Dita e 50-të e revoltës qytetetare/ Shqiptarët vijojnë qëndresën në shesh: Rama në burg, Berisha në burg
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
• Me goditje të rënda nga të dyja palët ndaj Iranit dhe Izraelit, lufta në Lindjen e Mesme po shpërthen, ndërsa një thriller diplomatik është në zhvillim e sipër për t'i dhënë fund asaj. • Në deklaratat e fundit, Presidenti i SHBA-së Donald Trump përsëriti se SHBA-të po flasin me Iranin, pa dhënë detaje të mëtejshme se me kë po zhvillohen diskutimet. • Administrata e Donald Trump thuhet se i ka dërguar Iranit një paketë të gjerë kushtesh për t'i dhënë fund luftës, e cila përfshin kërkesa të rrepta mbi programet bërthamore dhe raketore të Teheranit, si dhe kontribute të konsiderueshme në natyrë. • Trump pretendoi se SHBA-të po e fitojnë luftën dhe kanë shkatërruar pjesën më të madhe të aftësisë ushtarake të Iranit, si dhe tashmë kanë sjellë ndryshimin e regjimit në vend. • Në këtë kontekst, çmimet e naftës ranë nën 100 dollarë për fuçi në tregtimin aziatik të mëngjesit të së mërkurës. Në të njëjtën kohë, Izraeli po e godet Teheranin, ndërsa raketat u kapën në Arabinë Saudite.
7 artikuj për këtë temë.
GJERMANI- Kancelari gjerman, Friedrich Merz ka folur për konflikin në vendet e Gjirit Persik. Gjatë një seance parlamentare, Merz u shpreh se Gjermania po bën gjithçka që mundet për të bindur Shtetet e Bashkuara të Amerikës dhe Izraelit, për një zgjidhje diplomatike të luftës. Merz theksoi se fundi i konfliktit midis SHBA-së, Izraelit dhe Iranit është e vetmja zgjidhje e vërtetë për të rikthyer çmimet nën kontroll.
"Ne nuk mund të kompensojmë çdo rritje të çmimeve përmes masave tatimore ose masave nga buxheti federal. Mënyra më e mirë për të rikthyer çmimet nën kontroll është t'i japim fund luftës në Iran. Dhe qeveria po bën gjithçka që është e mundur për ta arritur këtë sa më shpejt të jetë e mundur," tha kancelari gjerman.
Mediat shkruajnë se Merz theksoi se ka shprehur vazhdimisht shqetësimet e Berlinit për luftën dhe rreziqet që ajo paraqet për ekonominë globale në bisedat e fundit telefonike me presidentin amerikan Donald Trump.
"Unë po koordinohem ngushtë me kolegët e mi në Bashkimin Evropian, si dhe me Mbretërinë e Bashkuar, Norvegjinë dhe shumë të tjerë", shtoi ai.
Në fund, Merz pranoi se përfundimi i armiqësive kërkon vullnetin e të gjitha palëve, përfshirë Iranin, gjë që sipas tij nuk është e qartë për momentin./Dosja.al
Tregjet globale reaguan pozitivisht ndaj sinjaleve për një ulje të tensioneve në Lindjen e Mesme, pasi Shtetet e Bashkuara i kanë paraqitur Iranit një plan paqeje me 15 pika për t’i dhënë fund konfliktit.
Sipas burimeve të njohura me zhvillimet, plani i është përcjellë Teheranit përmes Pakistanit ditët e fundit, por autoritetet iraniane ende nuk kanë dhënë një përgjigje. Dokumenti përfshin kufizime mbi programin bërthamor të Iranit, aktivitetet raketore dhe mbështetjen për milicitë rajonale.
Presidenti amerikan, Donald Trump, deklaroi se Irani po “flet me arsye” në negociatat që po vazhdojnë përpara afatit të vendosur për një marrëveshje deri të premten. Paralelisht, SHBA planifikon të dërgojë mijëra trupa shtesë në rajon, përfshirë njësi të Divizionit të 82-të Ajror.
