Protesta për Zvërnecin/ Protestuesit çajnë kordonin metalik, policia i sulmon me ujë. Tubimi shpërndahet në gjithë Tiranën
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
“Ka forca në Shqipëri dhe jashtë që janë kundër”/ Rama: Të rreshtohesh me PS, do të thot&eum...
"Shqipëria është e shqiptarëve"/ Qytetarët mbushin rrugët e Tiranës, kërkojnë anulimin e pr...
• Kreu i Partisë Demokratike, Sali Berisha gjatë fjalës së tij në konferencë për mediat ka folur në lidhje me të dhënat e publikuara për eksportet në vend. • Berisha shprehet se të dhënat e INSTAT nuk janë të sakta teksa theksoi se kryeministri Rama po mashtron hapur duke përllogaritur si eksporte mallrat që kalojnë transit për në Kosovë. • Ai shtoi se eksportet janë shkaku i miliarda eurove me kontejnerë, me mikrobusa dhe mjete të tjera të karteleve të drogës që hyjnë në Shqipëri. • Berisha tha se 2-3 javët e fundit, ekspertë të qeverisë janë shprehur se ka patur rritje të eksporteve. • Sipas tij kjo nuk është e vërtetë pasi eksportet kanë rënie 7 përqind. • Berisha u shpreh se eksportet në vendin tonë llogaritet ashtu siç kryeministri Edi Rama numëron turistët që kanë vizituar vendin. • Ai u shpreh se Rama regjistron si turistë edhe persona që pinë një kafe në aeroport dhe më pas shkojnë në destinacionet që u garantojnë linjat ajrore. • Sipas tij i njëjti rast ndodh edhe me eksportet pasi sipas tij Rama kërkon të mbulojë me çdo kusht instalimin e narkoekonomisë. • Berisha gjithashtu është ndalur edhe lidhur me detajet e publikuara rreth pensionit për kryeministrin. • Berisha u shpreh se teksa vendi digjej nga zjarret e shumta kryeministri Edi Rama i përcaktoi vetes një pension prej 4 milionë lekë të cilin e cilësoi si pensioni më i lartë në historinë e vendit. • Teksa bëri llogaritë, Berisha u shpreh se Rama do të marrë 48 milionë lekë në vit pension. • Ai tha se ky pension është 30 herë më i madh se mesatarja e pensionit në vend. • Kryedemokrati gjithashtu sot ka publikuar video të cilat sipas tij tregojnë se zgjedhjet e 11 majit ishin një farsë elektorale. • Në dy video e publikuara Berisha shprehet se tregohet qartë sesi disa votues kanë hedhur votën më shumë se një herë në kutitë e votimit. • Njëri rast është në Zall Bastar. • Sipas tij në këtë rast voton një djalë në vend të zonjës. • Por problemi është se zonja voton përsëri dhe djali edhe hedh votën për vete. • Në këtë rast Berisha shprehet se janë hedhur 3 fletë votimi nga dy persona.
5 artikuj për këtë temë.
TIRANË- Kreu i Partisë Demokratike, Sali Berisha gjatë fjalës së tij para gazetarëve ka folur në lidhje me turizmin ndërsa ka theksuar se ka një rënie të cilën e ka cilësuar dramatike. Berisha u shpreh se duhet të dallohet vizitori nga turisti.
Ai u shpreh se një pasagjer që kalon transit nuk është as vizitor, as turist. Berisha akuzoi qeverinë se marrin shifrat e aeroportit të Rinasit dhe i servirin si shifra të rritjes së turizmit. Kryedemokrati teksa po analizonte situatën në vend u shpreh se rënia katastrofike ka qenë në jug të vendit pasi hotelet dhe shtëpitë që jepen më qira kanë qënë bosh.
Ai u shpreh se në veri situata nisi mirë në disa vende turistike të veriut por sipas tij kryeministri Edi Rama vendosi të rrafshonte 100 ndërtime. Sipas tij kjo ka qenë një goditje për turizmin pasi shumë turistë panë një situatë të paknshme.
"Nuk nxjerrim ne shifrat, por ne kemi denoncuar siç ju kujtohet vjet, me forcën më të madhe rënien dramatike të turizmit dhe kemi vazhduar të denoncojmë. Këtë vit ka qenë dhe më e madhe.
