Dita e 50-të e revoltës qytetetare/ Shqiptarët vijojnë qëndresën në shesh: Rama në burg, Berisha në burg
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
• Polonia njoftoi mëngjesin e së mërkurës se ka ngritur në ajër avionët luftarakë dhe e ka rrëzuar një numër të papërcaktuar dronësh rusë që kishin hyrë në hapësirën e saj ajrore. • Ushtria e Polonisë tha se dronët shkelën në mënyrë të përsëritur hapësirën ajrore polake mëngjesin e së mërkurës, pasi Rusia e kishte nisur një valë sulmesh ajrore në Ukrainë, përfshirë edhe afër kufirit me Poloninë. • Kryeministri i Polonisë, Donald Tusk ka njoftuar sekretarin e Përgjithshëm të NATO-s, Mark Rutte, për veprimet e ndërmarra nga pala polake. • Pas këtyre ngjarjeve, Polonia ka mbyllur katër aeroporte, përfshirë aeroportin kryesorin e vendit në Varshavë. • Ndërkohë që një mbledhje urgjentisht e NATO-s, do të zhvillohet sot, ku pritet të diskutohen dronët që shkelën hapësirën ajrore të Polonisë gjatë një takimi të rregullt të mërkurën. • Këshilli i Atlantikut të Veriut (NATO) do të mblidhet të mërkurën në mëngjes për një seancë të rregullt dhe do të diskutojë se si iu përgjigj NATO dronëve që hynë në Poloni gjatë natës.
6 artikuj për këtë temë.
SHBA- Presidenti i SHBA-së, Donald Trump, ka komentuar sulmin rus në Poloni, me anë të një postimi në platformën e tij të mediave sociale Truth Social.
Në një deklaratë të shkurtër, ai shkruan: “Çfarë po ndodh me Rusinë që shkel hapësirën ajrore të Polonisë me dronë? Ja ku jemi!”
Zyrtar i Shtëpisë së Bardhë i tha BBC-së se ka plane që presidenti amerikan të flasë me homologun e tij polak, Karol Nawrocki, më vonë sot. Mediat e huaja theksojnë gjithashtu se komenti i presidentit amerikan është i paqartë, megjithëse ai mund të zgjedhë ta japë më shumë hollësi në një farë mënyre.
Nuk është hera e parë që dëgjojmë për këtë çështje nga SHBA-të sot, pasi ambasadori i Uashingtonit në NATO tha se vendi do të mbrojë "çdo centimetër të territorit të NATO-s" Këto komente do të vinin si lehtësim për shtetet anëtare të NATO-s në Evropë, pas vërejtjeve të përsëritura të Trump që hedhin dyshime mbi angazhimin e tij ndaj aleancës.
STRASBURG- Ursula von der Leyen po mban aktualisht fjalimin e saj mbi Gjendjen e Bashkimit Evropian (SOTEU), në një nga periudhat më të trazuara të karrierës së saj politike. Përballë një Parlamenti Evropian të mbushur me indinjatë dhe shqetësim, Presidentja e Komisionit do të përpiqet të paraqesë vizionin e saj politik për të ardhmen e BE-së. Në fillim të fjalimit të saj, Presidentja e Komisionit Evropian iu referua hyrjes së djeshme të dronëve rusë në hapësirën ajrore polake, duke theksuar se ata qëndrojnë pranë Polonisë në solidaritet absolut.
Gjatë muajve të fundit, zgjedhjet politike të von der Leyen kanë provokuar reagime të forta si brenda Parlamentit Evropian ashtu edhe midis shteteve anëtare. Në veçanti, marrëveshjet tregtare me Shtetet e Bashkuara dhe vendet e Mercosur (Argjentina, Brazili, Uruguai dhe Paraguai) kanë zemëruar eurodeputetët nga spektra të ndryshme politike. E para konsiderohet nga shumë si e njëanshme dhe e dëmshme për BE-në, ndërsa e dyta është akuzuar se po minon interesat e fermerëve dhe blegtorëve evropianë.
