E rëndë në Maliq/ Vritet polici gjatë operacionit për kapjen e një personi në kërkim, plagoset dhe një tjetër (EMRAT)
Ngjarja në Maliq/ Zbardhen edhe identitetet e efektivëve 4 Qershor, 08:49 E rëndë në Maliq/ Vritet p...
Ngjarja në Maliq/ Zbardhen edhe identitetet e efektivëve 4 Qershor, 08:49 E rëndë në Maliq/ Vritet p...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
“Ka forca në Shqipëri dhe jashtë që janë kundër”/ Rama: Të rreshtohesh me PS, do të thot&eum...
• Konferenca e katërt ndërqeveritare mes Bashkimit Europian-Shqipëri, ku u hap grupkapitulli i negociatave, "Tregu i Brendshëm" është zhvilluar sot në Luksemburg. • Ndërkohë u zhvillua edhe konferenca e përbashkët për shtyp me Radosław Sikorski, Ministër i Punëve të Jashtme të Polonisë (e cila mban Presidencën e Këshillit të BE), Marta Kos, Komisionerja për Zgjerim e BE dhe kryeministrin Edi Rama. • Gjatë fjalës së tij, Radoslaw Sikorski, ministri Jashtëm i Polonisë, u shpreh se në situatën e përgjithshme aktuale zgjerimi mbetet në prioritetet kryesore. • Ai tha se mirëpritja e anëtarëve të rinj është investim gjeostrategjik në paqe dhe siguri. • Ministri i vendit që mban edhe presidencën e Këshillit të BE tha se kapitujt e hapur sot janë jetikë për integrimin ekonomik të Shqipërisë në tregun e brendshëm të BE. • I radhës që mbajti fjalën e tij ishte kryeministri Rama, ku tha se shpreson që brenda vitit 2027 të gjithë grupkapitujt të jenë çelur. • Rama shtoi se ndodhen sot aty për të konfirmuar vendosmërinë në arritjen e këtij objektivi. • Ai e ka cilësuar si ekzistencial për Shqipërinë, anëtarësimin në BE, ndërsa shtoi se liria dhe barazia para ligjit nuk mund të garantohet askund përveç se në BE. • Komisionerja për Zgjerimin, Marta Kos gjatë fjalës së saj theksoi se dëshiron që të hapen këtë vit të gjithë grupkapituj dhe Shqipëria të arrijë t'i mbyllë nga viti i ardhshëm. • Kos theksoi se në mënyrë që Shqipëria të anëtarësohet brenda vitit 2030 duhen që të vazhdojë reforma në drejtësi, pavarësia e gjyqësorit, lufta kundër korrupsionit dhe liria e shprehjes. • Kos shtoi më tej se nëse Shqipëria i kryen "detyrat" në kohë do të jetë avokatja e saj më e mirë në BE. • I pyetur nëse ka një datë konkrete për çeljen e një tjetër grupkapitulli, Rama tha se plani është që negociatat të përmbyllen në vitin 2027, ndërsa shtoi se ka ende shumë punë për tu bërë. • Ai shtoi se kanë mësuar që me Bashkimin Europian nuk duhet kërkuar asnjëherë datë por duhet të jesh gati gjithmonë për datën që ata japin.
7 artikuj për këtë temë.
LUKSEMBURG- Kryeministri Edi Rama gjatë fjalës së saj në konferencën e përbashkët për media u pyet nga gazetarët edhe për takimin e presidentit të Këshillit Evropian Antonio Costa. Rama u takua sot në Bruksel me Costa-n para se të udhëtojë për në Luksemburg për konferencën.
Kryeministri u shpreh se në fokus të këtij takimi ishte samiti i ardhshëm i Komunitetit Politik Evropian më 16 maj në Tiranë si edhe situata në rajon. Ai e cilësoi fantastike bisedën me presidentin e KE-së teksa theksoi se Costa është i përkushtuar ndaj Ballkanit Perëndimor.
Ai bëri batuta me gazetaren që bëri pyetjen e cila u shpreh në fillim se e kishte më të lehtë t’ia bënte pyetjen në frëngjisht.
"Mos më pyet me Chat GPT belge. E kuptoj pyetjen. Me Presidentin e Këshillit Evropian patëm një diskutim të gjerë për përparimin që po bëjmë në këtë rrugëtim, për samitin e ardhshëm të Komunitetit Politik Evropian më 16 maj në Tiranë, ku po e presim me padurim këtë takim të madh në historinë tonë.
