"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
Kjo tregon se tashmë efekti i pasigurisë dhe i ofertës së shtrënguar për financim në tregun e letrave me vlerë të qeverisë është përthithur plotësisht dhe rritja e yield-eve reflekton në përmasa të përafërta lëvizjet e politikës monetare të Bankës së Shqipërisë.
TIRANË- Yield-et e bonove 12 mujore ranë përsëri në ankandin e kësaj jave dhe prekën nivelin më të ulët që prej gushtit të vitit të kaluar. Sipas të dhënave nga Banka e Shqipërisë, yield-i mesatar i ponderuar zbriti në 3.91%, nga 3.98% që kishte qenë në ankandin e mëparshëm, në fund të muajit shkurt.
Kërkesa e investitorëve në ankand rezultoi sërish e lartë, në vlerën e 12.3 miliardë lekëve, kundrejt një shume të shpallur për financim nga Ministria e Financave prej 9 miliardë lekësh. Qysh prej muajit nëntor, kur nisi edhe faza e korrektimit në ulje të yield-eve, ky tregues ka rënë me 1.92 pikë përqindje. Tashmë, rritja vjetore e yield-it mesatar të bonove 12 mujore është reduktuar në 2.12 pikë përqindje, rritje kjo lehtësisht më e ulët se rritja me 2.25 pikë e normës bazë të interesit për të njëjtin horizont kohor.
Kjo tregon se tashmë efekti i pasigurisë dhe i ofertës së shtrënguar për financim në tregun e letrave me vlerë të qeverisë është përthithur plotësisht dhe rritja e yield-eve reflekton në përmasa të përafërta lëvizjet e politikës monetare të Bankës së Shqipërisë.
Tani që hendeku në raport me lëvizjet e normës bazë është tejkaluar, ekspertët mendojnë se cikli korrektues i yield-eve mund të jetë pranë fundit. Megjithëse kërkesa ka vazhduar të jetë e bollshme, në ankandet e fundit pro rata (pjesa e pranuar) e kërkesave konkurruese ka ardhur në rritje, fakt që tregon një ngushtim të hendekut mes kërkesës dhe ofertës.
Në vazhdim, ecuria e yield-eve të bonove dhe obligacioneve të qeverisë shqiptare do të varet shumë nga lëvizjet e radhës të bankës qendrore. Këshilli Mbikëqyrës i Bankës së Shqipërisë do të zhvillojë mbledhjen e radhës për vendimmarrjen e politikës monetare në datën 23 mars.
Në dy mbledhjet e fundit, të muajve dhjetor dhe shkurt, Këshilli Mbikëqyrës vendosi të mbajë të pandryshuar normën bazë në 2.75% dhe këto vendimet patën një ndikim të rëndësishëm në stabilizimin e normave të interesit në tregun financiar.
Por, për analistët financiarë, mbajtja sërish e pandryshuar e normës bazë të interesit edhe në mbledhjen e këtij muaji duket e vështirë. Megjithëse inflacioni shënoi përsëri një rënie të lehtë në muajin shkurt, në nivelin 7.1%, komponenti i inflacionit bazë ka vijuar rritjen dhe sipas të dhënave më të fundit të Bankës së Shqipërisë arriti rekordin historik prej 8.74% në muajin janar 2023.
Edhe të dhënat që vijnë nga tregu i punës dëshmojnë për presione inflacioniste që mbeten të larta. Për tremujorin e fundit 2022 shkalla e papunësisë rezultoi pranë niveleve minimale historike, ndërsa paga mesatare bruto në ekonomi shënoi përsëri rritje dyshifrore me bazë vjetore.
Këto sinjale mund të diktojnë një rifillim të ciklit të rritjes së normës së interesit, qysh në mbledhjen e ardhshme. Në projeksionet e veta, Raffeisen Research e kishte parashikuar një lëvizje të tillë qysh në muajin shkurt.
Nëse Banka e Shqipërisë do të vendosë të rrisë normën bazë të interesit këtë muaj, me shumë të ngjarë kjo rritje do të reflektohet shpejt edhe në ecurinë e yield-eve të titujve të qeverisë shqiptare, që mund t’i kthehen rritjes, pas pothuajse katër muajsh në rënie.
Marrë nga Monitor.al
Silicon Valley Bank SHBA- Amerika duhet të përgatisë plane më të mira në rastet e dështimit të bankave të m&eu...
Foto Ilustruese TIRANË- Raporti i kredive me probleme u rrit lehtë në muajin janar të këtij viti. Sipas statistikave të Bank&...
Foto Ilustruese PRISHTINË- Kontejnerë të shumtë në kryeqytetin e Kosovës janë mbuluar nga mbeturinat. Kjo për ...
Foto Ilustruese TIRANË- Prodhuesit e birrës shqiptare vijojnë të jenë në gjendje të rënduar nga shtimi i kostove p&...
Foto Ilustruese TIRANË- Numri i punonjësve në administratën publike po vjen në rritje vit pas viti, edhe pse një seri shë...
Foto Ilustruese TIRANË- Partneritetet Publiko-Private (PPP) po bëhen gjithnjë e më shumë një mjet i rëndësishë...
Foto Ilustruese TIRANË- Drejtoria e Përgjithshme e Tatimeve ka pranuar se viti i shkuar ka shënuar sërish rritje të detyrimeve t&e...
Pas gati 1 viti qeveria vendosi të rrisë sërish pagën minimale nga 34,000 lekë në 40,000 lekë. Paga minimale u rrit edhe n&...
Foto ilustruese Vit pas viti Shqipëria po përkeqëson treguesit e lindshmërisë në raport me Europën duke u renditur n&eum...
Foto Ilustruese TIRANË- Tregu financiar shqiptar, në dekadën e fundit, ka shfaqur një lloj dinamizmi në strukturën e tij, p&e...
