Berisha: I bëj thirrje Prokurorit Publike të BE, por edhe Interpolit dhe Eurojust që të nisin hetimet për Ramën q&...
Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
Dosja e Erion Veliajt/ Avokati Ndreca nuk u paraqit, gjobitet me 50 mijë lekë! Shtyhet seanca 21 Korrik, 10:54 Dosja...
“Nuk shiten malet, është mundësi për pronarët dhe emigrantët” Rama: Paketa e Maleve, nuk anulohet 21 ...
• Banorët e Bërxullës kanë dalë në protestë para Hipotekës mëngjesin e sotëm. • Teksa kanë tentuar që të futen brenda në ambientet e Hipotekës, banorët nuk janë lejuar nga policia. • Kjo ka krijuar tensione mes tyre, të cilët me forcë dhe me të bërtitura kanë kërkuar përfaqësues të Hipotekës për të negociuar. • Banorët në protestë kanë deklaruar se nëse nuk merr zgjidhje ky problem i tyre, ata do të bëjnë vetëgjyqësi, pasi e shohin si të vetmen formë. • Po ashtu banorët kanë theksuar se ligji nuk funksionon për pushtetarët dhe për politikanët.
6 artikuj për këtë temë.
TIRANË- Banorët e Bërxullës kanë dalë ditën e sotme në protestë për pronat e tyre. Një banor ka deklaruar për mediat se firma që po bën projektin është fantazmë dhe po merr lekë përmes pronës së tyre. Po ashtu ai ka deklaruar se do e çoj çështjen në Gjykatë.
"Vjen firma fantazmë përdor dhunë për të bërë një rrugë, për të marrë para. Ata marrin pare përmes pronës tonë. Evropa ka hedhur miliona lekë dhe s’duan as ata t’ia dinë. Nuk kemi bashkë, as njësi bashkiake. Do shkoj në gjykatë, nuk pres më nga këta institucione. Të na shajnë, s’ka probleme, por të paktën të dalin. Këta nuk dalin. Neve nuk na njihet e drejta e pronës, skandal nuk ka qeveri më të poshtër që të poshtërojë popullin e vet”, tha ai.
TIRANË- Tensione ka pasur te Hipoteka, ku banorët e Bërxullës kanë tentuar që të futen brenda me forcë. Kanë qenë punonjësit e policisë, ata që nuk i kanë lejuar, duke u thënë se e kanë të pamundur që të futën në ambientet e kësaj ndërtese me dhunë.
më pas për të qetësuar situatën, policët kanë deklaruar se do të flasin ata me punonjësit e Hipoitekës, në mënyrë që të bëhet një grup negocimi mes tyre dhe banorëve. Banorët e kanë pranuar këtë propozim dhe tashmë po presin nëse drejtuesit e Hipotekës e kanë pranuar si ide.
TIRANË- Banorët e Bërxullës kanë zhvilluar sërish sot protestë përballë zyrave të Hipotekës. Kryeplaku i fshatit të Bërxullës, Muharrem Koni në një intervistë për “News24”, tha se kanë kërkuar zgjidhje vetëm nëpërmjet dialogut, por nuk kanë marrë asnjë përgjigje. Ata kanë kërkuar gjithashtu takim me drejtorin e Hipotekës për të marrë një zgjidhje lidhur me këtë çështje.
“Po presim sepse punonjësit kanë shkuar për të kontaktuar me drejtorin e Hipotekës dhe presim përgjigjem. Nëse mund të zhvillohet një takim. Por tani nuk kam besim në asgjë, por nga një informacion që kam pasur në rrugë jozyrtare di që drejtori është thirru vetëm për të zgjidhur çështjen e Bërxullës. Ky drejtor po të ishte me parime do të na dilte në mëngjes dhe të na jepte një shpjegim për rrugën që do të ndjekim. Të marrin drejtim edhe çështja të merret vesh se ku do të akomodohen banorët nga shteti. Ku do të strehohen. Kërkojmë të certifikohen pronat sepse dokumentet i kanë në zyra, përse duhet të na detyrojnë të bëjmë veprime të kundërligjshme. Ai thotë kam prurë punonjës policës, por ne çdo gjë e kemi kërkuar me dialog por kur shteti nesh kundrejt nesh do të na detyrojmë të ndërmarrim masa ekstreme”, ka thënë ai.
