Shuhet ëndrra e Botërorit për Kosovën/ Dardanët mposhten 0-1 nga Turqia në “Fadil Vokrri”

KOSOVË- Kombëtarja e Kosovës është mposhtur në ndeshjen finale të “play-offit” të Botërorit 2026. Dardanët u mposhtën 1-0 në shtëpi nga Turqia, me një gol të shënuar në pjesën e dytë. Ishte Kerem Akturkoglu që shënoi për 1-0, në minutën e 53-të.

Goli erdhi pas një depërtimi nga ana e Kenan Yildizit, nga pasimi i të cilit u krijua goli. Kosova pati rastet e saja gjatë tërë ndeshjes, mirëpo nuk arriti të shënojë gol.

Fisnik Asllani dy herë e testoi portierin turk, Ugurcan Cakir, mirëpo nuk e mposhti. Me këtë humbje, Kosova nuk arrin të kualifikohet në Botëror, me Turqinë që do të luajë verës në këtë turne. Në shtator, Kosova i nis ndeshjet e Ligës së Kombeve./Dosja.al

KOSOVË- Komëbtarja e Turqisë është e para që ka shënuar gol në “Fadil Vokrri”. Turqit kanë shënuar në minutën e 54-të, përmes Kerem Akturkoglut.

Goli erdhi nga një depërtim i Kenan Yildizit nga ana e djathtë e Kosovës./Dosja.al

KOSOVË- Është mbyllur pjesa e parë mes Kosovës dhe Turqisë në “Fadil Vokrri”. Pas 45-minutëshit të parë, finalja e madhe e “play-offit” për kualifikim në Botëror është mbyllur me rezultat të barabartë, pa gola. Dy kombëtaret patën raste të mira shënimi. Kosova pati dy mundësi të mirë me anë të Fisnik Asllanit.

Sulmuesi dardan një herë e goditi shtyllën, pas pritjes fenomenale të Ugurçan Çakir, teksa një tjetër ishte një krosim në zonë, por që i njëjti u prit nga portieri turk, para se të shkonte te Vedat Muriqi. Fituesi i kësaj përballjeje shkon direkt në Botëror, i cili mbahet gjatë verës, në SHBA, Kanada e Meksikë./Dosja.al

PRISHTINË- Ka startuar ndeshja Kosovë- Turqi. Dardanët pas një fushate kualifikuese shumë pozitive dhe pas suksesit në gysmëfinale ndaj Sllovakisë, kërkojnë kualifikimin historik.

Pak më parë janë publikuar edhe formacionet zyrtare, teksa si trajneri Foda, ashtu edhe homologu Montella kanë ndarë mendjen për rreshtimet. Mungesë e rëndësishme, siç dihet te dardanët është ajo e Amir Rrahmanit. Te skuadra turke nuk ia del Demiral, për shkak dëmtimi.

Kosova: Muric; Dellova, Hajrizi, Hajdari; Vojvoda, Hoxha, Rexhbecaj, Muslija, Gallapeni; Asllani, Muriqi;

Turqia: Ugurcan, Kadioglu, Bardakci, Kabak, Celik; Calhanoglu, Yuksek; Yildiz, Guler, Alper; Akturkoglu./Dosja.al

PRISHTINË- Ndeshja Kosovë-Turqi është finalja e vlefshme për fazën “play off” të Botërorit. Ky takim do të luhet në stadiumin “Fadil Vokrri” dhe nis prej orës 20:45. Tensioni nuk mungon në stadiumin “Fadil Vokrri”.

“GazetaDemos” raporton se disa tifozë turq janë arrestuar nga Policia, për shkak të trazirave të shkaktuara. Kosova ëndërron të luajë në Botërorin e parë të saj. Ndërkohë Turqia kërkon të rikthehet në këtë kompeticion pas 24 vitesh mungesë./Dosja.al

PRISHTINË- Kosova do të presë sot në orën 20:45 te stadiumi “Fadil Vokrri” Turqinë për finalen e “play off". Dardanët pas një fushate kualifikuese shumë pozitive dhe pas suksesit në gysmëfinale ndaj Sllovakisë, kërkojnë kualifikimin historik.

Pak më parë janë publikuar edhe formacionet zyrtare, teksa si trajneri Foda, ashtu edhe homologu Montella kanë ndarë mendjen për rreshtimet. Mungesë e rëndësishme, siç dihet te dardanët është ajo e Amir Rrahmanit. Te skuadra turke nuk ia del Demiral, për shkak dëmtimi.

Kosova: Muric; Dellova, Hajrizi, Hajdari; Vojvoda, Hoxha, Rexhbecaj, Muslija, Gallapeni; Asllani, Muriqi;

Turqia: Ugurcan, Kadioglu, Bardakci, Kabak, Celik; Calhanoglu, Yuksek; Yildiz, Guler, Alper; Akturkoglu.

PRISHTINË- Prishtina sot është kthyer në qendrën e shqiptarisë, pasi shqiptarët nga çdo vend i botës kanë udhëtuar për në kryeqytetin e Kosovës, ku dardanët do të sfidojnë Turqinë në finalen e play off të Botërorit.

Ndeshja do të luhet në stadiumin “Fadil Vokrri” dhe qindra shqiptarë janë nisur nga Shqipëria në drejtim të Kosovës, për të mbështetur Dardadët. Edhe pse na ndajnë disa orë nga startimi i ndeshjes, atmosfera në rrugët e Prishtinës është ndezur.

Me flamuj të Kosovës, veshje kombëtare, flamuj kuqezi qytetarët kanë mbushur rrugët, ndërsa urojnë fitoren për ekipin e Kosovës. Ndërkohë në Prishtinë kanë mbërritur edhe tifozët turq për të mbështetur ekipin e tyre./Dosja.al

KOSOVË- Kosova zhvillon sonte ndeshjen jetike ndaj Turqisë, e vlefshme për finalen e play-offit. Shumë tifozë janë nisur nga Shqipëria drejt tokës dardane, në mbështetje të përfaqësueses së Kosovës. Siç shihet në video, nuk mungojnë flamujt kuqezi, ndërsa radha e makinave është e gjatë.

Të gjitha biletat për këtë ndeshje janë shitur menjëherë, ndërsa miliona shqiptarë do ndjekin sfidën nëpërmjet ekraneve të mëdha të vendosura në qytete të ndryshme në Kosovë dhe Shqipëri. Ndeshja Kosovë-Turqi starton në orën 20.45./Dosja.al