Dita e 50-të e revoltës qytetetare/ Shqiptarët vijojnë qëndresën në shesh: Rama në burg, Berisha në burg
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
• Një sherr mes një grupi policësh dhe një grupi qytetarësh është regjistruar mbrëmjen e djeshmë në Vlorë. • Mësohet se ngjarja ka ndodhur në orët e vona të mbrëmjes së djeshme në hyrje të Lungomares në Vlorë. • Më konkretisht bëhet me dije se sherri ndodhi rreth orës 01:30 minuta. • Nga videot e shpërndara në rrjet duket momenti kur një qytetarë dhe disa policë janë duke u konfliktuar. • Në video gjithashtu duket një polic i cili ka edhe një shkop gome i cili tenton të godasë qytetarin me të. • Ndërkohë policia ka reaguar në lidhje me sherrin ndërsa përmes një njoftimi bën me dije se janë vënë në pranga dy pronarët e monopatinëve. • Mësohet se dy të arrestuarit ushtronin aktivitetin e tyre pa licensë duke zaptuar hapësirën publike. • Më tej bëhet me dije se janë në kërkim dy persona pasi ata kanë goditur me grushta punonjësit e policisë. • Raportohet se efektivët ndodhen në spital pasi kanë marrë fraktura nga dhuna. • Mësohet se ngjarja ka ndodhur gjatë komunikimit të kundravajtjes dhe gjobës. • Në një moment të arrestuarit janë afruar dhe kanë debatuar verbalisht me punonjësit duke i kundërshtuar e më pas i kanë goditur me grushta.
3 artikuj për këtë temë.
VLORË- Policia ka reaguar në lidhje me sherrin e regjistruar mbrëmjen e djeshme në Vlorë. Në njoftim bën me dije se janë vënë në pranga dy pronarët e monopatinëve. Mësohet se dy të arrestuarit ushtronin aktivitetin e tyre pa licensë duke zaptuar hapësirën publike.
Ndërkohë më tej bëhet me dije se janë në kërkim dy persona pasi ata kanë goditur me grushta punonjësit e policisë. Raportohet se efektivët ndodhen në spital pasi kanë marrë fraktura nga dhuna.
Mësohet se ngjarja ka ndodhur gjatë komunikimit të kundravajtjes dhe gjobës. Në një moment të arrestuarit janë afruar dhe kanë debatuar verbalisht me punonjësit duke i kundërshtuar e më pas i kanë goditur me grushta.
Njoftimi i plotë:
Vlorë/ U konfliktuan fizikisht me punonjësit e qarkullimit rrugor, vihen në pranga 2 shtetas pronarë të një subjekti, për dhënien me qera të mjeteve elektrike. 2 të arrestuarit ushtronin aktivitetin e tyre pa licensë duke zaptuar hapësirën publike. Punohet për kapjen dhe nxjerrjen përpara përgjegjësisë penale të shtetasve të tjerë të cilët goditën punonjësit e Policisë gjatë detyrës.
Mbrëmjen e djeshme në Lungomare, punonjësit e qarkullimit rrugor të planizuar në këtë aks, gjatë kontrolleve të ushtruara për përdorimin e kaskave tek motorët elektrikë dhe monopatinat, kanë konstatuar shtetasin D. J., në kundravajtje, të cilin e kanë ndaluar. Gjatë komunikimit të kundravajtjes dhe masës administrative, janë afruar dy pronarët e subjektit ku shtetasi D. J. kishte marrë motorin elektrik me qera, konkretisht shtetasit R. P. dhe K. P., të cilët së bashku me shtetas të tjerë kanë debatuar verbalisht me punonjësit duke i kundërshtuar e më pas i kanë goditur me grushta. Si pasojë e konfliktit, dy punonjës policie aktualisht ndodhen në spitalin e Vlorës, pasi kanë pësuar fraktura, jashtë rrezikut për jetën.
Në vijim të veprimeve proceduriale, në bashkëpunim me Prokurorinë pranë Gjykatës së Shkallës Parë Vlorë, oficeri i Prokurorisë ka bërë ndalimin e dy shtetasve R. P., 29 vjeç dhe K. P., 23 vjeç, (vëllezër), të cilët goditën punonjësit e Policisë gjatë detyrës. 2 shtetasit e arrestuar, pronarë të subjektit për dhënien me qera të mjeteve elektrike, gjithashtu kanë rezultuar se e ushtronin këtë aktivitet pa licensë, duke zaptuar hapësirën publike.
Po në vijim të veprimeve u bë shpallja në kërkim dhe vijon puna për kapjen dhe nxjerrjen përpara përgjegjësisë penale të shtetasve të tjerë të përfshirë në këtë konflikt. Materialet iu referuan Prokurorisë, për veprime të mëtejshme. Policia e Vlorës u bën thirrje qytetarëve që të respektojnë ligjin dhe t’i përgjigjen urdhrave të punonjësve të Policisë për të shmangur incidente të tilla të papranueshme. Bashkëpunimi me Policinë është thelbësor për të garantuar sigurinë dhe rendin publik në qytet.
VLORË- Një sherr mes policisë dhe një personi në Vlorë ka agravuar edhe në konfrontim fizik. Ngjarja u regjistrua mbrëmjen e djeshme në zonën e Lungomares në Vlorë ndërsa në rrjet u shpërndanë pamje nga përleshja.
Në fillim nuk dihej shkaku i sherrit ndërsa tani janë zbardhur detaje nga konflikti i mbrëmshëm. Mësohet se punonjësit e policisë kanë qenë në detyrë në Pedonale dhe kanë gjobitur qytetarin i cili është i përfshirë në sherr.
Pas marrjes së gjobët pronari e pikës së monopatinave ka reaguar ashpër duke sjellë përplasje me efektivët e policisë. Më tej bëhet me dije se pronarët e monopatinëve ushtronin veprimtarinë e tyre në paligjshmëri duke zaptuar hapësirën publike.
Gjithashtu bëhet me dije se dy prej tyre janë arrestuar ndërkohë që dy të tjerë janë ende në kërkim. Po ashtu mësohet se bashkia ka pezulluar aktivitetin e biznesit.
VLORË- Një sherr mes një grupi policësh dhe një grupi qytetarësh është regjistruar mbrëmjen e djeshmë në Vlorë. Mësohet se ngjarja ka ndodhur në orët e vona të mbrëmjes së djeshme në hyrje të Lungomares në Vlorë. Më konkretisht bëhet me dije se sherri ndodhi rreth orës 01:30 minuta.
Nga videot e shpërndara në rrjet duket momenti kur një qytetarë dhe disa policë janë duke u konfliktuar. Në video gjithashtu duket një polic i cili ka edhe një shkop gome i cili tenton të godasë qytetarin me të. Gjithashtu në sherr ndërhyjnë edhe disa qytetarë të tjerë të cilët mundohen të qetësojnë situatën. Ende nuk dihen shkaqet e kësaj përplasjeje, por dyshohet që konflikti të ketë nisur për sekuestrimin e disa monopatinave.
