"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
•Kuvendi i Shqipërisë ka votuar sot në seancën plenare për emërimin e dy ministrave të rinj, Ervin Mete dhe Delina Ibrahimaj. •Ervin Mete u emërua në krye të Financave dhe Ekonomisë me 74 vota pro dhe 30 kundër. •Delina Ibrahimaj u shkarkua me 105 vota pro nga posti i ministres së Financave dhe Ekonomisë. •Deputeti Gazment Bardhi pas votimit të ministrave në seancën plenare tha se deputetët e PS-së votuan një dekret antikushtetues të presidenti Bajram Begaj. •Sipas Bardhit në kundërshtim me Kushtetutën, Begaj dekretoi ministër një zyrtar publik që nuk mund të emërohej sepse ushtronte një funksion tjetër publik. •Deputetja Ina Zhupa tha se dekretin e presidentit do ta çojnë në Gjykatën Kushtetuese. •Pritet të diskutohet dhe votohet projektligji që kthen bastet sportive parashikon deri në 10 licenca kombëtare, tarifa e licencimit 400 milionë lekë •Po ashtu, është dhe votimi për emërimin në detyrën e ministrit të Shtetit për Sipërmarrjen dhe Klimën e Biznesit. •Një tjetër pikë e rendit të ditës është dhe votimi për rritjen e pagave për gjyqtarët e Gjykatës Kushtetuese.
19 artikuj për këtë temë.
TIRANË- Deputeti demokrat Dashnor Sula ka deklaruar se mazhoranca me mandatin e tretë që ka marrë, është sulur për të vjedhur sa më shumë. Gjatë seancës së sotme plenare ditën e sotme, Sula ka theksuar se mazhorancës nuk i dolën 2 mandatë për tu pasuruar. Po ashtu ai ka deklaruar se, në mazhorancë ka vetëm një bari, ndërsa të tjerët janë dele.
“PPP-të janë problem i madh. Ne po e themi problemin e korrupsionit dhe i referohemi DASH, të cilët thonë se tregtimi i kokainës, korrupsioni dhe problemet e administratës janë. Tani unë pyes, nuk ju dolën 2 mandate për t’u pasuruar? Mandatin e tretë jeni lëshuar më shumë për të grabitur. Nuk jeni të gjithë, por një pjesë janë.
Opozita nuk është në rresht, nuk jemi servilë dhe nuk lëpihemi për një vend. Por më mirë kështu se një mazhorancë që ka vetëm një bari dhe të tjerët janë dele.
Që nga 21 prilli i 2008 ku mori fund demokracia në këtë sallë, gjithçka është shkatërruar dhe ka vetëm një listë personash të emëruar. Nuk duhet të jemi të kënaqur me atë rrogën e deputetit, duhet të punojmë më shumë. Unë besoj se politika ka moral, moral nuk ka për ata që janë hajdutë. Për ata që janë të ndershëm ka moral. Duhet të reflektojmë të gjithë. Çfarë është kjo lëvizja për pagat e gjyqtarëve? Një gjyqtar do marrë 8 mln, paga e tij do jetë sa për 80 pensionistë. Po i rrisni se gjykata kushtetuese është bindur. Unë mendoj se kjo është e përkohshme, sepse gjithçka ka një fund. Elementët e rilindjes do e kenë fundin, dhe do e kenë tragjik”, tha Sula.
TIRANË- Seanca e sotme plenare është shoqëruar vazhdimisht me debate. Debati i radhës ishte mes kreut të PD-së, Sali Berisha dhe nënkryetares së Kuvendit, Ermonela Felajt. Shkak për debatin është bërë lehtësimi i akuzave për fisin Rraja, të cilët dhunuan dy kushërinj të fisit Maja pak muaj më parë në Borizanë të Krujës.
Berisha gjatë fjalës së tij në foltoren e Kuvendit e cilësoi nënkryetare si "prokurorja Felaj", pasi rrethi i ngushtë familjar i saj është i punësuar në masë në Prokurorinë e Tiranës, katër vetë, duke filluar që nga bashkëshorti i saj.
