Protesta për Zvërnecin/ Protestuesit çajnë kordonin metalik, policia i sulmon me ujë. Tubimi shpërndahet në gjithë Tiranën
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
“Ka forca në Shqipëri dhe jashtë që janë kundër”/ Rama: Të rreshtohesh me PS, do të thot&eum...
"Shqipëria është e shqiptarëve"/ Qytetarët mbushin rrugët e Tiranës, kërkojnë anulimin e pr...
Shqipëri- Fondi Shqiptar i Zhvillimit (FSHZH) duket se ka dyfishuar në mënyrë “fiktive” vlerën e një tenderi për përmirësimin e infrastrukturës në Qerret, duke vënë në pikëpyetje mënyrën se si hartohen dokumentat në këtë institucion, i cili, ndër të tjera, po menaxhon dhjetra miliardë lekë për rindërtimin, pas tërmetit të 26 Nëntorit 2019.
Së fundmi, Fondi Shqiptar i Zhvillimit ka shpallur rezultatet e tenderit mbi 1 milionë euro për infrastrukturën e zonës bregdetare të Qerretit.
Kontrata shkon për bashkimin e operatorëve “Stërkaj” dhe “Eral Construction”, të cilët paraqitën një ofertë prej rreth 550 mijë euro (700 milionë lekë të vjetra), thuajse sa gjysma e fondit limit, e cila ishte 1.25 miliardë lekë (të vjetra) pa TVSH.
Ligji “Për prokurimet publike” parashikon se një “ofertë anomalisht” e ulët konsiderohet vlera që është të paktën 20 përqind më pak sesa fondi limit.
Në situata të tilla, autoriteti kontraktor, në rastin konkret Fondi Shqiptar i Zhvillimit, kërkon sqarime nga operatori ofertues, duke kërkuar siguri për ofrimin e shërbimit cilësor.
Në rastin e tenderit për Qerretin, referuar të dhënave zyrtare, Fondi Shqiptar i Zhvillimit nuk duket se ka kërkuar sqarime për ofertën “anomalisht të ulët”.
Fondi Shqiptar i Zhvillimit duket se ka pasur një arsye thelbësore se përse nuk ka kërkuar sqarime të mëtejshme.
Në këtë tender, nga 22 kompani pjesëmarrëse, të paktën 11 prej tyre kanë paraqitur oferta në vlerë sa 50-60% e fondit limit. Pra, pjesa më e madhe e ofertuesve kanë paraqitur oferta “anomalisht të ulta”.
Kjo situatë, në dukje absurde, krijon dyshime për mënyrën se si është përllogaritur vlera e fondit limit nga ana e Fondit Shqiptar të Zhvillimit.
Pikëpyetjet mbi “llogaritë” e Fondit
Logjika e tendera është kudo njëlloj-autoritetet qeveritare përllogarisin fondin limit në bazë të çmimeve mesatare të tregut dhe synojnë që të nënshkruajnë kontrata me ofertën më të ulët, për të kursyer para publike.
Por, në çdo rast, vlera më e ulët duhet të jetë brenda një logjike normale të tregut, për të mos cënuar cilësinë. Ligji shqiptar parashikon që oferta mund të jetë maksimalisht deri në 1/5 e fondit limit.
Por, në rastin për tenderin e Qerretit, gjysma e ofertuesve, plot 11 të tillë, kanë paraqitur oferta në vlerën 50-60 përqind më të ulët.
Kompanitë pjesëmarrëse në këtë tender, në përgjithësi janë të familjarizuara me procedurat tenderuese dhe e kanë të qartë çmimin që u kushton shërbimi që kërkoi Fondi Shqiptar i Zhvillimit për përmirësimin e infrastrukturës së Qerretit.
Pra, duket se problemi me çmimin e ekzagjeruar të fondit limit qëndron tek mënyra se si e ka përllogaritur vlerën Fondi Shqiptar i Zhvillimit.
Gjithësesi, në këtë tender, duket se diçka nuk ka shkuar sipas “përllogaritjeve” të fryra të Fondit Shqiptar të Zhvillimit.
Fituesi, si edhe shumica e konkurentëve të tjerë, kanë ofruar vlera shumë më të ulta se sa ajo që kishte vendosur autoriteti kontraktor, duke i kursyer një sasi të konsiderueshme parash qytetarëve.
