Berisha: I bëj thirrje Prokurorit Publike të BE, por edhe Interpolit dhe Eurojust që të nisin hetimet për Ramën q&...
Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
Dosja e Erion Veliajt/ Avokati Ndreca nuk u paraqit, gjobitet me 50 mijë lekë! Shtyhet seanca 21 Korrik, 10:54 Dosja...
“Nuk shiten malet, është mundësi për pronarët dhe emigrantët” Rama: Paketa e Maleve, nuk anulohet 21 ...
• Pashkët katolike janë festuar në të gjithë Shqipërinë. • Duke ndezur qirinjtë e lutjes, që simbolizojnë dritën e përjetshme, besimtarët e Krishterë të Lezhës, Shkodrës, Vlorës, Tiranës, Korçës, Beratit ashtu si në të gjithë botën kanë nisur që prej mbrëmjes të së shtunës festimet e Pashkëve. • Meshat janë zhvilluar mëngjesin e sotëm. • Pas Meshës në kishë, qytetarët marrin qiririn e ndezur dhe duan që ta çojnë dritë në shtëpitë e tyre. • Kjo është festa me e madhe e kalendarit liturgjik të Kishës Katolike dhe të kishave te tjera te krishtera, te cilat festojnë Ringjalljen e Jezusit, sikunder e tregon Beselidhja e Re. • Të dielën tjetër pritet të festohen Pashkët Ortodokse.
4 artikuj për këtë temë.
TIRANË- Sot besimtarët katolikë kanë festuar pashkët. Në Katedralen Shën Pali, meshën e ka udhëhequr Imzot Arjan Dodaj, i cili në mesazhin e tij për besimarët ka theksuar nevojën për paqe. Gjatë fjalës së tij në meshë, Dodaj u shprej se kjo ditë duhet të jetë një ditë për më shumë shpresë e paqe ndërkohë që nuk mungoi dhe një mesazh për politikën.
“Ne jemi të thirrur të jemi arsye shprese, të jemi kripa e tokës, drita e botës. I ringjalluri është i pranishëm në jetën tonë çdo herë që përsërisim fjalët e tij. Të lusim zotin që të fryjë një fllad i ri në shoqërinë tonë, duke filluar nga institucionet e politikës, drejtësisë, të kemi një fllad të ri për të bërë të mirën dhe mos u mundur nga hija e së keqes. Qoftë kjo një pashkë paqeje, për të gjithë vendin tonë, vëllezërit e motrat e sëmurë, të varfrit, të rinjtë e fëmijët dhe të gjithë ata që presin gjeste bamirësie”, tha ai.
RRËSHEN- Ipeshkvi i Rrëshenit, Dom Gjergj Meta në mesazhin e Pashkëve ka uruar besimtarët katolikë për pashkët. Me anë të një postimi në Facebook, Gjergj Meta ka theksuar se shenja parë më domethënëse që dishepujt e Jezusit shohin të mëngjesin e Dielës së Pashkëve është varri bosh. Po ashtu në mesazhin e tij Gjergj Meta vuri theksin tek konfliktet që po zhvillohen sot në botë, tek korrupsioni dhe padrejtësitë sociale.
"Sot është e diela e pashkës dhe simboli më domethënës më shprehës i mëngjesit të Pashkës , është pikërisht varri bosh. Gratë dhe dy shekuj më pas shkojnë tek varri dhe shenja e parë që ata takojnë është pikërisht që ky varr është bosh. Varri është shenja e dekompozimit, kundërmimit. Është një simbol i fuqishëm, por varri bosh në mëngjesin e pashkëve do të thotë se Krishti nuk është aty, ai është ringjallur. Kam menduar në këto ditë kreshmës dhe pashkës për shumë varre të hapura, të ekzistencave të palumtura, varret të zemrave të vrara nga humbja e njerëzve të dashur, të ekzistencave të palumtura, varre të shkaktuara nga ekzistenca të nëpërkëmbura nga padrejtësi sociale, nga sistemet e korrupsionit, nga ata që përpiqen të shfrytëzojnë të tjerët, pasuritë e të tjerëve, kam menduar për varret e luftërave të ndryshme që janë të hapura sot nëpër botë. Shenja që ne jemi në pashkë do ishte që këto varre të ishin bosh. Do doja që në këto ditë pashke të dëgjoja zërin e fuqishëm të Krishtit që thotë çohu o ti që i përgjumur, ti që je ndër të vdekur çohu dhe jeto. Sa do doja që këto varre të ishin bosh. Të dashur miq në këtë të dielë pashkës dëshiroj t’iu uroj gëzuar pashkën, Krishti u ngjall, vërtet u ngjall," tha Dom Gjergj Meta.