Ndërkohë nënkryetarja e Kuvendit, Ermonela Felaj i është përgjigjur duke e akuzuar Berishën si gjuetar, ndërsa i sugjeroi atij që mos të merrej me familjen e saj.
“Konfliktin e interesit duhet ta kuptosh dhe pastaj të flasësh. Të marr fjalën kundër jush, më takon. Do e shfrytëzojë të drejtën që më jep. Mos u merr me familjarët, je bërë gjuetari më i shpifur i këtij vendi. Mos u merr me jetën e tyre dhe s’ja ke falur ti shkollën. Jo si fëmijët e tu.”, tha ajo.
Berisha: Kryetari i Partisë Demokratike, Sali Berisha gjatë fjalës së tij në Kuvend përmendi qëndrimin e Shqipërisë ndaj agresionit rus si dhe akuzoi Ramën se mbrojti mosrespektimin e sanksioneve nga Beogradi, qëndrimin e Serbisë.
Berisha kërkoi një rezolutë ku të dënohen qëndrimet e dyshimta të Ramës, që duket se shkon në lidhje të forta familjare më Rusinë.
Berisha: Të diskutosh këtu një çështje kaq të rëndësishme, pa praninë e njeriut që qëndroi, ndonëse Shqipëria vend anëtar i NATO-s, qëndroi ambig në qëndrimet e tij, është e pandershme dhe e padrejtë. Për çdo shqiptar është e qartë se Edi Rama, fillimisht nuk guxoi të vendosë bllokimin e turistëve rusë në Shqipëri dhe këtu erdhën me qindra e mijëra vrasës të fëmijëve, grave, burrave ukrainas për të pushuar në plazhet tona dhe për t’u kthyer si kasapë në fushëbetejat e vendit që po luftonte për liri. Edi Rama ndoqi projektet e serbomadhisë dhe rusomadhisë pasi është i vetmi kryeministër në Europë dhe botë që mbrojti mosrespektimin e sanksioneve nga Beogradi, qëndrimin e Serbisë si një prapavijë direkte te Serbisë, ç’ka përbënte një rrezik të madh. Edi Rama promovoi me të gjithë verbërinë e tij politike, projektin e serbomadhisë të Ballkanit të Hapur. Në këtë kontekst, duhet një rezolutë që krahas përcaktimit të qëndrimeve të qarta të Shqipërisë ndaj agresionit barbar rus ndaj një vendi të lirë, duhet një rezolutë ku të dënohen të gjitha qëndrimet tepër të dyshimta të Edi Ramës, që duket se shkon në lidhje të forta familjare më Rusinë.
TIRANË- Kryetari i Partisë Demokratike Berisha, ironizoi sistemin e drejtësisë në vend, ndërsa e cilësoi si ‘prokuroria Felaj’. Po ashtu, Berisha komentoi edhe megaoperacionin e sotëm, për të cilin tha se Rrumbullaku u thotë shqiptarëve se janë arrestuar në një ditë 200 trafikantë. Berisha kërkon që të bëhen publikë të gjithë emrat, ose në të kundërt, ky operacion do quhet gënjeshtër.
PJESË NGA DEKLARATA E BERISHËS:
Pra, është një seancë kjo në të cilën duhet të dënoni Prokurorinë Felaj. Prokuroria Felaj, në një akt kriminal të pashembullt, shpalli plagosje të lehtë, çarjen e kockës frontale dhe parietale dhe thyerjen e ulnës te një qytetar nga fisi Rraja. Kjo është ndërhyrje direkt e Edi Ramës dhe Taulant Ballës dhe është një akt kriminal.
Dënoj me forcën më të madhe mega-mashtrimin publik.
