Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
Dosja e Erion Veliajt/ Avokati Ndreca nuk u paraqit, gjobitet me 50 mijë lekë! Shtyhet seanca 21 Korrik, 10:54 Dosja...
“Nuk shiten malet, është mundësi për pronarët dhe emigrantët” Rama: Paketa e Maleve, nuk anulohet 21 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Në vitin e parë të universitetit,në konvikt rrinim si sardele,8 veta në një dhomë. Katër krevate marinari,dy dollapë me nga katër fletë dhe një tavolinë e dy karrike. Atje kaluam disa vjet dhe kur e sjell sot ndër mend mbizotëronin sherret që bënim kush e kush të zinte tavolinën dhe kush të fikte llampën. Se ca herë atë e shuante edhe …këpuca.
Pikërisht për këpucët do u tregoj sot.
Shoku ynë i dhomës, simpatiku Taqo, Dhimitër e kishte gjatë, zotëronte një palë këpucë greke, ngjyrë lejla, me majë katrore dhe me taka të larta si të gocave. Na ngelën sytë sa ia pamë. Se krahasuar me tonat,që u hapej goja herë pas here nga mastiçi fallco,apo që fusnin ujë ende pa nisur shiu, këpucët e Taqkës ishin si Sharon Stone me Koleshkën, kuzhinieren e mencës, që rrinte pa krehur mbi tenxhere e sytë i kishte çift a tek.
Pasi kaluan ca javë,Raqi i bëri një propozim Taqos.
-Pse nuk i lëshon me qira këpucët gjatë javës?
-Po,unë çfarë të vesh,apo të dal me nallanet e dushit?-ia priti ai.
Nuk iu nda Raqi deri sa i propozoi që kushdo që do i vishte do i jepte Taqit tallonat e mencës të asaj dite.
Këtu Taqo u dorëzua me kusht që të dielave t’i mbathte vetë.
Pasi ramë dakord,përjashtuam dhe Lencin që ishte i fejuar e nuk e zilepsin këpucët, hodhëm shortin mes gjashtë çunave. Mbaj mend që ishte e hënë mbasdite dhe mua më ra e hëna. I futa në këmbë shpejt e shpej e tek godina e gocave i bertita Tashës. Zbriti dhe ia nisëm një xhiro rreth qytetit Studenti. Më ngeli koka poshtë ,por ajo hiç. Vija një gur para e i thoja shih si do e gjuaj,por prapë ajo hiç. Deri sa u ula gjoja të lidhja këpucën dhe :
-Ua,sa të bukura! Kur i bleve,mo?
-M’i dërguan nga Greqia, ca kushërinj të mamasë ,-e rrejta.
Por e besoi. M’u duk sikur po më kapte më shpesh për krahu, qeshte kot edhe kur i thoja se nesër kemi seminar Ana Kareninën e, kur u ndamë në darkë, më sugjeroi:
-Mbase kushërinjtë e tu mund të më sjellin dhe mua këpucë. Kjo ngjyrë më pëlqen,vdes.
Ika shend e verë në dhomë. Sa hyra bertet Koci:
-O trap,po pse me baltë? Ferrave ke hyrë me këto këpucë?
Nuk kishte faj. Dita e martë ishte dita e tij. I pastroi,i kundroi me buzëqeshje e mos o zot,se mos flesh me to poshtë jastëkut,i thashë.
Këpucët na sollën gëzim e optimizëm. Na dukej vetja më të bukur e më të kullandrisur,siç thonë korçarët. Deri të premten,kur i erdhi radha Astritit. Mësoi se këpucët ishin nr 41, ai e kishte këmbën 43.
-Ta kthej tallonin e mencës,-i tha Taqoja.-Mos u shqetëso!
-Jo,mor burrë do i mbath patjetër. Do ia dal.
-Çfarë? Do i shqyesh,mor burrë,-u nxeh Taqo.-Dhjetë metra po ece do të grisen nga mbrapa.
-Nuk do ec fare,do ngulem si monument,-tha serioz Titi dhe m’u drejtua mua.-Kam takim me një vajzë nesër ora gjashtë në darkë. Më shoqëro deri te posta. Atje do takoj Lolën dhe do hyjmë te një pastiçeri ngjitur,as dy metra. Unë do t’i jap ty këpucët e mija dhe kur të ndahem nga Lola t’i m’i jep prapë. Këpucët greke i fusim në çantë.
-Ku ka pastiçeri te posta?- e pyeta.
-Ka, te posta e Laprakës,-më sqaroi ai.
-Në Laprakë!!!
