"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
• Reshjet e dëborës të shoqëruara me temperatura të ulëta kanë mbuluar vendin tonë. • Gjatë orëve të para të mëngjesit të kësaj të shtune, juglindja dhe verilindja janë zbardhur nga bora. • Qarku i Korçës është zgjuar këtë mëngjes me reshje dëbore. • Në Dardhë dhe Voskopojë dëbora ka arritur trashësinë nga 5-10 cm. • Disa fshatra malorë në Qarkun e Elbasanit janë mbuluar nga dëbora, ku raportohen vetëm për probleme me energjine elektrike. • Shkodra po ashtu është zbardhur këtë mëngjes, ku akset kryesore edhe pse të mbuluara nga bora janë të qarkullueshme. • Në zonat malore në verilindje të vendit trashësia e dëborës varion nga 30-50 cm. • Në disa fshatra të Kukësit, Hasit dhe Tropojës ka ndërpreje të energjisë elektrike. • Policia rrugore ka bërë apel në zonat e rrezikuara për pajisjen e automjeteve me goma dimërore.
4 artikuj për këtë temë.
KUKËS- Reshjet e dëborës dhe temperaturat e ulëta kanë përfshirë verilindjen e vendit. Gjatë orëve të fundit ka patur reshje dëbore në disa zona malore, ku tarshësia varion nga 30 deri në 50 cm.
Raportohet se në këto zona, për shkak të reshjeve të vazhdueshme të dëborës janë krijuar probleme në disa akse nacionale dhe rurale. Megjithatë, borapastrueset kanë punuar për pastrimin e rrugëve dhe sipas komisionit të Emergjencave Civile, aktualisht të gjitha rrugët nacionale janë të qarkullueshme.
Komisioni i Emergjencave Civile bën me dije se ka probleme në disa rrugë rurale që lidhin qendra të njësive administrative me fshatrat e zonave të thella malore.
Sakaq, për shkak të kushteve të motit, në disa fshatra të Kukësit, Hasit dhe Tropojës ka ndërpreje të energjisë elektrike. Ndërkohe, punonjësit e OSHE ndodhen në terren për riparimin e defekteve.
SHKODËR- Shkodra është zbardhur nga reshjet e dëborës gjatë orëve të mëngjesit, teksa bëhet me dije se situata në akset krysore të mbuluara nga dëbora nuk paraqet probleme me qarkullimin.
Autoritet rrugore njoftojnë se akset rrugore janë të qarkullueshme dhe kontraktorët janë në gatishmëri me mjete dhe punëtorë. Ndërkohë, i bëjnë apel qytetarëve për përdorimin e gomave dimërore.
Autoritet bëjnë me dije se vijojnë reshjet e dëborës dhe momentalisht trashësia e dëborës arrin rreth 6-8 cm.
Njoftimi nga DRV Shkodër:
* Nga DRV Shkoder informohemi se akset rrugore qe mbulon kjo drejtori janë të qarkullueshme. Në aksin Qafë Mali- Fierzë në mëngjes kanë filluar reshjet e deborës, por nuk paraqet problem për qarkullimin, për përdoruesit e automjeteve apelohet të përdorin goma dimërore. Kontraktorët janë në gatishmëri me mjete dhe punëtorë.
* Nga bashkia Shkodër , nuk raportohen probleme të EC.
* Nga bashkia Malësi e Madhe , nuk raportohen probleme të EC.
* Nga bashkia Vau Dejës , nuk raportohen probleme të EC.
* Në bashkinë Fushë Arrëz, vijojnë reshjet e dëborës, momentalisht trashësia e dëborës arrin rreth 6-8 cm. Rrugët janë të hapura dhe qarkullimi vijon pa probleme.
* Nga bashkia Pukë, nuk raportohen probleme të EC.
ELBASAN- Reshjet e dëborës kanë zbardhur pothuajse të gjithë fshatrat malorë në Qarkun e Elbasanit. Mëngjesin e kësaj të shtune, trashëshia më e madhe e dëborës është regjistruar në Njësinë Administrative Steblevë, në fshatin Qarrishtë, Rrajcë dhe në disa fshatra të tjerë malorë.
Dëbora ka mbuluar fshatrat në lartësinë mbi 900 metra mbi nivelin e detit dhe vazhdon të bjerë me intensitet të lartë. Ndërkohë që në zonën e ulët bien reshje shiu, ndërsa temperaturat janë ulur ndjeshëm.
Raportohet se moti i keq ka shkaktuar probleme me energjinë elektrike të disa lagjeve në fshatrat malorë. Ndëkohë që në disa fshatra ka patur edhe rrëshqitje të dheut. Në fshatin Pobrat të Elbasanit ka patur rrëshqitje dherash e gurësh të cilët kanë vështirësuar qarkullimin në një segment të kësaj rruge rurale.
Për shkak të reshjeve të vazhdueshme ndërhyrja për largimin e dherave dhe gurëve në këtë segment është e pamundur.
Bëhet e ditur se qarkullimi në këtë aks rrugor është i pamundur. Një situatë e tillë përbën rrezik për automjetet edhe për këmbësorët pasi nga lartësitë bien gurë dhe herë pas here ka rrëshqitje të tokës.
KORÇË- Qarku i Korçës është zgjuar mëngjesin me reshje dëbore, të cilat kanë qenë prezente në lartësitë mbi 1300 m dhe vijojnë akoma.
Në Dardhë dhe Voskopojë, raportohet se trashësia e dëborës ka shkuar nga 5-10 cm. Reshjet nuk kanë krijuar vështirësi në qarkullimin e automjeteve por drejtuesit duhet të ulin shpejtësinë dhe të respektojnë rregullat e qarkullimit rrugor.
Ndërkohë një pjesë tjetër e qarkut të Korçës prej mbrëmjes së djeshme është përfshirë nga reshjet e shiut dhe temperaturat e ulëta.
