"Demokratët kanë të drejtë të zgjedhin kryetarin që duan, s’mund të pranojmë përjashtimin"/ Salianji mbështetëve të tij: Partia nuk mund të reduktohet, të hapim një kapitull të ri

Ervin Salianji

TIRANË- Ervin Salianji u ka bërë një thirrje mbështetësve të tij duke u shprehur se duhet të bashkojë çdo copëz opozitarizmi.

Në një takim me mbështetësit e tij, Salianji u shpreh se, Sali Berisha duhet të përballet me garën, me votën dhe me përgjegjësitë e veta dhe se PD nuk mund të reduktohet. Sipas tij, Shqipëria ka nevojë për një opozitë të madhe, moderne e gjithëpërfshirëse.

“Sali Berisha duhet të përballet me garën, me votën dhe me përgjegjësitë e veta. PD nuk mund të reduktohet. Është e qartë që ndryshimi i Shqipërisë mund të kalojë vetëm nëse PD ndryshojnë. Zgjedhja është ose të vazhdojë rrugën e tkurrjes apo të hapë një kapitull të ri. Vetëm përmes hapjes mund të rikthehet si shumicë qeverisëse në vend. Duhet të kthehemi te liria individuale, prona private, të hapet ndaj të djathtës tradicionale. Të hapur ndaj kujtdo që dëshiron largimin e Ramës. Ne duhet të kthejmë meritokracinë si standard.

Sot në PD më të dështuarit promovohen dhe më të suksesshmit ndëshkohen. Duhet t’i japin fund emërimeve klienteliste në PD. PD duhet të bashkojë çdo copës opozitarizmi. Ne besojmë se PD ka mundësi për të pasur një fytyrë tjetër, përtej berishizmit. Të bashkojmë opozitën, demokratët dhe gjithë shqiptarët që duan ndryshim Shqipëria ka nevojë për një opozitë të madhe, moderne e gjithëpërfshirëse. Kjo është një betejë për të ardhmen. Kjo lëvizje nuk është e lehtë, por e drejtë. Sot pasi kemi shkelur të 12 qarqet, jam më krenar se kurrë për të gjithë mbështetjen që kemi marrë. Ne do ta bashkojmë PD, opozitën dhe do fitojmë Shqipërinë”, tha mes të tjerash ai./Dosja.al

Ervin Salianji

TIRANË- Ish-deputeti demokrat, Ervin Salianji ka deklaruar se PD ka humbur shumë beteja gjatë këtyre viteve, por humbja më e madhe ka qenë largimi nga standardet që bënë PD-në forcën më të madhe në këtë vend. Në një takim me mbështetësit e tij te Akademia e Arteve, Salianji u shpreh se demokracia është garë dhe nuk do të ndalet deri sa të përmirësojë PD-në.

Sipas tij, shumë demokratë janë përjashtuar jo vetëm nga vendimmarrja por edhe nga e drejta për të dhënë kontribut. Salianji theksoi se Neni “Basha”, ndalon kandidimin e kryetarit që humb zgjedhjet.

“PD ka humbur shumë beteja gjatë këtyre viteve, por humbja më e madhe ka qenë largimi nga standardet që bënë PD forcën më të madhe në këtë vend. Sot shumë demokratë janë përjashtuar jo vetëm nga vendimmarrja por edhe nga e drejta për të dhënë kontribut. Shumë profesionistë nuk e gjejnë derën e hapur.

Demokracia është garë, debat, përballje me premtimet e dhëna dhe të pambajtura dhe çdo demokrat të ketë mundësi të zgjedhje atë që mendon se e bën PD  fituese. Ne do vazhdojmë pa ndalur deri sa ta përmirësojmë PD. Nuk mund të pranojmë përjashtimin e demokratëve që përballen me regjimin. Neni “Basha”, ndalon kandidimin e kryetarit që humb zgjedhjet”, tha ai./Dosja.al

Ervin Salianji

TIRANË-  Ervin Salianji ka shprehur kritika ndaj qverisë duke thënë se, spitalet nuk kanë ilace për kancer por kanë subvencione për të bërë terapi hormonale.

Në një takim me mbështetësit e tij te Akademia e Arteve, Salianji tha se qeverisja e Ramës ka sjellë një pushtet korruptiv dhe një shoqëri të zhgënjyer. Ai shtoi se, Shqipëria po zbrazet dhe kjo është një tragjedi dhe na bën përgjegjës edhe përfaqësuesit të PD.

“Në këto 6 muaj keni pasur integritetin për ta parë siç duhet qëllimin e kësaj lëvizjeje, për ta kthyer PD në krye të qeverisjes dhe të mbyllim një orën e parë ciklin e Edi Ramës. Një shoqëri e Edi Ramës është bilanci kryesor i qeverisë së Ramës. Vendimet merren nga pak njerëz për interesa të pak njerëzve të tjerë. Shqipëria po zbrazet dhe kjo është një tragjedi dhe na bën përgjegjës edhe ne përfaqësuesve të PD. Qeverisja e dështuar, spitalet nuk kanë ilace për kancer por kanë subvencione për të bërë terapi hormonale për njerëz që nuk dihet se çfarë qëndrimi kanë”, tha ai./Dosja.al