TIRANË- Protesta e banorëve në ambientet e Kadastrës është tensionuar, pasi nuk janë lejuar që të futen brenda ambienteve. Banorët kanë shyrë policinë që ka rrethuar dyertë e Kadastrës dhe kanë tentuar që futen brenda, në mënyrë që të komunikojnë me përfaqësuesit e Kadastrës.
Me thirrjet: Hapni derën, na lini të futemi, si dhe duam pronat tona, banorët kanë tentuar që të futen në ambientet e Kadastrës.
TIRANË- Banorët e Bërxullës kanë dalë në protestë ditën e sotme para Hipotekës. Duke kërkuar që të marrin çertifikatat e pronave të tyre, banorët kanë deklaruar se punimet po vazhdojnë, por projekt për rrugën nuk ka. Po ashtu ata kanë deklaruar se e vetmja zgjidhje që ata të shkojnë në pronat dhe shtëpite e tyre është që të fluturojnë si puna e dallandysheve.
“Këta nuk e dinë se ku do të ketë mbikalime apo nënkalime. Ne jemi në qiell të hapur, nga minuta në minutë mund të dalim m çadra. Punimet vazhdojmë, por projekt nuk ka. Duhet të bëhemi Dallëndyshe si zonja Bici se nuk kemi ku të kalojmë. Duhet të fluturojmë që të kalojmë në anën tjetër. Nuk na japin përgjigje as Kryeministria, as Ministria dhe kemi ngelur në qiell të hapur. Kërkojmë vetëm të zbatohet ligji dhe asnjë më tepër. Këto po ndërtojnë rrugën të kap ça të kap, të vjedh ça të vjedh dhe më pas të shpalosin projektin në Hipotekë, por nuk mund të vazhdohet kështu. Përse nuk del një grup i posaçëm të bëjë matjet faktike”, thanë protestuesit.
TIRANË- Banorët e Bërxullës kanë dalë në protestë ditën e sotme para Hipotekës. Ata kanë deklaruar se nëse nuk marrin zgjidhje për problemet me pronat e tyre do të hyjnë me forcë në Hipotekë. Po ashtu banorët kanë theksuar se sorollatja që po u bëhet atyre duhet që të marrë fund.
"Ne si banorë të thjeshtë kemi 7 muaj që protestojmë dhe nuk kemi bërë asnjë akt dhune. Kërkojmë certifikimin e pronave dhe banesave. Këta kanë filluar nxjerrin ca teori. Ka aplikuar tjetri dhe i thotë duhet të vijnë të parët tuaj dhe të bëjnë aplikim, pra të vdekurit. Zotëria ka bërë aplikim që në 2015. Këta nuk ja legalizojnë. Thotë sillni edhe njëherë aplikime. Unë i bëj thirrje Agron Çerrit të na sjellë një përfaqësues. Duhet të na japin shpjegim. Pasha zotin nuk do kenë hall e derman pa i certifikuar ato prona. Çdo ditë po na sosin durimin me paligjshmërinë që po bëjnë.
Ne vijmë si njerëz, kurse këta si skutha që nuk kanë parë diell me sy. Këto janë sorollatja që i bëhen popullit që mos na bëjnë punë, kjo bëhet për të vjedhur. Gjurmën e rrugës e dinë ata, kurse banesat që preken nuk e dinë. Na kanë kërkuar një listë që ti dërgojmë, ku janë personat që preken. Do të hyjmë brenda në hipotekë, do përplasemi me policinë. Duhet të bëhemi edhe në si Dallëndyshe Bici, të bëhemi dallëndyshe që të flatrojmë nga një pjesë e tokës të dalim te tjetra” tha një prej banorëve.
