Berisha: I bëj thirrje Prokurorit Publike të BE, por edhe Interpolit dhe Eurojust që të nisin hetimet për Ramën q&...
Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
Dosja e Erion Veliajt/ Avokati Ndreca nuk u paraqit, gjobitet me 50 mijë lekë! Shtyhet seanca 21 Korrik, 10:54 Dosja...
“Nuk shiten malet, është mundësi për pronarët dhe emigrantët” Rama: Paketa e Maleve, nuk anulohet 21 ...
TIRANË- Një ndër premtimet e përsëritura mbi transportin publik në Tiranë është instalimi i një sistemi që duhet të monitorojë në kohë reale vendndodhjen dhe shpejtësinë e autobusëve përmes teknologjisë GPS.
Bashkia e Tiranës prej dy vitesh deklaron sa ka përfunduar instalimin e këtyre pajisjeve në secilin prej 16 linjave të autobusëve, “ky informacion nuk duhet të jetë monopol i Bashkisë…duhet ta dijë çdo qytetar i Tiranës dhe shumë shpejt do të bëjmë integrimin në aplikacionin Tirana ime dhe tabelë elektronike në çdo stacion autobusi”, deklaronte Erion Veliaj në Shkurt të vitit 2017.
Citizens Channel mori në shqyrtim secilën nga iniciativat publike apo private për monitorimin e autobusëve, duke dalë në përfundimin se asnjë nuk funksionon.
Aplikacioni “Tirana Ime” tregon vetëm vendndodhjen e stacioneve të autobusëve
Aplikacioni “Tirana Ime” u krijua në vitin 2016 nga bashkëpunimi i Bashkisë Tiranë me një kompani private telekomunikacioni, si një mjet që ndër të tjera do të ndante informacione mbi trafikun dhe transportin urban. Kategoria dedikuar transportit publik në këtë aplikacion tregon vetëm ku ndodhen stacionet për 14 nga 16 linjat e autobusëve të qytetit. Nuk ka asnjë shenjë të sistemit GPS, madje mungon dhe frekuenca dhe orari i autobusëve.
Duket se të dhënat mbi transportin publik në këtë aplikacion nuk janë përditësuar që prej vitit 2016. Aty mungon informacioni mbi dy linjat e reja, Selitë-Kristal-Qendër-St.Trenit-Allias dhe Sauk-Kopshti Zoologjik- Ish St.Trenit dhe nuk përfshihen zgjatimet dhe ndryshimet e bëra në linjat ekzistuese.
Aplikacioni “Tirana Public Transport” – ka ndaluar së funksionuari
Aplikacioni “Tirana Public Transport” i prezantuar nga një kompani private në shtator të vitit 2018, paraqiste në kohë reale vendndodhjen dhe kohën e pritjes për pjesën më të madhe të linjave të autobusëve. Ky shërbim nuk funksionon më, duke e reduktuar informacionin vetëm tek linjat dhe stacionet, njëlloj si tek aplikacioni “Tirana Ime”. Citizens Channel mësoi se ky aplikacion ka funksionuar për një periudhë prej 8 muajsh dhe kontaktoi me kompaninë Inovacion Shpk. për të komentuar ndalimin e këtij shërbimi, por nuk mori një përgjigje deri në momëntin e publikimit të këtij shkrimi.
Oraret nuk afishohen as në letër
Afishimi i orareve të fillimit dhe mbarimit të shërbimit, është një ndër detyrimet që kompanitë private duhet si pjesë e marrëveshjes dhe kontratave të reja që erdhën pas rritjes me 33% të çmimit të biletës në vitin fillim të vitit 2016.
“Kompanitë do të vendosin në mjediset e jashtme të transportit, informacionet për oraret, itineraret dhe frekuencën e lëvizjes si dhe duhet të pajisin mjediset e brendshme të mjeteve me informacione për oraret, itineraret dhe frekuencën e lëvizjeve”, ishte një ndër 10 kushtet që Bashkia e Tiranës i vendosi operatorëve.