Problemi është këtu. Konfuzioni në shifra, vjen nga konfondimi në Shqipëri i pasagjerit me turistin. Në përcaktimin e Organizatës Botërore të Turizmit, edhe vizitori duhet të dallohet nga turisti.
Dhe pasagjeri nuk mund të llogaritet në turizëm. Pasagjeri që kalon transit nuk është as vizitor, as turist. Këta marrin shifrat e aeroportit të Rinasit dhe i servirin si turizëm. Por ky vit ka qenë katastrofë në radhë të parë për jugun e Shqipërisë. Siç është dëshmuar me mijëra, mijëra shtretër hotelesh dhe shtëpish, bosh. Ky vit ka qenë i dobët dhe për Durrësin, zonën nga Durrësi gjer në Spille, e cila ç’është e vërteta me Golem, Qerretin, Karpenin e këto është përgjegjës për 70% të shtretërve të turizmit në Shqipëri.
Dhe ka qenë në nivel qartësisht të ulët. Turizmi filloi mirë në vendet turistike të veriut, ku zakonisht 80-90% e tyre janë të huaj, por aty Edi Rama me një akt barbarie të vërtetë, ndërhyri dhe rrafshoi 100 ndërtime që të gjitha në tokën e të zotëve dhe të gjitha në zonën e lejuar urbane të ndërtimeve.
I dha një goditje. Me mijëra turistë, pasi panë pamjet anuluan porositë që kishin bërë në Theth dhe në zona të tjerë të veriut. Këta do përpiqen, thashë siç përdorën naftën e Kosovës për eksport, se në Porto Romano shkarkohet anija, është port energjetik, me destinacion Kosovën, mundet dhe Serbinë Jugore, nuk mund të them. Por po kështu do ta mbushin numrin me pasagjerët e Rinasit," tha Berisha.
TIRANË- Kreu i Partisë Demokratike, Sali Berisha gjatë fjalës së tij në konferencë për mediat është ndalur edhe te zgjedhje e 11 majit. Berisha që pas zgjedhjeve vijon të publikojë fakte dhe video të cilat sipas tij tregojnë se zgjedhjet ishin një farsë elektorale.
Sot Berisha ka ndarë dy video të cilat tregojnë se disa votues kanë hedhur votën më shumë se një herë në kutitë e votimit. Njëri rast është në Zall Bastar. Sipas tij në këtë rast voton një djalë në vend të zonjës, një ndihmë që u është dhënë shumë të moshuarve për shkak edhe të gjendjes shëndetësore. Por problemi është se zonja voton përsëri dhe djali hedh votën për vete. Në këtë rast Berisha shprehet se janë hedhur 3 fletë votimi nga dy persona.
"Natyrisht të gjitha këto kanë një rezultante: farsën elektorale të 11 Majit. Ndaj dhe unë sot kam zgjedhur për t’iu rikthyer denoncimeve, dy votime në dy qendra votimi tipike, të cilat tregojnë se votimet ishin një farsë.
Ka kjo zonja voton njëherë... prisni tani. Voton edhe njëherë tjetër tani... Prapë përsëri, nuk mjaftoi e para. Tani është një qendër votimi, voton kjo zonja dhe del. Komisioneri shkon pas tyre për arsyet e tij. Shikoni çfarë veprimesh bën patronazhisti në komision. Ka për avokat Altin Troplinin.
Shikoni, për dy minuta sa doli ai, e bëri fletën gati, e lë aty, prit... Dy fletë votimi kjo. Fleta e parë, dy fletë. Ja pra, votim... Farsa elektorale ishte e pakufishme në narkodiktaturën autoritare të Edi Ramës,' tha Berisha.
TIRANË- Kreu i Partisë Demokratike, Sali Berisha gjatë fjalës së tij teksa fliste për eksportet ne vend është ndalur edhe lidhur me detajet e publikuara rreth pensionit për kryeministrin. Berisha u shpreh se teksa vendi digjej nga zjarret e shumta kryeministri Edi Rama i përcaktoi vetes një pension prej 4 milionë lekë të cilin e cilësoi si pensioni më i lartë në historinë e vendit.