Në këtë klimë, çmimi i naftës ra nën 100 dollarë për fuçi, duke u ulur rreth 5% krahasuar me një ditë më parë, ndërsa më herët kishte zbritur deri në 97 dollarë në tregjet aziatike. Edhe çmimet e gazit natyror në Europë ranë me mbi 6%, në rreth 50.5 euro për megavat/orë.
Tregjet financiare reaguan me rritje të gjerë. Indeksi europian Stoxx Europe 600 u rrit me 1.5%, ndërsa në Azi, indekset kryesore shënuan fitime të forta, me Topix në Japoni që u rrit me 2.6%. Edhe obligacionet u rritën, duke reflektuar pritshmëritë për një stabilizim të situatës.
Megjithatë, zhvillimet në terren tregojnë se konflikti mbetet intensiv. Irani vazhdoi sulmet ndaj objektivave në rajon, duke përdorur dronë ndaj infrastrukturës energjetike në Kuvajt, ndërsa Arabia Saudite raportoi rrëzimin e një droni mbi territorin e saj. Izraeli dhe Irani vijojnë shkëmbimin e sulmeve, ndërsa forcat ajrore izraelite goditën objekte të lidhura me prodhimin e raketave detare në Teheran.
Në të njëjtën kohë, Irani ka mohuar zyrtarisht përfshirjen në negociata direkte me SHBA, duke theksuar se nuk do të arrijë marrëveshje me kundërshtarët e tij. Megjithatë, kanale diplomatike indirekte përmes vendeve si Pakistani, Turqia dhe Egjipti duket se janë aktive.
Ndërkohë, kriza energjetike po krijon mundësi për prodhuesit alternativë. Kanadaja dhe Norvegjia po përpiqen të rrisin prodhimin dhe eksportet e naftës dhe gazit për të furnizuar Europën dhe Azinë. Zyrtarë kanadezë paralajmërojnë se bota po përballet me një nga ndërprerjet më të mëdha të furnizimeve energjetike në histori.
Nga ana tjetër, dëmtimet në infrastrukturën e gazit në Katar pritet të kenë ndikim afatgjatë, duke kufizuar ofertën globale dhe duke ushtruar presion mbi çmimet. Sipas Goldman Sachs, humbjet në prodhimin e gazit janë më të vështira për t’u kompensuar sesa ato të naftës, për shkak të mungesës së kapaciteteve rezervë dhe fleksibilitetit në treg.
Në këtë sfond, tregjet po lëvizin mes optimizmit për një zgjidhje diplomatike dhe pasigurisë për një përshkallëzim të mëtejshëm, ndërsa zhvillimet e ditëve në vijim pritet të jenë vendimtare për drejtimin e konfliktit dhe ndikimin e tij në ekonominë globale. / FT
IRAN- Numri i të vdekurve që nga fillimi i luftës në Lindjen e Mesme ka tejkaluar shifren 4,500, me Iranin që pëson humbjet më të mëdha. Sipas mediave të huaja, organizata për të drejtat e njeriut me seli në SHBA, HRANA, vlerëson se numri i të vdekurve në Iran është 3,291, nga të cilët 1,455 janë civilë.
Në Liban, ku Izraeli po kryen sulme kundër Hezbollahut, Ministria libaneze e Shëndetësisë raporton se të paktën 1,094 persona janë vrarë dhe 3,119 të tjerë janë plagosur që nga fillimi i ofensivës së zgjeruar izraelite më 2 mars. Rapotohet se vetëm sot të paktën 22 persona humbën jetën dhe 153 të tjerë u plagosën.
Në Irak, autoritetet thonë se të paktën 81 persona janë vrarë, shumica e të cilëve anëtarë të Hashed al-Shaabi (Forcat Popullore të Mobilizimit - PMF), të lidhur me Iranin. Izraeli ka njoftuar 18 vdekje, kryesisht nga sulmet me raketa, ndërsa ushtria izraelite konfirmoi vdekjen e dy ushtarëve në Libanin jugor.
Shtetet e Bashkuara kanë humbur 13 ushtarakë, përfshirë gjashtë që u vranë në një përplasje aeroplani që po furnizohej me karburant mbi Irak. Sipas Ministrisë së Mbrojtjes së vendit, shtatë persona vdiqën në Katar kur një helikopter u prish gjatë një misioni rutinë.
