Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Shqipëria kërkon revolucion
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Rama nga Thethi: Paketa e Maleve nuk është për biznesmenë dhe as për oligarkët 21 Korrik, 16:20 ...
Berisha: I bëj thirrje Prokurorit Publike të BE, por edhe Interpolit dhe Eurojust që të nisin hetimet për Ramën q&...
Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
Tre vitet e fundit, përherë e më shumë ushtarë të rekrutuar në shërbimin ushtarak, rezultojnë të kenë dezertuar dhe të gjithë ata kanë deklaruar më pas gjatë hetimit, se e lanë shërbimin pranë forcave të armatosura për shkak të varfërisë.
Por A.H., e shpjegon me detaje varfërinë e tij dhe pamundësinë ekonomike që nuk i la asnjë mundësi për t’ia dalë. Ndonëse emri i tij u referua nga policia ushtarake, i riu insistoi se e donte atdheun dhe se qëllimi i tij nuk kishte qenë të sfidonte ligjet.
Sipas një burimi, ushtari nën akuzë, sipas nenit 33/1 të Kodit Penal ushtarak, rrëfehet se problemet ekonomike e shtynë që të merrte një kredi bankare në shumën e 1.280 mijë lekë. Pikërisht aty nisën problemet e tij.
“Paga që unë merrja ndërkohë si ushtarak pranë repartit ku punoja, ishte shumë e ulët. Çfarë nuk më mjaftonte për të përballuar shpenzimet minimale të jetesës së përditshme, si dhe të paguaja këstin e kredisë që kisha marrë, të cilën vijoj ende ta paguaj. Jam detyruar, që i ndodhur në të tilla kushte ekstreme të vështira ekonomike, të emigroj për fare pak muaj, vetëm me qëllimin për të punuar jashtë shtetit, për të krijuar sado pak të ardhura monetare, me qëllimin e vetëm për të paguar kredinë e marrë.
Këto fakte i provoj edhe me kryerjen e pagesës së kësteve të kredisë pas kthimit tim nga muaji qershor 2021 e në vijim, duke paraqitur një gjendje të llogarisë bankare, ku pasqyrohen pagesat periodike të kryera nga ana ime gjatë kësaj periudhe Qershor-Tetor 2021”, – dëshmoi para policisë ushtarake i riu.
Megjithatë, kjo nuk e frenoi këtë autoritet që ta dorëzonte si të akuzuar në gjykatë ku ish-ushtari lutet.
“I kërkoj gjykatës mëshirë në dhënien e këtij vendimi dhe caktimin e dënimit përfundimtar ndaj meje. Dua të theksoj se, e pranoj akuzën penale, ndihem i keqardhur dhe shumë i penduar. Por ju bëj me dije se veprimet e mia, ndonëse në kundërshtim me ligjin, janë kryer në kushtet e një situate tepër të vështirë ekonomike”.
I riu bën me dije sipas grupit të hetimit, që e citon atë se kishte qenë i devotshëm dhe ishte i gatshëm të kthehej sërish në ushtri, ndonëse ky shërbim e la të varfër dhe të paguar keq.
“Unë kam pasur sjellje dhe rezultate tepër të mira dhe të larta, si në shkollë ashtu edhe në punën time të përditshme, ku kam shërbyer pranë Forcave të Armatosura të RSH. Nuk kam pasur kurrë probleme. Asnjëherë nuk kam marrë asnjë masë administrative, asnjë vërejtje, asnjë penalitet. Qëllimi i largimit tim nuk ka qenë që të braktis vendin tim, apo shërbimin ushtarak.
Unë kam dashur dhe jam i gatshëm sërish që të kthehem e të punoj, duke dhënë kontributin tim maksimal pranë Forcave të Armatosura me çfarë të mundem. Ndaj, i kërkoj kësaj gjykate të jetë sa më e mëshirshme dhe të vlerësojë me shumë objektivitet sjelljen si dhe të gjitha rrethanat e mia konkrete”, – mësohet të jetë rrëfyer ai.
Dosja hetimore, tregon se ushtaraku u rekrutua në vitin 2014 mes tij dhe komandantit të Forcave të Armatosura sipas një kontrate të shërbimit ushtarak, duke filluar nga nëntori 2018, deri në nëntor 2021.
Policia ushtarake përshkruan në dosje. “Ushtar A.H., kishte përgjegjësinë e ruajtjes me vëzhgim gjithsej për 8 prona, të cilat i kontrollonte nga dita e hënë deri të enjten. Ndërsa ditën e premte të çdo jave, paraqitej në Komandën e Forcës Tokësore, konkretisht në repartin ushtarak nr.1004, ku dhe bënte deklarim me shkrim për kontrollin dhe gjendjen e pronave që kishte në ruajtje”.
