Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
• Shkëmbimi i sulmeve mes Iranit dhe Izraelit ka hyrë në ditën e tre, ndërsa frika për përshkallëzim të mëtejshëm të tensioneve vjen duke u rritur. Irani tha se Izraeli goditi dy rafineri nafte, duke ngritur shqetësime për një sulm më të gjerë ndaj industrisë së energjisë iraniane, gjë që mund të ndikojë në tregjet globale. • Si pasojë e bomabrdimeve dhe sulmeve, dhjetëra persona kanë humbur jetën në të dy vendet dhe qindra të tjerë janë plagosur. • Në Izrael, të paktën 10 njerëz u vranë nga sulmet iraniane gjatë natës dhe mëngjesin e së dielës, sipas zyrtarëve, duke e çuar numrin e përgjithshëm të të vdekurve në 13. • Aeroporti ndërkombëtar kryesor i vendit dhe hapësira ajrore mbetën të mbyllura për të tretën ditë radhazi. • Në Iran, shpërthime të reja u dëgjuan në Teheran dhe u raportuan në vende të tjera të vendit mëngjesin e së dielës, por nuk pati të dhëna për viktima. • Një ditë më parë, ambasadori iranian në OKB, tha se 78 persona ishin vrarë dhe më shumë se 320 ishin plagosur gjatë sulmeve të mëparshme. • Ndwrkohw paraditen e sotme sulmet izraelite shënjestruan Ministrinë e Mbrojtjes së Iranit, pasi kishin goditur më parë mbrojtjen ajrore, baza ushtarake dhe objekte të lidhura me programin bërthamor. • Forcat izraelite goditën gjithashtu Organizatën e Inovacionit dhe Kërkimit Mbrojtës gjatë sulmeve të ndara në të njëjtën zonë. • Ministri izraelit i Mbrojtjes, Israel Katz, tha dje se Teherani "do të digjet" nëse Irani vazhdon të qëllojë me raketa Izraelin, ndërsa Ministri i Jashtëm iranian, Seyed Abbas Aragchi, thotë se sulmi i Izraelit nuk do të kishte ndodhur pa mbështetjen e Uashingtonit. Kjo mund të paralajmërojë sulme iraniane ndaj objektivave amerikane në rajon. • Një raund i gjashtë bisedimesh midis SHBA-së dhe Iranit mbi një marrëveshje të mundshme mbi programin bërthamor të Teheranit ishte planifikuar të zhvillohej ditën e sotme, por për shkak të sulmeve takimi nuk do të realizohet. • Gjermania, Franca dhe Britania janë të gatshme të zhvillojnë bisedime të menjëhershme me Iranin mbi programin e tij bërthamor në një përpjekje për të çtensionuar situatën në Lindjen e Mesme, tha Ministri i Jashtëm gjerman Johann Wadephul. • Ky i fundit i cili po viziton Lindjen e Mesme, tha se po përpiqej të ndihmonte në çtensionimin e konfliktit midis Izraelit dhe Iranit dhe vuri në dukje se Teherani më parë nuk kishte arritur të shfrytëzonte mundësinë për bisedime konstruktive. • Presidenti i SHBA-së Donald Trump e bëri të qartë se Uashingtoni nuk ka asnjë përfshirje në sulmin ndaj Iranit, ndërsa në të njëjtën kohë lëshoi një paralajmërim të ashpër ndaj Teheranit. • Trump tha se çdo sulm ndaj Shteteve të Bashkuara do të provokojë një përgjigje ushtarake dërrmuese në një shkallë të paparë. • Në të njëjtën kohë, presidenti u shfaq i hapur për një marrëveshje midis Iranit dhe Izraelit, me qëllim përfundimin e konfliktit të përgjakshëm.
33 artikuj për këtë temë.
LINDJE E MESME- Izraeli ka deklaruar se nuk do të ndalet me sulmet në Iran. Në një intervistë për Skynews, zëdhënësi ndërkombëtar i Forcave të Mbrojtjes të Izraelit (IDF), nënkolonel Nadav Shoshani, tha se Izraeli do të vazhdojë të veprojë derisa të ndjejnë se kanë hequr qafe këtë kërcënim ekzistencial ndaj vendit.
Ai theksoi se Izraeli ka eliminuar të gjithë komandantët e lartë të regjimit iranian, por nuk komentoi për planet e ardhshme ushtarake. Pas lajmit të publikuar nga Reuters, sipas të cilit Donald Trump ka qenë kundër ndaj një plani izraelit për të vrarë udhëheqësin suprem të Iranit, Ajatollah Ali Khamenei, Shoshani refuzoi të komentonte.
“Nuk komentojmë mbi operacionet e ardhshme”, tha ai.
LINDJE E MESME- Garda e Revolucionit Islamik (IRGC) ka nisur një valë të re sulmesh me raketa dhe drone kundër Izraelit. Raundi i ri i operacionit ushtarak në shkallë të gjerë filloi të dielën pasi shpërthime të mëdha u dëgjuan në zonat e Haifa, Afula dhe Nazaret.
Operacioni filloi menjëherë pasi Ayatollah Seyyed Ali Khamenei, dha një mesazh televiziv, duke thënë se regjimi “i neveritshëm” izraelit do të “bëhej i pafuqishëm” pas hakmarrjes nga Forcat e Armatosura të Republikës Islamike. Ndërkohë, televizioni shtetëror i Iranit thotë se vendi ka sulmuar Tel Aviv, Haifa dhe qytete të tjera “me dhjetëra raketa dhe drone iraniane”.
Operacioni, i quajtur Operacioni Premtimi i Vërtetë 3, përfshinte “qindra raketa të ndryshme balistike” që synonin ndërtesa banimi dhe infrastrukturë në Izrael, raporton CNN. Sulmet janë një “përgjigje vendimtare” ndaj sulmit fillestar të Izraelit ndaj Iranit, i cili vrau disa komandantë të lartë ushtarakë, deklaroi agjencia e lajmeve.
LINDJE E MESME- Ushtria iraniane dha një paralajmërim për banorët e Izraelit që të evakuohen nga zonat afër vendeve të rëndësishme ushtarake dhe shkencore izraelite për sigurinë e tyre, në një deklaratë video në televizionin shtetëror iranian të dielën. Koloneli Reza Sayad, zëdhënës i forcave të armatosura të Iranit, e bëri njoftimin ndërsa një breshëri predhash iraniane ranë mbi disa vende në të gjithë Izraelin.
Sayad i paralajmëroi njerëzit në Izrael të mos jetojnë pranë ose të udhëtojnë drejt “vendeve jetësore, të ndjeshme dhe të rëndësishme”, sepse ushtria iraniane ka një bazë të dhënash të këtyre objektivave që po vazhdon t’i godasë. Ai tha se Irani tashmë ka “goditur me sukses objektiva të ndjeshme dhe të rëndësishme, duke përfshirë qendrat ushtarake dhe të sigurisë” në Izrael.
GROENLANDË- Presidenti francez Emmanuel Macron tha sot se shpresonte për një kthim të qetësisë “në orët e ardhshme” në konfliktin Iran-Izrael dhe bëri thirrje për rifillimin e bisedimeve bërthamore me Iranin.
“Shpresoj se orët e ardhshme do të sjellin qetësi dhe një rrugë përpara për diskutim, për të shmangur çdo përshkallëzim të aftësive bërthamore dhe për të parandaluar çdo trazirë në rajon”, tha Macron gjatë një vizite në Groenlandë.
Ai përsëriti thirrjen e tij për negociata mbi programin bërthamor të Iranit, pavarësisht nga konflikti i vazhdueshëm.
“Dje (e shtunë), munda të flisja me presidentin e Iranit dhe bëra thirrje për një diskutim mes nesh sa më shpejt që të ishte e mundur. Kjo është edhe ajo që kam përcjellë në bisedën time me presidentin (e SHBA-së, Donald) Trump, i cili ndan këtë vizion. Ne do të kemi mundësinë, brenda disa orësh, ta rishikojmë këtë çështje me liderët e G7-ës”, tha Macron.
LINDJE E MESME- Autoritetet iraniane kanë konfirmuar vrasjen e shefit të njësisë së inteligjencës së Gardës Revolucionare Islamike (IRGC), gjeneral Mohammad Kazemi, gjatë sulmeve ajrore izraelite ditën e sotme.
