenteve, që ishte zhvilluar në fund të muajit maj.
Shuma e shpallur për financim kishte qenë një miliardë lekë, por nga këto 450 milionë lekë ishin të rezervuara nga Banka e Shqipërisë, ndërsa kërkesat totale në ankand arritën në 2.06 miliardë lekë.
Në përfundim të ankandit, Ministria e Financave dhe Ekonomisë pranoi një ofertë të vetme konkurruese në vlerën e afërsisht 403 milionë lekëve, me një yield prej 1.5%.
Pjesa e mbetur, prej 597 milionë lekësh, u plotësua nga kërkesat jokonkurruese, duke përfshirë këtu shumën e rezervuar për Bankën e Shqipërisë.
Ky është niveli më i ulët që yield-i i këtyre instrumenteve shënon që prej marsit të vitit të kaluar. Por, në atë periudhë kushtet monetare ishin krejt të ndryshme.
Banka e Shqipërisë nuk e kishte nisur ende procesin e normalizimit monetar dhe norma bazë e interesit ishte ende në nivelin më të ulët historik prej 0.5%.
Aktualisht, norma bazë e interesit është në nivelin 3%, ndërsa norma e depozitave ditore të Bankës së Shqipërisë është 2%. Rrjedhimisht, për një bankë investimi me një yield prej 1.5% nuk ka shumë kuptim.
Nga ana tjetër, eskpert1%t pohojnë se një investim i tillë nuk ka shumë kuptim as për një investitor tjetër institucional apo individual. Në treg sot ka banka që ofrojnë norma interesi edhe më të larta se 1.5% për depozitat 6-mujore në shuma të mëdha.
Ekspertët e tregut financiar shprehen se një yield i tillë përfaqëson një anomali dhe është tregues i faktit se tregu financiar në Shqipëri është sipërfaqësor dhe shpesh nuk ndjek një logjikë normale.
Të vetmet instrumente me maturim më të shkurtër, bonot e thesarit 3-mujore, muajin e kaluar u emetuan me një yield mesatar të ponderuar prej 3% ose dy herë më të lartë se yield-i që u shitën sot bonot 6-mujore.
Në muajin gusht të këtij viti, ankandi i bonove 6-mujore pati dështuar, sepse MFE i refuzoi të gjitha kërkesat e paraqitura, me argumentin se ato ishin tepër të larta, në nivelin 3.16%.
Mes MFE dhe investitorëve nisi një luftë e heshtur, por në asnjë rast më parë normat e kërkuara nga tregu nuk kishin zbritur poshtë nivelit të normës bazë të interesit. Por, këtë javë, yield-i i përfituar në ankand ka tejkaluar edhe shpresat më optimiste të Ministrisë së Financave.
Frenimi i rritjes së normës bazë të interesit dhe gjendja likuide e tregut financiar i ka stabilizuar prej muajsh yield-et e bonove të thesarit pranë niveleve të normës bazë të interesit.
Ndërkohë, normat e obligacioneve kanë shfaqur një tendencë në rritje, edhe për shkak të një kërkese më të vogël në segmentin e tregut të titujve afatgjatë. /MONITOR
Numri i anëtarëve të regjistruar në Bursën Shqiptare të Energjisë ka arritur në 15. Të dhënat periodike t&e...
Ashtu si popullsia e vendit, numri i familjeve shqiptare po pëson rënie të shpejtë. INSTAT raportoi se në vitin 2022, në të...
foto ilustruese TIRANË- Rreth 34 mijë fermerë kanë përfituar deri në fund të gushtit nga subvencionimi i naftë...
FMN Fondi Monetar Ndërkombëtar (FMN), në pasqyrën e fundit globale, të sapopublikuar ka rritur ndjeshëm me 1.4 pikë p&eu...
foto ilustruese TIRANË- Shqipëria ka arritur të ruajë rritje ekonomike të qëndrueshme, pavarësisht tkurrjes së...
foto ilustruese TIRANË- Numri i transaksioneve në tregun e pasurive të paluajtshme u rrit me 23% në gjashtëmujorin e parë...
foto ilustruese TIRANË- Jetëgjatësia u rikthye me ritme më të larta se para pandemisë, si për burrat dhe për g...
Foto ilustruese SHQIPËRI-Në vitin 2019 investimet ishin 15.2 milionë, një vit më vonë 2020, investimet kanë shkuar n&eum...
Foto ilustruese Paga minimale u rrit me ritme më të larta se paga mesatare në sektorin privat, duke bërë që hendeku ndër...
Prodhues të naftës LINDJA E MESME-Çmimet e naftës u rritën me 4% ditwn e sotme nga shqetësimet se situata në Izrael dh...
