Dosja e Erion Veliajt/ Avokati Ndreca nuk u paraqit, gjobitet me 50 mijë lekë! Shtyhet seanca 21 Korrik, 10:54 Dosja...
“Nuk shiten malet, është mundësi për pronarët dhe emigrantët” Rama: Paketa e Maleve, nuk anulohet 21 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
• Ndërtesa më e lartë në Ballkan pritet t’i shtohet Tiranës pas Teatrit të Operës dhe Baletit, e parashikuar të përfundojë pas 7 viteve punë, projekt i cili po kundërshtohet nga lëvizja Bashkë me në krye Arlind Qorin. • Lëvizja Bashkë dhe qytetarë të ndryshëm kanë zhvilluar një protestë në qendër të Tiranës, në mbrojtje të parkut pas TKOB dhe kundër ngritjes së një ndërtese 58 kate. •Parku është rrethuar dhe pritet të kthehet në një kantier ndërtimi.•Protestuesit përsëritën thirrjen “Larg duart nga parku”.
3 artikuj për këtë temë.
“Tirana s’ka më parqe, s'ka më pemë”. Ishte kjo thirrja e vazhdueshme e protestuesve nga Lëvizja Bashkë, të cilët kanë protestuar për të mbrojtur parkun mes pallateve 9-Katëshe dhe Teatrit të Operës dhe Baletit. Në momentin kur kanë tentuar që të heqin rrethimin tek lulishtja, menjëherë ka ndërhyrë policia.
Parku është rrethuar dhe pritet të kthehet në një kantier ndërtimi.
“Këta ulërasin do të bëjmë Dubain, por Dubai ngrihet mbi asgjë. Hiqni dorë, mos ju bindni një njeriu pa dinjitet. Çdo pallat që ngrihet në Tiranë është një vrasje”, u shpreh një protestues.
Pedagogu Ervin Goci, pjesë e kësaj proteste, u shpreh se ky sistem nuk do të ndalojë deri sa të ndëtojë në çdo cep të vendit.
“Kjo kauzë dhe shumë kauza të tjera ndërtimi në Tiranë, nuk ka asnjë dallim nga inceneratori. Skema e inceneratorëve ndoshta është më e shpejtë, por skema të tilla janë grabitje. Toka këtu është pasuri publike, siç mbrohen taksat, duhet mbrojtur edhe prona”, tha ai.
TIRANE- Lëvizja Bashkë protestoi sot, për të mbrojtur parkun mes pallateve 9-Katëshe dhe Teatrit të Operës dhe Baletit. Parku është rrethuar dhe pritet që të kthehet në kantier ndërtimi, për një kullë tjetër në atë zonë. Kryetari i Lëvizjes Bashkë, Arlind Qori, tha mes të pranishmëve se kullat janë për të pastruar paratë e drogës e korrupsionit.
“Tirana është një nga më të varfërat në Ballkan. Këto hotele të pafundme nuk do ti shërbejnë konsumatorëve, se Tirana është një qytet i varfër. Këto kulla kanë një funksion; të pastrojnë paratë e drogës, paratë e korrupsionit, këto kulla jo vetëm po shkatërrojnë qytetarin, por nuk do të kenë asnjë minimum funksionaliteti. Kush blen zyra, apartamente në këtë qytet që po zbrazet? Fatkeqësia e Tiranës ka një qeveri nga hajduta e përbindësha. Ka një sistem të përbërë nga parti të vjetra që përbëjnë nga të njëjtët oligarkë”, tha Arlind Qori.
TIRANË- Lëvizja Bashkë do të organizojë një protestë ditën e sotme për të mbrojtur parkun mes pallateve 9-Katëshe dhe Teatrit të Operës dhe Baletit. Në një njoftim të publikuar në media, thuhet se protestë do të nisë në orën 18:00 te parku pas Teatrit të Operës dhe Baletit. Kjo protestë do të mbahet, pasi ky park është rrethuar dhe pritet që të kthehet në kantier ndërtimi për një kullë tjetër në atë zonë.
Njoftimi i Lëvizjes Bashkë:
LARG DUART NGA PARKU! Tiranës po i zhduket një nga parqet e fundit, ai që shtrihet midis pallateve 9-Katëshe dhe Teatrit të Operës dhe Baletit. Dhuna e betonit nuk ka të ndalur. Pushtetarë të korruptuar dhe oligarkë të pangishëm po na lenë pa një prej hapësirave të fundit publike e të gjelbra që i kanë mbetur qytetit. Po ne, qytetarët e Tiranës, jemi më të fuqishëm se pushteti dhe miliardat e tyre. Ndaj Lëvizja BASHKË u bën thirrje të gjithë qytetarëve që të bashkohemi në një protestë të fuqishme nesër (e diel) në orën 18:00 në vendin e krimit ndaj qytetit. Takohemi te parku ynë!