Teksa bëri llogaritë, Berisha u shpreh se Rama do të marrë 48 milionë lekë në vit pension. Ai tha se ky pension është 30 herë më i madh se mesatarja e pensionit në vend. Këtë ndryshim, Berisha e ka quajtur si preokuptim veror të narkodiktatorit.
"Por, lajmi i verës, përveç këtij mashtrimi të shëmtuar publik, është fakti se Edi Rama caktoi vetes pensionin më të lartë të të gjitha kohërave në historinë e këtij vendi. Në një kohë kur vendi digjej flakë në të katër anët, ai kujtohej sipas medieve, të përcaktojë për kryeministrin pensionin prej 4 milionë lekë.
Pra, 4 milionë lekë, do të thotë 48 milionë lekë në vit pension Edi Rama për vete. E garantoj se kurrë nuk do e gëzojë sepse pensioni mesatar vjetor sipas INSTAT-it në Shqipëri është gjithsej 1.6 milionë lekë. Edi Rama caktoi për veten e tij një pension 30 e sa herë më të madh se mesataren e pensionit në vendin e tij.
Nuk ka, përveç diktatorëve të rrallë sot, që mund të ndërmarrin një veprim të tillë. Madje edhe presidentit ia caktoi më të ulët atij. 3.5 milionë lekë. Ky ishte preokupimi veror i narkodiktatorit. Pensioni i tij," tha ai.
TIRANË- Kreu i Partisë Demokratike, Sali Berisha gjatë fjalës së tij para gazetarëv ka folur në lidhje me shifrat e eksporteve të cila ai shprehet se janë mashtrime. Berisha u shpreh se eksportet në vendin tonë llogaritet ashtu siç kryeministri Edi Rama numëron turistët që kanë vizituar vendin.
Ai u shpreh se Rama regjistron si turistë edhe persona që pinë një kafe në aeroport dhe më pas shkojnë në destinacionet që u garantojnë linjat ajrore. Sipas tij i njëjti rast ndodh edhe me eksportet pasi sipas tij Rama kërkon të mbulojë me çdo kusht instalimin e narkoekonomisë.Berisha më parë u shpreh se ata quajnë eksporte mallrat transit që nga Durrësi kalojnë në Kosovë, që janë importe të mirëfillta të Kosovës.
"Nuk ka mashtrim më banal, më primitiv. Shkarkon Kosova naftë në Durrës me cisterna për ta transportuar me autobote në Kosovë, ky quhet eksport i Shqipërisë në Kosovë. Ky transit. Identike me skemën e turistëve të Rinasit. Vijnë nga rajoni për të marrë linjat e lira, Easyjet apo Ryanair, dhe këta Edi Rama i regjistron turistë, paçka se ata maksimumi mund të pinë një kafe diku në aeroport apo jashtë tij dhe as nuk flenë dhe as shpenzojnë asgjë, thjesht shkojnë në destinacionet që u garantojnë linjat e lira ajrore.
Shikoni me çfarë zyrtarësh kemi të bëjmë, të shpëlarë nga çdo karakter, qoftë profesional, intelektual, zyrtar, se si mashtrojnë popullin e vet. Se si mashtrojnë botën. Mos harroni se statistikat e INSTAT-it janë statistika që në mirëbesim citohen nga EUROSTAT-i. Me këtë akt, Edi Rama kërkon të mbulojë me çdo kusht instalimin e narkoekonomisë në narkoshtetin e parë dhe të vetëm në Europë.
Narkoekonomia në Shqipëri është zhvillimi më dramatik i narkoshtetit. Është pikërisht narkoekonomia, ajo që ka sjellë rënie progresive të pandalshme në 3 vitet e fundit të prodhimit të përgjithshëm industrial, të prodhimit të përgjithshëm bujqësor dhe në veçanti të eksporteve të vendit. Ekonomia shqiptare bazohet kryekëput në narkondërtimin, i cili është tre herë më i lartë në tregues se sa mesatarja e ndërtimit në BE dhe është me distancë më i larti në Europë.
Pra, të mashtrosh me eksportet, të cilat po t’u zbresësh importet e Kosovës, që Edi Rama me ministrin e tij të financave dhe institutin e tyre, i llogarisin si ri-eksporte të Shqipërisë... Ri-eksporti është kategori krejt tjetër. Ai është transit. Shkarkohet në Porto Romano nafta dhe nga cisternat e Porto Romanos kalon me autobote në Prishtinë. Ky është një akt i paprecedent," tha ai.