Bëhet me dije se në të njëjtin sulm humbën jetën edhe zëvendësi i tij, Hassan Mohaqeq, si dhe një tjetër komandant i lartë, Mohsen Baqeri.
Gjeneral Kazemi ishte një figurë kyçe në Gardën Revolucionare dhe kishte marrë drejtimin e njësisë së inteligjencës së IRGC në vitin 2022, duke zëvendësuar Hossein Taeb, në një kohë kur struktura të brendshme iraniane po përballeshin me rritje të ndjeshme të penetrimit të shërbimeve të huaja. Ai konsiderohej si njeri i besuar i strukturave më të larta të regjimit.
LINDJE E MESME- Kjo nuk ishte e pashmangshme. Kjo është një luftë që zgjodhi Izraeli. Mund të ishte parandaluar. Bisedimet diplomatike ishin në vazhdim kur bombarduesit u nisën drejt Iranit. Sulmet ajrore të vazhdueshme, të paligjshme dhe të pajustifikuara të Izraelit nuk kanë gjasa të arrijnë qëllimin e tyre të deklaruar: t’u japin fund përgjithmonë përpjekjeve të supozuara të Teheranit për të ndërtuar armë bërthamore. Madje mund ta përshpejtojnë atë. Ata duhet të ndalen tani. Po tamam kështu. Irani duhet të ndalojë menjëherë hakmarrjen e tij dhe të heqë dorë nga kërcënimet e tij përshkallëzuese për të sulmuar bazat amerikane dhe britanike.
Ky konflikt nuk është i kufizuar, siç ishte rasti vitin e kaluar, në shkëmbime hakmarrjeje dhe “sulme precize” në një gamë të ngushtë objektivash ushtarake. Ka arritur në një nivel krejtësisht të ndryshëm. Potencialisht asgjë nuk është jashtë tryezës. Civilët po vriten nga të dyja palët. Udhëheqësit janë shënjestra. Retorika është jashtë kontrollit. Me Izraelin që lufton në disa fronte dhe regjimin e rrënuar të Iranit të mbështetur pas një muri, Lindja e Mesme është më afër se kurrë një zjarri katastrofik.
Arsyet për të shkuar në luftë mund të gjenden gjithmonë. Rrënjët e konflikteve të mëdha shpesh kthehen në dekada – dhe kjo është e vërtetë për hakmarrjen Izrael – Iran, e cila daton që nga revolucioni islamik i vitit 1979. E ashtuquajtura “luftë në hije” midis të dyve u intensifikua vitet e fundit. Megjithatë, konflikti i plotë ishte shmangur deri më tani. Pra, kush është kryesisht fajtor për këtë shpërthim të papritur dhe të paparë?
Përgjigjja: tre pleq inaçorë, sjellja e të cilëve ngre dyshime serioze në lidhje me gjykimin, logjikën e tyre të shëndoshë, motivet dhe madje edhe shëndetin e tyre mendor.
Fakti që njëri prej tyre – Benjamin Netanyahu, kryeministri i Izraelit – ka kërkuar në mënyrë aktive një përballje me Iranin për vite me radhë nuk do të thotë se kjo duhej të ndodhte. Fakti që regjimi i Teheranit është jashtëzakonisht i prekshëm pas sulmeve të Izraelit vitin e kaluar dhe humbjes së aleatit të tij, Hezbollahut nuk e legjitimon disi një sulm të papritur në tokën e tij sovrane. Është e vërtetë që inspektorët bërthamorë të OKB-së thonë se Irani po shkel detyrimet e traktatit. Por kjo nuk përbën një dritë jeshile për luftë.
Netanyahu, 75 vjeç, është i papërshtatshëm për të udhëhequr Izraelin, e lëre më të marrë vendime për jetë a vdekje në emër të tij. Ai dështoi të mbronte izraelitët nga sulmet terroriste të vitit 2023, pastaj i shmangu përgjegjësisë. Ai nuk ka arritur të përmbushë premtimin e tij për të shkatërruar Hamasin dhe për të rikthyer pengjet, megjithatë ushtarët e tij kanë vrarë më shumë se 55 000 palestinezë në Gaza gjatë këtij procesi. Ai pushtoi Libanin dhe Sirinë. Tani është Irani. Ku do të ndalet ai? A do të luftojë Turqinë më pas? Nuk përjashtohet.
Lufta është zgjedhja e Netanyahut. Është ajo që e ngre nga shtrati në mëngjes. Është ajo që e mban atë dhe miqtë e tij të ekstremit të djathtë, të sanksionuar nga Mbretëria e Bashkuar, në detyrë dhe jashtë burgut. Veprimet e tij kanë shkaktuar dëme të jashtëzakonshme në reputacionin e vendit të tij, duke nxitur antisemitizmin globalisht. Ai pretendon se Izraeli po lufton për ekzistencën e tij, por mbijetesa e tij politike është gjithashtu një konsideratë kryesore. Netanyahu është akuzuar për krime të dyshuara lufte në Gaza. Ai duhet të arrestohet, jo të mbrohet dhe të fuqizohet, përpara se të kryhen krime të tjera.
Ajatollah Ali Khamenei, udhëheqësi suprem luftarak i Iranit, është fajtori i dytë kryesor. Ai duhej të ishte nxjerrë në mënjanë që në Qom vite më parë. 86-vjeçari ngulmon në krye të një regjimi teokratik represiv dhe të korruptuar që ka humbur kontaktin me shoqërinë dhe njerëzit që në dukje u shërben. Zgjedhjet janë të manipuluara, gjyqtarët janë të caktuar, censura e medias është e përhapur. Paaftësia ushtarake e regjimit, keqmenaxhimi ekonomik dhe persekutimi brutal i grave të reja, burrave homoseksualë dhe mbrojtësve të të drejtave të njeriut si Nasrin Sotoudeh janë famëkeqe.
Ashtu si Netanyahu, Khamenei mbështetet nga konservatorët e linjës së ashpër dhe kundërshtohet nga reformatorët, por është ai që vendos për gjithçka. Këmbëngulja e tij për të rritur pasurimin e uraniumit, edhe pse mungojnë aplikimet civile, në fund të fundit i dha Netanyahut një mundësi. Edhe pse thuhet se është i sëmurë, Khamenei është një arsye kryesore pse Irani nuk do ta braktisë programin e tij bërthamor. Edhe pa të, ideja e Netanyahut se ai mund të eliminohet plotësisht është fantazi.
Kjo pikë e verbër mund të jetë shkatërrimi përfundimtar i regjimit. Sulmet e Izraelit kanë vrarë udhëheqës të lartë ushtarakë dhe kanë dëmtuar objekte bërthamore, raketa balistike dhe baza dronësh. Vetë Khamenei dhe eksportet jetësore të energjisë së Iranit mund të jenë të radhës. Në një video paternaliste, Netanyahu u bëri thirrje iranianëve të ngrihen dhe të shfrytëzojnë “lirinë” e tyre. Shumë do të donin ta bënin këtë. Vështirësia me këshilla të tilla, që vijnë nga një burim i ndotur, është se ato mund të kenë efektin e kundërt të mbledhjes së publikut dhe udhëheqësve arabë rreth regjimit.
Kërcënimet e Iranit për të sulmuar bazat dhe anijet amerikane, britanike dhe franceze nëse ato ndihmojnë në mbrojtjen e Izraelit, dhe për të mbyllur ngushticën e Hormuzit, rrisin rrezikun e një lufte në shkallë të gjerë dhe një tronditje globale të energjisë që mund të dëmtojë perëndimin dhe t’i sjellë dobi Rusisë. Këto janë disa nga pasojat e drejtpërdrejta të qëndrimit të dobët dhe të lëkundur të Donald Trump.
Trump, 79 vjeç, është njeriu i tretë në këtë tragjedi të shmangshme. Ai më parë kishte thënë se preferonte të negocionte një marrëveshje të re bërthamore me Iranin, pasi e kishte hedhur poshtë në mënyrë idiote atë të mëparshmen. Por ai nuk mund të vendoste për kushtet dhe negociatorët e tij amatorë vazhdonin të ndryshonin qëndrimin e tyre. Kjo ndodhi pjesërisht sepse Trump, ashtu si me Palestinën dhe me Ukrainën, është shumë dembel për të studiuar detajet. Ai i anashkalon ato, duke u mbështetur në instinkte që janë gjithmonë të këqija. Kjo e bën atë pre të lehtë për operatorë dinakë si Netanyahu.