TIRANË- Pashkët kalotike janë festuar ditën e sotme në besimtarët katolikë. Mesha në Tiranë është mbajtur në katedralen Shën Pali, ku bemitarë të shumtë kanë marrë pjesë në këtë ditë të veçantë për bësimtarët.
Por përveç qytetarëve të shumtë që kjo festë ka bërë bashkë, kanë qenë edhe politikanët. Në fotot e mëposhtme, shihen që në kremtimet e meshës kanë marrë pjesë deputeti Enkelejd Alibeaj, krei i Partisë së Lirisë Ilir Meta së bashku me deputeten Monika Kryemadhi. Po ashtu nuk ka munguar dhe kryebashkiaku i Tiranës Erion Veliaj si dhe ambasadorja amerikane Yuri Kim.
TIRANË- Fjala Pashkë në të vërtetë do të thotë kalim: Për hebrenjtë është kalimi nga robëria në liri ndërsa për të krishterët nga vdekja trupore dhe frymore në Jetën e Re të Amshuar. Kjo ditë e shënuar feston ringjalljen e Jezusit dhe konsiderohet si një rilindje e krishterimit. Referencat më të hershme të kremtimit të këtij festivali datojnë në shekullin e II.
Edhe besimtarët katolikë në Shqipëri janë mbledhur deri në mesnatë, në Katedralen e ‘Shën Palit’, për t’u bërë pjesë e meshës së shenjtë. Në historinë e lashtë, u ngritën shumë polemika lidhur me festimin e kësaj feste. Dëshmia e parë e polemikave që rrethojnë festën daton në shekullin e II, kur peshkopi Viktor u përpoq të ndëshkonte peshkopët e Azisë për realizimin e festimeve. Polemika kishte të bënte kryesisht me datat e Pashkëve dhe me të drejtat e festimit të festës.
Polemika e dytë u ngrit në shekullin e IV, kur një shumicë e madhe ishte e pakënaqur me ndjekjen e kalendarit hebraik për Pashkët. Shumë e konsideronin një shkelje të konsultimit me hebrenjtë për kohën e duhur për të festuar këtë festë të shenjtë. Kjo polemikë u zgjodh menjëherë nga Këshilli i Parë kur u vendos që Pashkët të festoheshin përmes llogaritjeve të pavarura. Festivali shënon fundin e Kreshmës, e cila është një periudhë agjërimi 40 ditore e të krishterëve.
Pashkët paraprihen nga një kohë parapërgatitore e agjërimit dhe përkorimit, që zgjat 40 ditë. Këto ditë quhen Kreshmë dhe fillojnë nga e ‘Mërkura e Përhimtë’ dhe mbaron të ‘Dielën e Palmave’ që përkujton 40 ditët e kaluara në shkretëirë të Jezusit në lutje e agjërim dhe që sprovohet nga Djalli.
Kjo festë e shenjtë, festohet nga kishat në mbarë botën. Festimi tradicional i Pashkëve përfshin një kishë të zbehur ndezur me qirinj dhe lutje të veçanta, të kënduara në lavdërimin e Jezu Krishtit. Më pas ajo pasohet nga një festë e organizuar e së dielës, me muzikë të lumtur që luhet në sfond.
Në disa kultura, festimet janë më të theksuara. Njerëzit shpesh përfshihen në shfaqe bamirëse në këtë ditë dhe këndojnë lutje të lumtura në kishë për të përkujtuar ngritjen e Jezu Krishtit nga të vdekurit. Një veçori më vitale e Pashkëve është veza. Veza është një simbol i ringjalljes për komunitetin e krishterë, kështu që vezët e zbukuruara mirë dhe ‘gjuetia’ e vezëve janë bërë shumë të rëndësishme në Pashkë.