Bëmë një bisedë rreth situatës në rajon. Ishte një bisedë e shkëlqyer sepse Presidenti është një person shumë i njohur dhe i përkushtuar ndaj Ballkanit Perëndimor. Ishte shumë mirë, por dua të theksoj edhe njëherë: ritmi i hapjes së grupkapitujve dhe kapitujve i takon Komisionit. Por ne duhet të sigurohemi që zonja në këtë sallë të jetë gjithmonë e lumtur me ne.
Po, ne po presim me padurim të bëhemi pjesë e kësaj Perandorie. Sepse kemi qenë pjesë e disa perandorive, dhe kjo është perandoria në të cilën duhet të jemi dhe ne jemi shumë besnikë ndaj perandorive," tha Rama.
LUKSEMBURG- Në konferencën e përbashkët për media, kryeministri Edi Rama i është përgjigjur pyetjes së gazetarëve nëse ka një datë konkrete për çeljen e një tjetër grupkapitulli.
Rama tha se plani është që negociatat të përmbyllen në vitin 2027, ndërsa shtoi se ka ende shumë punë për tu bërë. Ai tha se kanë mësuar që me Bashkimin Europian nuk duhet kërkuar asnjëherë datë por duhet të jesh gati gjithmonë për datën që ata japin.
"Dua të shtoj ne kemi besim të plotë se presidenca polake do vijojë të shtyjë gjërat përpara duke marrë në konsideratë atë çfarë përmendi Marta. Plani është të përmbyllim negociatat në 2027, ndaj na duhet të punojmë pa reshtur ndaj na duhet të kemi më shumë punë për të bërë. Të gjithë anëtarët e ekipit të Shqipërisë që janë të lidhur me grup kapitullin II janë këtu, dua ti falenderoj të gjithë, po punojnë shumë dhe po japin rezultate. E kemi mësuar në kurriz që me BE mos kërko kurrë asnjë datë, por duhet të jesh gjithmonë gati për datën, sepse në jemi këtu shumë vonë.", tha Rama.
LUKSEMBURG- Komisionerja për Zgjerimin në Bashkimin Evropian, Marta Kos teksa po fliste për objektivat e Shqipërisë për tu anëtarësuar në BE brenda 2030 u shpreh se duhet të ndërmerren disa hapa. Kos theksoi që objektivi të arrihet me sukses duhen që të vazhdojë reforma në drejtësi, pavarësia e gjyqësorit, lufta kundër korrupsionit dhe liria e shprehjes.
Ajo më tej tha se shqiptarët janë proevropianë. Teksa foli me shifra Kos u shpreh se 95% e shqiptarët janë proevropianë teksa theksoi se kjo është përqindja më lartë krahasuar me vendet e tjera. Ajo shtoi se nesë vendi ynë i kryen "detyrat" në kohë do të jëtë avokatja jonë më e mirë në BE.
"Për anëtarimin e plotë brenda 2030, angazhimet politike duhet të vazhdojnë në reformën në drejtësi, pavarësia e gjyqësorit, lufta kundër korrupsionit dhe liria e shprehjes. Më shumë se 95% e popullit shqiptar janë proeuropian, përqindja më e lartë dhe në vendet e tjera. Nëse Shqipëria vazhdon mbushjen e reformave, unë do të jem avokatja juaj më e mirë në BE. Nuk ka dyshim se e ardhmja e Shqipërisë është në BE. Mund edhe ti tregoni rajonit të BP se me punë dhe vendosmëri kjo mund të realizohet," tha Kos.
LUKSEMBURG- Komisionerja për Zgjerimin në Bashkimin Evropian, Marta Kos gjatë fjalës së saj në konferencën e përbashkët për media u shpreh se ky takim është një arritje.
Kos më tej tha që të arrihen qëllimet e përcaktuara duhe të jenë motivues. Ajo theksoi se dëshiron që të hapën këtë vit të gjithë grupkapituj dhe vendi ynë të arrijë ti mbyllë nga viti i ardhshëm.
"Faleminderit i dashur ministër për mbështetjen që të zhvillonim konferencën ndërqeveritare nën presidencën tuaj. Është arritja e shumënënpunësve që punojnë cdo ditë për procesin e zhvillimit. Në mënyrë që të arrijme rezultate duhet të jemi dhe motivues. Shpresojmë të jetë i pari i shumë kremtimeve këtë vit. Do donim të çelim të gjithë kapitujt këtë vit dhe nga viti tjetër ti mbyllim. Ta shohim çeljen e grup kapitullit sot të tregut të brendshem, si perspektive shumë të rëndësishme," tha Kos.
