Protesta për Zvërnecin/ Protestuesit çajnë kordonin metalik, policia i sulmon me ujë. Tubimi shpërndahet në gjithë Tiranën
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
“Ka forca në Shqipëri dhe jashtë që janë kundër”/ Rama: Të rreshtohesh me PS, do të thot&eum...
"Shqipëria është e shqiptarëve"/ Qytetarët mbushin rrugët e Tiranës, kërkojnë anulimin e pr...
AFGANISTAN– Parwana Malik, një vajzë 9-vjeçare me sy të errët dhe faqe rozë, qesh me miqtë e saj ndërsa ata luajnë me hedhje në litar. Por e qeshura e Parvanës zhduket ndërsa ajo kthehet në shtëpi, një kasolle e vogël me mure dheu, ku i kujtohet fati i saj: ajo po i shitet një të huaji si nuse. Burri që dëshiron të blejë Parwanan thotë se është 55 vjeç, por për të, ai është “një plak me vetulla të bardha dhe mjekër të bardhë”. Ajo shqetësohet se ai do ta rrahë dhe do ta detyrojë të punojë në shtëpinë e tij. Prindërit e saj thonë se nuk kanë zgjidhje tjetër.
Për katër vjet, familja e saj ka jetuar në një kamp afganësh në provincën veriperëndimore Badghis, kanë mbijetuar nga ndihma humanitare dhe punar për të fituar disa dollarë në ditë. Por jeta e tyre është bërë më e vështirë që kur talebanët morën pushtetin në Afganistan më 15 gusht. Ndërsa ndihma ndërkombëtare shuhet dhe ekonomia e vendit shembet, ata nuk janë në gjendje të përballojnë nevojat bazë si ushqimi. Babai, e shiti motrën e saj 12-vjeçare disa muaj më parë. Duket se tani është rradha e Parwanës. Ajo është një nga shumë vajzat e reja afgane, të cilat shiten për martesë ndërsa kriza humanitare në vend thellohet. Uria ka shtyrë disa familje të marrin vendime të tilla, veçanërisht teksa afrohet dimri brutal. Prindërit i dhanë mediave akses të plotë dhe leje për të folur me fëmijët dhe për të treguar fytyrat e tyre, sepse ata thonë se nuk mund ta ndryshojnë vetë këtë praktikë.
“Dita ditës, numri i familjeve që shesin fëmijët e tyre po rritet. Mungesa e ushqimit dhe mungesa e punës I shtyn familjet të mendojnë se duhet ta bëjnë këtë”. tha Mohammad Naiem Nazem, një aktivist i të drejtave të njeriut në Badghis.
Abdul Malik, babai i Parwanës, tha se nuk mund të flejë natën. Përpara shitjes, ai u shpreh se është “thyer” nga faji, turpi dhe shqetësimi. Ai ishte përpjekur të shmangte shitjen e saj, pasi udhëtoi për në kryeqytetin e provincës Qala-e-Naw për të kërkuar punë, por pa sukses. Malik tregoi se kishte marrë hua shumë para nga të afërmit dhe gruaja e tij iu ishte lutur banorëve të tjerë të kampit për ushqim. Më tej ai shtoi se nuk kishte zgjidhje tjetër nëse donte të ushqente familjen e tij.
“Jemi tetë anëtarë në familje. Me duhet të shes një fëmijë për të mbajtur gjallë të tjerët”, tha ai.
Paratë nga shitja e Parwanas do ta mbajnë familjen vetëm për disa muaj, përpara se Malik të gjejë një zgjidhje tjetër, sipas fjalëve të tij. Parwana tha se shpresonte të ndryshonte mendjen e prindërve të saj. Ajo kishte ëndrra të bëhej mësuese dhe nuk donte të hiqte dorë nga arsimimi i saj. Por lutjet e saj ishin të kota. Më 24 tetor, blerësi, Qorban, i cili ka vetëm një emër, mbërriti në shtëpinë e saj dhe dorëzoi rreth 2,200 dollarë në formën e deleve, tokës dhe parave të gatshme tek babai i Parwanas. Qorban nuk e përshkroi shitjen si martesë, duke thënë se ai tashmë kishte një grua që do të kujdesej për Parwanan sikur të ishte një nga fëmijët e tyre.