Sot Rrumbullaku në sqetullën e Ramës, u thotë shqiptarëve se në një ditë u arrestuan 200 trafikantë. I kërkoj këtu nga parlamenti të nxjerrë emrat, ose seancën tjetër do të quhet 200 herë gënjeshtar. Të nxjerrë emrat e të arrestuarve, të nxjerrë grupet se thotë 23 grupe. E kuptoni ju propagandën Rama-Balla të mashtrimit dhe mbulimit të krimit me shifra të rreme.
TIRANË- Seanca e sotme plenare u shoqërua me debate mes deputetit Gazment Bardhi dhe kryetares së Kuvendit, Lindita Nikolla.
Përplasja mes tyre, nisi pasi Gazment Bardhi hodhi akuza në sallën e Parlametin se kryeparlementarja ka thirrur në zyrë nënkryetaren e Kuvendit për të vendosur për kreun e Grupit të PD-së.
Po ashtu, Bardhi e akuzoi Nikollën se ka ndryshuar listën e folësve në foltoren e Parlamentit.Po ashtu,
PJESË NGA REPLIKAT:
Nikolla: Ka njoftim për ndryshimin e kryesisë së grupit parlamentar të PD. Me propozim të kryetarit të Partisë vendosi përbërja e kryesisë së grupit parlamentar të PD është Flutura Açka, nënkryetare e autorizuar për përfaqësimin e grupit parlamentar në mungesë të kryetarit të grupit, Kreshnik Çollaku nënkryetar, Arbi Agalliu sekretar, Oriola Pampuri zëdhënëse.
Bardhi:Ka tre orë që ka kaluar dhe nuk ke lexuar kërkesën e PD. Ke hequr folës apo ke ndryshuar rradhën e folësve. Sipas rregullores, lista njoftohet që në fillim, nuk keni të drejtë të ndryshoni renditjen e folësve. Nuk e di ku e keni marrë këtë autoritetet. Nuk e di pse po provokoni deputetët e opozitës.
Nikolla: Kisha vendosur në mbarim të kësaj pike që ta lexoja, por se jeni ju konfuz, nuk do të thotë që do të jetë edhe për parlamentin. Drejtoria juridike do ta lexojë kur ta kem marrë kërkesën. Nuk ta jap fjalën kur të duash ti.
Bardhi: Po bën teatër
Nikolla: Teatër po bëni ju (Lexon shkresën)
Bardhi në foltore: E para njëherë ti nuk i drejtohesh dot askujt, përvecse Grupit Parlamentar të Partisë Demokratike.
Ajo që keni bërë ju zonja kryetare të hënën është një shkelje flagrante e rregullores së Parlamentit, sepse neqoftëqse se ty të vjen një shkresë në emër të Grupit Parlamentar të PD, ti nuk thërrët anëtarë të Grupit Parlamentar të PS, për të marrë në shqyrtim kërkesën e Grupit Parlamentar të PD, por thërret kreun e Grupit të PD, i është vënë në dispozicion dokumentin që të ka ardhur dhe verifikon vlefshmerine e dokumentacionit. Thatë dhe gënjyet që po prisnit vendimin e zyres juridike të Kuvendit.
Unë këtu kam një procesverbal dhe nuk do them ca mendoj por se cfarë thotë rregullorja e Kuvendit sipas kryetares së Kuvendit dhe do elexoj ta degjojë gjithë opinion publik sa qesharake është sot kryetarja e Kuvendit për shkak të një individi që është vetëshpallur kryetar grupi dhe vepron në emër të grupit pas asnjë mbështetje të depueteve të grupit. Nuk është hera e parë që grupi gjendet në këtë siutuatë por sot ka një dallim që doni të na diktoni ne, 50 deputetëve të opozitës që nuk do e zgjidhni ju kryetarin tuaj po do e zgjedhim ne. Prandaj thirrenë konsultim kreun e grupit parlamentar të PS, Çuçin dhe nënkryetaren Ermonela Felajn.
Në konsultim duhej të kishe thirrur kryetarin e Grupit të PD jo te presesh lloj lloj deputeti që të vjen ne zyrë me lloj zari që të vjen nga mbrapa.
