Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
• Kryeministri Edi Rama publikoi sot episodin e rradhës të podkastit të tij të përjavëshëm "Flasim". • Rama ka ndarë lajmin mbi një fazë të re dhe ambicioze të zhvillimit për Forcat e Armatosura të Shqipërisë, duke u fokusuar te rigjallërimi i industrisë ushtarake në vend. • Ai vuri theksin te modernizimi i Forcave të Armatosura i cili sipas tij nuk po kufizohet vetëm te përmirësimi i sistemit mbrojtës, por synon krijimin e një zinxhiri të qëndrueshëm profesional dhe industrial. • Lidhur me debatet për investimet në Zvërnec dhe Sazan, ai theksoi se çdo zhvillim në zonat e mbrojtura do të jetë në përputhje të plotë me standardet e Bashkimit Europian dhe nën monitorimin e Komisionit Europian. • Kryeministri njoftoi gjithashtu miratimin e aktit normativ të buxhetit 2026, i cili përfshin një paketë të re masash sociale për pensionistët, personat me aftësi të kufizuara, fëmijët me nevoja të veçanta dhe pacientët onkologjikë. • Sipas tij, qeveria ka dyfishuar gjithashtu fondin për programin “Startup Albania”, duke e çuar në 6 milionë euro si përgjigje ndaj rritjes së lartë të aplikimeve nga të rinjtë. • Për sa i pëket protestave, kreu i qeverisë theksoi se është duke e ndjekur me vëmendje situatën përmes një ekipi të dedikuar për të dëgjuar kërkesat e qytetarëve.
4 artikuj për këtë temë.
TIRANË- Kryeministri Edi Rama ka reaguar në lidhje me zhvillimet e fundit në protestën e mbajtur në bulevard, duke bërë një ndarje të qartë mes dy kategorive të pjesëmarrësve.
Në podkastin e tij "Flasim", kreu i qeverisë theksoi se është duke e ndjekur me vëmendje situatën përmes një ekipi të dedikuar për të dëgjuar kërkesat e qytetarëve.
Sipas tij, shtresa e parë përfaqëson atë që ai e quajti "ujin e rrjedhshëm", qytetarët që kanë dalë sinqerisht për të shprehur shqetësimet e tyre ose për të adresuar halle reale. Nga ana tjetër, kryeministri nuk kurseu kritikat e ashpra për atë që e cilësoi si "koren e zezë" të protestës.
Pjesë nga podkasti:
"Ndërkohë që, nga ana tjetër, unë jam shumë i vëmendshëm dhe një ekip i tërë po dëgjon me shumë vëmendje gjithçka që duhet dëgjuar nga protesta e bulevardit, e cila ka dy shtresa: "ujin e rrjedhshëm" të të gjithë atyre që dolën sinqerisht dhe që janë sinqerisht të shqetësuar apo që kanë halle reale dhe "koren e zezë" të gjithë dështakë-zemërakëve të ardhur nga të gjitha rrugët e jetës, që kanë krijuar një situatë konvulsive ku janë shfaqur edhe elementët e pashmangshëm të dhunës në këto raste, pasi kur shkon pas Berihait, në fund të del përpara muri.", u shpreh Rama./Dosja.al
TIRANË- Kryeministri Edi Rama njoftoi miratimin e aktit normativ të buxhetit 2026, i cili përfshin një paketë të re masash sociale për pensionistët, personat me aftësi të kufizuara, fëmijët me nevoja të veçanta dhe pacientët onkologjikë.
Në podkastin e tij "Flasim", Rama u shpreh se qeveria ka dyfishuar gjithashtu fondin për programin “Startup Albania”, duke e çuar në 6 milionë euro si përgjigje ndaj rritjes së lartë të aplikimeve nga të rinjtë.
Ai u shpreh se, programi u hap me më pak se 100 aplikime dhe këtë vit sipas tij ka shkuar në më shumë se 1200 aplikime.
