Bërtiti "Palestina e lirë"/ Vriten me armë zjarri dy punonjës të ambasadës izraelite në SHBA, vihet në pranga autori, Trump: Urrejtja dhe radikalizmi nuk kanë vend këtu!

Nenanyahu

IZRAEL- Kryeministri izraelit, Benjamin Netanyahu njoftoi se po forcon masat e sigurisë në misionet diplomatike izraelite në të gjithë botën dhe po rrit mbrojtjen për përfaqësuesit e vendit të tij, pas sulmit të armatosur të mërkurën në mbrëmje në Uashington që mori jetën e dy punonjësve të ambasadës.

Zyra e Netanyahut njoftoi në Platformën X se kryeministri izraelit kia qenë në kontakt me Prokuroren e Përgjithshme të SHBA-së, Pam Bondi për të pyetur në lidhje me autorin e dyshuar dhe dy viktimat - një çift të rinjsh që do të fejoheshin së shpejti.

Bodi i shprehu Netanyahut keqardhjen e saj të thellë, sipas një deklarate nga zyra e tij, duke shtuar se Presidenti i SHBA-së Donald Trump po ndihmon në menaxhimin e situatës. Ai deklaroi gjithashtu se autori i krimit do të nxirret para drejtësisë.

Dy anëtarë të stafit të Ambasadës Izraelite në Uashington janë qëlluar për vdekje me armë zjarri mbrëmjen e djeshme pranë Muzeut Hebraik të qytetit, ndërsa autori i sulmit u arrestua pak kohë më vonë.  Dy punonjës të Ambasadës Izraelite, një burrë dhe një grua, u qëlluan rreth orës 21:00 (me orën lokale) ndërsa po largoheshin nga një aktivitet që po zhvillohej në muze. Sipas NBC News, ishte një çift që kishte ndërmend të fejohej së shpejti në Jerusalem.

Referuar deklaratave të shefit të policisë lokale dhe dëshmive të tjera, autori i krimit, i cili po priste, duke ecur nervozisht jashtë muzeut, iu afrua një grupi prej katër personash që po largoheshin nga vendi i ngjarjes dhe hapi zjarr, duke qëlluar për vdekje çiftin. Më pas ai u përpoq të hynte në ndërtesë, ku u ndalua nga personeli i sigurisë. Në momentin e arrestimit të tij, 30-vjeçari, i quajtur Elias Rodriguez nga Çikago, po bërtiste "Palestina e lirë".

trump, rubio

SHBA- Presidenti amerikan, Donald Trump, ka reaguar lidhur me vrasjen e ndodhur mbrëmjen e djeshme në SHBA. Trump shprehu ngushëllime familjeve të dy anëtarëve të stafit të Ambasadës Izraelite që u vranë pranë Muzeut Hebraik të Kryeqytetit në Uashington, DC.

Trump shprehet se vrasjet e bazuara në antisemitizëm duhet të marrin fund dhe se urrejtja dhe radikalizmi nuk kanë vend në SHBA.

“Këto vrasje të tmerrshme në Uashington, të bazuara padyshim në antisemitizëm, duhet të marrin fund, TANI! Urrejtja dhe radikalizmi nuk kanë vend në SHBA. Ngushëllime familjeve të viktimave. Sa e trishtueshme që gjëra të tilla mund të ndodhin! Zoti ju bekoftë të GJITHËVE”, shkroi presidenti në një postim në Truth Social.

Sekretari amerikan i Shtetit, Marco Rubio, siguroi se autoritetet do të gjejnë ata që janë përgjegjës për sulmin pranë Muzeut Hebraik në Uashington.

"Ky ishte një akt i paturpshëm dhune frikacake antisemite." “Mos u gaboni: Ne do t’i gjejmë ata që janë përgjegjës dhe do t’i nxjerrim para drejtësisë”, tha kreu i diplomacisë amerikane nëpërmjet X.

Sipas zyrtarëve që folën për mediat lokale, personi i armatosur që vrau anëtarët e stafit diplomatik bërtiti "Palestina e Lirë" ndërsa po arrestohej. Danny Danon, përfaqësuesi i përhershëm i Izraelit në Kombet e Bashkuara reagoi po ashtu p)r ngjarjen nëpërmjet një postimi në "X".

