Komisionet hetimore/ Zbardhen emrat e drejtuesve nga radhët e opozitës dhe PS, Basha: Pazari 34-vjeçar duhet të marrë fund

lulzim basha

DURRËS- Kreu i PD-së vulës, Lulzim Basha është përgjigjur ftesës së kreut të Grupit Parlamentar të PD-së Gazment Bardhit. Ky i fundit tha sot tha se me vendim grupi është rezervuar një karrige në komisione për një nga “mbështetësit e Bashës”.

Ndërkohë Basha deklaroi sonte nga Durrësi se ai dhe deputetët e tjerë pranë tij nuk kanë vepruar për të siguruar karriget e tyre. Ai u shpreh se Enkelejd Alibeaj ishte në Komisionin për Reformën Zgjedhore për të kërkuar listat e hapura, votimin elektronik, votën e diasporës dhe Shqipërinë një zonë votimi.

“Edhe ata pak që kanë mbetur dhe që se kuptonim se cilat janë motivet e vërteta të atyre që për interes personal u përpoqën ta thyenin në dysh Partinë Demokratike, duke i bërë dhuratën më të mirë pushtetit të korruptuar ilegjitim të Edi Ramës. Po sot ku janë? Me përqafimin të Edi Ramës me shokë. E kanë nisur si pazar dhe duan ta vazhdojnë si pazar.

Shikoni çfarë thonë sot, “ejani ju se kemi dhe një karrige për ju”. Ne se kemi nisur këtë për karrige. Se kemi nisur për karrige, s’ishte kjo punë për karrige. Enkelejd Alibeaj nuk ishte aty për karrigen e tij. As i kisha thënë unë rri për karrige. Ishin listat e hapura, ishte për votimin elektronik, ishte për votën e diasporës, ishte për Shqipëria një zonë. S’duam karrigen, ne duam të drejtat e shqiptarëve, ne duam që pazari 34 vjeçar i fëlliqtë, trashëgimia më e pisët e Ramiz Alisë, trashgimtarit të fundit komunist të marrë fund. Sepse është ky Pazar që rëndon pronarët dhe të përndjekurit, sipërmarrësit dhe profesionistët, fermerët dhe arsimtarët, rininë shqiptare. S’na duhen karriget. Thojini shqiptarëve sot, ku qëndroni në raport me listat e hapura? Jeni për lista të hapura, po apo jo, votoni për listat e hapura, votimin elektronik, Shqipëria një zonë, votën e diasporës, s’na duhen karriget.

Këtë betejë nuk e nisëm për karrige, por janë kaq të obsesuar me karrigen, e kanë ngjitur kaq shumë kokën, barkun pas karrigeve sa u është bërë mendja karrige. Dhe mendojnë se pasi bënë pazarin me Edi Ramën, mund të kthehen tek ne e të na thonë: keni dhe ju një karrige. Ju plaçin sytë, se kuptoni që kemi 2 vite e gjysmë që e bëjmë për shqiptarët jo për karrige? Dhe të bësh betejë për shqiptarët nuk është e lehtë në një vend që ka 34 vite kastë politike që bëjnë betejë për veten e vet me metodat dhe mënyrat më të pista”, u shpreh ai.

Kuvendi

TIRANË- Partia Socialiste ka miratuar emrat që do të jenë pjesë në dy Komisionet hetimore që do të ngrej Opozita. Mësohet se në Komisionin për Sterilizimin dhe Check-Up do të jetë nënkryetar deputeti Plarent Ndreca. Ndërsa në Komisionin hetimor për sistemin TIMS do të jetë nënkryetar deputeti Toni Gogu.

Njoftimi: 

Komisioni Hetimor i Kuvendit për Shërbimin Publik të Sterilizimit dhe Shërbimin Publik të Check-Up në Shëndetësi

Z. Plarent Ndreca Nënkryetar

Komisioni Hetimor i Kuvendit për Trajtimin e të Dhënave të Sistemit TIMS

Z. Toni Gogu Nënkryetar

TIRANË-Zbardhen emrat e anëtarëve të dy komisioneve hetimore, të kërkuara nga ana e opozitës. Për komisionin TIMS kryetar është deputeti Ervin Salianji, ndërkohë që për komisionin për Shëndetësi, kryetare është deputetja Albana Vokshi.

Ervin Saljanji – kryetar

Ramadan Lika

Lefter Gështenja

Xhelal Mziu

Elda Hoti

Luan Baçi

Asllan Dogjani.

Komisioni për Shëndetësinë:

Albana Vokshi- kryetare

Zheni Gjergji

Ina Zhupa

Edmond Spaho

Sajmir Korreshi

Petrit Vasili

Zvevensesues Ilda Dhori/ Emilia Koliqi.

Komisioni Hetimor i Kuvendit për Shërbimin Publik të Sterilizimit dhe Shërbimin Publik të Check-Up në Shëndetësi, PS.

Z. Plarent Ndreca Nënkryetar

Komisioni Hetimor i Kuvendit për Trajtimin e të Dhënave të Sistemit TIMS, PS

Z. Toni Gogu Nënkryetar.