Por në grafikun e administruar ushtari nuk u paraqit në detyrë. “Gjithashtu, po sipas deklarimeve të personave që kanë dijeni për rrethanat e hetimit, komandanti i garnizonit u paraqit bashkë me kapitenët në shtëpinë e tij për të kuptuar arsyet se përse ai nuk u paraqit në repart”.
Sipas dosjes, pak ditë më vonë në repart është paraqitur i ati, E.H., i cili rrëfeu se i biri është larguar në Gjermani.
Ai thotë: “Bashkëshorten e kam të sëmurë kronike dhe ka probleme të theksuara me tiroidet. Djali im është bërë pjesë e Forcave të Armatosura në vitin 2018 me idenë për të ndihmuar familjen me të ardhura. Gjatë këtyre dy viteve shërbim, ka pasur një sjellje korrekte dhe asnjë masë disiplinore nga komanda e repartit. Kam një gocë të martuar në Bathore, Kamëz dhe kishte raste që A., i cili mundohej që të punonte jashtë orarit të punës, qëndronte tek ajo për arsye të orarit të vonë dhe mungesës së urbanëve”.
Pyetjes nëse “gjatë kohës që ka qenë i biri në punë në repart, a iu ka shprehur pakënaqësi për punën apo ndonjë gjë tjetër që lidhet me të”, i ati i përgjigjet:
“Për punën nuk më ka shprehur pakënaqësi, por për pagën po, e cila ishte shumë e vogël dhe nuk kishim mundësi që të mbulonim shpenzimet familjare. Siç e theksova dhe më lart, bashkëshortja është e sëmurë dhe ka nevojë për shumë vizita dhe ilaçe mjekësore, e cila e mundonte shumë djalin”.
Ndërsa pyetjes, “A., është larguar përgjithmonë nga Forcat e Armatosura apo do të kthehet përsëri?”, deklaruesi i përgjigjet se, “…nuk kam dijeni…”.
Në vendimin që iu vendos në dispozicion Gazetasi.al, citohet: “Ushtarakët, nga vet natyra e shërbimit, gëzojnë status të veçantë që i dallon nga punonjësit e tjerë të administratës shtetërore apo dhe të sektorit privat. Marrëdhëniet e punësimit të ushtarakëve rregullohen me akte ligjore e nënligjore specifike, që përcaktojnë të drejta dhe detyrime, të cilat janë të domosdoshme për t’u zbatuar. Një ndër këto detyrime është edhe shkëputja e marrëdhënieve të punës së një ushtaraku aktiv dhe ndonëse ai është larguar për shkaqe ekonomike, largimi nga shërbimi është vepër penale”, – thuhet në dokument./Marrë nga Tema.
Iftar dhe politikë, a u prek Muaji i Ramazanit nga politikanët?
Rastet globale të depresionit dhe ankthit u rritën me më shumë se një të katërtën gjatë vitit 2020 për shkak të pandemisë, sipas hulumtimit të ri. Shkencëtarët ...
Në Shqipëri nuk ka vetëm kredi për të blerë shtëpi, për ta arreduar atë, apo edhe për të kaluar pushimet. Dy vitet e fundit sollën atë që u quajt kredia e shëri...
TIRANË– Drejtori i Përgjithshëm i Policisë së Shtetit Gledis Nano ka mbledhur për herë të parë në një takim, drejtuesit e “bluve” në të gjithë qarqet...
TIRANË- Gjykata e Tiranës ka vendosur masën ‘arrest shtëpie’ për të arrestuarit e dy ditëve më parë lidhur me kontrabandën e ilaçeve.Të ...
TIRANË– Më shumë se 1 vit hetime ka sjellë prangosjen e disa personave që “zhvatën” qytetarët shqiptarë gjatë periudhës së pandemisë së koronavirusit...
TIRANË- GJKKO ka pranuar gjykimin e shkurtuar për ish gjyqtaren e Krujës, Enkelejda Hoxha, e cila aktualisht ndodhet në burg nën hetimin për korrupsion.Ish...
TIRANË– Ish-drejtori i RTSH-së, Thoma Gëllçi dhe tre vartësit e tij, janë lënë ditën e sotme në arrest me burg nga Gjykata e Posaçme. E...
GREQI– Motra e 35-vjeçarit Kostantinos Kacifas, Ermioni ka shpërthyer në akuza dhe sulme ndaj drejtësisë shqiptare pas lajmeve se i vëllai u vetëvr...
TIRANË– Gjykata e Shkallës së Parë Gjirokastër nuk ka pranuar kërkesën e Prokurorisë në lidhje me mbylljen e hetimeve për vdekjen e Konstantinos Kaci...
TIRANË– KLGJ ka pranuar kërkesën e ILD Artur Metani për shkarkimin nga detyra të gjyqtarit Roland Hysi dhe ndërprerjen e marrëdhënieve financiare të ...
