“Shumë socialistë më mbështesin, por do t’i mbaj anonim”/ Marjana Koçeku: Një sërë ngjarjesh më kanë bërë të mendoj se s’i përkas këtij grupi politik!
“Si deputete e pavarur po punoj për një platformë politike”/ Koçeku: Të dëgjohen kë...
“Si deputete e pavarur po punoj për një platformë politike”/ Koçeku: Të dëgjohen kë...
Berisha: I bëj thirrje Prokurorit Publike të BE, por edhe Interpolit dhe Eurojust që të nisin hetimet për Ramën q&...
Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
Dosja e Erion Veliajt/ Avokati Ndreca nuk u paraqit, gjobitet me 50 mijë lekë! Shtyhet seanca 21 Korrik, 10:54 Dosja...
Ishte për gratë seanca e parë e Kongresit të Partisë Socialiste. Gratë u çuan të sulmonin të gjitha gratë që nuk ishin socialiste. Vetëm një grua doli nga hiçi të kritikonte një burrë, Linda Rama.
“Nuk e di kujt i vajti mendja të më thërriste”, e nisi bashkëshortja e kryetarit të PS. Në fakt askush nuk e tha kujt i vajti mendja? Si është bërë propozimi? Në cilën strukturë u hodh ideja dhe ku u miratua? A e vendosi kryesia, forumi i Grave, Taulanti Gramozi, apo Edi Rama?
Nga ato që tha Linda dhe më pas vetë Edi Rama, me siguri që vetëm kryetari i PS nuk e ka thirrur, madje ai ndoshta nuk e dinte fare. Se po ta dinte që opozitarja më e madhe e tij do të vinte në Kongres, me siguri do kishte marrë masat.
Ashtu siç i mori me Blushin, kundërshtarin që kërkoi vetëm të zbatohej statuti, ashtu siç i mori me radhë më parë me Petro Koçin, Kastriot Islamin, Marko Bellon etj. derisa i detyroi të largoheshin nga partia.
Ashtu siç di ai të sillet me kundërshtarët. Jo këtë herë.
Me siguri nuk e dinte, se opozitarja më e madhe e tij, ajo që ia mbledh në Surrel, që e lë pa fjalë, do të fliste në Kongres dhe do ia mbyllte gojën.
E vetmja gjë që bëri njësoj si me oponentët e tjerë, ishte që nuk iu përgjigj asnjë kritike të saj, por përkundër sjelljes me ta, e përshkroi Lindën si shpëtimin tonë.
“Po të mos ishte Linda, me këtë opozitë do më dukej vetja njeriu më i madh në botë”, shpjegoi Rama fjalinë “nuk keni parë gjë akoma”.
Me fjalë të varfra, deliri i pafre i liderit global, pushteti i pakufishëm i aspirantit për diktator, arroganca e pafshehur e qeveritarit antipopullor, babëzia e pafund e ortakut të oligarkëve dhe flirtimi i përjetshëm me krimin, pa Lindën do të ishin tashmë jo vetëm pjesë e Kushtetutës sonë, por edhe rregullore e OSBE-së, ku lideri qeveris part-time.
Nuk mbarojnë këtu meritat e Lindës. Sic e tha bashkëshorti i saj, fjala që mbajti në Kongres, ishte jo më pak se programi i Partisë Socialiste për gruan, familjen dhe arsimin. Për këtë arsye ai vetë nuk e pa të arsyeshme të mbante fjalim programor, por të tregonte se si gallata në vilën e patundur nga tërmeti, shpëton vendin nga dalldisja e plotë e Kryeministrit. Jo vetëm Linda, por edhe Zaho i vogël ndikon për këtë, duke mos ia hequr fjalën mamit në favor të babit.
Kjo e bëka Zahon të ngjajë me Gramozin, sipas kryetarit të maxhorancës. Nuk ishte e nevojshme të shtonte se nuk do ta bëjë kryetar Parlamenti. Ai ende nuk e ka mbushur moshën.
Kjo nuk do të thotë se dy të rriturit, që të dy opozitarë si mami, nuk mund të kërcënojnë pozicionin e Gramozit, ose, nëse ai vazhdon të jetë shoku më i ngushtë i Ramës, zënë vendin e Rudinës ose Nimetit që nuk po shkëlqejnë me opozitën parlamentare, as kur marrin leje për të sharë apo akuzuar.
Duke dalë nga Surreli dhe duke hyrë në Pallatin e Kongreseve, situata nuk duket aq keq.
Fytyrat e servilëve që shikonin me merak Edi Ramën, kur gruaja po ia mblidhte dhe pastaj qeshën të lehtësuar kur e kuptuan se kjo ishte një shaka për shqiptarët, nuk kanë asnjë vlerë për vendimmarjen.
Ato janë aty si aktorë të rrugës që i kanë futur për një copë bukë në një film, pa e ditur skenarin, të papërgatitur për mizanskenat e forta, që vetëm Edi Rama di t’i ndërtojë.
Vendimet merren në vilën antisizmike të Surrelit, aty ku njerëz të një familjeje, sipas rrëfimit të Kryeministrit, vendosin fatet e Shqipërisë. Njësoj si atëherë kur një familje në bllok e bënte këtë, me të njëjtin përkushtim. Ah po, ka një ndryshim, në familjen e re, nuk ka homogjenizëm kur bëhet fjalë për mbiemrat.
Një prej tyre ngjan me atë të liderit të opozitës.
(Dosja.al)
1 vit nga zgjedhjet e 25 prillit si e shikoni gjendjen e vendit:
Ajo dilte gjithnjë buzëgaz në anën e të shoqit, e shoqja e Sekretarit të Parë të Partisë së Punës ruante gjithmonë të njëjtin imazh: flokë të ndara me vizë anas...
TIRANË- Historiani romak Salusti komentoi se mënyra se si shtetet krijohen përcakton mënyrën se si ato sundohen. Ky diktat mund të shihet si i vlefshëm edh...
Mentaliteti diktatorial i Kryeministrit, reflektohet edhe në organet e drejtësisë sa herë ka ngjarje të jashtëzakonshme. Drejtësia që supozohet të jetë e pavaru...
GJERMANI– Në garën për kryesimin e CDU-së janë shtuar kandidatët. Veç Friedrich Merz-it dhe Jens Spahn-it, që qenë kandidatë edhe një vit e gjysmë ...
TIRANË- Një projektvendim i beftë i qeverisë i hap rrugën rikthimit të dyqaneve pa taksa në të gjitha pikat kufitare tokësore të vendit. Të njohura ndryshe...
TIRANË- Një pjesë e opinionit publik është e shqetësuar se shuma e madhe e kredive të mobilizuara një ditë më parë në konferencën e donatorëve do të rrisin...
Ka kohë që jemi dëshmi tarë të ndërtimit, nga ana e propagandës së Edi Ramës, të një Shqipërie false, aq sa bashkëjetojmë tashmë me këtë gënjeshtër të madhe.Por...
KOSOVË- Nuk kanë kaluar as dhjetë ditë prej kur është zgjedhur kryeministër, kurse Albin Kurtit i ra hise që që ditën e parë të zhytet në ujëra të thella d...
GJERMANI- Përbrenda kishte kohë që ziente. Por tani krisjet në marrëdhëniet transatlantike kanë dalë në pah më...
KOSOVË- Më pyetën disa miq diplomatë se si duket Qeveria e re në Kosovë dhe imazhi më i mirë që më ra në mend ishte se si kjo Qeveri hyn në zyrë duke ecur ...