“Parwana ishte e lirë, babai i saj ishte shumë i varfër dhe ai kishte nevojë për para. Ajo do të punojë në shtëpinë time. Unë nuk do ta rrah. Do ta trajtoj si një anëtar të familjes. Do të jem i sjellshëm,” tha Qorban.
Parwana, e veshur me të zeza dhe me një kurorë me lule shumëngjyrëshe rreth qafës së saj, fshehu fytyrën dhe pëshpëriti ndërsa babai i saj duke qarë i tha Qorbanit: Kjo është nusja juaj. Ju lutemi kujdesuni për të, ju jeni përgjegjës për të tani, ju lutem mos e rrihni.
Qorban pranoi, më pas e kapi krahun e Parwanës dhe e nxori nga dera. Ndërsa ata u larguan, babai i saj duke parë nga porta, pa Parwanan që nguli fort këmbët e saj në tokë dhe u përpoq të tërhiqej, por nuk ishte e dobishme. Ajo u tërhoq zvarrë në makinën e Qorban, e cila u largua ngadalë. Që nga marrja e pushtetit nga Talebanët, histori si ajo e Parwanas kanë qenë në rritje. Megjithëse martesa me fëmijë nën 15 vjeç është e paligjshme në mbarë vendin, ajo është praktikuar rëndom prej vitesh, veçanërisht në pjesët më rurale të Afganistanit dhe është përhapur që nga gushti, i nxitur nga uria dhe dëshpërimi. Më shumë se gjysma e popullsisë po përballet me pasiguri akute ushqimore, sipas një raporti të Kombeve të Bashkuara të publikuar këtë javë. Më shumë se 3 milionë fëmijë nën moshën 5 vjeç përballen me kequshqyerje. Gjatë gjithë kohës, çmimet e ushqimeve po rriten, bankave po u mbarojnë paratë dhe punëtorët nuk paguhen.
Gati 677,000 njerëz janë zhvendosur këtë vit për shkak të luftimeve, sipas Zyrës së OKB-së për Koordinimin e Çështjeve Humanitare (UNOCHA). Shumë prej tyre jetojnë në tenda dhe kasolle në kampet e zhvendosjes së brendshme si familja e Parwanas.
Përshtatur nga CNN
(i.d.Dosja.al)
Cila mendoni se është alternativa më e mirë:
KOSOVË– Kosava, është një prej fshatrave që konsiderohet ndër më të bukurit në Kosovë. Banorët tregojnë se fshati është ndër më të vjetërit në trevën...
PEKIN- “Yahoo” nuk do të operojë më në Kinë! Ky është vendimi i fundit i korporatës teknologjike duke arsyetuar se është detyruar të dalë në këtë përfundim për ...
SKOCI– Historiani, David Attenborough u ka thënë delegatëve në COP26 se ata janë mjaft të fuqishëm për të shpëtuar planetin, nëse punojnë së bashku. Në nj...
SERBI– Presidenti serb Aleksandër Vuçiç, ka folur për bombardimet nga NATO në vitin 1999. Mediat në Kosovë raportojnë se ai është ankuar nda...
MOSKË– Një mjegull e dendur që përfshiu kryeqytetin rus, e quajtur “mjegull radioaktive”, bëri që më shumë se njëqind fluturime të mos is...
RUSI– Forcat detare të Rusisë u stërvitën për shkatërrimin e objektivave të armikut të martën në Detin e Zi, ndërsa Moska shprehu pakënaqësinë me praninë ...
SHBA– Një letër drejtuar Sekretarit të Shtetit të SHBA-së, Anthony Blinken, e cila kundërshton shitjen e avionëve luftarakë F-16 në Turqi, është dërguar n...
MAQEDONIA E VERIUT- Kryeministri i Maqedonisë së Veriut, Zoran Zaev me dorëheqjen e paralajmëruar pas humbjes së zgjedhjeve lokale ngritur shumë pikëpyetje mbi ...
GLASGOW- SHBA dhe BE kanë njoftuar një partneritet global për të ulur emetimet e gazit serrë metan deri në vitin 2030.Shefja e Komisionit të BE-së, Ursula von ...
BEOGRAD– Mediat serbe i kanë bërë jehonë një deklarate të ministres së Punëve të Jashtme të Kosovës, Donika Gërvallës lidhur me pavarësinë e Kosovës. Sot ...
