Dita e 50-të e revoltës qytetetare/ Shqiptarët vijojnë qëndresën në shesh: Rama në burg, Berisha në burg
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
• Presidenti amerikan Donald Trump dhe presidenti rus Vladimir Putin kanë zhvilluar një bisedë telefonike me qëllim arritjen e një armëpushimi në Ukrainë. • Bisedën telefonike, e cila zgjati 2 orë, Putin e quajti “informative, të hapur dhe shumë të dobishme”. • Tass citon presidentin rus se Rusia është e gatshme të punojë me Kievin për një memorandum mbi një traktat paqeje në të ardhmen. • Po ashtu, Tass raportoi se Trump tha se Rusia është për një zgjidhje paqësore të konfliktit, megjithëse Moska e nisi njëanshëm pushtimin dhe dërgoi vetëm një delegacion të ulët politikësh të rinj në bisedimet e paqes të premten. • Gjithashtu bëhet e ditur se Putin ka deklaruar se shkaqet themelore të konfliktit duhet të eliminohen. • Ndërkohë Trump ka njoftuar se pas kësaj bisede, ai ka në plan të kontaktojë edhe Volodymyr Zelenskyn, me të cilin, siç u bë e ditur, ai kishte biseduar më herët, para telefonatës me Putinin. • Sipas Reuters, Putin ka bërë telefonatën nga një shkollë muzike që vizitoi më herët në Soçi, në brigjet e Detit të Zi, ndërsa Trump është në Uashington. • Siç raportojnë agjencitë e lajmeve ndërkombëtare, dy liderët janë lidhur përmes linjave të kriptuara dhe në prani të përkthyesve, pasi Putin flet disi anglisht, por përdor vetëm rusisht për negociatat. • Po ashtu ka reaguar edhe Trump përmes një postim në platformën Truth Social. • Trump thotë se beson që telefonata shkoi shumë mirë, duke shtuar se Rusia dhe Ukraina do të fillojnë menjëherë negociatat drejt një armëpushimi dhe më e rëndësishmja t’i japin fund luftës. • Gjatë telefonatës me Putinin, presidenti amerikan thotë se toni dhe fryma e bisedës ishin të shkëlqyera. • Gjithashtu presidenti amerikan ka nënvizuar se edhe Vatikani ka shprehur interes për të pritur negociatat.
8 artikuj për këtë temë.
UKRAINË- Presidenti ukrainas, Volodymyr Zelenskyy ka reaguar pas telefonatës Trump-Putin. Zelenskyy tha se në telefonatën e mëparshme me homologun e tij amerikan, ai i kishte kërkuar Donald Trump të mos merrte asnjë vendim për Ukrainën pa miratimin e Kievit. Zelenskyy tha se nëse Rusia vendos kushte për tërheqjen e trupave tona nga territoret e tyre, kjo do të thotë se nuk dëshiron një armëpushim dhe nuk dëshiron që lufta të përfundojë.
“I kërkova të mos merrte asnjë vendim për Ukrainën pa ne, përpara telefonatës së tij me presidentin Putin. Kjo është një çështje parimore që është shumë e rëndësishme për ne. Ukraina nuk do të pranojë të tërheqë forcat e saj të armatosura nga zonat që janë ende nën kontrollin e saj, të cilat Moska pretendon se i ka aneksuar plotësisht. Askush nuk do të largohet nga toka jonë, territoret tona, njerëzit tanë”, theksoi presidenti ukrainas.
Duke komentuar referencën e Kremlinit për një memorandum që do të përcaktonte kornizën për një marrëveshje të ardhshme paqeje, Zelenskyy tha se nuk i dinte detajet e kësaj për momentin, por shtoi se Kievi do të ishte i gatshëm të merrte në konsideratë propozimin rus.
“Nuk di asgjë për këtë ende. Sapo të marrim memorandumin ose propozimet nga rusët, do të jemi në gjendje të formulojmë qëndrimin tonë në përputhje me rrethanat”, shtoi ai.
Gjithashtu Zelenskyy njoftoi se Kievi dhe partnerët e tij po shqyrtojnë organizimin e një samiti me pjesëmarrjen e udhëheqësve të Ukrainës, Rusisë, Shteteve të Bashkuara, vendeve të Bashkimit Evropian dhe Britanisë, si pjesë e përpjekjeve për t’i dhënë fund luftës. Duke folur me gazetarët në Kiev, Zelensky shprehu shpresën se ky takim do të mbahet sa më shpejt të jetë e mundur.
SHBA- Pas një telefonate dy-orëshe me Presidentin rus Vladimir Putin të hënën, Presidenti Donald Trump u tha gazetarëve në Kopshtin e Trëndafilave se beson që udhëheqësi rus dëshiron paqe me Ukrainën. Kur u pyet nëse mendonte se Putini dëshiron paqe, Trump tha për CCN "Po".
Presidenti përsëriti "Po", kur një gazetar tjetër e pyeti nëse ai i beson Putinit. Dhe në komentet nga Kopshti i Trëndafilave, Trump i tha audiencës se mendon se është bërë njëfarë progresi nga telefonata.
