"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
TIRANË– Ditën e sotme opozita ka pritur në selinë e Partisë Demokratike Ambasadorët ndërkombëtarë ku edhe kanë kërkuar ndërmjtësimin për përplasjet mbi çështjet e koalicioneve.
Ndërkohë pas kërkesës së propozuar nga opozita që të merret mendimi i OSBE/ODIHR, ka ardhur përgjigjja e Damian Gjiknurit, i cili në deklaratën e tij thekson se takimi do të mbahet të premten e kësaj jave, datë 18.09.2020 dhe jo ditën e nesërme, 16.09.2020, datë e cila është kërkuar nga opozita.
Më tej përfaqësuesi i PS-së ka hedhur poshtë edhe kërkesën e dytë të Opozitës jashtëparlamentare për marrjen e ekspertizës nga OSBE/ODIHR-it. Gjiknuri thotë se opozita po mundohet që të zvarrisë procesin, dhe bën thirrje se të premten pret edhe draftin me propozimet konkrete që reflektojnë ndryshimet Kushtetuese në Kodin Zgjedhor.
“Në cilësinë e përfaqësuesit e mazhorancës, në mbledhjen e ditës së Premte unë do të paraqes draftin me propozimet konkrete që reflektojnë ndryshimet Kushtetuese në Kodin Zgjedhor për çështjet e sipërcituara. Sinqerisht, Damian Gjiknuri. Përfaqësues i Partisë Socialiste.”- ka thënë Gjiknuri.
Fjala e Plotë e Gjiknurit:
Të nderuar kolegë. Sapo u njoha me kërkesën Tuaj për organizimin e një mbledhjeje jashtë radhe të Këshillit Politik, me temë “marrjen e ekspertizës së OSBE-ODIHR, për çështjet që nuk biem dakord në Këshillin Politik”. Në vijim të diskutimeve të kryera në mbledhjen e mbrëmshme, më lejoni të ju ritheksoj se nëse ju kërkoni të shfrytëzoni ekspertizë të huaj për qartësimin e pozicioneve tuaja lidhur me implementimin e dispozitave të reja të Kushtetutës së Republikës së Shqipërisë që bëjnë fjalë për zgjedhjet, ju mund ta bëni këtë me këdo që ju e gjeni të përshtatshme, por nuk mund të kërkoni që anëtarët e tjerë të Këshillit Politik, për të cilët zbatimi i Kushtetutës është një çështje që as vihet në diskutim, as zvarritet dhe as anashkalohet të bëhen pjesë e kësaj kërkese, aq më tepër të kërkoni që ekspertiza e OSBEO/DIHR-it të keqpërdoret me prapamendim. OSBE/ODIHR ka qenë gjithmonë gati të përfshihej me ekspertizë teknike për shqyrtimin dhe përpumimin e propozimeve dhe drafteve tona të reformës. Ne kemi qenë mirënjohës sa herë që nga OSBE/ODIHR na kanë ardhur komente dhe sugjerime, sikurse kemi qenë po aq të keqardhur, kur për shkak të insistimit tuaj, sugjerimet e tyre janë neglizhuar e sakrifikuar pa asnjë shkak të llogjikshëm. Ne jemi të bindur se ekspertiza e OSBE/ODIHR-it lidhur me teknologjinë në zgjedhje dhe barazinë gjinore do ta kishte bërë reformën zgjedhore vërtet cilësore, sikurse jemi të sigurtë se nëse nuk do i ishim nënshtruar refuzimit tuaj për ta përfshirë ekspertizën e ODIHR-it në debatin për administratën zgjedhore, sot kuadri ligjor për administrimin e zgjedhjeve do të formonte model për një administratë zgjedhore neutrale, të përgjegjshme dhe profesionale që në zgjedhjet e ardhshme. Ju referoni tek marrëveshja e 14 Janarit për të mbështetur kërkesën Tuaj, por Ju nuk mund të bëni sikur sjellja Juaj e mëparshme ndaj ekspertizës së OSBE/ODIHR-it nuk ka qenë e Juaja. Me sjelljen tuaj të deritanishme, Ju e keni abroguar më shumë se sa një herë këtë pikë të marrëveshjes, pa motiv, pa shpjegim dhe me arrogancë. Unë nuk mund të mos ta kujtoj këtë fakt. Gjithësesi, ne duam bashkëpunimin me synim arritjen e një konsensusi sa më të gjërë. Ne duam që opozita jashtëparlamentare të jetë e përfshirë, të ndjehet e përfillur në këtë proces, të jetë kontribuese. Që kjo të ndodhë duhet që të gjithë bashkë të punojmë për implementimin e dispozitave të reja të Kushtetutës për zgjedhjet. Puna e do që ne të shtrojmë në tavolinë jo vetëm idetë, por mbi të gjitha propozimet tona të detajuara, pse jo draftet tona të plota e ezauruese për pragun zgjedhor, për formulën dhe procedurën për numërimin, tabulimin dhe kalkulimin e votave parapëlqyese, për regjistrimin e të drejtat proceduriale dhe materiale të koalicioneve zgjedhore, për pasqyrimin në fletën e votimit, për numërimin e votave, tabulimin dhe kalkulimin e votave