Ministria e Mbrojtjes e Emirateve të Bashkuara Arabe konfirmoi nëntë vdekje, përfshirë tre anëtarë të forcave të armatosura dhe gjashtë civilë. Gjashtë të vdekur janë raportuar në Kuvajt, përfshirë dy oficerë të ministrisë së brendshme dhe dy ushtarë. Në të njëjtën kohë, thuhet se sulmet vranë katër persona në Siri, katër në Bregun Perëndimor dhe nga dy në Bahrein, Oman dhe Arabinë Saudite./Dosja.al
SHBA- Fund i luftës apo trupa tokësore? Njoftimet janë kontradiktore: Sipas raportimeve të medias, SHBA-të i kanë dërguar Iranit një plan me 15 pika për t'i dhënë fund luftës. Ishte gazeta amerikane The New York Times që njoftoi, duke cituar dy burime të brendshme, dhe transmetuesi izraelit Channel 12, i cili citoi tre individë të paidentifikuar.
Nga ana tjetër, sipas gazetës Washington Post, Departamenti Amerikan i Mbrojtjes me gjasë ka urdhëruar vendosjen e afërsisht 3,000 ushtarëve nga Divizioni i 82-të Ajror në Lindjen e Mesme. New York Times raportoi një shifër prej rreth 2,000 ushtarësh. Këto forca speciale amerikane janë të afta të hidhen me parashutë në territorin armik dhe potencialisht mund të shërbejnë si maja e një operacioni tokësor.
Lidhur me propozimin për fundin e luftës nga SHBA: sipas njoftimit të Channel 12 kërkohet mbyllje e objekteve bërthamore të Natanzit, Isfahanit dhe Fordovit. Gjithashtu kërkohet që të garantohet lundrimi i lirë në Ngushticën e Hormuzit dhe se nuk mund të bëhet pasurimi i uraniumit në tokën iraniane. SHBA-të thuhet se po propozojnë një armëpushim njëmujor për të diskutuar planin. Presidenti i SHBA-së, Donald Trump, kishte deklaruar më parë se ata po flisnin me "njerëzit e duhur" në Iran.
Mohim nga Irani
Të mërkurën në mëngjes njoftohet, se një zëdhënës ushtarak iranian u shpreh me ironi mbi përpjekjet e SHBA-së për të ndërmjetësuar një armëpushim, duke deklaruar se amerikanët thjesht po negociojnë me veten e tyre. Ebrahim Solfaghari, zëdhënës i selisë Khatam al-Anbiya, që merr komandën e Shtabit të Përgjithshëm gjatë kohës së luftës, i bëri këto komente në një video të regjistruar paraprakisht të transmetuar në televizionin shtetëror.
"A janë përshkallëzuar konfliktet tuaja të brendshme deri në atë pikë sa po negocioni me veten tuaj?" pyeti ai me sarkazëm. Komentet e Solfaghari erdhën menjëherë pasi administrata Trump, nëpërmjet Pakistanit, thuhet se i dërgoi Iranit një plan armëpushimi prej 15 pikash, sipas burimeve të AP. "Fjala jonë e parë dhe e fundit ka qenë e njëjtë që nga fillimi dhe do të mbetet e tillë: Askush nga ne nuk do të bjerë dakord me dikë si ju", tha Solfaghari. "Jo tani, kurrë."
Shpresat për një armëpushim të mundshëm në Lindjen e Mesme lehtësuan disi shqetësimet e furnizimit midis investitorëve në tregun e naftës. Çmimet ranë përkohësisht./DW
SHBA- Presidenti Donald Trump ka thënë se Shtetet e Bashkuara po bisedojnë me njerëzit e duhur në Iran lidhur me një marrëveshje për t’i dhënë fund luftës, ndërkohë që Teherani kreu sulme ndaj Izraelit dhe Kuvajtit dhe mediat amerikane raportuan se mijëra trupa shtesë mund të dërgohen në rajon.
Gazeta amerikane New York Times dhe televizioni izraelit Channel 12 raportuan se SHBA-ja ia ka dërguar Iranit një plan paqeje me 15 pika. Ato cituan zyrtarë të paidentifikuar, ndërsa as administrata Trump e as Teherani nuk e kanë komentuar deri tani këtë plan.