"Sulmi ndaj diplomatëve dhe anëtarëve të komunitetit hebraik kalon një vijë të kuqe", u shpreh ai. "Jemi të bindur se autoritetet amerikane do të veprojnë me forcë kundër atyre që janë përgjegjës për këtë akt kriminal." “Izraeli do të vazhdojë të veprojë me vendosmëri për të mbrojtur qytetarët dhe përfaqësuesit e tij në mbarë botën”, shtoi ambasadori.

foto ilustruese

SHBA- Dy anëtarë të stafit të Ambasadës Izraelite në Uashington janë qëlluar për vdekje me armë zjarri mbrëmjen e djeshme pranë Muzeut Hebraik të qytetit, ndërsa autori i sulmit u arrestua pak kohë më vonë. 

Dy punonjës të Ambasadës Izraelite, një burrë dhe një grua, u qëlluan rreth orës 21:00 (me orën lokale) ndërsa po largoheshin nga një aktivitet që po zhvillohej në muze. Sipas NBC News, ishte një çift që kishte ndërmend të fejohej së shpejti në Jerusalem.

Referuar deklaratave të shefit të policisë lokale dhe dëshmive të tjera, autori i krimit, i cili po priste, duke ecur nervozisht jashtë muzeut, iu afrua një grupi prej katër personash që po largoheshin nga vendi i ngjarjes dhe hapi zjarr, duke qëlluar për vdekje çiftin.

Më pas ai u përpoq të hynte në ndërtesë, ku u ndalua nga personeli i sigurisë. Në momentin e arrestimit të tij, 30-vjeçari, i quajtur Elias Rodriguez nga Çikago, po bërtiste "Palestina e lirë".

Shikoni videon e arrestimit të autorit më poshtë:

Ambasada izraelite po bashkëpunon me autoritetet përkatëse për hetimin e vrasjes së rëndë. Sipas një deklarate nga zëdhënësi i saj, ambasadori izraelit nuk ishte në vendngjarje në kohën e sulmit.

Prokurorja e Përgjithshme e SHBA-së,  Pam Bondi, tha në një postim se ajo dhe Prokurorja e Përgjithshme në detyrë e Uashingtonit, Janine Piro, vizituan nga afër vendngjarjen, Muzeun Hebraik. Ndërtesa, e vendosur shumë afër zyrës rajonale të FBI-së në Uashington, i është kushtuar nxjerrjes në pah të përvojës hebraike në rajon, sipas faqes së saj të internetit.

"Nuk ka kërcënim për sigurinë publike në këtë kohë", tha Zyra Rajonale e FBI-së në Uashington, e cila po merr pjesë në hetim, në një deklaratë në mediat sociale.

Sekretarja e Sigurisë Kombëtare të SHBA-së,  Christie Noem,  publikoi një deklaratë duke informuar publikun rreth incidentit dhe duke u zotuar se autori i krimit do të nxirret para drejtësisë.  

Ted Deutsch, drejtor ekzekutiv i Komitetit Amerikan Hebraik, tha se organizata e tij po organizonte një aktivitet në muze të mërkurën në mbrëmje. "Jemi të shkatërruar që një akt i papërshkrueshëm dhune ndodhi jashtë vendit të ngjarjes", tha ai në një deklaratë. "Në këtë kohë, ndërsa presim më shumë informacion nga policia rreth asaj që ndodhi saktësisht, mendimet dhe zemrat tona janë me të prekurit dhe familjet e tyre."

Danny  Danon,  përfaqësuesi i përhershëm i Izraelit në Kombet e Bashkuara, iu referua "një akti të çoroditur të terrorizmit antisemit", gjithashtu nëpërmjet X. "Sulmi ndaj diplomatëve dhe anëtarëve të komunitetit hebraik kalon një vijë të kuqe", shtoi ai. "Jemi të bindur se autoritetet amerikane do të veprojnë me forcë kundër atyre që janë përgjegjës për këtë akt kriminal." “Izraeli do të vazhdojë të veprojë me vendosmëri për të mbrojtur qytetarët dhe përfaqësuesit e tij në mbarë botën”, shtoi ambasadori.