Bardhi-Çuçit: Qesh ti (Çuçi) se të merr Lindita në zyrë dhe vendos kryetarin e grupit të PD. Gënjyet kur thatë se po prisni opinion e zyrës juridike të Kuvendit.
Lindita Nikolla: Ju nuk rrini te vrima e çelësit të zyrës time të dini më kë flas unë
Gazment Bardhi: Nuk mund të thërrisni lloj lloj deputeti që ju vjen në zyrë me lloj -lloj zari që ju vjen nga pas
Lindita Nikolla: Kujdes, nuk të marr leje unë se kë ftoj në zyrë. Paske edhe një veti tjetër, rri tek vrima e çelësit për të parë se kë marr unë në zyrë. Po rri se është turp
Gazment Bardhi: Kush je ti moj? A je në terezi apo jo?
Lindita Nikolla: Qetësohu se kë marrë në zyrë dhe çfarë diskutoj nuk të marr leje ty
Gazment Bardhi: Patjetër që do më marrësh leje mua, dhe Ermonela.
Lindita Nikolla: Nuk është asnjë grup parlamentar që merr vendim për grupin tim. E thërras se dua unë, për çështje pune. Është nënkryetare e Kuvendit.
TIRANË-Ditën e sotme seanca plenare në Kuvend është shoqëruar me debate mes kryeparlamentares Lindita Nikolla dhe deputetit demokrat, Gazment Bardhi.
Bardhi akuzoi Nikollën se nuk ka respektuar një listë të folësve që ai i ka dërguar. Mirëpo Nikolla iu përgjigj se nuk ka ndryshuar asnjë listë folësish, por ka miratuar atë shkresë që i ka ardhur nga PD-ja me zotin Basha.
DEBATI:
Nikolla: Zoti Bardhi, Basha ka qenë kryetari i partisë tende dhe vazhdon të jetë kryetari i partisë zyrtare. Mos bërtit se nuk po flet me kolegët e tu.
(Bardhi flet nga vendi pa mikrofon)
Nikolla: Shkresa ishte për mua jo për të njoftuar Kuvendin. Do ta lexoja që ishte një shkresë që impakton grupin parlamentar të PD. Se jeni ju konfuze kjo nuk mund të krijojë konfuz në parlament. Drejtoria juridike do ta lexojë kur ta ketë marrë. Nuk e kam marrë. Ka mundësi Gaz Bardhi të dëgjoni se nuk mund të dini gjithçka.
Bardhi: Na bën teatër këtu.
Nikolla: Teatër po bëni ju dhe mos e perplas tavolinen se ju nxjerr jashte. Pra është një situatë konfuze brenda jush. Ju kam thënë jeni shumë konfuz.
TIRANË- Sërish tensione në seancën plenare. Kryetarja e Kuvendit, Lindita Nikolla lexoi një shkresë nga Lulzim Basha, ku shkruhej se detyra e kreut të grupit të PD-së së vulës, iu delegua Flutura Açkës, vendimi është kundërshtuar nga deputeti Gazment Bardhi.
“Ka njoftim për ndryshimin e kryesisë së grupit parlamentar të PD. Me propozim të kryetarit të Partisë vendosi përbërja e kryesisë së grupit parlamentar të PD është Flutura Açka, nënkryetar e autorizuar për përfaqësimin e grupit parlamentar në mungesë të kryetarit të grupit, Kreshnik Çollaku nënkryetar, Arbi Agalliu sekretar, Oriola Pampuri zëdhënëse”
TIRANË- Deputeti demokrat Gazment Bardhi është përplasur me kryetaren e Kuvendit, Lindita Nikolla, pasi kjo e fundit nuk kishte lexuar kërkesën e depozituar nga Bardhi lidhur me kreun e grupit parlamentar të PD-së. Bardhi iu drejtua Nikollës duke i thënë se po bëjnë teatër pasi prej 3 orësh nuk po lexojnë kërkesën e depozituar.