Trumpi i bëri këto komente të martën vonë, një ditë pasi kishte thënë se ishin zhvilluar bisedime shumë të mira dhe frytdhënëse, pavarësisht se figura të larta iraniane e kanë mohuar se Teherani është në bisedime me Uashingtonin.
“Ne, në fakt, po flasim me njerëzit e duhur dhe ata duan shumë të bëjnë marrëveshje. Nuk ia keni idenë sa shumë duan të bëjnë marrëveshje. Ne jemi në bisedime tani,” tha Trump të martën në Shtëpinë e Bardhë.
Për herë të dytë brenda dy ditësh, ai tha se Irani është pajtuar se nuk do të zhvillojë kurrë armë bërthamore. Programi bërthamor i Iranit, për të cilin Teherani këmbëngul se është thjesht paqësor, është në qendër të tensioneve ndërkombëtare lidhur me këtë vend të Lindjes së Mesme.
Trump tha se i dërguari amerikan, Steve Witkoff, dhe Jared Kushner, janë të përfshirë në bisedime, së bashku me nënpresidentin JD Vance dhe sekretarin e shtetit Marco Rubio. Ai nuk dha afat kohor për ndonjë takim apo telefonatë. Trump nuk përmendi e as nuk zbuloi ndonjë zyrtar me të cilin Shtetet e Bashkuara po bisedojnë.
Ai tha se “po merremi me një grup të ri njerëzish” pas vrasjes së liderit të kamotshëm suprem, Ali Khamenei, dhe shumë zyrtarëve të tjerë të lartë iranianë. Trump tha se ky grup i kishte dhënë SHBA-së një “dhuratë shumë të madhe” që “mbërriti sot” dhe që lidhej me naftën dhe gazin. Ai nuk sqaroi se çfarë ishte, por sugjeroi se kishte lidhje me Ngushticën e Hormuzit, rrugën e rëndësishme detare për dërgesat e naftës dhe gazit nga Gjiri Persik drejt tregjeve globale.
New York Times, duke cituar dy zyrtarë të paidentifikuar, tha se është “e paqartë se sa gjerësisht është shpërndarë ndër zyrtarët iranianë” plani me 15 pika për zgjidhjen e konfliktit, i cili u dorëzua përmes Pakistanit.
Channel 12, që citoi tre burime, tha se SHBA-ja po kërkonte armëpushim njëmujor për ta diskutuar planin, i cili, ndër të tjera, përfshinte mbajtjen e Ngushticës së Hormuzit të hapur, çmontimin e programit bërthamor të Iranit, përfundimin e mbështetjes së tij për grupet e jashtme dhe heqjen e të gjitha sanksioneve ndaj Teheranit.
Shtyrja e afatit për Ngushticën e Hormuzit
Pavarësisht se Irani po i vazhdon sulmet ndaj Izraelit, vendeve të Gjirit Persik dhe shënjestrave amerikane në rajon, dhe njëkohësisht po e mban të bllokuar Ngushticën e Hormuzit, Trump tha se “kjo luftë është fituar” dhe se Irani është “plotësisht i mundur.”
Të hënën, Trump tha në një postim se Shtetet e Bashkuara dhe Irani kishin zhvilluar bisedime “shumë të mira dhe frytdhënëse” për t’i “zgjidhur plotësisht armiqësitë në Lindjen e Mesme”. Ai tha se po shtynte me pesë ditë një afat që i kishte vendosur Iranit për të hapur Ngushticën e Hormuzit, ose përndryshe SHBA-ja do t’i shkatërronte centrale e tij energjetike.
Kryetari i Parlamentit të Iranit dhe zyrtarë të tjerë e kanë mohuar se ishin zhvilluar bisedime me SHBA-në, por raportet e mediave amerikane sugjeruan se kishte pasur të paktën kontakte fillestare mes palëve përmes ndërmjetësve.