Edhe anëtarët e familjes së saj politike, Partisë Popullore Evropiane, kanë filluar të vënë në pikëpyetje zgjedhjet e saj, veçanërisht në lidhje me politikën tregtare, tranzicionin e gjelbër, si dhe rolin e Komisionit në çështjet e politikës së jashtme dhe mbrojtjes. Qëndrimi i saj mbi vendosjen e trupave evropiane në Ukrainë provokoi një reagim të fortë nga Ministri gjerman i Mbrojtjes Boris Pistorius, i cili kujtoi publikisht se këto çështje kanë të bëjnë me qeveritë kombëtare dhe jo me Komisionin.
POLONI- Kryeministri polak, Donald Tusk, tha se rrëzimi i dronëve rusë në Poloni gjatë natës ishte hera e parë që kjo ndodh në territorin e NATO-s. Duke folur përpara një takimi urgjent të qeverisë, Tusk tha se hapësira ajrore polake u shkel nga një numër “i madh” dronësh rusë. Ai thotë se ato që përbënin kërcënim u rrëzuan nga pilotët polakë dhe të NATO-s.
“Kjo është hera e parë që dronë rusë janë rrëzuar mbi territorin e një vendi të NATO-s. Të gjithë aleatët tanë po e marrin situatën shumë seriozisht. Nuk kemi regjistruar asnjë viktimë”, thotë ai.
Ai shton se ndoshta ishte një “provokim në shkallë të gjerë” nga Rusia. Tusk thotë se kërkimi për dronë është duke vazhduar, por shton se nuk ka arsye për panik dhe situata tani është nën kontroll.
Ai thotë se është në kontakt me sekretarin e përgjithshëm të NATO-s. Forcat e armatosura polake tani kanë përfunduar operacionin e tyre ushtarak të nisur nga shkeljet e dronëve. Aeroportet, përfshirë aeroportin kryesor ndërkombëtar, Varshavë Chopin, janë rihapur.
FRANCË- Presidenti i Francës, Emmanuel Macron, ka thënë se shkelja e hapësirës ajrore të Polonisë nga dronët gjatë sulmit rus në Ukrainën perëndimore është e papranueshme. Ai theksoi se së shpejti do të flasë me shefin e NATO-s, Mark Rutte, për këtë çështje.
“Nuk do të bëjmë kompromis mbi sigurinë e aleatëve tanë”, shkroi Macron në një postim në platformën sociale X.
RUSI- BBC raporton se Moska ka “përshkallëzuar” operacionet e saj ushtarake për të testuar reagimin e Perëndimit pasi dronët rusë hynë në hapësirën ajrore polake dhe u rrëzuan, duke shënuar herën e parë që një gjë e tillë i ka ndodhur një shteti anëtar të NATO-s që nga fillimi i luftës në Ukrainë.
“Këto dronë nuk humbën rrugën dhe përfunduan në Poloni. Ata shkuan aq thellë në Poloni saqë aeroporti i Varshavës u mbyll. Dhe kjo ndodhi ndërsa sulmet ajrore në Ukrainë janë bërë më intensive dhe më të shpeshta”, raporton media britanike. “Dronët rusë e kanë kaluar kufirin perëndimor të Ukrainës më parë, por nuk janë rrëzuar kurrë. Pra, ky është territor i ri për Poloninë dhe NATO-n”, shton BBC.
Siç u njoftua nga Shtabi i Përgjithshëm i Forcave të Armatosura Polake, avionë F-35 nga Komanda Ajrore e NATO-s dhe Forcat Ajrore Mbretërore të Holandës morën pjesë gjithashtu në operacionin kundër dronëve rusë. Sipas mediave polake, të paktën një dron u rrëzua në një shtëpi në lagjen Wyryki, duke dëmtuar çatinë e ndërtesës dhe duke hedhur mbeturina mbi një makinë. Sipas të njëjtave burime, askush nuk u lëndua nga përplasja.