Pjesë nga podcasti:
-Dyfishimi i Grantit 2026 për startup-et
Në shënimin e fundit do të prek dy momente që duket sikur nuk kanë lidhje me njëri-tjetrin, por në fakt janë të lidhur dhe i lidh pikërisht modernizimi, transformimi dhe rinia. Kemi dyfishuar programin e startup-eve. Financimi, nga 3 milionë euro të parashikuara, ka shkuar në 6 milionë euro mbështetje, pasi jemi gjendur përpara një rritjeje befasuese të numrit të aplikimeve në programin “Startup Albania”. E kemi nisur atë program me më pak se 100 aplikime dhe këtë vit jemi gjendur me më shumë se 1200 aplikime. Kjo na ka vendosur në pozicionin e detyruar që t’u përgjigjemi të rejave dhe të rinjve me një dyfishim të volumit të financimit dhe, ndërkohë, kemi komunikuar me ta dhe u kemi thënë se, në rast se aplikimet do të vazhdojnë të rriten me këtë trend, edhe mbështetja po ashtu do të vazhdojë të rritet sipas këtij trendi.", shprehet kryeministri./Dosja.al
TIRANË- Kryeministri Edi Rama hodhi poshtë pretendimet për shitjen e tokës publike si të ndikuara nga dezinformimi, duke sqaruar se bëhet fjalë për procese partneriteti.
Lidhur me debatet për investimet në Zvërnec dhe Sazan, ai theksoi se çdo zhvillim në zonat e mbrojtura do të jetë në përputhje të plotë me standardet e Bashkimit Europian dhe nën monitorimin e Komisionit Europian.
Rama e cilësoi debatin mbi Zvërnecin si një "vorbull" të krijuar për qëllime politike, duke pretenduar se kritikët po përdorin projekte si ky për të bërë luftë me Donald Trump-in, për shkak të përfshirjes së Jared Kushner-it në iniciativat e investimeve në rajon.
Pjesë nga fjala e Ramës:
"Një tjetër moment për t’u shënuar nga java ishte vizita në Bochum të Gjermanisë, me ftesë të organizatorëve të samitit ndërkombëtar të teknologjisë “Ruhr Summit”, ku isha i ftuar për të prezantuar transformimet që kemi bërë në Shqipëri me digjitalizimin dhe mënyrën se si e kemi modernizuar dhe po e modernizojmë qeverisjen përmes digjitalizimit dhe, së fundmi, edhe përmes futjes në përdorim të Inteligjencës Artificiale.
Një tjetër moment në atë vizitë ishte takimi me kryeministrin e landit, Hendrik Wüst, një ndër figurat më të spikatura të CDU-së gjermane dhe një mik i interesuar për zhvillimet në Shqipëri, për ecurinë e procesit të anëtarësimit të Ballkanit Perëndimor, me të cilin folëm qoftë për këtë aspekt, pra për mbështetjen e Gjermanisë në mbylljen e kapitujve të negociatave, qoftë edhe për zgjerimin e marrëdhënieve bilaterale me Gjermaninë përmes marrëdhënieve me rajonet.
Por, pa dyshim, që “qershia mbi tortë” e kësaj vizite ishte ajo e papritura në intervistën me gazetaren e seksionit ndërkombëtar të Deutsche Welle-s, ku, për hir të së vërtetës, u surprizova nga mënyra se si gazetarja e kishte “gëlltitur” tërësisht çorbën e të pavërtetave lidhur me Zvërnecin dhe lidhur me marrëdhënien mes qeverisë dhe kompanisë që përfaqësohet nga Jared Kushner, duke mos e fshehur ajo se i përkiste kampit të gjerë të të gjithë atyre që e kthyen Shqipërinë në një arenë për të bërë “luftën” e tyre me Trump-in, qofshin në Amerikë, qofshin në Australi, qofshin edhe në Europë.
U përballa me pyetje të tipit: “Si mund të privatizohet, të shitet toka publike?”, gjë që as nuk ka ndodhur, as nuk ka arsye të ndodhë. Zvërneci është tokë private, Sazani është tokë publike, ku ende nuk kemi mbyllur marrëveshjen. Pikërisht sepse ne po negociojmë partneritetin dhe shteti, që do të jetë gjithnjë pronar i tokës, do të duhet, për t’u realizuar marrëveshja, të jetë ortak në sipërmarrje.