Pas raportimeve se negociatat mund të zhvilloheshin në Pakistan këtë javë, kryeministri Shehbaz Sharif tha në një postim në rrjetet sociale të martën se vendi i tij “është i gatshëm dhe i nderuar të jetë mikpritës për të lehtësuar bisedime kuptimplota dhe përfundimtare për një zgjidhje gjithëpërfshirëse të konfliktit”.
Por lufta, e cila filloi me sulmet ajrore të SHBA-së dhe Izraelit ndaj Iranit më 28 shkurt, po vazhdon me pak shenja se do të ndalet. Mediat amerikane, duke cituar zyrtarë të paidentifikuar, raportuan se SHBA-ja po planifikon të dërgojë mijëra ushtarë nga Divizioni elitë i 82-të Ajror në Lindjen e Mesme.
Wall Street Journal raportoi se Pentagoni po planifikon të dërgojë një njësi luftarake prej rreth 3.000 ushtarësh nga ky divizion në rajon. Ushtarët e kësaj njësie “stërviten për të zbarkuar me parashutë në territore armiqësore ose të kontestuara për të siguruar aeroporte dhe zona tokësore”, tha gazeta.
Irani kreu sulme ndaj Kuvajtit dhe Izraelit të martën, ku zyrtarët thanë se të paktën gjashtë njerëz u plagosën në Tel Aviv nga mbetjet që ranë pasi raketat dhe dronët iranianë u rrëzuan në ajër.
Përparimi diplomatik, i paqartë
Ndërkohë, Financial Times raportoi se Irani u ka thënë shteteve anëtare të Organizatës Ndërkombëtare Detare se anijet joarmiqësore mund të kalojnë nëpër Ngushticën e Hormuzit nëse koordinohen me autoritetet iraniane.
Financial Times citoi një letër nga Ministria e Jashtme e Iranit, e cila ishte shpërndarë ndër anëtarët e IMO-së dhe që deklaronte se anijet e lidhura me SHBA-në, Izraelin dhe “pjesëmarrës të tjerë në agresion… nuk kualifikohen për kalim të pafajshëm ose joarmiqësor”.
Letra thoshte se Teherani kishte marrë masa të nevojshme dhe proporcionale për të parandaluar agresorët dhe mbështetësit e tyre nga shfrytëzimi i Ngushticës së Hormuzit për të avancuar operacione armiqësore kundër Iranit, sipas Financial Times.
Kenneth Pollack, ish-analist i Shtëpisë së Bardhë dhe CIA-s, tani në Institutin për Lindjen e Mesme (MEI), tha se ka pak prova që mbështesin pretendimet për përparim të afërt diplomatik, pavarësisht përpjekjeve të disa vendeve për të ndërmjetësuar bisedime.
“Siç e kuptoj unë, iranianët janë përgjigjur me kushte shumë të forta paraprake: që SHBA-ja të paguajë dëmshpërblime dhe t’i tërheqë të gjitha forcat nga rajoni, gjëra që janë të papranueshme për Trumpin”, tha Pollack për Radion Evropa e Lirë në Uashington më 23 mars.
Shpërthimi i konfliktit ka bërë që çmimet e naftës të rriten ndjeshëm, veçanërisht meqë transporti është ndalur pothuajse plotësisht në Ngushticën e Hormuzit, pikën kyç për transportin detar nëpër të cilën kalon rreth një të pestën e naftës dhe gazit botëror.
Konflikti ka tronditur tregjet e energjisë dhe ato financiare, ka rritur kostot e karburantit, ka nxitur frikë për inflacion global dhe ka destabilizuar Lindjen e Mesme dhe Perëndimin, duke shtuar shqetësimet se luftimet mund të përhapen dhe ta përfshijnë të gjithë rajonin.
Kërcënimi për sulme ndaj rrjeteve elektrike në Gjirin Persik ka ngjallur frikë për ndërprerje masive të desalinizimit të ujit të pijshëm dhe ka tronditur më tej tregjet e naftës.