Por, nga ky tender, mund të ngrihen pikëpyetje për mënyrën se si hartohen dhe përllogariten vlerat e tenderave nga Fondi Shqiptar i Zhvillimit, sidomos tanimë që duhet të menaxhojnë mbi 100 milionë euro për rindërtimin e godinave të goditura nga tërmeti i 26 Nëntorit 2019.
Dyfishim të shifrave për rindërtimin?
Qeveria Shqiptare ka ngarkuar Fondin Shqiptar të Zhvillimit, i drejtuar nga Dritan Agolli, ish-vartës i Edi Ramës në Bashkinë e Tiranës, për të menaxhuar pjesën kryesore të procedurave të prokurimit publik për procesin e rindërtimit.
Së fundmi, Fondi Shqiptar i Zhvillimit ka shpallur dy tendera, me vlera kolosale, që arrijnë në rreth 100 miliardë lekë (të vjetra). Këtyre dy tendera u shtohen edhe rreth 30 miliardë lekë (të vjetra), për të cilat është shpallur procedura pak javë më parë.
Në 27 Prill 2020, Fondi Shqiptar i Zhvillimit hapi njëkohësisht dy tendera;
1. Rindërtimi i banesave individuale, ndërtimi dhe rikonstruksioni i infrastrukturës publike, me fond limit rreth 62 miliardë lekë (të vjetra);
2. Ndërtimi dhe rikonstruksioni i infrastrukturës publike në zonat e reja të shpallura për zhvillim të detyruar (Programi i Rindertimit), me fond limit mbi 37 miliardë lekë (të vjetra).
Më parë gjatë muajit Mars, Fondi Shqiptar i Zhvillimit ka shpallur një tender me 7 lote për “rindërtimin e objekteve arsimore në zonat e prekura nga tërmeti”, me një vlerë totale prej 40 miliardë lekë (të vjetra).
Nëse tenderat e rindërtimit janë hartuar nga i njëjti ekip personash që ka kryer përllogaritjet e fondit limit për përmirësimin e infrastrukturës së Qerretit, pikëpyetja kryesore mbetet; “A është reale fatura 130 miliardë lekë?”
1 vit nga zgjedhjet e 25 prillit si e shikoni gjendjen e vendit:
SHQIPËRI- Sot është shënuar dita e parë me numrin më të ulët të rasteve me koronavirus në Shqipëri. Vetëm 4 raste janë zbuluar në 24 orët e fundit, ndërsa ...
Tiranë– Dosja.al ju sjell një përmbledhje të portaleve në vend dhe lajmet e tyre kryesore. Dosja.al, Shqiptarja.com, Abc News kanë si lajm të parë masat lehtësu...
TIRANË– Gazetari Dritan Hila ka dalë plotësisht kundër protestave që janë organizuar dy ditët e fundit, që i përkasin edhe periudhës së pandemisë, për shka...
TIRANË– Regjisori Robert Budina ka deklaruar se figura pranë PS dhe kryeministrit Rama janë kundër shembjes së Teatrit Kombëtar. I ftuar në “Mbrëmje ...
TIRANË– Naimi përmes rubrikës “Ka një mesazh për ty”, në Tv Klan i bëri një surprizë nënës së tij. Ai e uroi atë për ditëlindje, por gjithashtu e falender...
TIRANË– Dekani i Fakultetit të Drejtësisë, Artan Hoxha vijon të mbetet i vetmi kandidat për Rektor në Universitetin e Tiranës. AbcNeës, ka publikuar listën...
VLORË– Larja në det vazhdon të jetë e ndaluar deri në një njoftim të dytë për shkak të kufizimeve që janë marrë për menaxhimin e krizës së shkaktuar ...
GREQI– Shtatë shqiptarë dhe nëntë shtetas grekë kanë rënë në pranga, pasi akuzohen se kanë plagosur dy persona me thikë dhe një kaçavidë. Ngjarja e rëndë...
GREQI– Një shqiptar, 20 vjeç ka ndërruar jetë në Greqi, pasi traktori të cilin ai po drejtonte, ka humbur kontrollin dhe është përmbysur. Sipas mediave l...
ITALI- Autoritetet policore italiane kanë vënë në pranga dy shtetas shqiptarë pasi u kanë gjetur 34 kilogram heroinë dhe kokainë me vlerë 2 milionë euro. Bëhet ...