PJESË NGA DEBATI:
Bardhi: Kanë kaluar 3 orë, ende nuk keni lexuar kërkesën e grupit të PD. Ju nuk keni asnjë të drejtë të ndryshoni rendin. Nëse nuk e ke njoftimin do ndërpresësh 30 minuta seancën, se ne do bëjmë mbledhje grup.
Nikolla: Nuk kam hequr asnjë deputet nga lista e folësve, nuk kam dhënë asnjë urdhër. Mos përplas tavolinën...
Bardhi: Po bëni teatër ju këtu.
TIRANË- Deputetja Demokrate, Jorida Tabaku gjatë fjalës së saj në Kuvend denoncoi dështimin e skemës së pensioneve, të përdorur vitet e fundit nga mazhoranca socialiste.
Sipas shifrave të saj nga INSTAT, raporti i kontribuesve me atë të pensionistëve tashmë nuk është ashtu siç duhet, dhe arsyet që paraqet Tabaku lidhen me emigracionin e informalitetin e lartë në vend.
Nga ana tjetër, deputeti i Partisë Socialiste, Erion Braçe, ka replikuar me deputeten demokrate, duke paraqitur shifrat nga ana e tij.
Sa i përket arsyeve të paraqitura nga Tabaku, Braçe u shpreh se numrin e atyre që dalin në pension, nuk e rrit qeveria, as emigrimi, por lindjet në vitet ‘50-‘60.
“Kur flet për një çështje kaq sensitive siç janë pensionet, që lidhen me një masë njerëzish, 686 mijë, saktësia është themelore. Raporti i numrit të kontribuesve me pensionet e pleqësirsë në këtë vende në vitin 2013 ishte 1.2 me 1, në 2015-ën ishte 1.50 me 1 dhe në vitin 2022 ishte 1.42 kontribues me 1 përfitues.
Shkalla e mbulimit të popullisë në moshë pune me kontribues ishte 36 , në fund të 2022 është 41.8. Shkalla e mbulimit të forcave të punës nga kontribuesit, 2015 ishte 56.12, në fund të 2022 ishte 60.03 pra është rritur mbulimi. Shkalla e mbulimit të punësuarve në 2015 ishte 68 përqind, ndërsa në 2022 ishte 67.7.
Të gjithë treguesit dëshmojnë që skema ka qëndrueshmëri dhe natyrisht është rritur efekti i mbulimit për t’i dhënë garanci skemës. E fundit, duhet të kuptojmë si funksionon skema e pensioneve. Të thuash që është rritur numri i atyre që dalin në pension, duhet të kuptosh se nuk i rrit qeveria, as emigrimi por lindjet në vitet ‘50-‘60 dhe në atë kohë nuk kam qenë as unë, as zonja që është ktu.”, tha Braçe.
TIRANË- Edhe pas daljes nga seanca plenare, kryetari i Partisë Demokratike, Sali Berisha nuk i kurseu batutat për Elisa Spiropalin, ministren e Shtetit për Marrëdhëniet me Parlamentin.
Pas daljes nga Parlamenti, ai ka bërë batuta me gazetarët.
“Elisa Spiropali do quhet nga sot Zili Spiropali”, tha Berisha.
Kur u pyet mbi arsyen, ai u shpreh: “Sepse kështu e thotë Frojdi”.
Kujtojmë se në Kuvend, Berisha iu drejtua Spiropalit me fjalët:
'Do ti them dy fjalë Elizës. Ke përdorur një term jo të fisshëm. Unë jam mjek dhe ata që janë mjek e dinë që Frojd në klasifikimin e zhvillimit psikoseksual ka gjetur se ky zhvillim tek qeniet njerëzore kalon në pese stade.
Stadi i tretë është stadi falik, i cili shfaqet në moshën 3-5 vjec, shumica e kalojnë, disa mbeten, disa u krijohet kompleksi i edipit. Kjo është e njohur tek Edi Rama. Elisa ky kompleks i stadit të tretë u ndodh edhe vajzave, problemi madhor që Frojdi e quan këtë është se e quan zilia falike tek vajzat'.