Komentet e Trumpit për bisedimet ndihmuan që çmimi i naftës Brent të bjerë rreth 10 për qind të hënën, megjithëse sulmet në gjithë Lindjen e Mesme të martën e rritën sërish atë me rreth 3 për qind, në më shumë se 102.84 dollarë për fuçi./REL
IRAN- Irani ka shpërndarë një letër te vendet anëtare të Organizatës Ndërkombëtare Detare, ku thuhet se “anijet jo-armiqësore” mund të kalojnë nëpër Ngushticën e Hormuzit në koordinim me autoritetet iraniane. Në një deklaratë, Irani tha tha se anijet mund të përfitojnë nga "kalimi i sigurt" përmes rrugës ujore, me kusht që ato as të mos marrin pjesë dhe as të mos mbështesin akte agresioni kundër Iranit.
Teherani nuk dha detaje në deklaratat se cilat rregullore duhet të ndjekin anijet për të lundruar në mënyrë të sigurt në ngushticë, përmes së cilës zakonisht kalojnë tranzit rreth një e pesta e furnizimeve globale me naftë dhe gaz natyror të lëngshëm.
Deklarata e Iranit erdhi ndërsa Presidenti i Shteteve të Bashkuara, Donald Trump, tha se negociatat ishin duke u zhvilluar për t'i dhënë fund luftës SHBA-Izrael kundër Iranit, pavarësisht mohimeve të mëparshme të Teheranit se palët ishin në bisedime.
Ndërsa një numër i vogël anijesh kalojnë nëpër ngushticë çdo ditë, trafiku mbetet në një pjesë të niveleve të vërejtura përpara se SHBA-të dhe Izraeli të nisnin luftën e tyre kundër Iranit më 28 shkurt. Pesë anije u gjurmuan duke kaluar nëpër rrugën ujore nëpërmjet sistemeve të tyre automatike të identifikimit të hënën, një rënie nga një mesatare prej 120 tranzitesh ditore para konfliktit, sipas firmës së inteligjencës detare Windward.
Kolapsi i transportit detar në ngushticë ka shkaktuar një rritje të çmimeve globale të energjisë, me disa analistë që parashikojnë se nafta mund të rritet në 150 ose edhe 200 dollarë për fuçi nëse rruga ujore mbetet praktikisht e mbyllur.
Pasi qëndroi mbi 100 dollarë për fuçi për pjesën më të madhe të marsit, nafta e papërpunuar Brent, standardi ndërkombëtar i naftës, ra më shumë se 9 përqind të mërkurën pasi The New York Times, agjencia e lajmeve Reuters dhe Channel 12 i Izraelit raportuan se administrata Trump i kishte dërguar Iranit një plan me 15 pika për t'i dhënë fund luftës./Dosja.al
IRAN- Një zëdhënës i selisë qendrore ushtarake të Iranit iu është përgjigjur deklaratave të fundit të Trump në lidhje me negociatat. Siç raportohet nga agjencia e lajmeve Fars, nënkoloneli Ebrahim Zolfaghari iu drejtua SHBA-së duke i thënë se siç duke ata po negociojnë me veten e tyre.
"A kanë arritur konfliktet tuaja të brendshme në pikën ku po negocioni me veten tuaj? Mos e quani dështimin tuaj një marrëveshje, tha ai.
Sipas Fars, Zolfaghari tha se nuk do të ketë kthim në çmimet e mëparshme të naftës ose një kthim në rendin e mëparshëm të gjërave derisa të merret një vendim nga vetë ata.
"Kjo do të ndodhë kur mendimi për të ndërmarrë veprime kundër kombit iranian të eliminohet plotësisht nga mendjet tuaja të ndyra. Fjalët tona të para dhe të fundit që nga dita e parë ishin, janë dhe do të jenë: Askush si ne nuk do të shkojë mirë me dikë si ju. Jo tani, jo kurrë," tha ai.
Ndërkohë, Garda Revolucionare njoftoi të mërkurën në mëngjes se kishte nisur sulme të reja me raketa kundër Izraelit, Kuvajtit, Bahreinit dhe Jordanisë.
Garda shënjestroi vende në Izraelin verior dhe qendror, duke përfshirë Tel Avivin, dy baza ushtarake të përdorura nga SHBA-të në Kuvajt dhe dy të tjera, njëra në Bahrein dhe tjetra në Jordani, me raketa të drejtuara me precizion që përdorin lëndë djegëse të lëngshme dhe të ngurta, si dhe dronë vetëvrasës./Dosja.al