-Të keqen vëllai ,mos ma prish!
U nisëm që në orën katër nga konvikti. Me këpucët greke në çantë. Ec e ec deri sa arritëm. Ishim gjysëm ore para. Ai me emocion,unë i lodhur.Kur po afrohej ora 6 Astriti nisi të mbathë të majtën.Dëgjoja oh,of,af. Hyri gjysma e thembrës.
-Edhe pak se e ke çorapen e grisur,të duket patatja,-i thashë.
-Nuk futet,oh,af,po tani?
-Ok,tani nuk duket vrima,jepi tjetres!
Sa hyri brenda gjysma e thembrës ,ai u çua drejt e mua m’u duk më i gjatë,më i dobët.Si ato balerinat majë gishtave. Pas pak erdhi një bjonde,u takuan,folën,nuk lëvizën fare e…ajo u largua.
Nuk e pyeta se ai shkundi të majtën e këpuca fluturoi në rrugë,të djathtën e prita se i dola përpara. Veshi këpucët e tija.
-S’pate fat?-e pyeta.
-E lamë të shtunë,se sot kishte ditëlindjen vëllai i saj.
-Çfarë? Harroje që të vij prapë në Laprakë.
Situata të tilla jetuam plot. Këpucët patën aq rëndësi sa tek dhoma jonë,sapo hyje,majtas,ishin varur dy tabela të mëdha. 1-ORARI I LEKSIONEVE.
2-ORARI I KEPUCEVE.
Eh,vite plot mungesa,vite gjithë shpresa…
P.S
Harrova Nestin me çudinë që bëri. Shkoi me të dashuren te kafja e madhe te pallati i kulturës. Por kur u ngjitën shkallëve pati shumë njerëz e ajo nuk ia hodhi fare sytë kepucëve. Kur u ulën në tavolinë mundësia u bë zero. Atëhere ai guxoi. Deri në gomarllëk. Rrëshqiti pas karriken dhe i vuri këmbët mbi tavoline. Nuk arriti e dashura ta qortonte se Nesti buçiti kot më kot si lopë:
-Ndjehem i lumtur se…-Heshti pak,rrotulloi sytë e tha me zë të fortë:-Pas dy ditësh vjen e djela!
E ndërsa priste pyetjen,ua,ç’i ke këto këpucë kaq të bukura,mo,dëgjoi:
-Hahaha,ti qënke i çmendur fare…Uli,uli ato këmbë se le nam!
1 vit nga zgjedhjet e 25 prillit si e shikoni gjendjen e vendit:
Me kujtohet aty nga mesi i viteve 60, ende fëmije, shkoja te merrja bukën te furri i bukës te Rruga e Kavajës. Bukë e ngrohtë 40, e zezë, 52 e rrumbullakët, mis...
Ligjërimet seksiste dhe të dhunshme në planin psikologjik, ofenduese në hapësirën mediatike të Shqipërisë, si në mediat komerciale lineare, konvencionale, ashtu...
Ermal MulosmaniKur Kryeministri i Shqipërisë, zoti Edi Rama, doli në publik me një media private me akronimin e gërmave të emrit dhe mbiemrit të tij dhe prapash...
Nga Agim Xhafka1 vit nga zgjedhjet e 25 prillit si e shikoni gjendjen e vendit:View Results...
Duke iu referuar praktikave të komunikimit (monologut) me Ministrisë së Arsimit, Sportit dhe Rinisë (MASR) vitet e fundit, të cilat nisën me qëllim, kontributin...
Shqipëria po përjeton një dramë të fortë humanitare për shkak të pandemisë. Spitalet e vendit, shtetërore dhe ato private, janë plot me të infektuar dhe mjekët,...
Nga Enkel DemiJam i ndërgjegjshëm që do të më hidhen në mallkime të gjithë “paladinët” rilindas të artit… ani pyetjen po e përsëris: Nëse Edi Rama do ta kishte ...
Deutsche Welle: Fitorja sërishme e Vetëvendosjes në Kosovë është pritur me entuziazëm brenda Kosovës, por me rezerva nga jashtë . Si duhet lexuar rezultati para...
Eshtë kaq tunduese dëshira për të hedhur gurë, drurë e hunj mbi doktor Edvin Priftin. Eshtë kaq e ngutshme dëshira për ta fshikulluar me thupra dhe për ta lidhu...
Diku nga viti 95 duke u kthyer nga qyteti antik i Finiqit u ula per nje kafe anes rruges, tek klubi i vetem i fshatit . Fshati, me sakte nje grumbull shtepish t...