Paaftësia e Trump u tregua kur udhëheqësi i Izraelit këmbënguli javën e kaluar se ishte koha e duhur për një sulm të plotë ndaj Iranit, ai u tërhoq. Zakonisht, sapo filloi sulmi, ai ndërroi qëndrim, duke u përpjekur të merrte meritat dhe duke lëshuar kërcënimet e veta të padurueshme. Sa herë që hap gojën, Trump pa dashje konfirmon dyshimet e Iranit se SHBA-të dhe Izraeli po veprojnë në bashkëpunim të ngushtë.
Një mesazh urgjent për Keir Starmer: kushdo që ende mendon se Trump ka edhe idenë më të vogël se çfarë po bën kur përballet me pyetjet e mëdha ndërkombëtare të ditës, duhet të studiojë ngjarjet alarmuese të javës së kaluar. Pavarësisht nëse ai po ia shet Vladimir Putinit, po i përdor tarifat si armë, po prish armëpushimin në Gaza apo po ngacmon fqinjët, Trump është një kërcënim i plotë. Shumë më mirë dhe më e sigurt që Britania ta anashkalojë atë dhe të përpiqet sa më shumë të veprojë në mënyrë të pavarur nga SHBA-ja që nga tani e tutje. Këta pleq të zemëruar mund të na vrasin të gjithëve./ The Guardian
BRUKSEL- Presidentja e Komisionit Evropian, Ursula von der Leyen, ka zhvilluar një bisedë telefonike me kryeministrin izraelit Benjamin Netanyahu. Mësohet se Von der Leyen theksoi nevojën urgjente për një zgjidhje të negociuar në përballjen me Iranin dhe një ulje të tensioneve në Lindjen e Mesme.
Gjithashtu bëhet me dije se Von der Leyen nuk la pa përmendur edhe situatën në Rripin e Gazës, duke e cilësuar si “të papranueshme” nga pikëpamja humanitare, dhe i kërkoi Netanyahut që të ketë përmbajtje dhe akses të plotë për ndihmat humanitare.
“Rikonfirmova angazhimin tonë për paqen, stabilitetin dhe përpjekjet diplomatike që synojnë uljen e përshkallëzimit. Në këtë kuadër, theksova se Izraeli ka të drejtën të mbrohet. Irani është burimi kryesor i destabilitetit rajonal. Por është thelbësore që Irani të mos lejohet kurrë të marrë një armë bërthamore. Duhet gjetur një “zgjidhje diplomatike sa më parë,” shkroi Von der Leyen në rrjetin social X.
BRUKSEL- Bashkimi Evropian ka thirrur një mbledhje urgjente të ministrave të Jashtëm, që do të zhvillohet të martën në formë telekonference, për të diskutuar situatën dramatike në Lindjen e Mesme pas sulmit të Izraelit ndaj Iranit dhe kundërpërgjigjes ushtarake të Teheranit.
“Duke marrë parasysh seriozitetin e situatës në Lindjen e Mesme, Përfaqësuesja e Lartë për Politikën e Jashtme, Kaja Kallas, ka thirrur një takim të jashtëzakonshëm të ministrave të Jashtëm të BE-së për ditën e martë”, tha një zëdhënës i BE-së.
Takimi vjen në një moment kur tensionet mes Izraelit dhe Iranit kanë shkaktuar shqetësim ndërkombëtar, duke ngritur rreziqe për destabilizimin e mëtejshëm të rajonit dhe përfshirjen e aktorëve të tjerë globalë në konflikt.
Sipas mediave të huaa pritet që në axhendë të përfshihen masat e mundshme diplomatike për shtensionimin e situatës, koordinimi i qëndrimeve mes vendeve anëtare dhe përgatitja për skenarë të mëtejshëm të përshkallëzimit ushtarak.
IRAN- Mbështetësit e Ajatollah Ali Khamenei janë të sigurt se Udhëheqësi Suprem, si një udhëheqës i vërtetë, ka qëndruar në kryeqytet, pranë popullit të tij të bombarduar nga avionët izraelitë. Vrasja e komandantëve të tij, njoftimet e Benjamin Netanyahut dhe deklaratat e zyrtarëve izraelitë, të bëjnë të mendosh se një nga objektivat përfundimtarë të këtij konflikti të ri është pikërisht eliminimi i tij.
Që nga vdekja e Hassan Nasrallah, udhëheqësit të Hezbollahut libanez, masat e sigurisë rreth Ajatollahut janë forcuar ndjeshëm. Mbrojtja e Khameneit i është besuar një aparati të menaxhuar kryesisht nga Trupat e Gardës Revolucionare Islamike (IRCG), përmes njësisë së saj speciale, “Trupave të Mbrojtjes Vali Amr”. Për të mbrojtur klerikun 86-vjeçar, regjimi ka investuar gjithashtu në teknologji të përparuara: kamera termike, skanerë, kontrolle rigoroze në hyrje të aktiviteteve publike dhe private. Çdo paraqitje e tij publike ose udhëtim paraprihet nga një punë përgatitore e kujdesshme.
Khamnei nuk ka shkelur jashtë Iranit që nga viti 1989, viti në të cilin ai u kurorëzua si udhëheqës i madh. “Ishte një surprizë” kur ai u bë Udhëheqës Suprem më 6 gusht 1989, pas vdekjes së themeluesit të Republikës Islamike, Ruhollah Khomeini. Khamenei shërbeu dy mandate në detyrë, duke filluar nga viti 1981, dhe në vitin 1989 u bë Udhëheqës Suprem me një ndryshim në kushtetutë. Ata menjëherë e quajtën atë Ajatollah, edhe pse ai nuk ishte fare Ajatolla”. Ai ishte një hojatolleslam, një klerik i rangut më të ulët (kritikët e kanë tallur atë gjatë viteve me nofkën “Shish Kelaseh”, që do të thotë me “6 vjet shkollë”).
Thelbësore për ngritjen e tij ishte mbështetja e Hashemi Rafsanjani, i cili në vitin 1989 ishte kreu i Parlamentit. Ai tregoi një letër ku deklaronte se ai shprehte vullnetin e të ndjerit Khomeini që Khamenei të ishte pasardhësi i tij. Rafsanjani mendoi ta përdorte Khamenein për të mbajtur pushtetin real (ai ishte president deri në vitin 1997), por marrëdhënia mes tyre u përkeqësua. Khamenei dhe aleatët e tij gradualisht e anashakaluan atë duke e etiketuar si “kapitalist” dhe “mbështetës të Islamit Amerikan“. Khamenei arriti të ruante pushtetin dhe “flakëzën” e revolucionit islamik, pavarësisht se nuk kishte karizmën e Khomeinit, falë aleancës me konservatorët dhe Pasdaranin, “Gardën Revolucionare”.
Udhëheqësi aktual Suprem është një figurë komplekse. Ai ka lejuar ngritjen e udhëheqësve relativisht të moderuar si Khatami ose Rouhani, kur mendonte se ata mund të forconin stabilitetin kombëtar. I njohur për një jetë të matur dhe asketike, ai e urren luksin. Thonë se ai refuzon dhuratat e çmuara, ose i shet ato, duke dhuruar të ardhurat për ata që kanë më shumë nevojë. Ideologjikisht, Khamenei e paraqet veten si mbrojtës të vlerave të revolucionit islamik të vitit 1979 për drejtësi sociale, pavarësi kombëtare dhe qeverisje islamike. Por modeli i tij është qartësisht autoritar dhe represiv, që synon të sigurojë mbijetesën e regjimit dhe ruajtjen e pushtetit personal.
Ajatollahët burgosin, torturojnë dhe vrasin çdo formë disidence, siç e kemi parë me përpjekjet për revolucion gjatë 20 viteve të fundit. Nga viti 2009, me “Lëvizjen e Gjelbër”, deri në vitin 2023, me “Gruaja, Jeta, Liria”, ku mbi 20 mijë njerëz janë burgosur dhe 500 janë vrarë. Revolucioni islamik u zhvillua para së gjithash brenda Islamit, duke përthithur vlerat e protestave të të rinjve të viteve 1960 dhe 1970, duke sulmuar klerin tradicional shiit të frikësuar nga çdo përfshirje në luftërat politike dhe duke i ftuar iranianët të rebeloheshin, edhe nëse kjo më pas i çoi ata t’i nënshtroheshin autoritetit të “burimeve të emulimit” shiit – siç vëren Alberto Zanconato në biografinë e tij të Khomeinit. Ata pretendojnë se shoqëria duhet të udhëhiqet nga një jurist islamik, sipas doktrinës së “velayat-e-faqih”.