TIRANË- Kreu i Partisë Demokratike, Sali Berisha gjatë fjalës së tij në konferencë për mediat ka folur në lidhje me të dhënat e publikuara për eksportet në vend. Berisha shprehet se të dhënat e INSTAT nuk janë të sakta teksa theksoi se kryeministri Rama po mashtron hapur duke përllogaritur si eksporte mallrat që kalojnë transit për në Kosovë.
Ai shtoi se eksportet janë shkaku i miliarda eurove me kontejnerë, me mikrobusa dhe mjete të tjera të karteleve të drogës që hyjnë në Shqipëri. Berisha shtoi se 2-3 javët e fundit, ekspertë të qeverisë janë shprehur se ka patur rritje të eksporteve. Sipas tij kjo nuk është e vërtetë pasi eksportet kanë rënie 7 përqind.
"Mashtrimi publik i institucioneve të narkoshtetit është fytyra e vërtetë e tyre, është tipari më themelor i këtyre institucioneve. Në këtë garë të turpshme, mashtrimi publik përbën krim në ligjet e vendit dhe në ligjet e çdo shteti, është angazhuar me forcën më të madhe Instituti i Statistikave.
INSTAT, dhe jo vetëm ai, i kanë lejuar vetes të mashtrojnë, të gënjejnë, t’u paraqesin shqiptarëve një realitet të kundërt nga ai që është në raport me një sektor jetik të ekonomisë siç janë eksportet.
Eksportet, për shkak të narkoeuros, shkaku madhor dhe më përcaktues është fluksi i miliarda, miliarda eurove me kontejnerë, me mikrobusa, me autobusa dhe mjete të tjera i karteleve të drogës që hyjnë në Shqipëri. Ky fluks ka rrëzuar përtokë euron në Shqipëri. Ky fluks ka zhvlerësuar euron në raportin me vitin 2014, 35 përqind. Ky fluks, ndërmarrjet që punojnë me euro dhe që janë që të gjitha ndërmarrjet e eksportit, i ka goditur në mënyrë fatale.
Shumë, shumë vështirë të ketë një ndërmarrje eksporti, për të mos thënë e pamundur, me një fitim 30 apo 35 përqind. Kjo ka bërë që eksporti të ketë rënie të vazhdueshme. Ka pasur raste nga një vit në vitin tjetër të zbresë në 32 përqind. Kjo zbritje vazhdon. Çfarë akti monstruoz ka bërë Edi Rama me Institutin e tij të Statistikave për të fshehur këtë dramë të madhe të ekonomisë shqiptare, të shkaktuar nga narkoeuro.
Nuk duhet të harrojmë një gjë, eksporti është baras prodhim, baras punësim më shumë se çdo sektor tjetër. Falimentimi i qindra dhe mijëra sipërmarrjeve të eksportit do të thotë humbja e dhjetëra mijëra vendeve të punës. Unë u them ju, se vite më parë, vetëm në industrinë e këpucëve ka pasur nga 80-100 mijë punëtorë. Natyrisht evoluon eksporti. Pra, kjo rënie dramatike ka sjellë shpunësimin dramatik të shqiptarëve dhe largimin nga Shqipëria.
Tani, 2-3 javët e fundit, ekspertë lakej të qeverisë kanë filluar të flasin për rritje të eksporteve. Rritje të ndjeshme të eksporteve, në një kohë kur edhe këtë vit, eksportet kanë rënie 7 përqind. Çfarë është rritja e eksporteve sipas Edi Ramës dhe INSTAT-it të tij? Askush nuk mund ta besojë këtë mashtrim të paskrupullt. Ata quajnë eksporte mallrat transit që nga Durrësi kalojnë në Kosovë, që janë importe të mirëfillta të Kosovës.
Pra, importet e Kosovës, naftë në radhë të parë, por edhe importe të tjera, të cilat shkarkohen në Durrës për t’u transportuar me korridorin rrugor drejt Kosovës, Edi Rama dhe instituti i tij i turpshëm, i shpall ri-eksporte. Në botë, kjo është e para herë që dëgjohet. Domethënë rritet importet në Kosovë, ato shndërrohen në eksporte për Shqipëri," tha Berisha.
