Protesta për Zvërnecin/ Protestuesit çajnë kordonin metalik, policia i sulmon me ujë. Tubimi shpërndahet në gjithë Tiranën
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
“Ka forca në Shqipëri dhe jashtë që janë kundër”/ Rama: Të rreshtohesh me PS, do të thot&eum...
"Shqipëria është e shqiptarëve"/ Qytetarët mbushin rrugët e Tiranës, kërkojnë anulimin e pr...
•Kryetari i Partisë Demokratike, Sali Berisha duke folur në mbledhjen e kryesisë, është shprehur se, Kuvendi Kombëtar do të sanksionojë bazat e transforimit të vërtetë të partisë. •PD do të arrijë atë transformim të domosdoshëm për të përmbushur një mision historik të saj, dhe misioni historik i PD është rikthimi i votës së lirë të qytetarëve shqiptarë dhe rikthimi i PD në pushtet. • Gjatë fjalës së mbajtur në kryesi, kryedemokrati u shpreh se, Partia Demokratike do të jetë partia e seksionit. •Sipas tij, ripërtëritja e partisë nënkupton anëtarësime të reja. •Lideri i opozitës Sali Berisha ka akuzuar kryeministrin Edi Rama për qëndrimet e ndryshme të tij, brenda një dite. •Duke komentuar dekorimin e Bardhyl Agasit dhe Jurgis Çyrbes, Berisha u shpreh në mbledhjen e kryesisë se, Rama paradite në Durrës i jepte medalje babait të mafiozit të rrezikshëm dhe pasdite thoshte në Bruksel, se jemi fanatikë të integrimit. •Berisha u shpreh në mbledhjen e kryesisë se, vota e shqiptarëve është rikthyer në një çështje ndërkombëtare. Sipas tij, me ligj shqiptarët kanë të drejtë që të ndërmarrin çdo veprim për largimin e Edi Ramës.• Kreu i PD-së Sali Berisha foli në mbledhjen e kryesisë edhe për mediat e kapura nga pushteti, që ai i cilëson si mafia e fjalës së lirë. Sipas tij, këto de facto i kanë shpallur luftë opozitës, duke mos i dhënë hapësirë.•Kryetari i Partisë Demokratike, gjatë fjalës së mbajtur në kryesinë e PD, foli edhe për integrimin e Shqipërisë drejt BE-së. •Sipas tij, Edi Rama pritet në Bruksel vetëm për arsye gjeopolitike, në vend që ta damkosin dhe izolojnë.
3 artikuj për këtë temë.
TIRANË- Kreu i Partisë Demokratike, Sali Berisha ka ngritur akuza ndaj kryeministrit duke përmendur dekorimin e Bardhyl Agasit dhe Jurgis Çyrbes në Durrës.
Gjatë fjalës së tij në mbledhjen e kryesisë së PD, Berisha u shpreh se, Rama paradite në Durrës i jepte medalje babait të mafiozit të rrezikshëm dhe pasdite thoshte në Bruksel, se jemi fanatikë të integrimit.
Më tej Beridsha akuzon sekretarin e përgjithshëm të partisë se, me porosi të Ramës, i ka dërguar dekoratë Jyrgis Çyrbjas, të cilin Berisha e etiketon si 'informator të një vrasësi serial'.
Deklarata e Berishës:
"Ne ndodhemi në kushte të vështira dhe shumë të vështira. Ndodhemi në kushte kur zgjedhjet janë zëvendësuar me farsë elektorale dhe kjo përbën fatkeqësinë më të madhe politike kombëtare.
Kjo përbën mekanizmin e diktaturës autoritare. Ndodhemi në kushte kur partia në pushtet haptas ka hequr çdo maskë, rroftë krimi dhe poshtë ligji është motoja e saj. Imagjinoni pak, tejkalon çdo novelë, çdo roman të realizimit fantastik fakti kur Ramaduro paradite dekoron të atin e njërit prej mafiozëve më të rrezikshëm të kohërave, ka pasur Italia Toto Rinën, por Toto Rina nuk ka kontrolluar kurrë qeverinë dhe të dhënat dixhitale të Italisë.
Kurse Toto Rina shqiptar është i vetmi mafioz në Evropë që kishte në dorë çdo gjë në këtë vend, përfshi edhe kryeministrin. Jeton i lirë në Shkozet, në Surrel, në Manzë dhe kudo. Dhe Edi Rama, para se të niset në Bruksel në konferencën ndërqeveritare të tetë për raportin IBAR, ndan kohën, dekoron të atin e Ergys Agasit për t’i dhënë një mesazh të prerë qytetarëve të Durrësit se Agasët janë fisnikëria e partisë së krimit. Për t’i dhënë mesazh të prerë SPAK-ut të partisë se Agasët janë shtylla e partisë. Në momentin kur ai dje fliste në Bruksel, kur deklaronte se ne jemi fanatikë të BE, sekretari i tij i përgjithshëm me porosi të tij i dërgonte dekoratën e partisë Jyrgis Çyrbes, informatorit të një vrasësi serial, të faktuar dhe të dokumentuar. Pra, atje shprehej për fanatizëm ndaj integrimit, në Durrës ngrinte në piedestal krimin, bashkëpunimin me krimin.", tha Berisha./Dosja.al
TIRANË- Kreu i opozitës, Sali Berisha ka deklaruar se, Partia Demokratike do jetë partia e seksionit në rrafshin organizativ.