“Është një situatë e tmerrshme që po ndodh atje 5,000 të rinj vriten çdo javë, kështu që shpresojmë të kemi bërë diçka. Ne gjithashtu folëm me krerët e shumicës së kombeve evropiane dhe po përpiqemi ta mbyllim të gjithë këtë çështje. Çfarë turpi që filloi që në fillim," tha Trump.
Në një postim në platformën e tij Truth Social pas telefonatës, Trump shkroi: “Rusia dhe Ukraina do të fillojnë menjëherë negociatat drejt një armëpushimi dhe, më e rëndësishmja, një FUNDI të Luftës”.
BRUKSEL- Presidentja e Komisionit Evropian, Ursula von der Leyen, ka reaguar pas bisedës telefonike Trump-Putin. Von der Leyen u shpreh se se pati një bisedë të mirë me Presidentin e SHBA-së, Donald Trump.
Presidentja e KE-së zhvilloi gjithashtu bisedime me Emmanuel Macron, Giorgia Meloni, Friedrich Merz, Alexander Stubb dhe Volodymyr Zelensky, për tu informuar rreth rezultateve të telefonatës Trump-Putin.
"Dua të falënderoj Presidentin Trump për përpjekjet e tij të palodhura për të arritur një armëpushim në Ukrainë. Është e rëndësishme që Shtetet e Bashkuara të mbeten të përfshira në mënyrë aktive. Ne do të vazhdojmë të mbështesim Volodymyr Zelensky në arritjen e paqes së qëndrueshme në Ukrainë”, tha në një deklaratë publike, von der Leyen.
SHBA- Presidenti i SHBA-së, Donald Trump, ka reaguar pas bisedës telefonike dy-orëshe që zhvilloi sot me presidentin rus, Vladimir Putin. Përmes një postim në platformën Truth Social, Trump thotë se beson që telefonata shkoi shumë mirë, duke shtuar se Rusia dhe Ukraina do të fillojnë menjëherë negociatat drejt një armëpushimi dhe më e rëndësishmja t’i japin fund luftës.
Gjatë telefonatës me Putinin, presidenti amerikan thotë se toni dhe fryma e bisedës ishin të shkëlqyera. Gjithashtu presidenti amerikan ka nënvizuar se edhe Vatikani ka shprehur interes për të pritur negociatat.
“Rusia dhe Ukraina do të fillojnë menjëherë negociatat drejt një armëpushimi dhe më e rëndësishmja, t’i japin fund luftës. Sapo përfundova telefonatën time dy-orëshe me Presidentin Vladimir Putin të Rusisë. Besoj se shkoi shumë mirë. Rusia dhe Ukraina do të fillojnë menjëherë negociatat drejt një Armëpushimi dhe më e rëndësishmja, një FUND të Luftës. Kushtet për këtë do të negociohen midis dy palëve, sepse ato i dinë detajet e një negociate për të cilën askush tjetër nuk do të ishte në dijeni. Toni dhe fryma e bisedës ishin të shkëlqyera. Nëse nuk do të ishte kështu, do ta thoja tani, në vend që të ndodhte më vonë”, ka shkruar Trump.
SHBA- Telefonata mes presidentit Donald Trump dhe Vladimir Putin ka përfunduar pas dy orësh diskutime. Siç raportohet Putini e quajti telefonatën “informuese, të sinqertë dhe shumë të dobishme”. Televizioni shtetëror rus raporton se Vladimir Putin ndodhet në një shkollë muzike në qytetin turistik jugor rus të Soçit, ku po viziton sot një qendër lokale arsimore atje.
Tass citon presidentin rus se Rusia është e gatshme të punojë me Kievin për një memorandum mbi një traktat paqeje në të ardhmen. Gjithashtu raportohet se Trump tha se Rusia favorizon një zgjidhje paqësore të konfliktit, pavarësisht se Moska nisi në mënyrë të njëanshme pushtimin dhe dërgoi vetëm një delegacion të nivelit të ulët të politikanëve të rinj në bisedimet e paqes të së premtes.
Më tej thuhet se Putin tha se shkaqet rrënjësore të konfliktit duhet të eliminohen, gjuhë që udhëheqësi rus shpesh e përdor si kod për të nënkuptuar largimin e Volodymyr Zelenskyy dhe instalimin e një qeverie të ndërmjetësuar nga Rusia, si dhe përfshirjen e pesë rajoneve ukrainase në Rusi.
Shtëpia e Bardhë përpara telefonatës tha se Trump është “i frustruar” me Putinin dhe Volodymyr Zelenskyn. Vetë udhëheqësi amerikan shprehu shpresa për një ditë produktive. Shtëpia e Bardhë tha më parë se Trump ishte i hapur për t’u takuar me udhëheqësin rus.