Gjatë vëzhgimit në terren të mbi 20 stacioneve të urbanëve, Citizens Channel nuk gjeti të afishuar informacione mbi orarin, frekuencën apo emrin e linjës në asnjë formë. Duket se ky kusht, pjesë e 10 pikave ka mbetur në letër, sepse nuk është shoqëruar me një Vendim të Këshillit Bashkiak (VKB) apo urdhër që i detyron kompanitë ta zbatojnë. VKB i fundit mbi ku listohet vlera e gjobave për secilën shkelje daton në vitin 2010, dhe asnjë nga 30 shkeljet nuk ka të bëjë me afishimin e orareve.
Premtimi tjetër lidhur me tabelat elektronike të autobusëve, dukshëm nuk është afër zbatimit, as në stacionet që janë rinovuar rishtazi, duke shtuar “kioska” që shesin produkte tregtare.
Stacionet e reja të autobusëve në Tiranë nuk kanë orare të afishuara
Madje, në linjën Yzberisht – Kashar – Qendër, u vu re edhe mungesa e stacioneve dhe tabelave që tregojnë se ka një ndalesë autobuzi.
Në rrugën 3 Dëshmorët mungojnë tabelat çdo sinjalistikë që tregon stacionin e autobusit
“Kam rreth 3 muaj që jetoj në këtë lagje dhe më duhet ta përdor këtë autobusin nga dy herë në ditë për në shkollë. Në fillim nuk e dija as ku ishin stacionet, shikoja ku kishte njerëz që prisnin dhe qëndroja dhe unë. Tani i kam mësuar, prapë autobusi vjen rrallë, cdo gjysmë trecerek ore ose më shumë“, tregon Alvijo.
Edhe pse prej tre vitesh qytetarët paguajnë 33% më shumë para për transportin publik situata mbetet kaotike. Në stacione nuk ka asnjë informacion rreth orarit të autobusëve, emrit të linjave në secilin stacion, frekuencës dhe destinacionit.
Marrë nga: Citizens-Channel.com
(a.m/dosja.al)
Tirana është boshatisur për ditët e pushimit. Cilën nga ritet e shenjta po ndiqni:
Tiranë- Publikohet lista përfundimtare e zgjedhësve për Zgjedhjet e 30 qershorit. Sipas njoftimit të Ministrisë së Brendshme të drejtën e votës e kanë 3,536,015...
TIRANË- Pak orë përpara protestës së partive opozitare, Ambasada Italiane u ka bërë thirrje qytetarëve që të shmangin grumbullimet dhe turmat e njerëzve gj...
Izet Haxhia rikthehet në DITA tërthorazi, nëpërmjet avokatit të tij të ri Idajet Beqirit. Pavarësisht akuzave të rënda që Izeti ka lëshuar kundër ish shefit të ...
Tiranë- Në emisionin “Provokacja” të Mustafa Nanos hitoriani Pëllumb Xhufi është shprehur se nuk ekziston më ndarja veri apo jug për të përcaktuar përkrahësit e...
Tiranë– Pas deklaratës së djeshme të Presidentit Ilir Meta i cili u shpreh i gatshëm për të shtyrë datën e zgjedhjeve lokale ka reaguar edhe Këshilltari i CDU-...
Laç-Në Laç një familje ka nevojë urgjente për ndihmë. Vajza e tyre Desara 17 vjeç është e paralizuar. Babai thotë se dita ditës vajza nuk m...
Tiranë- Festival i 72-të i Filmit në Kanë është hapur zyrtarisht! Nga data 14 maj deri më 25 maj, personazhet e famshëm po promovojnë filmat e tyre, por edhe po...
Gjirokastër– Nga aksioni Frontex në pikën kufitare të Kakavijës janë kapur 5 klandestinë. Mësohet se ata janë kapur në kufirin e gjelbër. Po kështu është arrest...
Fier- Nga policia e Fierit janë arrestuar 5 persona për vepra të ndryshme penale. Mes të arrestuarve është një grua 35-vjeç me iniciale pasi Gjykata e R...
Memaliaj- Nga policia janë arrestuar në Memaliaj dy persona pasi dyshohet se janë autorët e tentativës për kultivim të 60 kubikëve të kultivuar me fara Cannabis...
