E rëndë në Maliq/ Vritet polici gjatë operacionit për kapjen e një personi në kërkim, plagoset dhe një tjetër (EMRAT)
Ngjarja në Maliq/ Zbardhen edhe identitetet e efektivëve 4 Qershor, 08:49 E rëndë në Maliq/ Vritet p...
Ngjarja në Maliq/ Zbardhen edhe identitetet e efektivëve 4 Qershor, 08:49 E rëndë në Maliq/ Vritet p...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
“Ka forca në Shqipëri dhe jashtë që janë kundër”/ Rama: Të rreshtohesh me PS, do të thot&eum...
TIRANË– Familja e komisarit të vrarë në krye të detyrës Artan Cuku, ka ngritur padi në Gjykatën Administrative ndaj Policisë së Shtetit dhe ministrisë së Financave dhe Ekonomisë. Mësohet se ata kërkojnë 30 mln lekë dëmshpërblim për momentin, por theksojnë se shuma mund të ndryshojë në varësi të aktit të ekspertimit.
Në padinë e depozituar, familjarët e komisarit kanë kërkuar nga institucionet dëmshpërblim moral dhe material që iu ka ardhur si rezultat i humbjes së jetës së familjarit të tyre.
Sipas familjes së të ndjerit, Cuku Cuku është vrarë për shkak të detyrës dhe për shkak të neglizhencës që ka treguar shteti ndaj tij. Ata shprehen në padi se Artan Cuku u largua në mënyrë të paligjshme nga puna, nuk u rikthye dhe nuk u mbrojt, madje nuk iu la as arma. Dhe sipas tyre, vdekja e Cukut ka ardhur edhe për faktin se nuk ka pasur mbrojtje nga shteti dhe nuk iu la as arma që të vetëmbrohej.
Pjesë nga padia
Kërkojmë detyrimin solidar të të paditurve të dëmshpërblejnë paditësit për dëmin pasuror që u ka ardhur si rezultat i humbjes së jetës së familjarit të tyre, të ndjerit Artan Cuku për shkak të detyrës së tij, si ish drejtues i Policisë së Shtetit, në vlerën e cila do të llogaritet nga eksperti që do të caktohet nga gjykata. Nisur nga rrethanat e sipërpërmendura, faktet që provohen nga provat shkresore që do të paraqesim në këtë proces, si dhe faktet e njohura botërisht, del në pah qartë që i ndjeri Artan Cuku është vrarë për shkak të detyrës së tij si pjesëtar dhe drejtues i policisë së shtetit, si dhe ka ardhur ‘midis të tjerash’ për shkak të veprimeve dhe mosveprimeve të paligjshme të Drejtorisë së Përgjithshme të Policisë së Shtetit, si dhe shtetit shqiptar në tërësi.
Në këtë rast, është e qartë që nga humbja e jetës së të ndjerit paditësve u është shkaktuar një dëm i konsiderueshëm pasuror dhe jo pasuror. Dëmi pasuror përbëhet nga të ardhurat që i ndjeri do të mund të mundësonte për familjen e tij që në kuptim të Kodit Civil në kuadër të kësaj kërkesëpadie nënkupton shpenzimet për ushqim e jetesë të fëmijëve të tij të mitur, të bashkëshortes dhe prindërve të paaftë për punë që kanë qenë në ngarkim të të vdekurit, plotësisht ose pjesërisht, si dhe të personave që banonin në familjen e të vdekurit dhe që gëzonin prej tij të drejtën e ushqimit, shpenzimet e duhura për varrimin e të vdekurit, në masën që ato i përgjigjen rrethanave personale e familjare të të vdekurit, si dhe të ardhurat e munguar të familjes të cilat do të siguroheshin nga puna e të ndjerit duke marrë për bazë pagën e tij në kohën kur ishte drejtues i policisë, si dhe të ardhurat e biznesit që ai drejtonte dhe kishte në pronësi që ishte shoqëria e sigurisë fizike, duke ju referuar pasqyrave financiare të kësaj shoqëri edhe dokumenteve të tjera. Përllogaritja e dëmit do të bëhet nga një ekspert kontabël i caktuar nga gjykata.
