Dita e 50-të e revoltës qytetetare/ Shqiptarët vijojnë qëndresën në shesh: Rama në burg, Berisha në burg
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
• Banorët e Bërxullës kanë dalë sërish në protestë këtë të mërkurë pasi kundërshtojnë projektin Thumanë-Kashar, ku do të prishen banesat e tyre. • Në tubimin e sotëm, ata kanë hipur mbi tarracën e një banese dhe me benzinë në dorë kanë kërcënuar se do marrin akte ekstreme. • Njëri prej banorëve deklaron se shteti i ka mashtruar, pasi u ka thënë se do të dëmshpërblehen, por kjo gjë nuk ka ndodhur. • Një tjetër banor shprehet se janë lajmëruar vetëm një ditë më parë nga IKMT, për të liruar banesat • Një qytetare më ilaçe në dorë ka deklaruar se ka tre fëmijë jetim dhe ka kërcënuar se do ti japë fund jetës nëse shembet banesa. • Ajo shprehet se do të veprojë si Alma Arrazi, 39-vjeçarja në Shkodër që u mbyt në lumin Buna bashkë me tre fëmijët e saj. • Banorët e Bërxullës kanë zhvilluar protesta të vazhdueshme edhe më herët për të njëjtën problematikë. • Ata pretendojnë se shteti i ka mashtruar, ndërsa shprehet se duan ose dëmshpërblimin ose çelësat e një banese të re.
3 artikuj për këtë temë.
TIRANË - Pamje të reja janë publikuar nga protesta që po mbahet paraditen e sotme në Bërxullë, ku banorët kundërshtojnë projektin Thumanë-Kashar që u prek banesat. Një grua me ilaçe në dorë kërcënon se do to marrë akte ekstreme nëse fillon shembja e banesave.
Në një dalje për mediat ajo deklaron se ka katër fëmijë jetimë, dhe nëse ju shembet banesa mbeten në qiell të hapur. Më tej ajo kërcënon se do të veprojë si Alma Arrazi, 39-vjeçarja në Shkodër e cila u mbyt në lumin Buna bashkë me trë fëmijët e saj.
“Jam me katër jetimë ku do të shkoj unë? Do ta bëj si ajo gruaja në Shkodër”, -thotë njëra prej tyre.
Ndërkohë në tarracën e banesës ku banorët janë ngjitur, banorët kanë marrë me vete edhe fëmijët.
Banorët e gjashtë familjeve kundërshtojnë Projektin Thumanë-Kashar, i cili u shemb banesat. Sipas tyre, autoritetet i kanë gënjyer duke i thënë fillimisht se do të dëmshpërblehen dhe më pas një gjë e tillë nuk ka ndodhur. Ata deklarojnë se vetëm ditën e djeshme i kanë dërguar një procesverbal nga IKMT që duhet të lirojnë banesat.
TIRANË - Banorët e Bërxullës vazhdojnë të tregojnë revoltën e tyre kundër projektit Thumanë-Kashar që prek banesat e tyre. Ata kanë dalë paraditen e sotme në protestë dhe teksa kanë hipur në tarracën e një banese kërcënojnë se do ti vendosin flakën vetes. Ata shprehen se shteti i ka mashtruar, pasi sipas tyre u është premtuar se do tju jepen shtëpi dhe nuk jua kanë dhënë. Për shembjen e banesave ata shprehen se janë njoftuar vetëm një ditë më parë.
“Ose na jepni shtëpi ose do të digjemi me benzinë. Bëmë kërkesë në komisariatin nr. 6 dhe na kthyen mbrapsht. Shteti na mashtroi. Premtoi se do të na japë shtëpi dhe nuk ka dhënë. Vetëm një ditë më parë na njoftuan për tu larguar nga shtëpitë. Na kanë dhënë vetë 3 vite bonus qiraje, por cfarë do të bëjmë ne me atë” thanë disa nga banorët.
Ndërkohë një tjetër banore deklaron se kërkon strehim dhe se nuk ka ku të shkojë.
“Në fillim na thanë që do të na shpërblenin pastaj na thanë nuk do të merrni asgjë. Nuk na ka ardhur asnjë njoftim. Erdhi një procesverbal dje që na tha lironi menjëherë shtëpinë. Kërkojmë strehim. Nuk kemi ku të shkojmë, jemi në qiell të hapur. Kemi fëmijë ku do të jetojnë ata? Ata që paguan morën, ne jo”, deklaron një tjetër.
TIRANË - Disa banorë të Bërxullës, kanë dalë në protestë paraditen e kësaj të mërkure për të kundërshtuar projektin e ndërtimit të autostradës Thumanë-Kashar, që prek banesat e tyre. Ata kanë hipur në tarracën e një banese dhe kanë kërcënuar se do të arrijnë deri në veprime ekstreme nëse nuk nuk merren parasysh kërkesat e tyre. Me benzinë në dorë ata kërcënojnë se do ti vejnë flakën vetes.
Qytetarët pretendojnë se shteti nuk i dëmshpërblen sipas vlerës së banesave, ndërsa shtojnë se nuk janë fare në skemën e dëmshpërblimit. Ata kanë zhvilluar edhe më herët protesta te vazhdueshme të për të njëjtën problematikë. Në një prononcim për mediat, banorët shprehen se janë mashtruar dhe se në skemën e dëmshpërblimeve kanë hyrë vetëm familjet që kanë paguar para.
“Na kanë nxjerrë jashtë. Duam dëmshpërblimin ose banesa. Nuk ikim nga këtu. Kam bërë gati shishen e benzinës do të digjem këtu. Kanë dy muaj që vijnë rreth shtëpisë tonë. Shteti nuk ka marrë asnjë masë. Edhe në komisariat kur kemi shkuar na kanë përzënë. Jemi 6 familje, 40 persona”, thotë një banor.
“Në fillim na thanë që do të na shpërblenin pastaj na thanë nuk do të merrni asgjë. Nuk na ka ardhur asnjë njoftim. Erdhi një procesverbal dje që na tha lironi menjëherë shtëpinë. Kërkojmë strehim. Nuk kemi ku të shkojmë, jemi në qiell të hapur. Kemi fëmijë ku do të jetojnë ata? Ata që paguan morën, ne jo”, thotë një tjetër.