LUKSEMBURG- Kryeministri Edi Rama gjatë fjalës së tij në konferencën e përbashkët për media me Komisioneren Europiane, Marta Kos dhe ministrin e Jashtëm polak, Radislaw Sikorski, e ka cilësuar si ekzistencial për Shqipërinë, anëtarësimin në Bashkimin Europian. Rama tha se liria dhe barazia para ligjit nuk mund të garantohet askund përveç se në BE. Ai u shpreh se është realizuar diçka që nuk do të harrohet kurrë.
"Për Shqipërinë anëtarësimi në BE është më tepër se një ambicie politike është një zgjidhje ekzistenciale jete. Liria dhe barazia para ligjit nuk mund të garantohet askund përvec se ne BE. Edhe njëherë faleminderit shumë. Keni realizuar dicka që nuk do ta harrojmë kurrë. Faleminderit Marta që na besove edhe na ke shtyrë pa hezitim për të ecur përpara.", u shpreh kryeministri.
LUKSEMBURG- Kryeministri Edi Rama ka mbajtur fjalën e tij në konferencën e përbashkët për mediat me Komisioneren për Zgjerimin, Marta Kos dhe Radosław Sikorsi, Ministër i Punëve të Jashtme i Polonisë. Rama tha se së bashku me Komisionin Europian dhe Komisioneren për Zgjerimin, Marta Kos janë dakordësuar për një axhendë ambicioze të procesit të integrimit. Ai u shpreh se shpreson që brenda vitit 2027 të gjithë grupkapitujt të jenë çelur. Rama shtoi se ndodhen sot aty për të konfirmuar vendosmërinë në arritjen e këtij objektivi.
"Më lejo të bashkohem me ju për miqtë tanë ukrainas, mbështes cdo fjalë që në mënyrë elokuente thatë për atë cfarë ka ndodhur jo fort larg prej këtej në tokën europiane si një krim luftë. 6 muaj më parë qëndroja këtu në këtë sallë pasi ne hapëm bisedimet për grup kapitallin një, më pas u kthyem dhe sot jemi prap këtu për të ecur për grup kapitullin 2. Fjalë mirënjohëse për presidencën polake, jemi po kaq mirënjohës ndaj shteteve të BE për të realizuar këtë gjë. Duket vërtet dicka habitëse për ne, duke patur parasysh prej nga vijmë, nga çfarë betejash.
Falenderimet e sinqerta shkojnë për Komisionin Europian dhe komisioneren Marta Kos, që sic e kam thënë dikur thyente rekorde dhe u bë kampione e vendit të saj, tashmë është bërë kronometër i vendeve tona, që sigurohet që cdo lëvizje të na cojë përpara. Më lejoni të theksoj që së bashku me komisionin dhe udhëheqjen e Martës kemi rënë dakord për një axhendë mjaft ambicioneze. Presim me padurim që brenda vitit 2027 të gjithë grupkapitujt të jenë çelur. Jemi këtu për të rikonfirmuar vendosmërinë tonë për të arritur këtë objektiv.", tha Rama.
LUKSEMBURG- Konferenca e katërt ndërqeveritare mes Bashkimit Europian- Shqipëri, ku u hap grupkapitulli i negociatave, “Tregu i Brendshëm” është zhvilluar sot në Luksemburg. Gjatë fjalës së tij në konferencën e përbashkët për mediat me kryeministrin Edi Rama dhe Komisioneren për Zgjerimin të BE, Radoslaw Sikorski, ministri Jashtëm i Polonisë, u shpreh se në situatën e përgjithshme aktuale zgjerimi mbetet në prioritetet kryesore .
Ai tha se mirëpritja e anëtarëve të rinj është investim gjeostrategjik në paqe dhe siguri. Ministri i vendit që mban edhe presidencën e Këshillit të BE tha se kapitujt e hapur sot janë jetikë për integrimin ekonomik të Shqipërisë në tregun e brendshëm të BE.
"Kur Putin kërkon paqe, kërkon që Ukraina të kapitullojë. Në situatën e përgjithshme aktuale, zgjerimi mbetetet pararojë. Tashmë mirëpritja e anëtarëve të rinj është investim gjeostrategjik në paqe dhe siguri. E mbyllëm 2024 me vizitën Shqipëri. Në fillim të 2025 prita Marta Kos dhe zgjerimi ishte në qender të bisedimeve. Kapitujt e hapur sot me Shqipërinë janë jetike për integrimin ekonomik të saj në tregun e brendshëm të BE. Do ta bëjnë Shqipërinë më tërheqëse për investime.", u shpreh ai.