I vendosur për të mbrojtur mbijetesën e Republikës Islamike, Khamenei u përplas gjatë viteve me figura të tjera brenda të njëjtit regjim të cilët besonin se reformat ishin të nevojshme për atë mbijetesë. Ajatollah Hossein Ali Montazeri në arresti shtëpiak e ka akuzuar Udhëheqësin Suprem për kryerjen e “mëkateve të rënda, duke përdorur forcën kundër të pafajshmëve” dhe duke mohuar paanshmërinë dhe drejtësinë e nevojshme për ata që qeverisin si interpretues të vullnetit hyjnor. Nëse qëllimet e Netanyahut përfshijnë eliminimin e Udhëheqësit Suprem, bëhet e rëndësishme të përpiqemi të imagjinojmë se cilat janë skenarët pas-Khameinit.
Vrasja e tij do të hapte skenarë të kundërt dhe do të kishte pasoja shpërthyese përtej fushëbetejës. Kushtetuta parashikon aktivizimin e një procesi për të zgjedhur një klerik tjetër në vend të tij përmes Asamblesë së Ekspertëve. Emri i djalit të preferuar Mojtaba, si paraardhës ka qarkulluar për vite me radhë. I preferuari midis 6 fëmijëve të tij (i akuzuar gjithashtu nga kritikët për mbajtje të pasurisë jashtë vendit) mund t’i japë dritën jeshile një monarkie të trashëgueshme. Edhe pse këshilltar i ngushtë i babait të tij ai nuk respektohet gjerësisht. Ai nuk është zgjedhur kurrë, ka kualifikime fetare, por nuk është një ajatollah.
LINDJE E MESME- Një mori raketash iraniane janë lëshuar mbrëmjen e sotme ndaj qyteteve të mëdha të Izraelit teksa IDF njoftoi se kishte marrë “raporte për sulme” në disa qytete të gjithë vendin. Edhe pse shumica e tyre u shkatërruan në ajër, shërbimet e emergjencës kanë marrë raportime për një raketë që ka goditur “një nga vendbanimet” në qytetin portual bregdetar verior të Haifës.
Shërbimi i ambulancave të Izraelit tha se dy persona janë dërguar në spital ndërsa disa shpërthime u dëgjuan edhe në Jerusalem. Televizioni shtetëror i Iranit tha se vendi ka sulmuar Tel Avivin, Haifën dhe qytete të tjera “me dhjetëra raketa dhe dronë iranianë”.
Kjo media gjithashtu raporton se raketat kanë tejkaluar “shtresat e sistemit mbrojtës izraelit”, por ushtria izraelite nuk e ka komentuar ende.
TURQIA- Presidenti turk Recep Tayyip Erdogan ka zhvilluar një bisedë telefonike me presidentin amerikan Donald Trump duke shprehur gatishmërinë e Turqisë për të ndërmjetësuar në krizën mes Iranit dhe Perëndimit për programin bërthamor të Teheranit.
Sipas një deklarate zyrtare nga Presidenca e Turqisë, Erdogan i tha Trump se Ankara është e gatshme të luajë rol aktiv për të ndihmuar në zgjidhjen e mosmarrëveshjeve që kanë përshkallëzuar situatën dhe kanë çuar në përplasje mes Izraelit dhe Iranit. Erdogan paralajmëron për “katastrofë që mund të djegë gjithë rajonin”
Gjithashtu Erdogan përshëndeti deklaratat e fundit të Trumpit për mundësinë e arritjes së një marrëveshjeje paqeje mes Teheranit dhe Tel Avivit, duke e inkurajuar që të marrë veprime konkrete.
“Kërkohet veprim i menjëhershëm për të shmangur një katastrofë që mund të vërë flakën të gjithë rajonit,” u shpreh Erdogan sipas deklaratës zyrtare.
LINDJE E MESME- Presidenti amerikan Donald Trump vuri veton ndaj një plani izraelit të ditëve të fundit për të vrarë Udhëheqësin Suprem të Iranit, Ajatollah Ali Khamenei sipas dy zyrtarë amerikanë.
“A e kanë vrarë iranianët ndonjë amerikan deri tani? Jo. Derisa ta bëjnë këtë, nuk po jemi duke folur fare për ndjekje të udhëheqjes politike”, tha një nga burimet për Reuters.
Duke folur në kushte anonimiteti zyrtarët thanë se udhëheqësit e lartë amerikanë kanë qenë në komunikime të vazhdueshme me zyrtarët izraelitë në ditët që kur Izraeli nisi një sulm masiv ndaj Iranit në një përpjekje për të ndaluar programin e tij bërthamor.
Ata thanë se izraelitët raportuan se kishin një mundësi për të vrarë edhe udhëheqësin e lartë iranian, por Trump ua mohoi planin. Zyrtarët nuk thanë nëse ishte vetë Trump që e dha mesazhin. Trump ka qenë në komunikime të shpeshta me kryeministrin izraelit Benjamin Netanyahu.
Kur u pyet për këtë lajm të Reuters, kryeministri izraelit Benjamin Netanyahu, në një intervistë të dielën në Fox News tha se ka Shtetet e Bashkuara e dinë se çfarë është e mirë për ta.
“Ka kaq shumë raportime të rreme për biseda që nuk kanë ndodhur kurrë, dhe unë nuk do të hyj në këtë. Por mund t’ju them se mendoj se po bëjmë atë që duhet të bëjmë dhe do të bëjmë atë që duhet të bëjmë. Mendoj se Shtetet e Bashkuara e dinë se çfarë është e mirë për Shtetet e Bashkuara”, tha Netanyahu.
LINDJE E MESME- Sulmet izraelite në Iran kanë vrarë të paktën 406 persona dhe kanë plagosur 654 të tjerë. Shifra vjen nga një grup aktivistësh të të drejtave të njeriut me seli në Uashington, bazuar burimeve të ndryshme brenda Iranit. Grupi ka theksuar se po punon për të identifikuar dhe dalluar civilët nga anëtarët e shërbimeve sekrete midis viktimave.
Gjithashtu sulmet e izraelit ka goditur drejtuesit e Gardës Revolucionare, si dhe dhjetëra ndërtesa dhe vende institucionale, ushtarake dhe kërkimore. Ata janë Mohammad Kazemi, kreu i organizatës së inteligjencës së Korpusit të Gardës Revolucionare Islamike, dhe zëvendësi i tij Hassan Mohaghegh, të cilët u bllokuan nën rrënoja pas sulmit izraelit në selinë e organizatës në Teheran.
"Kreu i inteligjencës së Gardës Revolucionare dhe zëvendësi i tij janë bllokuar nën rrënoja në Teheran", raportoi faqja e internetit Iran International.
LINDJE E MESME- Kryeministri izraelit, Benjamin Netanyahu, në një intervistë për Fox News, ka deklaruar se sulmet ajrore kundër Iranit ishin një veprim i domosdoshëm për të ndaluar atë që ai e quajti “një holokaust bërthamor”. Netanyahu tha se shërbimet izraelite të inteligjencës kishin siguruar të dhëna të qarta që tregonin se Irani ishte vetëm pak muaj larg zhvillimit të një arme bërthamore.
Ai theksoi se Izraeli kishte ndarë informacionin me Shtetet e Bashkuara, dhe sipas të dhënave të tyre, Teherani po përparonte me shpejtësi në një plan sekret për të ta kthyer uraniumin në armë. Gjithashtu ai shtoi se Irani kishte mjaftueshëm uranium të pasuruar për nëntë bomba bërthamore, dhe sipas tij, “gjithçka që u mungonte ishte armatosja e tyre.” Netanyahu sulmoi ashpër qeverinë në Teheran, duke thënë se “80% e popullsisë do ta përzinte këtë klikë teokratike.”
Netanyahu, deklaroi se është “plotësisht i koordinuar” me presidentin amerikan Donald Trump, duke e përshkruar këtë marrëdhënie si vendimtare në kohën e tensioneve me Iranin. Edhe pse Trump ka deklaruar më herët se SHBA “nuk është e përfshirë në konfliktin” aktual, Netanyahu theksoi se komunikimi mes tyre është i ngushtë.