Largimi nga puna i të ndjerit është e provuar me vendim gjyqësor përfundimtar që ishte i paligjshëm. Moskthimi i tij në punë ishte një veprim i paligjshëm. Mosmarrja e masave të nevojshme për mbrojtjen e jetës së tij nëpërmjet njoftimit, mundësimit të mbajtjes së armës, apo marrjes në mbrojtje nga efektivë të policisë së shtetit kanë qene veprime të paligjshme. Mosgarantimi i jetës së të ndjerit nga ana e RSH, është shkelje e dispozitave kushtetuese dhe e KEDNJ dhe lë vend për përgjegjësi pasurore dhe jo pasurore. Është e qartë që vdekja ka ardhur midis të tjerash për shkak të heqjes së tij të paligjshme nga puna, moskthimit të tij në punë edhe pse largimi i tij ishte i paligjshëm dhe ai ishte një aset i pazëvendësueshëm për Policë së Shtetit. Është e qartë që vdekja ka ardhur midis të tjerash për shkak të mosmarrjes së masave për informimin e tij për rrezikun që i kanosjes dhe për mosmarrjen e masave të tjera për mbrojtjen dhe garantimin e jetës së të ndjerit. Përllogaritja e dëmit është atribut i ekspertit i cili do të caktohet nga gjykata në përputhje me nenet 224-230 të K.Pr.C. Për këtë rast kërkohet caktimi i një eksperti kontabël për përllogaritjen e dëmit pasuror dhe një eksperti psikolog për përllogaritjen e dëmit jopasuror. Nisur nga rrethanat e sipërpërmendura, faktet që provohen nga provat shkresore që do të paraqesim në këtë proces, si dhe faktet e njohura botërisht, del në pah qartë që i ndjeri Artan Cuku është vrarë për shkak të detyrës së tij si pjesëtar dhe drejtues i policisë së shtetit, si dhe ka ardhur ‘midis të tjerash’ për shkak të veprimeve dhe mosveprimeve të paligjshme të Drejtorisë së Përgjithshme të Policisë së Shtetit, si dhe shtetit shqiptar në tërësi.
Atentati ndaj Artan Cukut u krye në datën 7 prill të vitit 2017 në hyrjen e pallatit ku banonte viktima, tek rruga e ‘Kosovarëve’ tek Liqeni Artificila në Tiranë. Për vrasjen e kryekomisarit ra në pranga Mikel Shallari, i cili rrëfeu të plotë të gjithë organizimin e vrasjes dhe se porositësi ishte Bledar Jambelli. Ky i fundit ende ndodhet në Gjermani pasi nuk po ekstradohet nga pala greke.
Motivi që mendohet të kenë shtyrë Jambellin të urdhëronte vrasjen e Cukut, e cila kushtoi 20 mijë euro, është rihapja e një dosjeje në vitin 2012, kohë kur kryekomisari ishte Drejtor i Policisë Vlorë. Kryekomisari gjeti prova të reja për vrasjen e Shpëtim Mukës dhe Ervis Shehut në vitin 1997, e njohur si masakra e “Pusit të Mezinit” dhe Jambelli u arrestua.
Pavarësisht se u prangos nga i ndjeri, 38-vjeçari u la i lirë nga gjykatat shqiptare për mungesë provash në vitin 2013 madje mori edhe mbi 500 mijë lekë dëmshpërblim nga shtetit për ditët e burgut. Por ditët e burgut nuk u harruan, dhe 4 vite më vonë Jambelli urdhëroi efektivit.
(k.m;f.m/dosja.al)
1 vit nga zgjedhjet e 25 prillit si e shikoni gjendjen e vendit:
TIRANË– Pavarësisht vështirësive që mund t’u shkaktojë pandemia në udhëtimin e tyre ata janë të vendosur të zbulojnë sa më shumë nga vendi yne dhe pas 4 di...
TIRANË- Epidemiologu i njohur, Ilir Alimehmeti, në një postim që ka bërë në rrjtetet sociale ka shkruar rreth imunitetit ndaj SARS-CoV-2. Në statusin e ti...
TIRANË– Infermierja, 57 vjeçe, Adelina Rizvani , ka ndërruar jetë në spitalin e Traumës, një javë pasi u aksidentua në Sarandë. Mësohet se 57-vje&cc...
TIRANË– Asambleja e Partive Popullore Europiane u ka kërkuar palëve politike në Shqipëri që të respektojnë marrëveshjen e 5-Qershprit. Referuar ndryshimeve...
ITALI- Dy vëllezër binjakë, 36-vjeçarë me kombësi shqiptare janë qëlluar mbrëmjen e ditës së djeshme me thikë nga një i afërmi i tyre. Ngjarja e rëndë ka...
TIRANË– Rozmari Jorganxhi, dirigjentja e parë shqiptare është ndarë nga jeta ditën e sotme, në moshën 83-vjeçare. Mësohet se Jorganxhi, që është edh...
POGRADEC– Ditën e sotme tre makina janë përfshirë në aksident në dalje të qytetit të Pogradecit pranë fshatit Buçimas. Burime bëjnë me dije se për ...
KORÇË- Të infektuar edhe në shkollat e Korçës. 4 raste mësuesish kanë rezultuar të infektuar nga pandemia e koronavirusit dhe janë të shpërnd...
TIRANË– Ndahet nga jeta shkrimtarja e librave dhe skenarëve të filmave për fëmijë, Shpresa Vreto. Autorja është ndarë nga jeta në moshën 76-vjeçare,...