Gjatë fjalës së tij në mbledhjen e kryesisë së PD, Berisha u shpreh se, partia e tij do të zhdukë çdo barrierë që pengon anëtarësimet në PD, me anë të asaj që ai e cilësoi si 'ripërtëritje' e cila nënkton anëtarësime të reja.
Sipas tij, mijëra demokratë janë të gatshëm të anëtarësohen dhe të marrin përgjegjësi, por që nuk u ofrohet kjo mundësi.
Deklarata e Berishës:
"PD, në rrafshin organizativ, do jetë partia e seksionit. Ne jemi parti e territorit, pra ne jemi parti e seksionit. Dhe, përparësi absolute në piramidën e saj merr themeli, i cili është seksioni. Ripërtëritja nënkupton anëtarësime të reja. Nënkupton zhdukjen e çdo barriere që pengon anëtarësimet e reja.
Nënkupton hapjen e dyerve në nivel seksioni dhe në të gjitha nivelet për prurje të reja, angazhime të reja. Ju garantoj se janë me mijëra e mijëra demokrate e demokratë që të gatshëm të anëtarësohen dhe të marrin përgjegjësi, por që nuk u ofrohet kjo mundësi. Nuk u ofrohet ky mjedis. Nuk u ofrohet sepse, e kam theksuar dhe e theksoj, sëmundja e opozitarizmit është inercia, është apatia.
Dhe kjo sëmundje bën që të tregohemi indiferentë ndaj këtij procesi që është jetik për PD-në. PD sot më shumë se kurrë ka nevojë për eficencë. Eficencën e çdonjërit prej drejtuesve, prej anëtarëve të saj. Ka nevojë për treguesit e matjes së kësaj eficencë në mënyrë që potencialet e saj të shfrytëzohen në shkallë maksimale. PD ka jetik shfrytëzimin e çdo potenciali që ofron dixhitalizimi dhe urtësia artificiale në mënyrë që ne të mund të shumëfishojmë fuqinë tonë, aftësitë tona. Programi i saj apo vizioni i saj është absolutisht më i miri që ekziston. Por ne kemi fatin e madh dhe privilegjin e veçantë që programin e kësaj partie ta konsultojë, ta shqyrtojmë dhe rishqyrtojmë me think-tanket më të mira që ekzistojnë sot në Europë dhe në SHBA.", tha Berisha./Dosja.al
TIRANË- Kryetari i Partisë Demokratike, Sali Berisha u shpreh se, Kuvendi Kombëtar do të sanksionojë bazat e transforimit të vërtetë të opozitës.
Gjatë fjalës së tij në mbledhjen e kryesisë, Berisha deklaroi se, misioni historik i PD është rikthimi i votës së lirë të qytetarëve shqiptarë dhe rikthimi i saj në pushtet. Sipas Berishës, opozita synon të angazhojmë çdo potencial për përmbushjen e misionit të vështirë.
Deklarata e Berishës:
"Mirëmbrëma dhe një përshëndetje të përzemërt ju dhe të gjithë shqiptarëve dhe njëherë u uroj gëzuar Bajramin, ditën e sakrificës, ditën që frymëzon çdo njeri për sakrificë në emër të të mirës, të arritjes. Por unë në këtë mbledhje të rëndësishme, e cila do miratojë ndryshimet statutore, e cila do miratojë listat, propozimet për Këshillin Kombëtar, do miratojë grupin që do drejtojë Kuvendin, pra është një mbledhje me vendime shumë të rëndësishme.
Ne finalizojmë me Kuvendin tonë Kombëtar procesin e zgjedhjeve në PD dhe sanksionojmë bazat për një transformim të vërtetë të PD. Transformim i cili parakupton apo nënkupton ripërtëritjen e forcës tonë politike. Nënkupton organizim, organizim, organizim për këtë forcë. Nënkupton modernizimin e saj. Dhe e fundit dhe më e rëndësishmja, nënkupton përpunimin e vizionit të kësaj partie në këto shtylla. PD do të arrijë atë transformim të domosdoshëm për të përmbushur një mision historik të saj, dhe misioni historik i PD është rikthimi i votës së lirë të qytetarëve shqiptarë dhe rikthimi i PD në pushtet.
Në të gjithë këtë përpjekje, ne synojmë të angazhojmë, të mobilizojmë çdo potencial për përmbushjen e misionit tonë të vështirë. Në këtë udhëtim, ne mbështetje më kryesore kemi lirinë, demokracinë e kësaj partie, konsultën me anëtarësinë, ripërtëritjen e saj të fuqishme me anëtarësime të reja, ripërtëritjen e saj në të gjitha nivelet.", tha Berisha/Dosja.al