Deklarata e Netanyahut:
Duhej të vepronim. Ishte momenti i fundit, dhe ne vepruam. Për të shpëtuar veten, por edhe për të mbrojtur botën nga ky regjim zjarrvënës. Informacioni që morëm dhe që i ndamë Shteteve të Bashkuara ishte absolutisht i qartë: Se ata po punonin sipas një plani sekret për ta kthyer uraniumin në armë, se po ecnin shumë shpejt, se do të arrinin një pajisje testimi dhe ndoshta një pajisje fillestare brenda disa muajsh, dhe sigurisht më pak se një viti.
Nuk mund ta pranonim kurrë këtë. Nuk do të kemi një holokaust të dytë, një holokaust bërthamor. Ne e kemi kaluar një të tillë në shekullin e kaluar, shteti hebre nuk do ta lejojë një tjetër masakër ndaj popullit të tij. Ata qëllojnë gratë sepse nuk mbulojnë flokët. Qëllojnë studentët. U marrin frymën këtyre njerëzve të guximshëm dhe të talentuar, popullit iranian... Vendimi për t’u ngritur këtë herë është i vetë popullit iranian.
LINDJE E MESME- Ushtria izraelite ka kryer një sulm ajror ndaj aeroportit të Mashhadit, qytetit të tretë më të madh në Iran, i ndodhur në verilindje të vendit. Lajmi u konfirmua nga Forcat e Mbrojtjes së Izraelit (IDF) teksa sipas deklaratës zyrtare, objektivi ishte një avion furnizimi iranian, i vendosur në aeroportin e Mashhadit.
Mediat shtetërore iraniane raportuan se infrastruktura e aeroportit nuk ka pësuar dëme serioze, ndërsa pista mbetet funksionale. Megjithatë, burime të tjera mediatike nga Irani flasin për një sulm në lindje të Mashhadit, pa sqaruar më tej pasojat. IDF njoftoi se ky veprim është pjesë e një fushate më të gjerë për kontrollin e hapësirës ajrore iraniane.
“Forcat Ajrore janë të angazhuara për të siguruar epërsi ajrore në të gjithë territorin iranian,” thuhet në deklaratë.
IRAN- Presidenti i Iranit, Massoud Pezeshkian, ka dhënë një paralajmërim të fortë ndaj Izraelit pas sulmeve të fundit ajrore teksa theksoi se nëse sulmet ndaj objektivave iraniane vijojnë, ata duhet të përgatiten për një “përgjigje më të ashpër dhe më të dhimbshme”.
Në një bisedë telefonike me kryeministrin e Irakut, Pezeshkian deklaroi gjithashtu se edhe vende të tjera të rajonit mund të rrezikohen nëse agresioni izraelit nuk ndalet. Ai i bëri thirrje kombeve islame që të mbajnë një qëndrim të qartë dhe të vendosur kundër asaj që e cilësoi si provokim të hapur.
“Irani nuk e nisi këtë konflikt, por është përgjigjur me vendosmëri,” tha Pezeshkian.
LINDJE E MESME- Aeroplani që transporton Kryeministrin izraelit Benjamin Netanyahu, raportohet se është u parë në Greqi. Mediat e huaja shkruajnë se nuk është ende e qartë nëse avioni qeveritar, i cili u nis nga Ben Gurion dhe mbërriti në Greqi, solli Netanyahun apo familjet e anëtarëve të kabinetit në Athinë. Fotot e publikuara nga mediat e huaja tregojnë se avioni qeveritar është në Athinë, ndërsa mbetet mister se kë ka transportuar mjeti.
Mediat e huaja gjithashtu nuk e përjashtojnë mundësinë që Netanyahu të ketë shkuar vetë në Athinë. Nga ana tjetër, shtypi izraelit pretendon se avioni po transportonte familjet e anëtarëve të kabinetit në vendin më të sigurt të Greqisë.
SHBA- Donald Trumpit i la përshtypje sulmi izraelit ndaj Iranit, duke thënë se operacioni ishte "shumë i suksesshëm", "për ta thënë butë". Dhe në rrjetin e tij social Truth, presidenti amerikan shkroi: "Tashmë ka pasur shumë vdekje dhe shumë shkatërrime. Por ka ende një shans për t'i dhënë fund masakrës." Irani tani duhet të bëjë një marrëveshje për të ndaluar sulmet.
Megjithatë, lavdërimet për veprimet ushtarake izraelite nuk mund ta fshehin faktin se sulmet vijnë në një kohë shumë të papërshtatshme për Shtetet e Bashkuara. I dërguari special i Trumpit, Steve Witkoff, kishte filluar negociatat me Iranin për një marrëveshje të re bërthamore. Bisedimet ishin planifikuar për të dielën. Për shkak të sulmeve, Irani tani i ka anuluar bisedimet për momentin.
Fyerje ndaj Presidentit
Në një bisedë me senatorë republikanë, Witkoffi thuhet se ka shprehur shqetësimin se bombardimet izraelite mund të shkaktojnë hakmarrje masive nga Irani. Sulmi ishte një fyerje e qartë ndaj Presidentit, tha senatori demokrat Tim Kaine në CNN: "Presidenti i ka kërkuar kryeministrit Netanyahu t'i japë një shans diplomacisë." Tani, ata janë të zhgënjyer që Benjamin Netanyahu e kreu megjithkëtë sulmin masiv.
Edhe nëse do të ishte kështu, Trump dhe ekipi i tij nuk po e lënë të kuptohet, por mbetet e paqartë, nëse qeveria amerikane u përpoq të ndikonte tek Izraeli dhe si u përpoq. Kur një gazetar televiziv e pyeti drejtpërdrejt Trumpin nëse ushtria amerikane ishte e përfshirë në sulme, presidenti refuzoi të komentonte.
Sulme të mundshme ndaj ushtrisë amerikane?
Shqetësimi tani është se kundërreagimi iranian mund të ndikojë edhe tek forcat amerikane të stacionuara në Lindjen e Mesme. Dhe se SHBA-të mund të përfshihen në një luftë të re në Lindjen e Mesme. Rreziku i kësaj është rritur në mënyrë dramatike, tha demokrati Kaine.
Në përgjithësi, diplomacia amerikane aktualisht po paraqet një imazh të dobët, tha Wendy Sherman, funksionale e lartë shteti nën Presidentin Joe Biden në CNN: "Ne kemi një burrë të fortë shumë të dobët si president." Ai deri tani nuk ka arritur asgjë në konfliktet urgjente në Ukrainë, Iran apo Gaza.
Demokrati: Anulimi i marrëveshjes nga Trumpi në 2018 - gabim i madh
Presidenti, megjithatë, e sheh veten si person që e kontrollon situatën. SHBA-të i kanë dhënë Iranit një ultimatum: Një marrëveshje mbi programin bërthamor të vendit duhet të arrihet brenda 60 ditëve. "Sot është dita e 61-të," shkroi presidenti në Truth Social. "Tani ata kanë - ndoshta - një shans të dytë."
Për ekspertin e sigurisë Michael O'Hanlon të Institutit Brookings, kjo është pikërisht ajo që duhet të ketë përparësi: marrëveshja bërthamore me Iranin - edhe nëse duket veçanërisht e vështirë për t'u arritur tani. Në të njëjtën kohë, eksperti nuk beson se Irani do të hakmerret me forcë të veçantë, por me veprime simbolike.
Nga perspektiva e demokratëve negociatat e reja nuk do të kishin qenë të nevojshme. Në vitin 2018, gjatë mandatit të tij të parë në detyrë, Trumpi u tërhoq nga marrëveshja ndërkombëtare që kontrollonte programin bërthamor të Iranit. SHBA-të tani duhet të merren me pasojat, tha senatori demokrat Kaine: "Presidenti Trump bëri një gabim të madh duke u tërhequr nga marrëveshja dhe duke i dhënë kështu Iranit dritën jeshile për të pasuruar uraniumin." Por ai shtoi se nuk është kurrë vonë për nisma diplomatike./DW
IRAN- Të paktën 14 shkencëtarë bërthamorë iranianë janë vrarë në sulmet ajrore izraelite që nga e premtja, përfshirë ata të vrarë nga bombat në makina, thanë sot dy burime në Emiratet e Bashkuara Arabe.