parapëlqyese të listës së koalicionit. Këto janë lëndë e bollshme për amendamentet që duhen hartuar në zbatim të Kushtetutës. Kërkohet punë dhe përkushtim, sepse koha nuk pret. Lidershipi juaj ka deklaruar pas miratimit të dispozitave të reja të Kushtetutës, se nuk do t’i njihte ato. Ju i qendruat të njejtës linjë me letrën tuaj zyrtare të datës 14.09.2020 dhe në debatin vijues në Këshill. Ka ardhur koha që të deklaroni besnikërinë dhe respektin ndaj Kushtetutës së vendit Tuaj, ashtu siç bëjnë të gjitha partitë simotra të Evropës demokratike ndaj kushtetutave të vendeve të tyre. Po ashtu ka ardhur koha që të tregoni me prova vullnet të mirë ndaj këtij procesi që po zhvillojmë bashkarisht. Taktikat e pengimit, zvarritjes, bllokimit dhe konfliktualitetit artificial nuk pijnë më ujë. Unë ju ftoj përzemërsisht të futeni në rrugën e duhur, në rrugën e drejtë. Si përfaqësues i Partisë Socialiste Ju konfirmoj se, sa na takon ne, nuk do ketë asnjë produkt të punës sonë të përbashkët që nuk do t’i nënshtrohet ekspertizës së OSBE/ODIHR-it. Por, përpara se kjo të ndodhë ne duhet të fillojmë të prodhojmë produkte konkrete, jo të pengojmë. Në vazhdim të diskutimit të mbledhjes së fundit, unë mirëpres propozimet tuaja, qoftë dhe fillestare, për çështjet e sipërcituara, në mbledhjen e planifikuar për ditën e Premte datë 18.09.2020, ora 10:30. Ndërkohë ju informoj se ekipi i PS-së është në punë për të konkretizuar dispozitat e Kushtetutës dhe për ti reflektuar ato respektivisht në Kodin Zgjedhor. Në cilësinë e përfaqësuesit e mazhorancës, në mbledhjen e ditës së Premte unë do të paraqes draftin me propozimet konkrete që reflektojnë ndryshimet Kushtetuese në Kodin Zgjedhor për çështjet e sipërcituara. Sinqerisht, Damian Gjiknuri. Përfaqësues i Partisë Socialiste.
Një ditë më parë Këshilli Politik zhvilloi mbledhjen e radhës, në të cilën nuk pati dakordësi. Dy orë pas nisjes së mbledhjes, palët braktisën tryezën, pasi nuk ranë dakort për listat e hapura. Damian Gjiknuri vuri afat, teksa shtoi se deri më 30 shtator duhet të mbyllet gjithçka mbi atë çka është mbledhur Këshilli Politik. Socialistët kërkuan hapjen e 2/3 të listave. Ndërsa, Oerd Bylykbashi dhe përfaqësuesi i Lëvizjes Socialiste për Integrim, Petrit Vasili kërkuan hapjen 100 % të listave dhe paprekshmërinë e koalicioneve parazgjedhore. Gjithashtu edhe Hajdari tha se nuk do të heqë dorë nga kërkesa e saj për hapjen 100% të listave.
k.m;a.c/Dosja.al
1 vit nga zgjedhjet e 25 prillit si e shikoni gjendjen e vendit:
TIRANË- Drejtuesja e politike e qarkut Lezhë dhe ish-ministrja e Arsimit Lindita Nikolla e ftuar në studion e “ABC News” foli për situatën e arsimin dhe nd...
TIRANË– Presidenti Ilir Meta ka kërkuar konsensus nga të gjitha palët politike për të gjitha ndryshimet në Kodin Zgjedhore. Pas kërkesës nga opozita jashtë...
TIRANË– Takimi i mbrëmjes të së hënës në Këshillin politik, i pari për të përshtatur në Kodin zgjedhor ndryshimet Kushtetuese të miratuara më 30 korr...
TIRANË– Mbi 100 deputetë të Kuvendit të Shqipërisë kanë përfituar 350 USD deri në 760 USD dieta për udhëtime brenda vendit gjatë muajit korrik të vit...
TIRANË– Kryeministri Edi Rama e ka ‘ngritur stekën’ me kërkesat që ka parashtruar përballë drejtuesve politik në qarqe.Burime brenda selisë rozë kanë...
TIRANË- “World Academy Tirana” është shkolla private në kryeqytet, në të cilën studiojnë fëmijët e ministrave, deputetëve dhe socialistëve. Shkolla është ...
TIRANË– Pas takimit me diplomatët ndërkombëtarë, dy përfaqësuesit e opozitës në Këshillin Politik kanë kërkuar një tjetër takim ditën e nesërme. Petrit Vas...
TIRANË– Nënkryetari i Partisë Demokratike Edi Paloka ka komentuar deklaratën e ish-ministres së Arsimit Besa Shahini, e cila një ditë më parë tha se Opozit...
TIRANË– Kreu i grupit parlamentar të Partisë Socialiste, Taulant Balla ka komentuar ndryshimet në qeveri që ndodhën dje, ku në vend të ministres së A...
TIRANE- Kreu i grupit parlamentar të Partisë Socialiste, Taulant Balla teksa ka qënë i ftuar në emisionin ‘Opinion’ në Neës24 ka komentuar ndryshime...