Nga ana e tyre, policia polake gjeti një dron të dëmtuar në fshatin Czosnówka, në lindje të vendit, rreth 40 km larg kufirit me Bjellorusinë. Në një nivel politik, këshilli i sigurisë kombëtare i Polonisë u mblodh këtë mëngjes nën drejtimin e presidentit të vendit, Karol Nawrotski.
Në të njëjtën kohë, kryeministri polak Donald Tusk informoi Sekretarin e Përgjithshëm të NATO-s, Mark Rutte, për situatën dhe reagimin e vendit të tij ndaj "objekteve që shkelën hapësirën tonë ajrore". Në postimin e tij, zoti Tusk flet për një "numër të madh" dronësh rusë që "paraqisnin një kërcënim të drejtpërdrejtë dhe u rrëzuan".
Nga ana e tij, Presidenti ukrainas Volodymyr Zelensky e përshkroi inkursionin me dronë si "një hap tjetër përshkallëzimi" dhe "një precedent jashtëzakonisht të rrezikshëm për Evropën". Sipas tij, të paktën tetë dronë kishin synuar Poloninë gjatë sulmeve ruse që ndodhën gjatë natës, në të cilat u përdorën gjithsej rreth 415 dronë dhe më shumë se 40 raketa.
Në postimin e tij në X, Zelensky bëri thirrje gjithashtu për një përgjigje më të fortë nga aleatët dhe deklaroi se "shtyrja e kufizimeve kundër Rusisë dhe bashkëpunëtorëve të saj do të thotë vetëm rritje e brutalitetit të sulmeve".
POLONI- Polonia njoftoi mëngjesin e së mërkurës se i ka ngritur në ajër avionët luftarakë dhe e ka rrëzuar një numër të papërcaktuar dronësh rusë që kishin hyrë në hapësirën e saj ajrore, duke e quajtur këtë “akt agresioni”. Ushtria e Polonisë tha se dronët shkelën në mënyrë të përsëritur hapësirën ajrore polake mëngjesin e së mërkurës, pasi Rusia e kishte nisur një valë sulmesh ajrore në Ukrainë, përfshirë edhe afër kufirit me Poloninë.
Kryeministri i Polonisë, Donald Tusk, shkroi në X se ishte njoftuar nga Komanda Operacionale e Ushtrisë lidhur me “rrëzimin e dronëve që u futën në hapësirën tonë ajrore dhe që mund të përbënin kërcënim”.
Ai tha se e ka njoftuar edhe sekretarin e Përgjithshëm të NATO-s, Mark Rutte, për veprimet e ndërmarra nga pala polake. Nuk raportohet për viktima në Poloni dhe mbetet e paqartë sa dronë kishin hyrë në hapësirën ajrore të Polonisë. Ushtria tha se është duke kërkuar për mbetjet e dronëve të rrëzuar.
“Ky është akt agresioni që paraqiti kërcënim real për sigurinë e qytetarëve tanë”, shkroi Komanda Operacionale e Ushtrisë në një postim në X.
Ky incident i ka rritur ndjeshëm tensionet në Varshavë dhe në radhët e anëtarëve të tjerë të aleancës ushtarake të NATO-s.
Ndërkohë, deri tani nuk ka ndonjë reagim nga Ministria e Mbrojtjes e Rusisë.
Polonia tha gjithashtu se i ka mbyllur katër aeroporte, përfshirë aeroportin kryesorin e vendit në Varshavë.
Rregullatori amerikan i aviacionit, Administrata Federale e Aviacionit (FAA), lëshoi një njoftim se edhe Aeroporti Rzeszow–Jasionka në juglindje është mbyllur. Ky aeroport është lidhje e rëndësishme për transportin e pasagjerëve dhe të armëve drejt Ukrainës. Sipas forcave ajrore të Ukrainës, pothuajse i gjithë vendi, përfshirë rajonet perëndimore të Volinit dhe Lvivit, janë nën alarm ajror në orët e para së mërkurës./REL