Të shtunën, ushtria izraelite njoftoi vrasjen e nëntë shkencëtarëve të lartë bërthamorë iranianë, të cilët luajtën një rol kyç në përpjekjen e Teheranit për të siguruar armë bërthamore.
Nëntë shkencëtarët iranianë janë: Fereydoon Abbasi, një inxhinier bërthamor; Mohammad Mehdi Tehranchi, një fizikant; Akbar Motalebi Zadeh, një inxhinier kimik; Saeed Barji, një inxhinier materialesh; Amir Hassan Fakhahi, një fizikant; Abd al-Hamid Minoushehr, një fizikant reaktori; Mansour Asgari, një fizikant; Ahmad Reza Zolfaghari Daryani, një inxhinier bërthamor; dhe Ali Bakhouei Katirimi, një inxhinier.
"Të gjithë shkencëtarët dhe ekspertët që u eliminuan ishin "burime të rëndësishme njohurish" për projektin bërthamor iranian dhe kishin dekada përvojë kumulative në zhvillimin e armëve bërthamore", tha IDF.
???? ELIMINATED: 9 senior scientists and experts responsible for advancing the Iranian regime’s nuclear weapons program.
— Israel Defense Forces (@IDF) June 14, 2025
All of the eliminated scientists and experts, eliminated based on intelligence, were key factors in the development of Iranian nuclear weapons.
Their… pic.twitter.com/B33dGTyG1v
LINDJE E MESME- Irani ka pranuar vrasjen e shtatë komandantëve të tjerë të lartë të Forcës Ajrore të Gardës Revolucionare, të cilët, sipas raportimeve, humbën jetën në sulmet izraelite të së premtes në mëngjes.
Sipas agjencisë iraniane të lajmeve Tasnim, komandantët e vrarë janë: Mahmoud Bagheri, Davood Sheikhiyan, Mohammad Taherpour, Mansour Safarpour, Masoud Tayeb, Khosro Hassani dhe Javad Jarsora.
Më herët, ishte konfirmuar vrasja e komandantit të njohur Amir Ali Hajizadeh, ndërsa raportimet përfshijnë gjithashtu edhe gjeneralin Mohammad Bagheri, kreun e forcave të armatosura iraniane, dhe gjeneralin Hossein Salami, drejtues i Gardës Revolucionare.
LINDJE E MESEM- Kryeministri izraelit Benjamin Netanyahu ka reaguar ndaj sulmeve iraniane që goditën apartamente në qytetin bregdetar Bat Yam, duke deklaruar se Irani do të paguajë një çmim shumë të lartë për vrasjen e civilëve, grave dhe fëmijëve.
Nga vendngjarja, Netanyahu e cilësoi situatën si një “kërcënim ekzistencial” për Izraelin, duke shtuar se vendi i tij është përfshirë në një “luftë shpëtimi” për të ndalur agresionin iranian.
“Ne do të arrijmë qëllimin tonë dhe do t’i godasim me një goditje të vetme”, deklaroi kryeministri izraelit, ndërsa theksoi se sulmet e Iranit ishin të qëllimshme ndaj civilëve.
LINDJE E MESME- Komanda e Frontit të Brendshëm të Izraelit u ka thënë njerëzve në të gjithë vendin duhet të "qëndrojnë afër hapësirave të mbrojtura", sipas Forcave të Mbrojtjes së Izraelit (IDF). Komanda e Frontit të Brendshëm është pjesë e IDF-së përgjegjëse për mbrojtjen civile. Orët e fundit nga pala izraelite janë dhënë shumë alarme dhe paralajmërime për mbrojtje.
"Lëvizja në zonat publike duhet të minimizohet dhe tubimet publike duhet të shmangen. Pas marrjes së një alarmi, hyni në një hapësirë të mbrojtur dhe qëndroni atje derisa të lëshohet një përditësim zyrtar", thuhet në deklaratën e IDF-së.
IRAN- Kryeqyteti i Iranit, Teherani, do të hapë stacionet e metrosë 24 orë në ditë nga nata e së dielës që njerëzit t'i përdorin si strehimore, njoftoi një zëdhënës i qeverisë në televizionin shtetëror iranian. Kreu i këshillit të Teheranit, Mehdi Chamran tha se, meqenëse qytetit i mungojnë strehimore kundër bombave, civilët duhet të përdorin tunelet dhe bodrumet.
“Fatkeqësisht, ne në Teheran dhe në qytetet e tjera nuk kemi strehimore. Duhet të punojmë për të pasur strehimore tani, mund të përdorim planet që kishim më parë.”, u tha Mehdi Chamran gazetarëve të dielën.
Chamran tha se shifrat e viktimave në Izrael janë më të ulëta, pasi ky vend ka strehimore kundër bombave dhe zhvillon stërvitje të rregullta në gatishmëri për sulme të ardhshme.
"Në Teheran nuk kishte strehimore, njerëzit shkonin në bodrume", tha ai, duke shtuar se metroja mund të përdoret si strehë në krizë ekstreme.
"Mund të përgatisim edhe parkingje nëntokësore, të ngjashme me kohën kur Sadami na bombardoi", tha Chamran, duke iu referuar ish-udhëheqësit irakian Sadam Husein dhe luftës së viteve 1980.
Kryeministri izraelit Benjamin Netanyahu paralajmëroi në një video-adresim të shtunën se Izraeli do të sulmojë çdo vend dhe çdo objektiv të regjimit të Ajatollahut. Irani ka kërcënuar të intensifikojë sulmet e tij nëse Izraeli vazhdon armiqësitë.
IZRAEL- Një raund i ri sulmesh ndaj objektivave iraniane u njoftua nga Ministri izraelit i Mbrojtjes ,Israel Katz, duke thënë se Teherani do të bëhet Bejrut. Ushtria izraelite më parë kishte paralajmëruar popullin iranian të evakuonte zonat pranë objekteve të prodhimit të armëve.
Katz shtoi se ushtria do të godasë vendet dhe do të vazhdojë ta zhveshë nga lëkura e gjarprit iranian në Teheran dhe kudo, duke e zhveshur atë nga aftësitë bërthamore dhe sistemet e armëve.
"Diktatori iranian po e shndërron Teheranin në Bejrut dhe banorët e tij në pengje për hir të mbijetesës së regjimit të tij", theksoi ai.
Ndërkohë, Izraeli u ka lëshuar një paralajmërim iranianëve që jetojnë pranë objekteve të armëve në Iran që të evakuohen, njoftoi një zëdhënës i ushtrisë izraelite në një postim në mediat sociale në arabisht dhe persisht.
Zëdhënësi izraelit vuri në dukje se paralajmërimi për heqje vlen për të gjitha fabrikat e armëve dhe objektet mbështetëse. Më parë, Ministri i Jashtëm iranian kishte bërë gjithashtu deklarata nxitëse, duke thënë se sulmet ndaj territorit izraelit do të vazhdonin, pasi vendi i tij është në mbrojtje.
Ndërkohë, Ministri i Jashtëm iranian, Abbas Araghchi, lëshoi kërcënime të reja kundër Izraelit, ndërsa iu kundërpërgjigj edhe SHBA-së, të cilën e akuzoi për bashkëpunim. Duke iu referuar Izraelit, ai tha se sulmet kundër tij do të ndalen sapo të ndalojë fushatën e tij ushtarake kundër Republikës Islamike.
"Ne po mbrojmë veten. Mbrojtja jonë është absolutisht e ligjshme. Nëse agresioni ndalet, sigurisht që edhe përgjigjet tona do të ndalen", tha Araghchi në një takim me diplomatë të huaj.
Numri i të vdekurve është të paktën 13, sipas një bilanci të ri të publikuar nga Zyra e Kryeministrit izraelit. Midis tyre janë tre fëmijë. Nga qindra të plagosur, nëntë janë në gjendje të rëndë, 30 me lëndime jo kërcënuese për jetën dhe 341 që kanë marrë lëndime të lehta.
Në marrëveshje me ushtrinë izraelite, Irani lëshoi afërsisht 80 raketa balistike kundër Izraelit. Irani tha se në sulmet që ndërmori, shënjestroi objektet e furnizimit me karburant për luftëtarët e forcave ajrore izraelite.
