Breshëri plumbash ndaj "CFO Pharma", sulmohet gjatë natës kompania farmaceutike, mbi 30 gëzhoja në vendngjarje

Pamje nga sulmi

TIRANË - Pronari i kompanisë CFO Pharma, Nadir Causholli ka dhënë dëshminë e tij paraprake në lidhje me sulmin me breshëri plumbash të regjistruar gjatë mesnatës. Bëhet me dije se para grupit hetimor Causholli, ka mohuar të këtë probleme apo konflikte me persona të tjerë ndërsa ka deklaruar se nuk ka dijeni kush mund ta ketë kryer sulmin.

Mbeten ende mister arsyet e sulmit me 34 plumba ndaj CFO Pharma, ndërsa dyshohet se autorët kanë qënë 2, njëri në rolin e qitësit dhe tjetri në rolin e shoferit. Policia ka sekuestruar kamerat e sigurisë pak më herët dhe po vijon hetimet për të zbardhur shkaqet dhe rrethanat e plotë të rastit. 

Pamje nga plumbat

TIRANË - Detaje të reja kanë dalë në dritë nga sulmi që ju bë kompanisë farmaceutike CFO Pharma gjatë natës së kaluar në autostradën Tiranë-Durrës. Bëhet me dije se autorët e ngjarjes kanë qënë dy. Njëri prej tyre ka qënë në rolin e shoferit, ndërsa tjetri ka zbrazur kallashnikovin drejt godinës. 

Raportohet se është qëlluar 34 herë ndaj kompanisë, ndërsa nga plumbat janë shkaktuar vetëm dëme materiale. Nuk dihen ende arsyet e sulmit, apo se kush janë autorët, ndërkohë policia ka nisur hetimet për zbardhjen e plotë të ngjarjes. 

Sulmi

TIRANË- Detaje të reja kanë dalë nga sulmi me armë zjarri ndaj kompanisë farmaceutike CFO Pharma në autostradën Tiranë-Durrës. Mësohet se sulmi ka ndodhur gjatë natës, rreth orës 02:00, ndërkohë që policia është njoftuar për ngjarjen vetëm në orët e para të mëngjesit 08:00. 

Ende nuk dihet se cilat janë arsyet që policia është njoftuar me kaq vonesë për sulmin, por kjo shton dyshohet se kemi të bëjmë me një tentativë për të fshehur ngjarjen. Dyshohet se ndaj godinës farmaceutike janë qëlluar mbi 30 herë më armë zjarri tip kallashnikov. Por fatmirësisht nuk ka persona të lënduar nga arma e zjarrit. 

Pamje nga vendngjarja

TIRANË - Policia ka dalë me një reagim zyrtar lidhur me ngjarjen që u raportua këtë paradite ku kompania CFO Pharma është qëlluar me breshëri plumbash në rrethana ende të paqarta.

Policia bën me dije se nga të shtënat janë shkaktuar vetëm dëme materiale. Ndërkohë vijojnë hetimet për zbardhjen e plotë të ngjarjes.

Njoftimi i Policisë

Tiranë/Informacion paraprak

Rreth orës 08:10, në sallën operative të DVP Tiranë, ka ardhur njoftimi se në rrugën dytësore të autostradës “Durrës – Tiranë”, gjatë natës, dyshohet se është qëlluar me armë zjarri në drejtim të fasadës së një ndërtese.

Nga të shtënat janë shkaktuar vetëm dëme materiale.

Grupi hetimor, në drejtimin e Prokurorisë, po punon për identifikimin dhe kapjen e autorit/ëve dhe për zbardhjen e rrethanave të rastit.

Pamje nga vendngjarja

TIRANË - Detaje të reja kanë dalë në dritë nga ngjarja që u raportua paraditen e kësaj të marte ndaj kompanisë "CFO Pharma". Persona ende të paidentifikuar kanë qëlluar me breshëri plumbash ndaj kompanisë, ndërsa arsyet e atentatit mbeten ende të paqarta.

Bëhet me dije se policia ka sekuestruar kamerat e sigurisë në zonë dhe është parë se autorët kanë qëlluar nga një automjet në lëvizje. Ngjarja mendohet të ketë ndodhur rreth orës 2:00 ndërkohë në vendngjarje janë gjetur 20 gëzhoja plumbash. Policia ka nisur hetimet për identifikim e autorëve dhe zbardhjen e plotë të rastit. 

Pamje nga vendngjarja

TIRANË - Kompania e "CFO Pharma", është qëlluar me breshëri plumbash gjatë natës. Kompania e cila ndodhet në autostradën Tiranë-Durrës është në pronësi të Nadir Caushollit dhe në rrethana ende të paqarta është qëlluar me breshëri kallashnikovi ndërsa nuk dihet ende nëse ka të lënduar.

Bëhet me dije se mbi 20 gëzhoja plumbash janë gjetur në vendngjarje ndërsa nuk dihet ende se kush janë autorët. Siç mund të shihet dhe në foton e siguruar nga Dosja.al policia ndodhet në vendngjarje dhe po punon për zbardhjen e plotë të rastit.