TIRANË- Kryetari i Partisë Demokratike, Sali Berisha ka pasur një përplasje në Parlament me ministren Elisa Spiropali. Berisha iu drejtua ministres, duke i thënë se vuan nga ajo që Frojdi e quan “zilia falike tek vajzat”.
Nga ana tjetër, Spiropali tha se Berisha është një monument i gjallë i turpit.
REPLIKAT:
Sali Berisha: Do ti them dy fjalë Elizës. Ke përdorur një term jo të fisshëm. Unë jam mjek dhe ata që janë mjek e dinë që Frojd në klasifikimin e zhvillimit psikoseksual ka gjetur se ky zhvillim tek qeniet njerëzore kalon në pese stade.
Stadi i tretë është stadi falik, i cili shfaqet në moshën 3-5 vjec, shumica e kalojnë, disa mbeten, disa u krijohet kompleksi i edipit. Kjo është e njohur tek Edi Rama. Elisa ky kompleks i stadit të tretë u ndodh edhe vajzave, problemi madhor që Frojdi e quan këtë është se e quan zilia falike tek vajzat.
Elisa Spiropali: Kush të mori me qira sot? Kanë filluar të marrin me qira tani. Të hedhin edhe ndonjë kocë këtej e andej gardhit për tu marrë me njerin dhe tjetrin. Ta kuptoj moshën dhe hallin. është e paimagjinueshme që një gjysh që duhet të ishte mbyllur me turp sot, del në foltore dhe përmend problemet e tij të rënda. Me që fole për të varfrit e Shqipërisë, ti që paguhesh nga pasanikët më të mëdhenj të Shqipërisë, ti që sulmon ata që nuk të japin favore, unë për ty kam vetëm dy fjalë: më vjen keq për katandisjen tënde. Ke qenë kryeministër dhe nga kryeministër snajperist, je kthyer në një snajper me qira. Ata që të përdorin, do të të lënë ashtu siç je i zhveshur nga cdo moral. Ku humbur Sali. e di që të ka mbetur në fyt kocka e Shkodrës.
TIRANË- Deputetja demokrate, Ina Zhupa gjatë fjalës së saj në Kuvend ka hedhur sërish akuza drejt qeverisë ku tha se ministrat e Ramës ndërrojnë vetëm kostumin, por i bahkon korrupsioni.
Zhupa tha se kontrollet e KLSH kanë nxjerr në pah abuzimet që Ogerta Manastirliu ka bërë në ministrinë e Shëndetësisë, dhe në vend që “qeveria ta çonte në SPAK, e promovon dhe e çon në krye të ministrisë së Arsimit”.
“E nisët me emërime dhe shkarkime ministrash që në fakt ndryshon vetëm veshja, por jo korrupsioni dhe stili i paligjshëm i emërimit të tyre. Kulmi nuk është Mete, por Ogerta Manastirliu. Si mundet kjo qeveri që zonjën ‘abuzimi’ siç thonë mesazhet që më vinin dje thoshin zonja ‘vrastare’, por unë nuk e përdor, por zonja ‘abuzimi’ është 100% e vërtetë sepse e thonë dhe kontrollet e KLSH. Në vend ta çonit në SPAK e bëtë ministre arsimi, për të shkatërruar arsimin. Një ministre që nuk thotë dot një sukses në krye të ministrisë së shëndetësisë, e promovoni”, tha ajo.
TIRANË- Kryetari i Partisë Demokratike, Sali Berisha ka kundërshtuar rritjen e pagavet të sistemit gjyqësor. Gjatë seancës së sotme plenare, ai u shpreh kundër rritjes së pagave për anëtarët e Gjykatës Kushtetuese, ndërsa theksoi se nisma për rritjen e pensioneve për pensionistët është qesharake.