Pra, as nuk është kërkuar ndonjë shitje e tokës publike. Pastaj, gjithë pjesa që ka të bëjë me zonat e mbrojtura, me Kapitullin 27, me sa jemi ne të vetëdijshëm apo çfarë jemi ne në gjendje të sakrifikojmë deri edhe vetë Bashkimin Europian, për të bërë projektin, është një hata e madhe logjike. Ndërkohë që historia është fare e thjeshtë. Cilido që e ka shumë të qartë ose e ka pak të qartë faktin që unë jam këtu për të udhëhequr Shqipërinë drejt anëtarësimit në Bashkimin Europian, faktin që ne kemi një mandat popullor shumë të fortë për të realizuar këtë mision historik, faktin që ky mision historik nuk është i krahasueshëm dhe i barazvlefshëm me asgjë, e ka shumë të qartë edhe faktin që nuk ka asnjë shans që Shqipëria të bëjë hapa, të bëjë zhvillime që bien ndesh me standardet dhe kriteret e Bashkimit Europian.
Në rastin konkret, e gjitha është një vorbull, e cila përzihet e përzihet e përzihet për qëllime që tanimë janë qartësisht të tjera, ndërkohë që ne jemi të detyruar nga ato standarde të bëjmë vlerësimin e impaktit në mjedis, gjë që po e bëjmë; jemi të detyruar nga ato standarde që t’u përgjigjemi të gjitha kritereve të Bashkimit Europian. Pra, si të thuash, “siguresa” për të gjithë ata që janë të shqetësuar është aty; është pikërisht Komisioni Europian, i cili deri më tani është njohur në vijimësi me faktet dhe nuk ka asnjë sens alarmi, sepse është shumë e qartë që i gjithë procesi do të bëhet në harmoni me procesin e monitorimit nga Komisioni Europian.", u shpreh Rama./Dosja.al
TIRANË- Kryeministri Edi Rama, ka ndarë lajmin mbi një fazë të re dhe ambicioze të zhvillimit për Forcat e Armatosura të Shqipërisë, duke u fokusuar te rigjallërimi i industrisë ushtarake në vend.
Në podcastin e tij "Flasim", Rama e vuri theksin te modernizimi i Forcave të Armatosura i cili sipas tij nuk po kufizohet vetëm te përmirësimi i sistemit mbrojtës, por synon krijimin e një zinxhiri të qëndrueshëm profesional dhe industrial.
Ai u shpreh se, partneriteti me Fincantierin u shtri në një partneritet edhe me shkollën industriale "Pavarësia" të Vlorës, pasi në kantierin e ri të Pashalimanit, baza e re prodhuese do të kërkojë 500 të reja e të rinj, teknikë, inxhinierë dhe informaticienë.
Pjesë nga podkasti:
"Kemi hyrë në një fazë të re në historinë e Forcave tona të Armatosura. Kapitulli i ri është jo vetëm fuqizimi i gjithë sistemit tonë të mbrojtjes, por edhe rilindja e industrisë sonë ushtarake. Për këtë janë hedhur një sërë hapash dhe këtë javë u hodh një tjetër hap. Partneriteti me Fincantierin u shtri në një partneritet edhe me shkollën industriale "Pavarësia" të Vlorës, pasi në kantierin e ri të Pashalimanit, baza e re prodhuese do të kërkojë 500 të reja e të rinj, teknikë, inxhinierë dhe informaticienë.
Për këtë arsye është bërë kjo marrëveshje dhe do të fillojë, paralelisht me ndërtimin e kantierit, edhe puna për trajnimin e të rejave dhe të rinjve që do të përzgjidhen nga "Fincantieri Albania". Ata do të trajnohen, qoftë në Pashaliman, qoftë në kantierin mëmë të kompanisë globale të ekselencës italiane në brigjet e Italisë.", u shpreh Rama./Dosja.al