Forcat Ajrore Izraelite bombarduan disa lëshues raketash balistike iraniane gjatë natës, së bashku me sisteme të mbrojtjes ajrore dhe radarë, njoftoi ushtria (IDF), duke bashkëngjitur video të sulmeve.
Sipas IDF, disa nga raketat lëshuese të goditura janë përdorur për të lëshuar raketa balistike kundër Izraelit më parë. IDF thotë se do të vazhdojë të "godasë" lançuesit e raketave balistike në Iranin perëndimor për të penguar sulmet ndaj Izraelit.
IZRAEL- Forcat e Mbrojtjes së Izraelit kanë publikuar pamje të sulmit që kryen gjatë natës në selinë e programit bërthamor të Iranit në Teheran.
Më herët, ushtria tha se goditi rreth 80 objektiva në Teheran gjatë natës, duke përfshirë depot e karburantit, selinë e Ministrisë së Mbrojtjes së Iranit, "selinë e programit bërthamor të SPND" dhe objektiva të tjera që lidhen me programin bërthamor të Iranit. Rreth 50 avionë luftarakë morën pjesë në sulme, bëri me dije ushtria.
The IDF releases footage of its overnight strike on Iran's "nuclear program headquarters" in Tehran.
— Emanuel (Mannie) Fabian (@manniefabian) June 15, 2025
Earlier, the military said it hit some 80 targets in Tehran overnight, including fuel depots, the Iranian Defense Ministry headquarters, the “headquarters of the SPND nuclear… pic.twitter.com/sprgcGLFf9
IZRAEL- Katër gra, përfshirë një nënë dhe dy vajzat e saj, njëra 13 vjeç dhe tjetra 20 vjeç u vranë tragjikisht të shtunën në mbrëmje në qytetin arab të Tamrës në Izraelin verior, kur një raketë goditi një ndërtesë apartamentesh gjatë një sulmi të madh raketor iranian ndaj Izraelit.
Autoritetet thanë se viktima e katërt ishte një i afërm i familjes. Incidenti ndodhi mes një sulmi masiv raketor të nisur nga Irani të shtunën në mbrëmje, me dhjetëra raketa që u qëlluan drejt Izraelit. Sirenat e alarmit u dëgjuan në të gjithë rajonin verior, nga Haifa në zonat Krayot, ndërsa banorët raportuan shpërthime dhe dridhje të fuqishme.
Siç raportohet nga komandanti i Zjarrfikësve dhe Shpëtimit të Rajonit Verior, Tafsar Yair Elkayam, "kjo është një pamje e shkatërrimit absolut". Ndërtesa katërkatëshe u godit drejtpërdrejt, duke rezultuar në shembjen e një pjese të katit të sipërm.
Zjarrfikësit nxorën katër persona nga rrënojat dhe ua dorëzuan menjëherë ekipeve mjekësore. Kërkimet vazhdojnë në bashkëpunim me Komandën e Mbraparojës për të gjetur çdo person të bllokuar.
Sipas Magen David Adom, ekipet e shpëtimit u dhanë ndihmën e parë gjashtë personave që ishin në gjendje shoku, ndërsa shtatë të tjerë me lëndime të lehta u transferuan në spitalet Rabam dhe Bnei Zion. Siç raportohet nga agjencia Sabrine, sulmi iranian përfshinte afërsisht 100 raketa, disa prej të cilave goditën territorin sirian.
IRAN- Një raketë balistike iraniane goditi qendrën e Tel Avivit gjatë sulmit të fundit (13 qershor 2025). Pavarësisht sistemeve të mbrojtjes ajrore izraelite, disa raketa arritën të depërtonin në "mburojën" e Kupolës së Hekurt dhe të shkaktonin shpërthime në zemër të Izraelit. Tre ditët e fundit kanë parë një përshkallëzim dramatik në Lindjen e Mesme, ndërsa Irani nisi një sulm masiv me raketa ndaj Izraelit në hakmarrje për sulmet izraelite në tokën iraniane.
Teherani nisi një breshëri raketash (rreth 200 sipas Izraelit) në valë të njëpasnjëshme. Forcat Mbrojtëse të Izraelit aktivizuan sistemet e tyre të mbrojtjes dhe shumë nga raketat hyrëse u interceptuan. Megjithatë, një numër i konsiderueshëm raketash depërtuan nëpër Kupolën e Hekurt dhe goditën Tel Avivin, duke shkaktuar shpërthime, lëndime dhe dëme madje edhe në ndërtesa të larta.
Sulmi iranian u bazua në raketa balistike të përparuara me rreze të mesme veprimi. Raketat balistike fluturojnë shumë lart dhe kthehen në Tokë me shpejtësi supersonike, gjë që i bën ato shumë më të vështira për tu kapur nga mbrojtja nga raketat. Raportet e mediave ndërkombëtare vënë në dukje se Teherani përdori në këtë sulm raketën e re balistike "supersonike" Fattah-1 (e zbuluar në vitin 2023), si dhe raketën e përparuar Kheibar Shekan.
Fattah-1 mund të arrijë me një shpejtësi sgymë të madhe dhe të manovrojë gjatë rihyrjes, karakteristika që e bëjnë të vështirë kapjen e saj. Këto raketa kanë gjithashtu saktësi të konsiderueshme dhe koka luftarake të fuqishme shpërthyese, të afta të shkaktojnë dëme në shkallë të gjerë në objektivat ushtarake. Vërehet se sulmi u nis papritur pothuajse ekskluzivisht me raketa balistike pa praninë e dronëve më të ngadaltë ose raketave lundruese duke e zvogëluar kohën e reagimit të mbrojtjes ajrore izraelite në minimum.
Mbrojtja Ajrore Izraelite dhe Kufizimet e saj
Izraeli ka një rrjet shumështresor të mbrojtjes ajrore. Shtyllat e tij kryesore janë: (a) Kupola e Hekurt për t'iu kundërvënë raketave dhe raketave me rreze të shkurtër veprimi, (b) sistemi David's Sling për raketa balistike me rreze të mesme veprimi dhe taktike, dhe (c) raketat Arrow-2/3 për të kapur kërcënimet balistike me rreze të gjatë veprimi.
Kupola e Hekurt ka demonstruar performancë të shkëlqyer kundër raketave nga Gaza (me një shkallë suksesi prej 90% kundër kërcënimeve të drejtuara në zona të populluara). Megjithatë, është projektuar për objektiva me shpejtësi relativisht të ulët dhe orbitë të ulët nuk ka për qëllim të kapë raketa që vijnë me shumëfisha të shpejtësisë së zërit nga atmosfera e sipërme.
Sisteme më të përparuara, të tilla si David's Sling dhe veçanërisht Arrow-3, zgjerojnë mbrojtjen kundër raketave balistike, por edhe këto kanë ndërprerës të kufizuar dhe nuk janë testuar kurrë në një sulm kaq masiv ndaj objektivave hipersonikë. Zyrtarët ushtarakë izraelitë kanë theksuar vazhdimisht se asnjë mburojë nuk është plotësisht e padepërtueshme madje as Kupola e Hekurt, e teknologjisë së fundit, nuk përshkruhet si "hermetike".
IRAN- Sulmet ajrore izraelite shënjestruan selinë e Ministrisë së Mbrojtjes së Iranit në kryeqytetin e Iranit, Teheran, raportoi të dielën në mëngjes agjencia gjysmëzyrtare iraniane e lajmeve Tasnim.
Sulmet kishin në shënjestër Ministrinë e Mbrojtjes dhe selinë e Logjistikës së Forcave të Armatosura në zonën Nobonyad, duke shkaktuar dëme të lehta në një ndërtesë administrative. Ushtria izraelite tha se forcat ajrore kryen një seri të gjerë sulmesh në kryeqytetin Teheran në lidhje me “projektin e armëve bërthamore” të Iranit.
Forcat izraelite shënjestruan "selinë e Ministrisë iraniane të Mbrojtjes, selinë e projektit bërthamor SPND" së bashku me objektiva të tjerë, tha ajo në X. Forcat izraelite goditën gjithashtu Organizatën e Inovacionit dhe Kërkimit Mbrojtës gjatë sulmeve të ndara në të njëjtën zonë.
Në orët e para të së premtes, Izraeli nisi një sulm ndaj Iranit, duke goditur objekte bërthamore dhe raketore dhe duke vrarë komandantë të lartë ushtarakë dhe shkencëtarë. Irani u përgjigj me raketa balistike që synonin disa zona në të gjithë Izraelin, duke vrarë dhe plagosur izraelitë dhe duke dëmtuar ndërtesa.