“Ndonëse resurset e Malit të Zi janë më të pakta se ato të Shqipërisë, por çdo fjalë, çdo përpjekje e juaja për pensionistët, është kulmi i hipokrizisë.
Ju votuan këtu rritjen e rrogave të deputetëve me 3.8 mln lekë (të vjetra). Ju autorizuat deputetin që të marrë aq saç marrin në muaj 38 pensionistë. Në një akt ekstrem cinizmi dhe korrupsioni për të blerë gjykatën Kushtetuese, që sot sillet ndaj të drejtës kushtetuese si një organ që shkelmon atë aq saç është shkelmuar në atë gjykatë në 30 vite të marra sëbashku. Në një akt absurd, në një akt të hapur korruptiv, kërkoni të rrisni rrogat e tyre 7-8 mln. Unë po ju rikujtoj këtu se gjykatësi më i fuqishëm i botës, që është gjykatësi i Gjykatës Supreme të SHBA-ve, që ka në spektrin e saj çështjen kushtetuese, kreu i saj ka një rrogë vjetore 290 mijë dollarë. Presidenti i SHBA ka një rrrogë vjetore 400 mijë dollarë. Ju përcaktoni një rrogë për të blerë një tufë gjykatësish pothuajse dyfishi i rrogës së Presidentit të Republikës. Ju tregoni se nuk njihni hierarki shtetërore, por vetëm pazare me mafien. Si mund të jeni ju dakord kur flisni për pensionistët, kur i jepni një gjykatësi aq sa do të marrin 80 pensionistë në muaj. Çfarë është ky akt? Pse kaloni në këtë akt në paturpësi ekstreme. Pazari dhe vetëm pazari është qëllimi juaj dhe i Ramës. Ju jeni vetëm figura të tij.”, tha Berisha.
TIRANË-Ditën e sotme në Kuvend po zhvillohet seanca plenare e radhës Deputeti demokrat, Oerd Bylykbashi, tha gjatë fjalës së tij pensionet në Shqipëri janë të turpshme.
“Të gjithë ju jeni ndeshur në fushatë elektorale kur keni takuar qytetarët. Keni takuar njerëz, pensionistë… Personalisht më ka ndodhur, kur takova dikë që ankohej për pensionin 150 mijë të vjetra. Ishte një tjetër ngjitur. 150 tha, unë e kam 75 mijë lekë të vjetra. Pra ai ishte gjysmë e atij tjetri. Ne kemi pension minimal, për disa persona e kemi 78 mijë lekë të vjetra. Ky është një turp. Bëni një llogari të thjeshtë sa rrinë këta qytetarë që me atë pension t’u rrijë me dinjitet termi qytetar. Këta marrin diçka që nuk ka lidhje me dinjitetin e tyre njerëzor, si individ. Kjo republikë angazhohet për dinjitetin e njerëzve të vet. E dimë shumë mirë që minimumi jetik sot është afro 200 mijë lekë të vjetra”, tha Bylykbashi.
Deputeti demokrat tha se duhet të bëjmë një përpjekje që ti rrisim pensionet, meqë po rrisim paga e nëpunësve të lartë, duke marrë si shembull rritjen që propozohet t’u bëhet pagave të gjyqtarëve në Gjykatën Kushtetuese.
TIRANË- Deputeti i Partisë Socialiste Erion Braçe në fjalën e tij në Kuvend tha se nga data 1 tetor pensionet do të indeksohen me 8.6%.
“Që nga 1 tetori, e gjithë masa e pensionistëve do të marrin rritje 8.6 % që mbulon plotësisht normën e rritjen së inflacionit. Do të sjellë për 3 muajt në vijim 3.2 mln lekë plus, 32 mln dollarë. Ndërkohë që kjo rritje për vitin e ardhshëm do të transferohet tek pensionistet 121 mln dollarë, kjo është fatura e plotë. nga dhjetori që shkoi deri në 1 tetor janë 11.7 mln lekë më tepër që janë transferuar në buxhetet e tyre, që do t’i shtohet edhe bonusi i dhjetorit. janë para por që nuk mjaftojnë.. pensionistët meritojnë jo rritje të copëzuar por unike”, deklaroi ai.