UKRAINË- Presidenti amerikan Donald Trump, ka folur me presidentin ukrainas volodymir Zelenskyy para telefonatës me Putin. Telefonata e sotme midis Vladimir Putin dhe Donald Trump duhej të zhvillohej përpara se presidenti amerikan të fliste me Volodymyr Zelenskyy.
Por një burim i ka thënë për Reuters se Zelenskyy në fakt foli me Trump në telefon më parë. Siç raportohet komunikimi ishte i shkurtër vetëm disa minuta.
SHBA- Presidenti i Shteteve të Bashkuara, Donald Trump, e ka nisur një bisedë telefonike me liderin rus, Vladimir Putin, në përpjekje për ta arritur një marrëveshje armëpushimi për t’i dhënë fund luftës në Ukrainë.
Shtëpia e Bardhë tha se biseda telefonike nisi në orën 10:30 me kohën e Uashingtonit, dhe sapo të mbarojë ajo, Trump do t’i telefonojë edhe presidentit ukrainas, Volodymyr Zelensky.
Zëdhënësja e Shtëpisë së Bardhë, Karoline Leavitt, tha se qëllimi i Trumpit është “ta shohë përfundimin e luftës”, dhe se “ai është zemëruar dhe lodhur nga të dyja palët”.
Steve Witkoff, emisar i Shtëpisë së Bardhë, i cili është takuar tashmë tre herë me Putinin, ka parashikuar se biseda me presidentin rus do t’i “kontribuojë identifikimit të asaj se ku jemi tani dhe se si mund t’i përmbyllim këto negociata”.
“Ata e njohin njëri-tjetrin. Presidenti është i vendosur të bëjë diçka këtu... Nëse ai s’mund të bëjë gjë, askush s’mundet”, ka thënë Witkoff në një intervistë për ABC News, në fundjavë.
Trump kishte paralajmëruar telefonatat pasi negociatorët rusë dhe ata ukrainas u takuan në Stamboll për bisedime të drejtpërdrejta. Ai ishte takimi i parë i palëve që nga javët e hershme pas nisjes së pushtimit të gjerë rus të Ukrainës, në shkurtin e vitit 2022.
“Tema të telefonatave do të jenë ndalja e ‘kasaphanës’”, ka shkruar Trump në mediat sociale. “Shpresoj se do të jetë një ditë produktive, se do të ketë armëpushim, dhe se kjo luftë shumë e dhunshme, që s’duhej të kishte nisur kurrë, do të marrë fund”, ka shtuar presidenti amerikan.
Takimet në Stamboll, të cilat përfshinë edhe bisedime të ndara me zyrtarë të SHBA-së, siguruan vetëm rezultate modeste, përfshirë një marrëveshje për këmbimin e 1.000 të burgosurve të luftës. Nuk pati zotim për ndaljen e luftimeve, ndërsa Rusia gjatë fundjavës kreu atë që Ukraina e cilësoi njërin ndër bombardimet më të mëdha me dronë.
Negociatorët rusë raportohet të kenë bërë kërkesa maksimale ndaj Ukrainës, duke i bërë thirrje asaj të tërheqë forcat e saj nga rajonet e okupuara pjesërisht nga Rusia, dhe të kenë paraqitur kushte të tjera, të cilat ishin vënë në pranverën e 2022-tës. Këto kushte janë hedhur kategorikisht poshtë nga Ukraina dhe nga shumë prej aleatëve të saj perëndimorë.
Që nga nisja e mandatit të dytë presidencial, në janar, Trump e ka bërë përfundimin e luftës së Rusisë në Ukrainë prioritet kyç të politikës së jashtme. Këto përpjekje janë penguar nga operacionet e vazhdueshme ofensive të Rusisë në fushëbetejë, dhe nga mosgatishmëria e Moskës për t’u pajtuar për një armëpushim 30-ditor, diçka që Ukraina ka nënshkruar.
Pas një periudhe tensionesh fillestare me Kievin, zemërimi i Shtëpisë së Bardhë është përqendruar mbi Moskën, ndërsa tonet e deklaratave publike nga zyrtarët amerikanë janë ashpërsuar./REL
SHBA- Presidenti i SHBA-së, Donald Trump, ka nisur bisedën telefonike me Vladimir Putinin, me qëllim arritjen e një armëpushimi në Ukrainë. Gjithashtu Trump ka njoftuar se pas komunikimit me Putin do të kontaktonte Volodymyr Zelensky-n.
Më parë, Donald Trump, nëpërmjet Shtëpisë së Bardhë, ka deklaruar se qëllimi i presidentit amerikan është t’i japë fund luftës, ndërsa zëvendëspresidenti i tij J.D. Vance kishte argumentuar se Shtetet e Bashkuara, në rast të një marrëveshjeje Moskë-Kiev, duhet të thonë se “kjo luftë nuk është e jona”.
Në të njëjtën kohë, zëdhënësi i Kremlinit, Dmitry Peskov, deklaroi se pala ruse është e gatshme të punojë drejt një zgjidhjeje, duke thënë megjithatë se procesi është i vështirë dhe ndoshta afatgjatë.