SHBA- Një raund i gjashtë bisedimesh midis SHBA-së dhe Iranit mbi një marrëveshje të mundshme mbi programin bërthamor të Teheranit ishte planifikuar të zhvillohej ditën e sotme. Në vend të kësaj, për natën e tretë rresht, Izraeli kreu sulme thellë në zemër të Iranit, ndërsa Teherani lëshoi dy breshëri raketash balistike drejt Izraelit.
Ende nuk ka dhënë shifra të përditësuara të viktimave, por Izraeli po llogarit koston e të vrarëve dhe të plagosurve nga sulmet iraniane. Humbja e jetëve ka të ngjarë ta forcojë vendosmërinë e qeverisë izraelite për të goditur edhe më fort Iranin dhe infrastrukturën ushtarake dhe ekonomike që mbështesin udhëheqjen e saj.
Ministri izraelit i Mbrojtjes, Israel Katz, tha dje se Teherani "do të digjet" nëse Irani vazhdon të qëllojë me raketa Izraelin, ndërsa Ministri i Jashtëm iranian, Seyed Abbas Aragchi, thotë se sulmi i Izraelit nuk do të kishte ndodhur pa mbështetjen e Uashingtonit. Kjo mund të paralajmërojë sulme iraniane ndaj objektivave amerikane në rajon.
Presidenti Trump ka thënë se nëse kjo ndodh, atëherë "forca dhe fuqia e plotë" e forcave të armatosura amerikane do të bjerë mbi Iranin dhe pretendon se një marrëveshje mund të arrihet "lehtësisht" midis dy palëve.
Vetëm tre ditë më parë, mundësia e përparimit drejt një marrëveshjeje midis SHBA-së dhe Iranit mbi ambiciet e tij bërthamore ishte ende në ajër. Tani, shpërthimet dhe sirenat që tronditën natën në Izrael dhe Iran duket se e kanë mbytur këtë mundësi.
LIBAN- Disa pamje të filmuara në një restorant luksoz në Liban, teksa Irani sulmonte me raketa Izraelin, janë bërë virale në rrjete sociale. Ndërsa qielli ndriçohet nga raketat iraniane të qëlluara drejt Izraelit, klientët shijojnë darkën e tyre nën tingujt e një saksofoni.
Muzikanti qëndron në buzë të tarracës, duke vazhduar të luajë i pashqetësuar, ndërsa gjurmët e raketave mund të shihen qartë në ajër ndërsa ndriçojnë qiellin.
Vieë this post on Instagram
Klientët, të veshur për një mbrëmje të relaksuar me pije dhe muzikë, janë ngritur në këmbë, duke filmuar "spektaklin" e frikshëm me telefonat e tyre celularë. Përpara tyre, mbi tavolinë, pjata të paprekura, gota vere dhe një atmosferë luksoze që duket shumë larg ndaj asaj që po zhvillohet në qiell.
Më saktë, është e kundërta absolute: muzikë dhe ushqim nga njëra anë, luftë dhe terror nga ana tjetër. Për njerëzit e rajonit të Lindjes së Mesme, të hash nën tingullin e sirenave ose me raketa në qiell në sfond, mund të mos jetë më aq e paimagjinueshme. Por imazhi mbetet tronditës: një darkë me saksofon dhe fillimi i një konflikti të mundshëm që e gjithë bota e ka frikë në sfond.
BERLIN- Gjermania, Franca dhe Britania janë të gatshme të zhvillojnë bisedime të menjëhershme me Iranin mbi programin e tij bërthamor në një përpjekje për të çtensionuar situatën në Lindjen e Mesme, tha Ministri i Jashtëm gjerman Johann Wadephul.
Wadephul, i cili po viziton Lindjen e Mesme, tha se po përpiqej të ndihmonte në çtensionimin e konfliktit midis Izraelit dhe Iranit dhe vuri në dukje se Teherani më parë nuk kishte arritur të shfrytëzonte mundësinë për bisedime konstruktive.
"Shpresoj që kjo të jetë ende e mundur", tha Wadephul për transmetuesin publik gjerman ARD. "Gjermania, së bashku me Francën dhe Britaninë, janë gati. Ne po i ofrojmë Iranit negociata të menjëhershme mbi programin e tij bërthamor. Shpresoj se do të pranohet."
"Ky është gjithashtu një kusht kyç për arritjen e paqes në këtë konflikt - që Irani të mos paraqesë rrezik për rajonin, për shtetin e Izraelit apo për Evropën."
Numri i të vdekurve në Izrael nga sulmet e natës nga Irani është rritur në 10, ndërsa punonjësit e emergjencës në terren vazhdojnë operacionet e kërkim-shpëtimit. Gjashtë persona u vranë në qytetin bregdetar qendror të Bat Yam, ku një ndërtesë u godit drejtpërdrejt, sipas organizatës izraelite të kërkim-shpëtimit ZAKA. Katër të tjerë u vranë në qytetin verior palestinezo-izraelit të Tamrës, ku u goditën edhe ndërtesa.
IZRAEL- Dhjetë persona janë vrarë nga sulmet me raketa të Iranit gjatë natës ndaj Izraelit. Policia tha se gjashtë persona u vranë në qytetin Bat Yam, në jug të Tel Avivit, përfshirë dy fëmijë.
Shtatë persona rezultojnë të zhdukur dhe shërbimet e emergjencës po vazhdojnë të kërkojnë në rrënojat e ndërtesave të shkatërruara. Katër persona të tjerë u vranë në sulmet në qytetin arab të Tamrës, në veri, thanë shërbimet e emergjencës dhe spitali lokal.
Kreu i Komandës së Brendshme të IDF-së, Gjeneral Major Rafi Milo, thotë se sulmi vdekjeprurës me raketa në Bat Yam "është një kujtesë se sa e rëndësishme është të ndiqen udhëzimet e Komandës së Brendshme".
Ai thotë se në Rehovot, ku një raketë tjetër iraniane goditi, "ne arritëm të shpëtonim një të mbijetuar nga rrënojat". Shërbimi i shpëtimit Magen David Adom thotë se 40 persona u plagosën në atë sulm.
"Ditë të vështira na presin, por ne jemi të vendosur. Ne kemi shpirtin, forcën për të vepruar me ju, për t'ju mbrojtur dhe për të vazhduar të shpëtojmë jetë", shton Milo.
SHBA- Presidenti i SHBA-së Donald Trump e bëri të qartë se Uashingtoni nuk ka asnjë përfshirje në sulmin ndaj Iranit, ndërsa në të njëjtën kohë lëshoi një paralajmërim të ashpër ndaj Teheranit.
Trump tha se çdo sulm ndaj Shteteve të Bashkuara do të provokojë një përgjigje ushtarake dërrmuese në një shkallë të paparë. Në të njëjtën kohë, presidenti u shfaq i hapur për një marrëveshje midis Iranit dhe Izraelit, me qëllim përfundimin e konfliktit të përgjakshëm.
"Shtetet e Bashkuara nuk kishin absolutisht asnjë lidhje me sulmin ndaj Iranit sonte. Nëse sulmohemi nga Irani, në asnjë mënyrë, formë apo mjet, forca dhe fuqia e plotë e Forcave të Armatosura të Shteteve të Bashkuara do të bjerë mbi ju në nivele të papara më parë. Megjithatë, ne mund të arrijmë lehtësisht një marrëveshje midis Iranit dhe Izraelit dhe t'i japim fund këtij konflikti të përgjakshëm!", thuhet në postimin e Trump.
Disa javë më parë, Trump i dha udhëheqësit suprem të Iranit, Ajatollah Ali Khamenei, 60 ditë kohë për të negociuar një marrëveshje bërthamore, duke paralajmëruar se do të kishte pasoja nëse nuk do të arrinin një marrëveshje. Në atë kohë, Trump i kërkoi kryeministrit izraelit Benjamin Netanyahu të përmbahej nga sulmet ndaj Iranit, për t'u dhënë hapësirë negociatave.
Pasi Izraeli filloi të sulmonte Iranin të premten, Trump tha për mediat: “Nuk e di nëse e dini, por unë u dhashë atyre një paralajmërim 60-ditor dhe sot është dita e 61-të.”