TIRANË- Deputeti socialist Erion Braçe kërkon nga autoritetet greke që të realizojë një marrëvshje në mënyrë që të njihen sigurimet e shqiptarëve që punojnë dhe kontribuojnë në Greqi. Braçe tha se kjo e drejtë i takon edhe Fredi Belerit, teksa shtoi: Për punët e ndershme, jo për ato që ka bërë në errësirë.
PJESË NGA DEKLARATA E BRAÇES:
Situata nuk është rozë. Kemi dy probleme të mëdha, që i kemi me fqinjët tanë. E para është Greqia. Na duhet një marrëveshje me të për sigurimet, për sa kohë kemi një numër emigrantësh, punëtorët që kanë kontribuar dhe në ekonomi dhe në buxhetin e skemave të Greqisë, për sa kohë kanë paguar sigurimet atje. Nga të gjitha llogaritë, mendohet se nga Greqia duhet të përfitojnë 500 mijë shqiptarë.
Secili prej tyre ka kontribuar në Greqi dhe duhet të jetë pjesë e një marrëveshjeje që garanton pagesën e sigurime shoqërore edhe për ta. Deri sot të gjitha qeveritë i kanë lënë barrën vetëm kësaj qeverie, por ende nuk është në negociata, nuk bien dakord me Shqipërinë për këtë marrëveshje.
Greqia duhet ta kuptojë se është një çështje drejtësie për shqiptarët që kanë kontribuar në Greqi. Duhet ta garantojë edhe për punëtorët shqiptarë, siç e ka garantuar për punëtorët serbë. Besoj se e meritojnë dhe do të jetë legal, i ligjshëm, edhe për shtetasin Alfred Belerin, se dhe ai ka punuar në Greqi, po flas për punët e ligjshme dhe jo ato që ka bërë në errësirë.
TIRANË- Sipas deputetit të Partisë Demokratike, Gazment Bardhi, presidenti i vendit ka shkelur kushtetutën. Kjo pasi sipas Bardhit, presidenti ka sjellë në Kuvend dekretin për miratimin si Ministër i Financave të Ervin Mete, ende pa e shkarkuar nga posti si drejtor i AMF.
“Në kundërshtim flagrant me nen 103, presidenti ka dekretuar ministër një zyrtar publik që nuk mund të emërohej sepse ushtronte një funksion tjetër publik. Shkarkimi i Mete është bërë në seancën e të hënës, pasi presidenti e kishte dekretuar si ministër. Ka sjellë një dekret në kundërshtim flagrant me Kushtetutën. Ka bërë dekretim pa kryer verifikim formal nga anëtari i Këshillit të Ministrave”, tha Bardhi.
TIRANË- Gjatë seancës së sotme plenare, janë bërë të ditur disa ndryshime në komisione. Kryetarja e Kuvendit ka deklaruar se Merita Bakiu ka njoftuar largimin nga grupi Parlamentar Aleanca për Ndryshim, me kryetar Fatmir Mediun.
Mësohet se Bakiu do të bashkohet grupit të deputetëve që mbështesin Lulzim Bashën.
Ndërkohë grupit parlamentar “Aleanca për Ndryshim i është bashkuar një tjetër deputet, bëhet fjalë për Petrit Dodën./Dosja.al
TIRANË-Kuvendi i Shqipërisë ka votuar sot në seancën plenare për emërimin e dy ministrave të rinj, Ervin Mete dhe Delina Ibrahimaj.
Ervin Mete u emërua në krye të Financave dhe Ekonomisë me 74 vota pro dhe 30 kundër. Delina Ibrahimaj u shkarkua me 105 vota pro nga posti i ministres së Financave dhe Ekonomisë. Ajo u emërua ministre e Shtetit për Sipërmarrjen
